Kur kanë kaluar dy javë, ende nuk ka një qëndrim të Disiplinës. Ky Komision është mbledhur dy herë të tjera dhe nuk ka informacion në lidhje me hetimin e nisur. Ndoshta klubet dhe lojtarët janë njoftuar për pushimin e çështjes, por zyrtarisht gjithçka është në ajër sa kohë askush nuk bën një njoftim.

Mund të ndodhë që para një ndeshjeve vendimtare Batha dhe Radas të pezullohen dhe normalisht planet e Shehit dhe të Dajës të hidhen në erë me dënimin e dy titullarëve të rëndësishëm. Normalisht Disiplina duhet të kishte sqaruar gjithçka dhe situata të qartësohej për të gjithë.

Nuk do habitej askush sikur të jetë harruar që është hapur një hetim, Disiplina është kujdesur shpesh të na dhurojë çudi nga më të ndryshmet. Me afatet dihet që ata nuk i kanë marrëdhëniet e mira dhe me këto ritme ndoshta një ditë të bukur vere do të na dalë edhe ndonjë vendim për Bathën dhe Radasin. Ne këtu jemi, presim…

Komisioni i Disiplinës është mbledhur dhe nuk ka dalë me një vendim në lidhje me Marko Radas dhe Idriz Bathën. Për ta është hapur një proces hetimor nga Disiplina dhe nuk dihet nëse ata do dënohen pas përplasjes në ndeshjen Skënderbeu-Flamurtari.

Këtë fundjavë ata mund të luajnë dhe Shehi buzëqesh, pasi për arsye kartonësh nuk mund të luajë Kaba Sambou dhe rikthimi i Radas është një lajm i mirë për të. Së bashku me Jorgo Pëllumbin do plotësojnë dyshen e qendrës së prapavijës. Gëzon edhe trajneri Daja i Flamurtarit, i cili pa Bathën do të ishte edhe më shumë i kushtëzuar në zgjedhjet e tij.

Dy lojtarët kanë pasur një konflikt në fund të ndeshjes Skënderbeu-Flamurtari dhe tanimë pritet të shihet se çfarë do të vendosë Komisioni i Disiplinës. Sot është komunikuar nisje e hetimit dhe pasi të shqyrtohen faktet, por edhe palët të japin versionin e tyre, do të merret edhe vendimi.

Batha këtë sezon është bërë shembull pas ndeshjes me Teutën, teksa u dënua në bazë të pamjeve filmike. Mesfushori është i vetmi lojtar i dënuar në këtë mënyrë këtë sezon, ndërkohë që tani mund të marrë një tjetër pezullim. Sigurisht, nëse është e vërtetë që e ka goditur kundërshtarin, atëherë do e pësojë rëndë.

Pretendimi i Bathës është se Radas e ka ofenduar të nga familja. “Është ekzagjeruar në media, nuk ndodhi gjë. Radas më ofendoi nga familja. Nuk ndodhi ajo që u përfol pas ndeshjes. Nuk jemi nga ata që ikim me vrap apo që gjuajmë nga prapa shpine”, është shprehur një ditë më parë Batha për RTSH.

“Nuk mendonim asnjë nga ne se do i fitonim të gjitha ndeshjet. Nuk ka diferenca mes skuadrave në kampionat. Në këtë situatë na dëmton shumë qoftë edhe një mungesë. Ndodhi me Veliun diçka e tillë, pasi rotacioni ndikoi për keq. Nuk bëmë një ndeshje shumë të keqe, por nuk na eci”, shprehet fillimisht mesfushori.

Në Korçë ka pasur një përplasje mes tij dhe kroatit Marko Radas dhe për atë që ndodhi Batha shton: “Është ekzagjeruar në media, nuk ndodhi gjë. Radas më ofendoi nga familja. Nuk ndodhi ajo që u përfol pas ndeshjes. Nuk jemi nga ata që ikim me vrap apo që gjuajmë nga prapa shpine”.

Ndeshja e radhës me Partizanin është e veçantë për Bathën,  i cili në formë batute thotë që shpreson që të kuqtë të mos jenë shumë të impenjuar mes tyre. “Meqë e ka siguruar titullin, shpresoj të fitojmë ne dhe ata të mos jenë shumë të motivuar. Kjo ishte një shaka. Ne duhet ta fitojmë këtë ndeshje, na duhet më shumë se ata”, u shpreh Batha në mbyllje.

Triumfi i korçarëve dje ka pasur edhe një faturë të rëndë. Skënderbeu në kryeqytet do të duhet të udhëtojë pa dy prej titullarëve, të cilët ndaj Flamurtarit u ndëshkuan me kartonë të verdhë dhe janë të pezulluar.

