Tashmë në “Bernabeu”, duket se ka ardhur koha e spastrimeve dhe lojtarët që janë me valixhe në duar janë të shumtë. Plot 17 emra janë publikuar në mediat spanjolle. Duke nisur që nga Isko e Marselo, e për të përfunduar me emra si Gareth Bejl, Lukas Vaskez apo Mariano Diaz.Lista përmban edhe yje të tjerë si Hames Rodrigez e Mateo Kovaçiç, të cilët sipas gjasave pritet të zgjedhin Serie A për të vijuar karrierën e tyre. Kolumbiani pritet të kalojë te Napoli, ndërsa kroati do të rikthehet te ish-ekipi i tij, Interi.

Lista e 17 lojtarëve që pritet të largohen nga Reali këtë merkato

Isko Alarkon, Gareth Bejl, Marselo, Lukas Vaskez, Mariano Diaz, Hames Rodrigez, Mateo Kovaçiç, Kejlor Navas, Dani Sebajos, Marko Jorente, Naço Fernandez, Hesus Vajeho, Teo Hernandez, Borha Majoral, Raul de Tomas, Luka Zidan, Lukas Silva

Golat e fitores u shënuan nga Depaj dhe Terrier, ndërsa një autogol i Tusart shkurtoi diferencat. Tifozët janë bërë protagonistë në fund të ndeshjes. Fitorja nuk i ka kënaqur plotësisht ata dhe i kanë kërkuar llogari mbrojtësit Marselo. Lojërat e tij të dobëta dhe deklaratat se i mungon Beshiktashi nuk janë pëlqyer aspak nga tifozët e Lionit.

“Unë luaj për ju”, është shprehur braziliani, por disa ultrasve as që ua ndjen për këto fjalë. “Ti nuk po respekton bluzën e Lionit”, shprehet mes tensionit një prej tyre. Palët janë afër kontaktit fizik, por tifozë të tjerë tentojnë qetësimin e situatës, me Marselon që vazhdon të insistojë për të bindur të pakënaqurit se ai dhe shokët e tij po japin maksimumin për Lionin.

Lyon defender Marcelo booms: “I play for you!”
Ultras clap back: “You don’t respect the shirt.” pic.twitter.com/Jv77dF2HKa

— Get French Football News (@GFFN) April 21, 2019

Tashmë gjithçka ka ndryshuar dhe siç raporton “AS”, braziliani ka ndërruar mendje dhe kërkon të qëndrojë. Kështu mendojnë në Spanjë, pasi 30-vjeçari tundohet akoma nga ideja për të provuar një ekjsperiencë të re dhe për të luajtur përsëri me CR7.

Drejt largimit duket Rafael Varan, por Reali ka gati zëvendësuesin. Dëshira e madhe quhet Kalidu Kulibali, por Napoli po reziston fort. Senegalezi është një nga pikat më të forta të ekipit dhe Karlo Ançeloti as që ka ndërmend të heqë dorë nga shërbimet e tij. Kulibali ka një klauzolë largimi prej 150 milionë eurosh, duke nisur nga viti 2020.

Paratë nuk janë problem për Realin, që është gati të sakrifikojë për të transferuar 27-vjeçarin në Madrid. Zyrtarë të klubit spanjoll kanë hedhur hapin e parë siç citon “Il Mattino”. Ata janë takuar me agjentin e lojtarit

Konflikti filloi për një arsye qesharake. Sipas dëshmitarëve në vendngjarje, skuadra po zhvillonte një ndeshje brenda grupit dhe në fund fitoi skuadra e Marselos. Braziliani filloi të festonte dhe kjo solli reagimin e Ramos.

Secili nga lojtarët nuk po hapte rrugë. Marselo insistonte se kishte festuar me vite në atë lloj mënyre dhe nuk e kuptone reagimin e Ramos. Në debat e sipër u desh ndërhyrja e lojtarëve të tjerë të skuadrës për të qetësuar situatën.

