Marko Rog

Kaljari në kërkim të “Barela 2”, por merr zhgënjimin e parë

Sport Ekspres — Tue, 16 Jul 2019 18:59:14 +0000

Kaljari mbushi xhepat me 45 milionë euro pas shitjes së Barelas te Interi, por ka një problem pas kësaj. Klubit do i duhet të gjejë një zëvendësues të denjë për të mbuluar gjithë atë hapësirë që ka lënë bosh ylli i kombëtares italiane.
“Sky Sport” raporton se drejtuesit e klubit italian kanë organizuar një takim me homologët e Boka Zhuniors. Tema e diskutimit quhet Nahitan Nandes. Mesfushori uruguajan ka treguar se është një ndër më të mirët përtej Atlantikut dhe në Kaljari janë të bindur se ai mund ta bëjë të mos ndihet mungesa e Barelas.

23-vjeçari me cilësitë e tij ka bindur edhe Oskar Tbarez ta marrë në kombëtare. Megjithatë, siç raportohet, nuk është gjetur rruga e mesme mes palëve. Boka kërkon të paguhet klauzola e lirimit të lojtarit prej 22 milionë euro, ndërsa Kaljari ofron 15 milionë në tavolinë.

Duhet të themi se klubi argjentinas gëzon vetëm 80% të kartonit të lojtarit. Kështu, pista Nandes ngec. Por vihet në zbatim plani Rog. Mesfushori i Napolit është e sigurt se do largohet. Me Napolin mund të gjendet dakortësia dhe Rog mund të vijë në Kaljari. I vetmi problem është se për të interesohet edhe Ajntrahti i Frankfurtit. Gjermanët kanë financa më të shëndosha pas shitjes së Joviç dhe Haller.

Ançeloti nuk e do, mesfushori i Napolit pranë largimit

Sport Ekspres — Fri, 14 Jun 2019 20:42:35 +0000

Napoli pritet të përballet me ikjen e Alan dhe mund t’i duhen ardhje të reja. Marko Rog do të ishte një ardhje pa asnjë humbje financiare. Kroati është në pronësi të klubit të kaltër. Këtë sezon e ka kaluar i huazuar te Sevija, por përtej cilësive të tij nuk ka gjetur minuta.
Më 1 korrik ai do të kthehet në “San Paolo”. Ançeloti edhe në rast të largimit të Alan, nuk e sheh Rog si të duhurin për mesfushën e Napolit. Kështu, ai pritet të largohet. Kaljari do të jetë klubi, që do i japë mundësinë për të gjetur minutat e dëshiruara dhe formën e duhur.

Klubet kanë arritur dakordësinë dhe ka mbetur vetëm marrëveshja me lojtarin. Agjenti i kroatit do të takohet me drejtuesit e klubit nga Sardenja për të përfunduar transferimin.

Napoli akord me Seviljen, kroati transferohet në La Liga

Sport Ekspres — Tue, 29 Jan 2019 14:43:34 +0000

Kur e pyetën para disa ditësh për situatën e Marko Rog, trajneri i Napoli u shpreh shkurt dhe saktë. “Ai ka marrë një ofertë, por situata e tij është e pasigurt. Marko mund të huazohet, por vetëm në bazë të kushteve tona”, shprehej Karlo Ançeloti, ndërsa tashmë është bërë gjithçka zyrtare.

Mesfushori kroat është transferuar në La Liga dhe është gati të nisë aventurën me Seviljen. 23-vjeçari është huazuar në ekipin andaluzian deri në fund të sezonit. Një huazim i pastër dhe asnjë opsion tjetër. Rog do të mbyllë sezonin me Seviljen dhe në verë do të rikthehet përsëri në urdhrat e Karletos.

Marrëveshja është arritur dhe të dy klubet e kanë bërë zyrtare një gjë të tillë. Kroati do të jetë një vlerë e shtuar për mesin e fushës së ekipit të Pablo Machin. Rog numëron 16 ndeshje me Kroacinë dhe tashmë është gati të ndihmojë Seviljen në arritjen e objektivave për t’u rikthyer akoma më i fortë në fund të sezonit te Napoli.

Marko Rog passa al @SevillaFC in prestito secco fino a giugno 2019. In bocca al lupo!
? #ForzaNapoliSempre

— Official SSC Napoli (@sscnapoli) January 29, 2019

?? Dobrodošli Marko! ?? ??#vamosmisevilla #LuchaPorLoQueAmas ??? pic.twitter.com/bewi3noKAn

— Sevilla Fútbol Club (@SevillaFC) January 29, 2019

Napoli sakrifikon mesfushorin, 23-vjeçari shtegton drejt Spanjës

Sport Ekspres — Sun, 13 Jan 2019 13:43:20 +0000

Napoli është një ndër të vetmet ekipe në Serie A, që e ka ruajtur më së shumti kontingjentin e lojtarëve gjatë viteve. Marko Rog është një ndër lojtarët, i cili afrua me bujë të madhe dhe premtonte shumë, por kroati nuk ka arritur të gjejë hapësirat e duhura dhe largimi i tij duket i paevitueshëm.

Këtë fakt e konfirmoi dhe Karlo Ançeloti disa ditë më parë, ku deklaroi se mesfushori është një ndër lojtarët që pritet të dërgohet në huazim gjatë pjesës së dytë të sezonit. Për 23-vjeçarin, interesi është i madh, por me sa duket destinacioni i tij i ardhshëm është vendosur.

Marko Rog

Rog do të udhëtojë drejt Spanjës, ku pritet të bashkohet me ekipin e Sevijas në formulën e huazimit. Andaluzianët kanë fituar garën me Shalke 04, si dhe me Ajntrahtin e Frankfurtit dhe Fiorentinën. Marko Rog u ble nga Napoli për plot 15 milionë euro, të cilat kaluan në arkat e Dinamos së Zagrebit.

De Laurentis: Nuk dua të shes asnjë lojtar, por vendos… Ançeloti!

Sport Ekspres — Sun, 13 Jan 2019 09:55:23 +0000

Marko Rog ka marrë disa oferta, ku bie në sy ajo e Seviljes. Mesfushori kroat ka luajtur vetëm 337 minuta këtë sezon me ekipin e Ançelotit, ndërsa Aurelio De Laurentis ka folur rreth situatës së tij.

Në një prononcim për “Abc de Sevilla”, kreu i Napolit flet për ofertat e shumta për mesfushorin dhe ia lë në dorë trajnerit vendimin për shitjen ose jo të 23-vjeçarit ballkanas.

Marko Rog

“Së shpejti do të kthehem në Itali për të biseduar me Karlo Ançelotin. Aty do të vendosim se çfarë vendimi do të marrim. Ka shumë klube të interesuara për Rog, por prioriteti i Napolit është mendimi i trajnerit. Nuk duam të shesim asnjë lojtar, nuk bën pjesë në filozofinë time blerja e një lojtari dhe më pas huazimi i tij. Të shohim se çfarë do të ndodhë në fund”, përfundon presidenti i Napolit.