Konkretisht janë kapiteni Marko Radas dhe mesfushori Bruno Dita, dy pika kyçe të formacionit bardhekuq. Trajneri Shehi duhet të mendojë për ata që do i zëvendësojnë këta dy futbollistë në formacion ndaj Tiranës.

Me shumë mundësi në mbrojtje do të rikthehet Kaba Sambou, kurse dilemat janë për mesfushën. Janë disa alternativa për Shehin, i cili duhet të shohë me kujdes edhe numrin e të huajve.

Ai analizon gjithçka po ndodh në ekip dhe thekson se duhet që gjithsecili të kuptojë se sa peshon fanella e Skënderbeut. Objektivi me Teutën? “Të mos pësojmë gol”. Radas flet edhe për incidentin me tifozët pas takimit me Tiranën, kur pati akuza edhe për tolerim.

Marko, a mbani edhe ju lojtarët përgjegjësi për këtë situatë që po kalon Skënderbeu?
-Normal, edhe ne lojtarët mbajmë përgjegjësi për situatën që po kalojmë. Nuk është këtu vetëm trajneri apo stafi. Të gjithë kemi përgjegjësi, si për rezultatet e mira, ashtu edhe për të këqijat.

Çfarë nuk po shkon me skuadrën këto kohë?
-Nuk di ta them, ndoshta më shumë përqendrimi. Në dy ndeshjet me Tiranën dhe Kastriotin kemi pësuar gola në minutat e fundit, kur mund të merrnim një pikë. Përqendrimi ka munguar, loja nuk ka qenë e keqe> kemi krijuar raste, por nuk shënojmë gola. Mungon përqendrimi.

Vetëm përqendrimi, apo ka edhe gjëra të tjera që ndikojnë?
-Kur merr rezultate të këqija bëhet edhe psikologjike. Mendja e lojtarit, afrimet e bëra që duan kohën e vet, fati. Bëhen të gjitha bashkë.

Pse vjen tensioni në skuadër, prej humbjeve apo ka edhe probleme të tjera?
-Jo, jo. Brenda ekipit nuk ka asnjë problem. Vetëm është një periudhë që nuk e di si ta përshkruaj. Dilet vetëm me rezultate të mira. Duhen disa fitore, jo të fitosh një e të humbësh sërish.

Duket sikur nuk ka një lojtar që lëshon britmën te Skënderbeu, madje edhe nga ju që jeni kapiten. Pse jeni kaq indiferent ndaj lojtarëve të rinj, që luajnë sipas qejfit të tyre?
-Edhe unë flas, edhe Kristi e Muzaka. Kemi folur brenda dhomës, nuk tregohen këtu. Nëse nuk e kuptojnë peshën e fanellës, as unë, as trajneri, as presidenti nuk kanë ndikim.

E kishit menduar që do pësonit kaq shumë humbje?
-Jo, më ndodh për herë të parë në jetën time. Edhe në klubet jo kaq të forta sa Skënderbeu, nuk më ka ndodhur të humb tetë ndeshje në 9 takime. Është një situatë shumë e keqe. Të mendosh më shumë për këtë situatë, do shkosh më keq. Duhet ndryshuar. Mendja e gjithsecilit duhet të ndryshojë vetë.

Edhe ju vetë e keni humbur qetësinë në lojë?
-Normal, pasi edhe unë kam përgjegjësi për këto rezultate. Jam një nga lojtarët më të vjetër këtu. Kur shikoj që nuk ecin gjërat mirë javë pas jave, normal që mendoj se kam përgjegjësi.

Çfarë ndodhi mes jush dhe tifozëve pas ndeshjes me Tiranën?
-Ishte një problem me një nga lojtarët tanë. Bëra muhabet me tifozët. Ishte ndeshje e keqe, pati tension. Tifozët duan 100% në çdo ndeshje.

E radhës, ndeshja e Teutës. Është momenti i kthesës?
-Synojmë që ndeshjen e  radhës të mos pësojmë gol. Kemi 7-8 ndeshje që pësojmë, tani synojmë të mos pësojmë. Nëse ndodh, do të marrësh edhe rezultat. Edhe një pikë është mirë në Durrës.

Për të motivuar ekipin mendon kapiteni Marko Radas. Kroati ka  folur në një intervistë për “Supersport”, ku ka folur mbi krizën e skuadrës së tij dhe për zërat për një fund të epokës së Skënderbeut.

ECURIA E DOBËT – “Ikën 12 lojtarë. Tani kemi një ekip të ri. Normalisht që duhet kohë për të pasur një lojë të mirë. Nuk mendoj se situata është katastrofë. Do të rikthehemi te ecuria pozitive”.

