Sipas “Daily Mail”, trajneri Ole Gunar Solskjaer i është “përveshur” sulmuesit francez Antoni Marsial, i cili ka qenë një ndër lojtarët më zhgënjyes tek “gjiganti” anglez në këto javët e fundit.

Forma e dobët e francezit mbështet edhe nga statistikat ku ai është ndër  lojtarët që vrapojnë më pak te “djajtë  e kuq” duke regjistruar një mesatare prej 8.45 kilometrash të përshkruara në 90 minuta.

Në mënyrë ironike kjo sjellje e lojtarit vjen fill pas nënshkrimit të një kontrate të re afatgjatë nga e cila 23-vjeçari është kthyer në një ndër lojtarët më të paguar në ekip me një pagë 11 milionë paundësh në sezon.

Përveç faktit që tani kualifikimi për në Champions është bërë një “mision i pamundur” një pasojë tjetër e rëndë e përballjes ndaj francezëve ishin dhe dëmtimet e sulmuesve anësorë Antoni Marsial dhe Xheni Lingard.

Të dy lojtaret kryen zëvendësime të detyruara pas tërheqjeve muskulore. Ka qenë vetë trajneri i Mançester Junajtid, ai që ka zbuluar para medieve se të dy futbollistëve do t’u duhen dy ose tre javë për t’u rikthyer në stërvitje me pjesën tjetër të grupit.

Ole has an update on the fitness of @JesseLingard and @AnthonyMartial. #MUFC

— Manchester United (@ManUtd) February 15, 2019

Lingard e Marsial humbasin takimin e “FA Cup” ndaj Çelsit, përballjen kundër Liverpulit dhe Sauthemptonit në kampionat dhe me shumë gjasa dhe ndeshjen e kthimit ndaj PSG-së më datë 6 mars.

Solskjaer – “Kur trajneri i ri erdhi në ekip, ai kishte shumë besim dhe vendosmëri. Kjo ishte një shtysë e madhe për ne. Po përpiqemi që t’ia kthejmë mbrapsht. Çdo gjë po shkon mirë për momentin. Ai na kërkuar të sulmojmë më shumë, të jemi më shumë vendimtarë e të bëjmë diferencën. Ne shpresojmë që të vazhdojmë të luajmë kështu dhe në nivelet më elitare. Jemi shumë të lumtur që e kemi këtu atë dhe dëshira jonë është që të vazhdojmë me të, por kjo nuk varet nga ne”.

PSG – “Ata kanë disa mungesa dhe kjo sigurisht që është në avantazhin tonë, por ata kanë shumë lojtarë të rinj që do t’u zënë vendin. Është e sigurt që do të jetë një ndeshje e madh, shpresoj që t’ia dalim të fitojmë”

POGBA – “Poli është Poli. Ai ka një talent të pamasë. Ai është një ndër lojtarët më të mirë në planet dhe po e tregon këtë ndeshje pas ndeshje. Besoj se do të bëjë akoma më mirë në ndeshjet në vazhdim dhe kjo do ta na ndihmojë shumë”, përfundoi Marsial.

“Marsial është një lojtar fantastik dhe cilësitë e tij dihen. Është e vërtetë ajo që thoni ju, ai nuk shënon shumë gola. Me kualitetet që ka duhet të shënojë më shumë. I kam kërkuar të jetë më pranë portës, por ai preferon të driblojë. Duhet të më ngjajë mua, të shënojë dhe ai disa gola me portë bosh (qesh)”,- u shpreh Solksjaer.

Sulmuesi i krahut ka qenë një ndër lojtarët më të spikatur të “djajve të kuq” këtë sezon me tetë gola dhe një asist. Francezi ka pasur një raport tejet të keq me teknikun portugez Zhoze Murinjo, por me emërimin e Ole Gunar Solskjaer në krye të pankinës së “djajve të kuq” situata ka ndryshuar krejtësisht.

Në qershorin e vitit të kaluar, agjenti i futbollistit u shpreh se lojtari i tij dëshironte të largohej nga Anglia dhe për francezin pati interes të lartë nga Bajerni i Mynihut dhe Juventusi.

Një tjetër pikë që ka ndikuar në këtë vendim të Marsial është dhe fakti që nuk më konkurrencë midis tij dhe të riut anglez Markus Rashford, pasi ky i fundit nuk po aktivizohet më në krahët e sulmit, pasi Solskjaer e vendosur në qendër, duke ulur në stol Antoni Marsial.

Merkato e janarit nuk duket se do të ketë prurje të reja për skuadrën e Solskjaer, por lajmet e mira nuk mungojnë. Sipas medies franceze “TF1”, drejtuesit e klubit kanë arritur akordin për rinovimin e kontratës së sulmuesit francez Antoni Marsial.

