Marok

Video | Ylli i Ajaksit eliminon Marokun, dramë në Kupën e Afrikës

Sport Ekspres — Fri, 05 Jul 2019 18:50:06 +0000

Maroku ishte dukshëm favorit për të kaluar në çerekfinalet e Kupës së Kombeve të Afrikës, por përfaqësuesja e Beninit ka befasuar të gjithë duke eliminuar nga turneu kombëtaren nga Afrika e Veriut. Në fund verdiktin e dhanë goditjet 11-metërshave, ku fati nuk qëlloi në anën e marokenëve.

Magrebasit dominuan përgjatë të gjithë takimit, por u mungoi efikasiteti para portës së Beninezëve. Adilehu shënon i pari për Beninin, ndërsa Maroku kundërpërgjigjet En Nesirin që barazon shifrat në minutën 76-të.

https://twitter.com/roma_z10/status/1147202405395775488

Në minutën e fundit të kohës shtesë arbitri akordon një penallti për Marokun, por ylli skuadrës Hakim Zijesh nuk arrin të shënjestrojë portën duke e përplasur topin në shtyllë. Rezultati nuk ndryshoi në 30 minutat e kohës shtesë dhe skuadrat iu drejtuan penalltive, ku Benini nuk gaboi në asnjë prej 11-metërshave në ndryshim nga marokenët.

Marok 1 – 1 Benin
Shënues: El Nesiri 76′ / Adilehu 54′
(1- 4 pen)

500 mijë euro “gjobë” për Argjentinën, i gjithë faji është i Mesit

Sport Ekspres — Sun, 24 Mar 2019 20:55:04 +0000

Argjentina do të ndeshet ditën e martë me Marokun në kuadër të një ndeshje miqësorë. Federata e vendit nga Afrika e Veriut i kishte bërë një ofertë të parefuzueshme palës amerinikan-jugore.

Një milion euro për një miqësore të zhvilluar në kryeqytetin e Rabatit. Mirëpo marrëveshja kishte një kleçkë në kontratën e firmosur mes dy palëve, ekzistonte një klauzolë specifike për Leo Mesin.

Në rast se “pleshti” nuk do të grumbullohej për atë takim, shuma do të përgjysmohej. Për fatin e keq të drejtuesve të federatës argjentinase, Mesi pësoi një dëmtim në ndeshjen ndaj Venezuelës, çka ia bën të pamundur prezencën në Marok.

Argjentina i vendos kushte Marokut: Mesi nuk preket!

Sport Ekspres — Tue, 05 Mar 2019 17:49:18 +0000

Më datë 26 mars, përfaqësuesja e Argjentinës do zhvillojë një miqësore në Rabat të Marokut kundër kombëtares së shtetit nga Afrike e veriut. Federata marokene ka paguar që të sjellë yjet amerikano-jugor në shtetin e tyre, por kjo është një praktikë normale.

Megjithatë, mediet argjentinase kanë zbuluar se në kontratën e nënshkruar mes palëve u vunë disa kusht krejt të çuditshme. Gjithçka ka të bëjë me yllin e argjentinasve Lionel Mesi.

Në marrëveshje është paracaktuar se nuk lejohet që futbollistët marokenë nuk mund t’i ndërhyjnë me sparkatë Mesit, ndërsa nuk lejohen as kërkesat për shkëmbimin e fanellës ose fotot me pesë herë fituesin e Topit të Artë.

Lëvizja e çuditshme, Rivaldo zgjedh skuadrën amatore

Sport Ekspres — Fri, 18 Jan 2019 09:00:14 +0000

Rivaldo as që ka ndërmend ta ndalë eksplorimin nëpër botë. Pasi fitoi shumë në karrierë dhe luajti gjatë në karrierë (deri në moshën 43-vjeçare), 46-vjeçari brazilian do të punojë në Marok.

Ish-fituesi i “Topit të Artë” në vitin 1999 ka nënshkruar me Kabab Mohamedia, aty ku do të mbulojë rolin e drejtorit sportiv, ndërsa mund të bëhet dhe trajneri i ekipit.

E veçanta është se ekipi arab garon në divizionin e tretë të futbollit maroken, ndërsa Rivaldo është gati të nisë eksperiencën si drejtues.