Marseja

E kryer | Benedeto mbërrin në Europë, firmos me “gjigantin” francez

Sport Ekspres — Thu, 01 Aug 2019 11:56:27 +0000

Dario Benedeto është një emër shumë i njohur në Amerikën e Jugut. Sulmuesi argjentinas ka qenë një ndër lojtarët më të famshëm në kontinentin e Amerikës së Jugut, por Europa nuk është më një ëndërr në sirtar për të. Në moshën 29-vjeçare Benedetos i ka ardhur një ofertë e që s’mund ta refuzojë.

Olimpiku i Marsejës dorëzoi një ofertë prej 16 milionë eurosh për kartonin e sulmuesit, çka ka bindur drejtuesit e Boka Zhuniors. Lojtari ka kaluar ditën e sotme testet mjekësore në Marsejë dhe do të firmosë një kontratë

Në tri vite te Boka Zhuniors, Benedeto ka shënuar 43 gola në 67 ndeshje, shifra këto që i kanë mundësuar pesë paraqitje me kombëtaren argjentinase. Marseja është zhgënjyer viti pas viti nga sulmues si Mitroglu, Zhërmen dhe Baloteli, ndoshta argjentinasi do ia dalë të thyejë këtë mallkim që ka prekur sulmuesit e skuadrës franceze.

“Ish”-i i Milanit lë Francën, kalim i bujshëm në La Liga

Sport Ekspres — Wed, 03 Jul 2019 19:43:17 +0000

Një nga lojtarët më të mirë të Olimpikut të Marsejës, Lukas Okampos ka lënë stadiumin “Velodrome” për t’u transferuar te Sevija. Argjentinasi ishte një lojtarët më të mirë të skuadrës nga Ligue 1 gjatë këtij sezoni. Problemet me ndershmërinë financiare e kanë çuar klubin francez të heqë dorë nga 24-vjeçari.
Okampos ka zbarkuar në Sevije në këmbim të 15 milionë eurove, plus bonuset, që kanë shkuar në xhepat e Marsejës. Argjentinasi, që më parë është aktivizuar edhe me Milanin, firmos kontratë 5-vjeçare, që e mban të lidhur deri në vitin 2024 me klubin spanjoll.

Ai është një ndër të vetmit që ka tërhequr vëmendjen e klubeve evropiane, me Marsejen që duhet të grumbullojë të paktën 40 milionë euro këtë merkato, në mënyrë që të evitojë penalizimet nga ana e qeverisë së futbollit evropian.

Çmenduria e ultrasve, tentojnë të mësyjnë stërvitjen e Marsejës

Sport Ekspres — Wed, 09 Jan 2019 18:06:49 +0000

Klub i Marsejës po kalon një krizë rezultatesh gjatë muajve të fundit. Shtatë ndeshje pa fitore, ndër të cilat pesë prej tyre humbje kanë bërë që raporti midis tifozëve dhe klubit të shkojë në gjendje kritike.

Humbja në kupë ndaj skuadrës amatore të Andrezjës ishte ajo që i vuri kapakun gjithçkaje dhe grupimet ultras vendosën t’i merrnin vetë gjërat në dorë.

Tifozët e grumbulluar para qendrës stërvitore të Marsejës

Gjatë ditës së sotme, një grupim prej më shumë se 50 personash ka tentuar të mësyjë në qendrën stërvitore te klubit francez. Megjithatë forcat e sigurisë arritën që t’i bllokonin me sukses turmën e tifozëve.

Oferta nga Franca për talentin e Juventusit

Sport Ekspres — Mon, 10 Sep 2018 17:17:52 +0000

Marseja nuk i ndahet Serisë A dhe mbas blerjes së Kevin Strotman, klubi francez kërkon shërbimet e Moize Kin. Talenti i Juventusit pëlqehet shumë nga trajneri Rudi Garsia.

Marseja po pret merkaton e janarit për të trokitur në dyert e klubit torinez siç citon “Le10Sport”. 18-vjeçari shihet si një nga lojtarët e rinj më premtues dhe vështirë që Juventus do të heqë dorë nga shërbimet e tij, por Marseja kërkon përforcimin e repartit ofensiv dhe do të provojë të gjejë akordin me bardhezinjtë dhe lojtarin.

Ai ka karakteristikat e duhura për sulmuesin që kërkon Garsia dhe ardhja e tij në Francë do të shtonte energjinë e sulmit të Marsejës.

E kryer/ Strotman kalon në Francë për 25 milionë euro

Sport Ekspres — Sun, 26 Aug 2018 16:49:00 +0000

Kevin Strotman është largimi më i fundi nga skuadra e Romës. Mesfushori holandez i jep fund një bashkëpunimi 5-vjeçar me ekipin verdhekuq. Destinacioni i ri i 28-vjeçarit është kampionati francez ku do të luajë për skuadrën e Olimpikut të Marsejës.

Nga shitja e holandezit, Roma do të përfitojë diçka më shumë se 25 milionë euro, ndërsa lojtari do të fitojë 4.5 milionë euro në sezon (neto), duke kaluar edhe Dimitri Pajen si lojtari më i paguar në skuadër.

Rol kyç për këtë transfertë ka luajtur dhe trajneri i Marsejës, Rudi Garsia, i cili ka punuar me Strotmanin, kur ai drejtonte Romën para disa sezonesh. Te Roma, Eusebio Di Françesko do i duhet të zgjedhë tani midis italianëve De Rosi, Pelegrini, Kristante dhe francezit Nzonzi të cilët plotësojë repartin e mesfushës te Roma.

Sulm total për Kevin Strotman, orë vendimtare për transferimin

Sport Ekspres — Fri, 24 Aug 2018 08:56:38 +0000

Kevin Strotman mund të lërë Romën dhe Italinë. Mesfushori holandez, i cili ka vuajtur shpesh dëmtimet e rënda, po kërkohet në Francë dhe është trajneri Rudi Garcia ai që e do atë te Marseja. Me Balotelin që qëndroi te Nica, ish-trajneri i verdhekuqve i ka hedhur sytë nga kryeqyteti italian.

Roma nga ana tjetër nuk negocion pa 30 milionë euro. Tashmë duhet parë se sa e ka hapin Marseja. Vetë Strotman është në dilemë, pasi te skuadra e Serisë A konkurrenca është e madhe dhe mund të mos ketë shumë hapësira.

“Gazetta dello Sport” raporton se 48 orët në vijim do të jenë të rëndësishme për të ardhmen e mesfushorit, i cili normalisht nuk do të donte të bënte një hap pas në karrierën e tij. Futbollisti 28-vjeccar është nën kontratë deri në verën e vitit 2022 me Romën.

Në Serinë A Strotman ka nisur sezonin e gjashtë sivjet. Sezonin e shkuar ai luajti rregullisht, teksa zbriti në fushë në 32 ndeshje në kampionat. Holandezi shënoi edhe një gol. Roma e pat blerë mesfushorin nga PSV në vitin 2013 për shumën e 16 milionë eurove.