Martino

Tata Martino lë Amerikën si kampion, firmos në Meksikë

Sport Ekspres — Mon, 17 Dec 2018 22:55:08 +0000

Gerardo “Tata” Martino do të jetë trajneri i Meksikës dhe marrëveshja është arritur tashmë, gjë që është konfirmuar nga presidenti i Federatës Meksikane të Futbollit, Jon de Luisa.

Martino para pak javësh doli kampion në Shtetet e Bashkuara të Amerikës me Atlantan, duke u konfirmuar një ndër trajnerët më të mirë në Amerikë.

Prezantimi do të bëhet në janar dhe Martino do të firmosë kontratë deri në Kupën e Botës 2022, për 2.2 milionë dollarë në vit.

Meksika ka biseduar me mbi 20 kandidatë në muajt e fundit, por shpenzoi shumë për një trajner të nivelit të lartë, pasi prej USA 1994 ndalet në 1/8-at e finaleve në Kupën e Botës.

Tata Martino i jep fund në Amerikë, rikthehet në stolin e një kombëtareje

Sport Ekspres — Wed, 24 Oct 2018 15:42:31 +0000

Ish-trajneri i Barcelonës dhe Argjentinës, Tata Martino, ka bërë një punë të shkëlqyer në kampionatin amerikan, ku drejton skuadrën e “Atlanta United”. Gjatë ditës së sotme, zyrtarë të klubit amerikan zbuluan se argjentinasi ka refuzuar rinovimin e kontratës e do të largohet në muajin dhjetor.

Destinacioni i ri i Tata Martinos do të jetë Meksika. Federata e përfaqësueses “trikolore” është e gatshme të bëjë një çmenduri financiare për ta bindur 55-vjeçarin të firmosë një marrëveshje afatgjatë.

Sipas medieve meksikane Martino ka kërkuar kontroll absolut në çdo aspekt të kombëtares, madje ai kërkon që në ekipet e moshave të Meksikës të vendosen trajnerë të përzgjedhur nga vetë ai. Nëse mes palëve gjendet akordi, Martino do të bëhet një ndër trajnerët më të paguar në nivel kombëtaresh me një pagë vjetore prej 4 milionë dollarësh në sezon.

Argjentina gjen pasuesin e Sampaolit, ish-trajneri pranë rikthimit

Sport Ekspres — Wed, 19 Sep 2018 16:55:45 +0000

Federata e futbollit të Argjentinës duke se nuk ndërmend t’i japë një shans trajnerit të pëkohshëm të kombëtares Lionel Skalionit. Sipas raportimeve në mediet argjentinase, gjatë ditëve të fundit ka pasur një takim midis kreut të federatës, Çiki Tapia dhe teknikut të njohur argjentinas Gerardo Martino, i njohur ndryshe si Tata Martino.

Ish-trajneri i Barcelonës, tani punon në Amerikë, ku është trajneri i skuadrës së Atlanta Junajtid. Marrëveshja midis palëve do të jetë e vështirë për t’u arritur, pasi tekniki argjentinas ka një kontratë afat gjatë me ekipin amerikan.

Por “ngërçi” mund të zgjidhet me anë të një marrëveshje, ku Martino mund të jetë në gjendje të trajnojë të dyja klubet njëkohësisht. Duhet theksuar se Martino ka qenë trajneri i dy herë kampionëve të botës gjatë viteve 2014-2016.