Martin Odegard

“Reali më ndoqi nga afër, Zidan është arsyeja pse firmosa”

Sport Ekspres — Tue, 23 Jul 2019 17:28:08 +0000

Real Madridi e mori vetëm 16 vjeç si një prej talenteve më të mëdhenj të gjeneratës së re. Martin Odegard po rritet me shumë kujdes si një “diamant i çmuar” i madrilenëve dhe po vëzhgohet me shumë vëmendje përparimi i tij.
20-vjeçari nuk është zgjedhur të qëndrojë me ekipin e dytë madrilen, por është huazuar në Holandë e tani në Spanjë te Real Sociedad. Te baskët do qëndrojë dy vite dhe zbulon se ka rinovuar kontratën me Realin. Shton se Reali e sheh me vëmendje situatën e tij dhe shpesh dërgonin skautë për ta parë nga afër yllin norvegjez. Zidan është i rëndësishëm për të.

“Qëllimi është rritem me Real Sociedad dhe të arrij të luaj më pas me Realin. Më janë ofruar skuadra që luajnë në Champions apo Europa League, por e rëndësishme për mua ishte të luaja dhe të ndihesha rehat. Real nuk ndikoi në zgjedhjen time. Vitet në Holandë ishin shumë të mira. Real shumë shpesh i pa nga afër ndeshjet e mia. Ideja është të qëndroj në Sociedad për 2 vjet. Kam një kontratë me Real Madridin, e kisha zgjatur atë para se të vija në ‘San Sebastian’. Zidane është një trajner i madh. Puna e tij trajner i skuadrës së parë, duke fituar 3 Champions League, është e jashtëzakonshme. Edhe në ekipin B, mësova shumë prej tij. Kjo është një nga arsyet pse zgjata bashkëpunimin me Real Madridin”, përfundoi Odegard.

Reali rinovon me talentin 20-vjeçar, kthehet në vitin 2021

Sport Ekspres — Thu, 04 Jul 2019 09:49:18 +0000

Martin Odergard ka rinovuar kontratën e tij me Realin e Madridit. Talenti norvegjez do të jetë pronë e klubit spanjoll të paktën deri në vitin 2023. Vitin e ardhshëm 20-vjeçari do të jetë pjesë e Real Sociedad, me Realin që do paguajë të gjithë pagën e lojtarit.

Në kontratën e huazimit nuk përfshihet e drejta e blerjes nga klubi bardhekaltër. Odegard është një nga talentet më premtues që Reali ka në zotërim. Norvegjezi është blerë për gati 3 milionë euro në vitin 2015.

Gjatë kësaj kohe ai është huazuar dy herë në Holandë. Herenven ishte skuadra e parë që i hapi dyert. Sezonin e fundit e kaloi te Vitese, ku shpërtheu, duke qenë një nga elementet më të mirë të skuadrës, që luan në Eredivise.

Odegard lë përsëri Realin, norvegjezi me ekip të ri!

Sport Ekspres — Thu, 20 Jun 2019 12:38:38 +0000

Martin Odegard padyshim është një ndër emrat më të njohur në futboll, pasi shihet si një prej lojtarëve më premtues. Norvegjezi u mor me bujë nga Reali në vitin 2015, kohë kur Odegard numëronte vetëm 16 vjeç.

Tashmë, mesfushori i avancuar është pjekur si lojtar dhe diçka të tillë e konfirmoi sezoni fantastik me Vitesen në Holandë. Odegard është gati për kapërcimin e madh dhe duket se destinacioni i radhës do të jetë Bajer Leverkuzeni.

Lajmi është raportuar nga mediat gjermane, të cilat e konsiderojnë të kryer transferimin e 20-vjeçarit në Bundesligë. Ende nuk janë bërë me dije shifrat, por diçka duket e sigurt, Odegard do të lërë Realin për Leverkuzenin.

“Kushton sa gjithë klubi ynë”, Advokat i mrekulluar nga madrileni

Sport Ekspres — Fri, 24 May 2019 07:47:21 +0000

Emrin e Martin Odegard kishim kohë pa e dëgjuar. Talenti norvegjez është blerë te Reali i Madridit që në moshen 16-vjeçare. “Los Blancos” e kanë parë të arsyeshme ta huazojnë në “Eredivise”. Vitese ka qenë ekipi që ka pasur fatin të përfitojë nga talenti i tij.

Me ekipin holandez këtë vit ai është ndalur në shifrën e 11 golave dhe 12 asisteve. Odegard ka qenë një element thelbësor në kualifikimin e Viteses ne fazën e “Play-Off” për një vend në Europa League.