Të dy lojtarët nuk po kalojnë një moment të mirë. Ramos ishte protagonisti i një sherri në dhomat e zhveshjes me presidentin Perez, ndërsa Marselo dëshiron prej muajsh që të largohet në kërkim të një aventure të re.

Një situatë krejtësisht e habitshme, pasi deri pak muajsh Marselo konsiderohej nga shumë vetë si një ndër lojtarët më të mirë në planet në rolin e tij.

Sipas radios spanjolle “COPA”, lojtari nuk ka duruar dot më dhe pas takimin kundër Zhironës ai është takuar me drejtorin e përgjithshëm të klubit, Hoze Angel Sançez. Në takimin me kreun me klubit ai ka bërë të ditur se nuk pajtohet me kritikat e shumta që po merr dhe në fund te sezonit do të ishte më e mira që dy palët të ndaheshin.

Kontara e Marselos me Realin e Madridit mbaron në vitin 2022 dhe për kartonin e mëngjarashit, klubi spanjoll pritet të kërkojë jo më pak se 25 milionë euro.

Marselo mbush 31 vjeç në maj, ndërsa Juventusi interesohet prej kohësh për brazilianin. Ai është prej vitesh një nga mbrojtësit e krahut më të mirë në botë, por Reali nuk dëshiron të jetë i papërgatitur.

Mosha e tij nuk premton shumë sezone në nivele të larta dhe “AS” zbulon se drejtuesit e Realit nuk e përjashtojnë kërkesën e lojtarit për t’u bashkuar me Ronaldon te Juventusit. Largimi i portugezit ka bërë që tashmë të mos përjashtohet asgjë dhe Perez ka gati zgjidhjen.

Sipas raportimeve të së përditshmes spanjolle, Reali është gati të paguajë 50 milionë euro për Zhunior Firpo. 22-vjeçari spanjoll, por i lindur në Republikën Domenikane, po bën mirë prej kohësh me Betisin. Ai luan në të gjitha pozicionet e krahut të majtë, ndërsa këtë sezon ka shënuar dhe 3 gola në 18 ndeshje të zhvilluara.

Për Firpon interesohen dhe Mançester Siti me Arsenalin, por Reali e ka bërë ofertën e parë për lojtarin e ekipit andaluzian.

Thashethemet për largimin e Iskos – “Të gjithë e dimë kualitetin e Iskos. Ai është me ne deri në vdekje. Çdokush po i jep rëndësi diçkaje që për mua nuk ka sens. Për mua, Isko është një ndër lojtarët më të mirë të skuadrës sonë. Ndodh që disa herë dikush të luajë më shumë e herë të tjera më pak, gjithçka ndodh në varësi të momenteve. Boshti i kësaj skuadra do të vazhdojë të luajë së bashku për shumë kohë”.

Shkarkimi i Murinjos?  – “Murinjo është një trajneri i madh më vjen keq që u shkarkua.  Nuk më takon mua të them nëse ai duhet të vijë në Madrid, por do t’i jem gjithmonë mirënjohës për ato që ai ka bërë për mua”, tha Marselo në daljen për shtyp për takimin e nesërm ndaj Kashima Antlers, në kuadër të Botërorit të klubeve.

Siç citon “Tuttosport”, drejtuesit e dy klubeve po mendojnë për një shkëmbim lojtarësh. Aleks Sandro në Madrid dhe Marselo në Torino. Të dy brazilianë dhe mbrojtës të majtë. Bardhezinjtë nuk e kanë fshehur dëshirën e tyre për të siguruar shërbimet e Marselos, i cili është gati për të shijuar një eksperiencë të re dhe do e mirëpriste bashkimin me CR7, një nga miqtë e tij më të mirë.

Një gjë e tillë do të detyronte Juventusin të hiqte dorë nga Aleks Sandro. Reali nuk mund të heqë dorë nga Marselo pa siguruar zëvendësuesin e tij dhe… Aleks Sandro është zgjidhja perfekte. Kushtet e shkëmbimit? Për të hequr dorë nga Marselo, Reali kërkon Sandron dhe 15 milionë euro.

