Sipas “L’Equipe”, Vilas-Boas ka firmosur një kontratë 2-vjeçari, ku kosto totale e pagës së tij dhe stafit ndihmës është shtatë milionë euro në sezon. Në dy vitet e fundit portugezi kishte ndërmarrë një pushim nga futbolli duke u fokusuar në pjesëmarrjen në eventin e njohur të garave “rrally dakar”, aventurë kjo që u mbyll pas një aksidenti automobilistik.

Marseja është ekipi i shtatë në karrierën e Vilas-Boas, pas Akedemikës, Portos, Çelsit, Totenhemit, Zenit dhe Shangai SIPG.

Megjithatë, si çdo njeri Mbape nuk është perfekt. Në ditët e fundit është vënë re një pjesë e lojës së tij që nuk njihej shumë nga publiku i gjera. Mesa duket francezi simulon shpesh. Brenda dy ndeshje Mbape është bërë protagonisti i dy simulimeve qesharake.

Fillimisht në kampionat në ndeshjen kundër Marsejës, më pas më kombëtares francezë në takimn e djeshëm ndaj Moldavisë.

Megjithatë, nuk mbaron këtu, pasi gjesti më i dënuar nga tifozët ka qenë ai ndaj kolegut të tij Angel Di Maria. Në minutën të takimit ndaj Marsejës arbitri akordoi një penallti për parisienët, PSG po fitonte 3 – 1 dhe Di Maria ishte autori i një dopiete dhe kërkoi me ngulm për të gjuajtur penalltinë që do mundësonte shënimin e një triolete. Mbape nuk pranoi duke e marrë vetë përsipër. Në fund asnjëri prej tyre nuk mbeti i kënaqur, pasi 20-vjeçari u tregua i pasaktë nga pika e bardhë.

Mbappe refusing to give Di Maria the penalty who was on a hattrick, just for him to miss it lol I prefer not to speak pic.twitter.com/7lYWX6AKKd

— Sue (@suesaura) March 17, 2019

Sipas “RMC Sports”, para pak orësh palët kanë gjetur akordin për një kontratë 6-mujore, ndërsa ditën e nesërme transferimi do të marrë formë zyrtare, pasi italiani të kalojë me sukses analizat mjekësore.

Transferimi i Balotelit te Marseja nuk do të ketë asnjë kosto ekstra, pasi 28-vjeçari ka zgjidhur kontratën e tij me klubin e Nicës, ku luajti për 2 sezone e gjysmë. Te Marseja shpresojnë që italiani të jetë zgjidhja për repartin e sulmit, që këtë sezon ka qenë tepër problematik, pasi sulmuesit Kostas Mitroglu dhe Valer Zhermën kanë zhgënjyer përgjatë të gjithë sezonit.

Ditën e nesërme pritet që agjenti i lojtarit, Mino Raiola, të vijë në Francë për të rregulluar çdo detaj të “divorcit” të lojtarit të tij. Baloteli do të prishë kontratën me Nicën dhe për këtë do të paguajë nga xhepi i tij.

Baloteli ishte shumë pranë kalimit te skuadra e Marsejës gjatë verës, por presidenti i Nicës vuri veton dhe kjo bërë që mes tij dhe lojtarit të krijohej një situatë shumë e çuditshme, pasi Baloteli pretendonte se kreu i klubit i kishte premtuar se do ta linte të ikte si lojtarë i lirë, nëse vinte një ofertë e mirë për të. Në këtë sezon, 28-vjeçari ka qenë mjaft zhgënjyes, pasi në 10 ndeshje gjeti vetëm një herë rrugën e rrjetës.

Humbja në kupë ndaj skuadrës amatore të Andrezjës ishte ajo që i vuri kapakun gjithçkaje dhe grupimet ultras vendosën t’i merrnin vetë gjërat në dorë.

Gjatë ditës së sotme, një grupim prej më shumë se 50 personash ka tentuar të mësyjë në qendrën stërvitore te klubit francez. Megjithatë forcat e sigurisë arritën që t’i bllokonin me sukses turmën e tifozëve.

Ndeshja e sotme midis Marsejës dhe Ajntrahtit të Frankfurtit, do të luhet më dyer të mbyllura. Stadiumi “Velodrome”, i cili zakonisht gumëzhin nga brohoritjet e dhjetëra mijërave sot do të ketë një atmofertë krejt ndryshe ku do të dëgjohen vetëm të bërtiturat e lojtarëve dhe trajnerëve.

Klubi i Marsejës ndodhet në një pozitë shumë delikate, pasi UEFA i ka paralajmëruar se në rast përsëritje të trazirave nga tifozët, masa e radhës do të jetë një përjashtim 2-vjeçar nga kompeticionet që organizon UEFA, si Europa League dhe Champion League.

Mesfushori 31-vjeçar çoi shifrat në 2-0 me një goditje fluturimthi nga të paktën 30 metra dhe nga një kënd disi i vështirë. Paje shquhet për aftësitë e tij goditëse dhe këtë gjë e konfirmoi dhe ditën e djeshme, teksa skuadra e tij fitoi në shtëpi me rezultatin 4-0.

Më pas një transferim në Spanjë te Valencia u duk sikur e riktheu në rrugën e duhur karrierën tij. Valencia e bleu për 18 milionë euro, por Zaza do rikthehej në stol, pas “shpërthimit” të sulmuesit spanjoll Rodrigo, ndërsa blerja e Kevin Gameiros ka shuar çdo mundësi për vijimin e bashkëpunimit midis palëve.

Sipas medies franceze “RMC”, 27-vjeçari ka arritur akordin personal me drejtuesit e klubit të Marsejës. Tani francezët duhet të bien dakord me Valencian për vlerën e transferimit të lojtarit, i cili sezonin e shkuar gjeti 13 herë rrugën e rrjetës në La Liga.

Skuadra franceze ka vendosur të luajë pastër duke vendosur të paguajë një shifër të konsiderueshme për të evituar përballjen në gjykata me klubin e mëparshëm të Balotelit, Nicën. Ekipi i drejtuar nga Rudi Garsia do të synojë të rikthehet në Champions League pas katër vitesh mungesë.

Për Balotelin ky kalim mund të konsiderohet si kapërcim i madh në karrierë pas një kalvari dështimesh në skuadrat e Mançester Sitit, Milanit dhe Liverpulit.