Kapiteni i Borusias së Dortmundit, u rikthye vitin që lamë pas të ishte protagonist, teksa në vitet 2016 dhe 2017, ka qenë mjaft i kushtëzuar nga dëmtimet. Gjithashtu, Rojs ishte në kombëtare në Botërorin zhgënjyes që kaloi Gjermania, ku ishte kompeticioni i parë madhor, pasi mungoi në Botërorin e 2014-ës dhe në Europianin e 2016-ës.
Rojs mori 33.9% të votave, ndërsa në vendin e dytë ishte Kimish, i cili është një nga lojtarët më të vlerësuar në Gjermani. Talenti mori 31% të votave. Leroi Sane, plotëson podiumin, teksa do të vijojë të jetë një nga çudirat më të mëdha në historinë e Botërorëve, lenia jashtë grumbullimit e tij. Mesfushori i avancuar i Sitit mori 10.3% të votave.

Gjithsesi, më poshtë iu kemi sjellë një formacion, i cili është formuar nga shumica dërrmuese, nga lojtarë, të cilët janë larguar tashmë nga Dortmundi. 11-shja duket e frikshme, teksa moduli që kemi zgjedhur është 3-5-2. Në portë është portier aktual, Roman Burki, ndërsa përpara tij rreshtohet në mbrojtje treshja, Sokratis, Humels, Subotiç.

Në mesin e fushës, Marko Rojs, është i vetmi i mbijetuar, teksa katër lojtarët e tjerë kanë zgjedhur të largohen. Ilkay Gyndogan dhe Mkitarjan plotësojnë qendrën e mesit të fushës së bashku me Rojs, ndërsa nga krahët veprojnë, Ivan Perishiç dhe Osman Dembele. Në majën e sulmit, besoj se nuk kanë nevojë për përshkrim, pasi flasin vetëm me gola, Robert Levandovski dhe Pierr Emerik Obamejang. Formacion i frikshëm…