Mbrojtësi i Realit vlerësohet 60 milionë euro, ndërsa ai i Juves 45 milionë euro, pavarësisht se është 3 vite më i ri. Palët janë afër dhe po mendojnë detajet e fundit të këtij shkëmbimi që do i kënaqte të gjithë.

Braziliani ka një raport fantastik me Kristiano Ronaldon, madje bardhezinjtë tentuan të bënin një goditje dyshe në verë, por Reali nuk pranoi largimin e mbrojtësit të majtë. Perez do të tentojë të bëjë të njëjtën gjë, por Marselo është i bindur për të ardhmen e tij.

30-vjeçari dëshiron të provojë një eksperiencë në Serie A dhe synimi i tij është bashkimi me CR7 tek ekipi i Juventusit. Marrëveshja mund të arrihet që në muajin janar dhe italianët duhet të paguajnë një shifër prej 50-60 milionë eurosh për Marselon.

Aleks Sandro nuk e ka pranuar rinovimin e kontratës dhe është drejt largimit për në Premier Ligë. Paratë e fituara nga shitja e Sandros do të investoheshin për blerjen e Marselos, i cili është lodhur me krizën e Realit dhe kërkon largimin nga skuadra.

Analizat e mëtejshme kanë zbuluar një dëmtim që do ta mbajë brazilianin të paktën dy javë jashtë fushave të blerta. Tani Lopeteguit i duhet të mendojë për formacionin në derbin e së shtunës ndaj Atletiko Madridit.

E vetmja alternativë e  Reali në krahun e majtë të mbrojtjes është mbrojtësi Naço Fernandez. Spanjolli edhe pse nuk është mëngjarash, ka pasur eksperienca të shumta në atë krah dhe s’ka zhgënjyer, gjithsesi Marselo është Marselo dhe mungesa e tij s’ka se si të mos ndjehet.

30-vjeçarit i skadon kontrata në vitin 2022 me Realin e Madridit dhe atë e intrigon ideja për të ndërruar ambient dhe për të kërkuar stimuj të rinj. Raporti me teknikun e ri, Lopetegui nuk është ai i duhuri dhe lojtari u zhgënjye nga zëvendësimi në ndeshjen e fundit me Gironën.

Juventusi është një zgjidhje ideale dhe aty do të bashkohej përsëri me Ronaldon. Siç citon “Tuttosport”, drejtuesit e Juventusit po mendojnë të ofrojnë 50 milionë euro për kartonin e brazilianit. Vera është larg, por vjen shumë shpejt dhe drejtuesit e “Zonjës” janë gati për t’i dhuruar Alegrit dhe tifozëve një tjetër emër të madh të futbollit ndërkombëtar.

Deklaratat e “dashurisë” së Ronaldos për të kanë shtuar kureshtjen e Marselos për të provuar një aventurë të re dhe për të luajtur përsëri me mikun e tij.

Nga ana tjetër Juventus nuk “dorëzohet” për Milinkoviç-Saviç. Serbi do të qëndrojë te Lacio këtë sezon, madje do të rinovojë dhe kontratën me klubin roman. Një rritje rroge e pret, por nëse ai zhvillon një tjetër sezon pozitiv, bardhezinjtë do të nisnin sulmin për të siguruar shërbimet e mesfushorit në përfundim të sezonit.

“Ndihem krenar që jam pjesë e historisë së Real Madridit. Jam i lumtur që jam këtu dhe me fat që do të luaj edhe për pesë vite të tjera në këtë klub. Kjo për mua është një ëndërr e bërë realitet. Kur e shoh familjen time kaq të lumtur, gëzohem pafund. Mënyra se si Real Madridi e ndihmon botën është e jashtëzakonshme. Është një klub i madh. Këtu kemi edhe lojtarin më të mirë, i përzgjedhuri im nga çdo legjendë e futbollit që kam njohur, Kristiano Ronaldo”, – ushin fjalët e Marselos para gazetarëve.