Martin Caceres

“Nuk do ju harroj kurrë”, konfirmohet largimi nga Juventusi

Sport Ekspres — Mon, 17 Jun 2019 14:55:17 +0000

Martin Kaseres përshëndetet për herë të tretë me Juventusin. Mbrojtësit uruguaian i përfundoi kontrata me bardhezinjtë dhe tani është një lojtar i lirë.

32-vjeçari po luan Kupën e Amerikës me Uruguain e tij, ndërsa sot ka lajmëruar ndarjen me kampionët e Italisë. Pavarësisht se më shumë ka qëndruar në pankinë sesa ka zbritur në fushë, Kaseres është ndër të preferuarit e tifozërisë për faktin që ka qenë gjithmonë gati për Juventusin.

“Nuk do ju harroj kurrë”, shprehet mbrojtësi, i cili ka postuar një foto të bukur me dy fëmijët. Njëri ka lindur e tjetra është rritur në Torino, një vend me të cilin lojtari latin është shumë i lidhur.

View this post on Instagram

Famiglia tutta Bianco Nera ???? León propio nato a Torino e Juventino. Martina vita intera a Torino ?? Non mi dimenticherò mai… ??????

A post shared by Martín Cáceres (@martincaceres_7) on Jun 16, 2019 at 11:09pm PDT

Zbarkon në Torino, Juventusi rikthen një “ish”

Sport Ekspres — Sat, 26 Jan 2019 10:38:01 +0000

Juventusi nuk humbet kohë në merkato. Bardhezinjtë e kanë gjetur zëvendësuesin menjëherë zëvendësuesin e Medhi Benatias, i cili zgjodhi Katarin për të vijuar karrierën e tij. Pak momente më parë, Martin Kaseres, ka zbarkuar në Torino, për të kryer vizitat mjekësore dhe më pas do të hedhë firmën në kontratë.

Urguajani vjen nga Lacio dhe ky është rikthimi i dytë te Juventusi për të. Pas sezonit 2009/2010, Kaseres u rikthye në Torino në vitin 2011, ku qëndroi për pesë vite të tjera me ekipin bardhezi. Tani, pas eksperiencave me Sauthemptonin, Veronën dhe Lacion, ka vendosur të bashkohet përsëri me “zonjën e vjetër”.

Martin #Caceres è al #JMedical. Il difensore uruguaiano è arrivato questa mattina per sottoporsi alle visite mediche pic.twitter.com/F4NEjNMW7S

— JuventusFC (@juventusfc) January 26, 2019

Sipas atyre që thuhet në mediat italiane, besohet se marrëveshja me Lacion do të mbyllet për 600 mijë euro.