Kontrata aktuale e 23-vjeçarit skadon në fund të këtij sezoni (Junajtid mund ta zgjasë edhe për një vit më shumë), dhe ofertat nga klubet e tjera kanë qenë të shumta, por siç duket largimi i Murinjos ka qenë e vetmja gjë që ndalonte rinovimin midis francezit dhe klubit.

Nuk duhet harruar se Marsial dhe Murinjo kanë pasur një raport shumë të keq me njeri-tjetrin, që kulminoi, kur Murinjo e kritikoi në publik për mungesën në stërvitje, pasi ky i fundit mori disa ditë pushim për të qëndruar pranë partneres së tij, që kaloi një lindje me shumë komplikacione.

Mbetet për t’u parë se cili do të jetë efekti i këtij lajmi në lidhjen e Marsial me prezantuesen televizive Melani Kruz. Duhet theksuar që kanë qenë pikërisht Kruz ajo që ka shkaktuar që të përfundojë martesa e parë e Marsial.

Sipas raportimeve nga medie të ndryshme angleze, drejtuesit e Mançester Junajtid kanë filluar negociatat për zgjatjen e kontratës së talentit francez Antoni Marsial, një lojtar ky që Murinjo e ka vënë në listën e të padëshiruarve dhe tentoi që ta largonte gjatë merkatos së verës.

Kupola drejtuese e ekipit anglez po vepron pa u konsultuar me trajnerin, diçka kjo që konfirmon se “divorci” midis tyre mund të jetë shumë pranë.

Tekniku portugez ka qenë pro shitjes së lojtarit, në mënyrë që me paratë e grumbulluara të financonte transfertën për një qendërmbrojtës të ri, por bordi drejtues ka vënë veton, duke pasur frikën për përsëritjen  e një rasti të ngjashëm me Salah ose De Brujn, të dy lojtarë këta që u konsideruan si të pavlefshëm nga Murinjo te Çelsi, por “shpërthyen” më vonë.

Vetë lojtari e ka bërë të qartë që për sa kohë Murinjo është në drejtim, ai do të kërkojë largimin nga klubi anglez, por në rast të shkarkimit të portugezit, 22-vjeçari do të rihapë mundësinë e nënshkrimit të një kontrate të re.

Zhoze Murinjo ka deklaruar se skuadrës së tij i duhet një qendërmbrojtës dhe një sulmues i djathtë për të rivalizuar për titullin e Premier League . Boateng shikohet si përforcimi ideal për “Djajtë e Kuq” dhe për të siguruar kartonin e 29-vjeçarit, anglezët kanë menduar t’i ofrojnë kampionëve të Gjermanisë një prej lojtarëve të tyre më premtues.

Bëhet fjalë për sulmuesin Antoni Marsial. 22-vjeçari nga Franca ka pësuar një krisje me teknikun Murinjo dhe të dyja palët kanë rënë dakord që bashkëpunimi midis tyre të mbyllet gjatë kësaj merkatoje. Mançesteri nuk pranon që ta shesë kartonin e francezit te skuadrat rivale në Premier League. Tani pritet të shikohet se çfarë përgjigje do të japë pala bavareze, që në të shkuarën ka shfaqur jo pak interes për lojtarin në fjalë.

Por, Marsial ka thyer më në fund heshtjen me anë të një postimi në rrjetin social “Twitter” ku i ka shpjeguar fansave situatën e komplikuar në të cilën ndodhej gruaja dhe fëmija e porsalindur.

“ Faleminderit të gjithëve për mesazhet tuaja. Ëngjëlli im i vogël është mirë, për gruan ka ka qenë disa momente shumë të vështirë, por falë zotit gjithçka ka përfunduar mirë. Më falni, por familja për mua është mbi gjithçka tjetër… Nesër rikthehem në Mançester”, shkruhej në postimin e Antoni Marsial

Merci à tous pour vos messages. Mon petit Swan va bien, pour la maman ça était plus difficile mais Grâce à Dieu elle va mieux maintenant. Desolé mais ma famille passera toujours avant Tout… Retour demain à Manchester ??

— Anthony Martial (@AnthonyMartial) August 1, 2018

Junajtid i dha francezit një leje tri ditore, por së fundimi kur kanë kaluar më shumë se një javë nga lindja e fëmijës, sulmuesi nuk është bërë më i gjallë dhe kjo ka sjellë dhe një gjobë shembullore nga ana e klubit. 200000 euro është gjoba që i është vendosur lojtarit, një shumë kjo që përkon me gjysmën e rrogës së tij mujore te “Djajtë e Kuq”.

Acarimet mes Marsialit dhe klubit nga Mançesteri po vazhdojnë prej muajsh. Lojtari këkon me çdo kusht largimin dhe në Londër Totenhemi po bën çmos për ta marrë, por Murinjo ka vënë veton e transferimit të tij brenda kampionatit anglez në mënyrë që të mos fuqizojë rivalët, megjithatë ofertat nga jashtë Anglisë po mungojnë dhe ndoshta te Junajtid s’do kenë zgjidhje tjetër.