Më parë edhe me Bedri Grecën nuk u rinovua kontrata. Turtulli ka qenë titullar i rregullt në dy sezonet e fundit me bardheblutë. Vjet ai luajti 23 ndeshje në kampionat dhe shënoi një gol. Tashmë duhet të mendojë për të ardhmen, larg kryeqytetit. Ofertat nuk i mungojnë.

Edhe pse mbrojtësit e qendrës janë të paktë te Tirana, gjasat janë që bashkëpunimi të mbyllet edhe me mbrojtësin Jurgen Goxha. Ky i fundit, para pak kohësh u gjobit për shkak të një gafe të bërë në rrjetet sociale. Ish-lojtari i Erzenit, iu bashkua bardhebluve në janar dhe luajti në 12 ndeshje (6 titullar). Sezoni i ri pritet ta gjejë në skuadër tjetër.

Bedri Greca gjithashtu pritet të nënshkruajë me Gjilanin në Kosovë, ndërkohë që janë edhe dy futbollistë të tjerë të cilët thuhet se nuk do të jenë pjesë e Tiranës në sezonin e ardhshëm.

Një nga ish-lojtarët e bardhebluve, Elvis Sina, i ftuar në emisionin “Rubrika Sportive” në RTSH është shprehur se Eni Imami dhe Marvin Turtulli nuk do të jenë pjesë e Tiranës në vazhdim. Nga ana e klubit ende nuk ka asnjë njoftim zyrtar mbi largimet e bëra.

Vincent Atinga, i cili është aktivizuar në 16 ndeshje me fanellën bardheblu, nuk do të jetë pjesë e Tiranës në sezonin e ardhshëm. Nga qendërmbrojtësit e tjerë, dy prej tyre u kanë përfunduar kontratat. Bëhet fjalë për Marvin Turtullin dhe Eni Imamin.

Ky i fundit ka luajtur në 30 ndeshje në kampionat, kurse tjetri 23. E ardhmja e tyre te Tirana është në dyshim. Në klub po mendohen mirë në lidhje me të ardhmen e këtyre dy futbollistëve. Gjithsesi shumë gjëra do të varen edhe nga çështja e trajnerit.

Ardian Mema me shumë mundësi do të mbetet në krye të bardhebluve dhe nëse kjo ndodh, ai do të thotë fjalën e fundit për lojtarët në fjalë dhe për të tjerë që janë në listën e pritjes për të rinovuar kontratat.

Marvin Turtulli, shtatlarti i prapavijës, u ndëshkua me karton të verdhë në derbi. Për të ishte i katërti dhe tashmë duhet të shlyejë pezullimin. Mbrojtësi prej javësh po ruhej që të mos ndëshkohej, por në derbi nuk mund të kursehej.

Trajneri Mema ka disa alternativa për mbrojtjen, teksa në ekip janë lojtarë si Vincent Atinga, Jurgen Goxha dhe Klisman Cake. I pari ka më shumë shanse për ta nisur nga fillimi kundër Kastriotit. Gjithsesi gjithçka do të vendoset gjatë ditëve në vijim, kur edhe Tirana do të zbresë në fushë për t’u përgatitur.

Ky i fundit, e ka nisur kështu: “Unë jam në dispozicion sa herë që është nevoja, gjithmonë jam i gatshëm. Na duhej shumë kjo fitore, kemi punuar shumë edhe nga ana psikologjike. Të gjithë kemi qenë të përqendruar dhe të karikuar për të fituar me çdo kusht. Po ta shikoni, edhe tifozët na kanë ndihmuar shumë me praninë e tyre”.

Ndryshimet në mbrojtje – “Ishte mirë, ekipi tjetër nuk na rrezikoi shumë. Nuk kishte shumë raste që të na rrezikonte. Loja foli për ne sot. Mospësimi i golit? Me thënë të drejtën duhet të punojmë fort që të mos pësojmë gola, por nuk është vetëm reparti i mbrojtjes, por i gjithë ekipi duhet të punojë shumë. Analizat i bën trajneri, nuk është se na takon ne. Ne duhet të japim maksimumin, kaq kemi si detyrë”.

Ngërçi dhe objektivat – “Shpresoj që e kemi kaluar ngërçin, por për se ku shkon Tirana nuk më takon mua të flas. Mund të flasë trajneri, drejtuesit. Unë si Turtull mundohem të jap maksimumin tim sa herë më kërkohet”.