Ne gjysmëfinalen ndaj Groningen ai i dha kualifikimin me golin dhe dy asistet e tij, me ndeshjen, që përfundoi me rezultatin 3-1. Vitese do të ndeshet në finale me Utrehtin e drejtuar nga Dik Advokat. Trajneri holandez “ngre” në qiell talentin holandez kur shprehet se Zoti ka dhuruar një talent të madh.
“Martin është një talent i jashtëzakonshëm, një dhuratë nga Zoti. Ai do të kushtonte 20-25 milionë euro. Aq kushton i gjithë klubi i Vitese. Është lojtar, që ke kënaqësinë ta shikosh. Ti mendon se ai nuk ka ku të shkojë, bën një lëvizje spektakolare, pastaj një tjetër dhe del i lirë para portës. Këto lloj lojtarësh vendosin ndeshjet”, u shpreh Advokat për yllin e Realit.

VIDEO | Odegard mesazh Realit, paraqitje dhe statistika të frikshme

Sport Ekspres — Sun, 21 Apr 2019 09:32:58 +0000

Martin Odegard duket në formë të shkëlqyer këtë sezon. Norvegjezi, i cili u transferua me bujë para katër vitesh te Reali i Madridit, po bën mjaft mirë me Vitese, ku është i huazuar.

Ditën e djeshme, Vitesja e tij shkatërroi me shifrat 4-1 Zvolen në shtëpi, me Odegard që dhuroi tre asist dhe pati një paraqitje fantastike. Edhe pse që nga minuta e 29-të vendasit luanin me 10 lojtarë, arritën të triumfonin, duke shënuar tre herë në pjesën e dytë.

20-vjeçari ishte lojtari që krijoi më shumë raste në sfidën e djeshme. Driblimet e suksesshme ishin plot 10, më shumë se çdokush në atë takim, si dhe duelet e fituara 17, përsëri më shumë se çdokush. Padyshim forma e norvegjezit do të bëjë që Reali të mendohet në verë, në rast se do ta largojë përsëri në huazim…

Martin Ødegaard insane stats from today despite Vitesse playing with 10 men. He is so clear above everyone its unbelievable.

Assists: 3
Most created chances (9)
Key passes: 6
Most duels won (17)
Most successful dribbles (10)
Ball recoveries: 12
Interceptions: 3 pic.twitter.com/GAmlSGi9W5

— Andres (@otfbravo) April 20, 2019

VIDEO | Motivim ekstra për Ajaksin, Odegard dhe një “ish” i japin kreun

Sport Ekspres — Sun, 07 Apr 2019 16:55:11 +0000

Ajaksi i Amsterdamit është rikthyer në krye të tabelës së “Eredivisie” pas muajsh ndjekje ndaj PSV-së. Fitorja e djeshme ndaj Uillem II, ka rritur shumë presionin te rivalët për titull që u ndalën ditën e sotme me një barazim të çmendur 3 – 3 në transfertën ndaj Viteses.

Goli i parë për vendasit u shënua nga Tulani Serero, një ish-lojtari i Ajaksit, ndërsa goli dytë u realizua nga talenti norvegjez Martin Odegard, i cili është i huazuar në këtë skuadër nga Reali Madrid.

Ajaksi merr kryesimin e tabelës dhe pse me pikë të barabarta: 71. Epërsia u takon kryeqytetasve për shkak të golavarazhit +74 ndaj +65 të PSV-së. Kampionati holandez ka dhe pesë raunde deri në përfundim.

Vitese 3 – 3 PSV
Shënues: Serero 13′, Odegard 59′, Matavz 83′ / Lozano 41′ (pen), 91′ (pen), De Jong

Standings provided by Sofascore LiveScore

Odegard: Jam gati për Realin, në verë vendoset e ardhmja ime

Sport Ekspres — Fri, 22 Mar 2019 20:26:23 +0000

Martin Odegard vazhdon të ëndërrojë rikthimin te Reali i Madridit. Talenti norvegjez për dy vite e gjysmë ka qenë i huazuar fillimisht te Herenven e më pas te Vitese. Këtë sezon 20-vjeçari ka qenë një ndër më të mirët në skuadrën e tij dhe ndoshta paraqitjet e tij mund të kenë bindur drejtuesit e “Los Blancos” për t’i dhënë një shans sezonin e ardhshëm.

Në një intervistë për medien spanjolle “AS”, Odegard shpjegoi se në fund të sezonit do t’i duhet të vendosë për hapin e radhës në karrierën e tij.

“Ka shumë opsione për të ardhmen time. Do të më duhet të flas me drejtuesit e klubit në përfundim të sezonit. Momentalisht jam i fokusuar të bëj më të mirën te Vitese. Siç e thashë ende nuk ka folur me Realin dhe nuk e di se çfarë planesh do kenë ato për mua”.

“Pas disa muajsh huazimi im do përfundojë dhe do vijë momenti për t’u takuar. Për mua ka rëndësi që jem pjesë e Realit dhe të marr shumë minuta, e di që është e vështirë. Gjithsesi vendim përfundimtar do të bëhet për të mirën e të dyja palëve”, përfundoi Odegard.