Dy gola në Kamza-Kastrioti, por në fund nuk ka fitues

Sport Ekspres — Wed, 16 Jan 2019 14:16:59 +0000

Kamza dhe Kastrioti janë përplasur në një miqësore sot, sfidë e cila është zhvilluar në periferi të kryeqytetit dhe është mbyllur në baraspeshë totale mes dy ekipeve.

Në pjesën e parë, nuk kishte gola dhe skuadrat ishin disi më të kujdesshme. Gjithsesi, me fillimin e së dytës, të dyja ekipet gjetën rrugën e rrjetës. Fillimisht, ishte Kastrioti që kaloi në avantazh.

Djemtë e drejtuar nga Bledar Devolli gjetën rrjetën me anë të Vatnikaj, i cili duket në një formë shumë të mirë. Vetëm pesë minuta nga fillimi i së dytës dhe skuadra krutane e sheh veten në epërsi.

Gjithsesi, ky avantazh nuk do të zgjaste shumë, pasi sulmuesi argjentinas i Kamzës, Martinena do të barazonte gjithçka. Ky gol i bomberit do të vendoste dhe rezultatin përfundimtar të takimit, që u mbyll 1-1.

Miqësore, 16 janar 2019, Kamëz

Kamza – Kastrioti 1-1
Shënues: Martinena / Vatnikaj 50’

VIDEO | Kamza, reklamë “blerjes” së fundit me një supergol

Sport Ekspres — Thu, 02 Aug 2018 10:36:00 +0000

Kamza njoftoi dje largimin e mbrojtësit agor Çukoviç, por nga ana tjetër zyrtarizoi afrimin e Xhuljan Turhanit, i cili në Shqipëri është aktivuar me Shkumbinin dhe Elbasanin. Sezonin e fundit ai provoi një eksperiencë të re me Llapin në Kosovë, ndërkohë që tanimë rikthehet në Shqipëri.

Por “goditja” e Kamzës mund të konsiderohet sulmuesi Nestor Martinena, më të cilin bisedimet nisën dhe u konkretizuan shumë shpejt. Argjentinasi ka luajtur më parë në Superiore me Dinamon dhe ka lënë përshtypje të mira.

Kjo ka bërë që Kamza t’i bënte një ofertë dhe dje e zyrtarizuan afrimin e tij. Kjo normalisht që konsiderohet një “goditje” për ta, ndaj edhe e kanë reklamuar disi me postimin e një goli që Martinena shënonte me fanellën e Dinamos me roveshatë.