Qëndrimi jashtë formacionit– “E vështirë është, nuk ka lojtar që e pranon stolin. Unë kam luftuar e punuar fort. Besoj se jam rikthyer më i fortë”.

ENI IMAMI – Më parë Ze Maria e kishte pozicionuar në qendër, ndërkohë që tanimë të njëjtën gjë bëri edhe Mema. “Uroj që ta kem ndihmuar ekipin, pasi trajneri kur të bëjmë analizën do më japë të dhënat se si kam qenë gjatë ndeshjes. Uroj që të kemi bërë një ndeshje të mirë. Vet e di që kam bërë një ndeshje të mirë. Uroj  të vazhdojmë kështu, unë së bashku me shokët e mi, pasi kemi zhvilluar një ndeshje fantastike kundër një ekipi fantastik që është pretendent për titullin kampion”.

“A funksionoi skuadra me ndryshimet e bëra? Mendoj që të gjithë lojtarët janë të gatshëm dhe ato që janë ulur në stol nga ndeshja e kaluar. Kanë zhvilluar lojëra shumë të mira, por ka qenë mungesa e pikëve, ajo që ndoshta i ka penalizuar ato lojtarë. Por janë lojtarë që mund të luajnë në çdo ekip të kampionatit shqiptar. Te Tirana janë shumë të rëndësishëm”.

“Në çdo ndeshje, është e vërtetë ajo që ka thënë trajneri, që ka pasur mungesë përqendrimi dhe papërgjegjshmërie. Mendoj që nga ndeshja në ndeshje uroj që të ngrihemi më lartë dhe ato gabime të mos përsëriten më. Ka edhe goxha ndeshje, është gjysma e kampionatit dhe…

“Më mirë në qendër të mbrojtjes? Të them të drejtën edhe kur bën ndeshje të mira si mbrojtës i majtë, thonë që je për aty. Por edhe qendra e mbrojtjes është një pozicion që më pëlqen. Uroj të vazhdojmë kështu dhe të kemi një ecuri pozitive”, përfundoi Imami.

Edhe pse ka luajtur titullar vazhdimisht, pas humbjes me vlonjatët Mema ka pasur kritika për të dhe për momentin Vinsent Atinga mund të zërë vendin e tij. Por ka edhe një lëvizje tjetër në mesfushë. Edon Hasani nuk mund të luajë në sulm.

U provua në ndeshjen me Flamurtarin dhe eksperimenti nuk rezultoi i suksesshëm. Ai që sakrifikohet është Toni Mauexhe. Daja dhe Karabeci do të luajnë së bashku në qendër, kurse shkodrani para tyre. Sulmi ëshët dilema e madhe.

Me Ngo të pezulluar, Sentamu shikohet për momentin si zgjidhja më e mirë. Dejan Blazhevski vijon me seancat e fizioterapisë dhe duke parë situatën zor se do të jetë gati. Ndeshja me Kamzën zhvillohet nesër dhe nuk mund të rrezikohet me të.

Rreth minutës së 40-të Turtulli u dëmtua dhe në fushë në vend të tij u fut Cake. Mjekët do të shohin gjendjen e qendërmbrojtësit dhe shpresohet që të mos ketë diçka interesante. Me fillimin e pjesës së dytë Ze Maria bëri një lëvizje fillimisht dhe rezultoi efikase.

Kërçiku, i cili zuri vendin e Dokës, arriti të japë asistin e golit të parë. Krosi i anësorit të djathtë u kthye në gol nga Blazhevski. Maqedoni realizoi me një gjysmëroveshatë dhe Tirana e pa veten në avantazh.

Në këtë takim debutoi edhe Edon Hasani. Mesfushori shkodran e nisi me këmbën e mbarë, pasi me një goditje në hyrje të zonës arriti ta dërgojë sferën në trekëndësh, duke dyfishuar shifrat. Me rezultatin 2-0 u mbyll krejt takimi, por sigurisht që Tirana ka ende punë për të bërë.

Miqësore – E mërkurë, 25 korrik, ora 17:00

Tirana-Apolonia 2-0
Shënues: Blazhevksi 55’, Hasani 89′

Tirana: Lika (Abibi 62′), Doka (Kërçiku 46’), Atinga (Ismailgeci 62′), Turtulli (Cake 40’), Doka, Daja (Hasani 79”), Mauexhe, Karabeci, Kobinah, Greca, Blazhevski

Apolonia: Harizaj, Sota, A. Prifti, Nako, Buzi, Hidersha, Mihana, K. Mehmeti, Hysenshahaj, Mone, Gjata