KASTRIOTI – “Kastriotin e vlerësojmë maksimalisht. Ata fituan në një fushë shumë të fortë si ajo e Gjirokastrës me rezultatin 5 – 1, kanë pasur dhe ndryshim trajneri”.

FUNDI I EPOKËS SË SKËNDERBEUT ? – “Jo aspak, ndoshta ka xhelozi. Skënderbeu nuk ka mbaruar. Po kalojmë një krizë, por Skënderbeu nuk do mbarojë kurrë”, përfundoi  Radas.

Përgjithësisht ata që marrin të verdhë janë mesfushorët e qendrës. Bruno Arrabal i Kamzës dhe Julian Shehi i Kamzës janë ndëshkuar nga shtatë herë. Nga një më pak kanë marrë Ardit Hila, Asion Daja, Albano Aleksi dhe Olsi Teqja. Të katër këta futbollistë kanë tipare mbrojtëse.

janë disa lojtarët që janë ndëshkuar nga pesë herë dhe njeri prej tyre është sulmues anësor. Flasim për Bedri Grecën e Tiranës, i cili shquhet për lojën e fortë. Sigurisht pritet që lojtarë si Sefgjini, Rapa, Siljanovksi, Useini e Batha gjithashtu të ndëshkohen shpesh me të verdhë.

Për Radas ky është sezoni i tetë me Skënderbeun dhe ajo çka bie në sy është numri i madh i kartonëve të verdhë. Deri më tani ka marrë plot 8 të tillë dhe nëse shikon sezonet e shkuara me fanellën bardhëkuqe, më së shumti ka marrë nëntë të verdhë.

Por ai i ka akumuluar ato në një sezon të plotë. Në sezonin e tij të parë, 2011/12, në 24 ndeshje mori nëntë të verdhë, kurse dy vite më parë i mori në 28 takime. Këtë kampionat Radas i ka marrë tetë të verdhë në 13 ndeshje.

Një shifër që tregon disi edhe rënien e mbrojtësit, i cili kërkon t’i zgjidhë situatat me zgjuarsi. Po të kthehesh pas në kohë, pjesën më të madhe të kartonëve Radas i ka marrë duke shkaktuar faulle taktikë, për shkak se ka qenë në kohë vonesë. Në ndonjë rast i është dashur të ndalë edhe ndonjë top me dorë.

Me siguri deri në fund të sezonit ai do ta thyejë rekordin e kartonëve të verdhë me fanellën e Skënderbeut. Edhe një i duhet për ta barazuar…

Marko Radas, Blerim Krasniqi dhe Ardit Hoxhaj nuk do të jenë të gatshëm për trajnerin e Skënderbeut. Kapiteni kroat është i dënuar me kartonë, ndërsa dy sulmuesit janë të dëmtuar.

Shehi ka analizuar gabimet e shfaqura me Teutën, por pa e rënduar shumë ekipin. Ai ka kërkuar lojtarëve të reagojnë kundër Kukësit dhe të futen në fushë me mentalitetin dhe personalitetin e duhur. Përballja është e fortë, Kukësi vjen nga dy fitore në transfertë dhe kërkon me çdo kusht vazhdimësinë, por Skënderbeu ka treguar se sillet si ekip i madh kundër të mëdhenjve.

Faza e parë përfundoi me fitoren e korçarëve me golin e Gripshit, ndërsa dueli i dytë zhvillohet në Kamzë. Bardhekuqtë kanë fituar dy sfidat me Partizanin, madje kanë arritur të fitojnë dhe në Vlorë. Ata renditen në vendin e dytë dhe diferenca me të kuqtë kryesues është 4 pikë.

Trajneri Orges Shehi duhet të merakoset për lojtarin që do të zëvendësojë kapitenin Marko Radas. Kroati u ndëshkua me karton të verdhë në ndeshjen me durrsakët dhe ka shkuar në kuotën e tetë të verdhëve. Kështu këtë javë ai duhet të shlyejë pezullimin prej kartonëve.

Lulaj dhe Kaba Sambou janë alternativat për stafin teknik dhe mbetet për t’u parë se cili prej tyre do të aktivizohet në krah të Fidan Alitit. Ndërkohë një tjetër problem është gjendja e sulmuesit Blerim Krasniqi. Ky i fundit mungoi për shkak dëmtimi kundër Teutës dhe nuk do të jetë gati për ndeshjen me Kukësin, pasi për 2-3 javë do të qëndrojë jashtë fushave të blerta.

Mesfushori u dëmtua në ndeshjen e fundit me Kamzën dhe gjatë këtyre ditëve ka bërë terapi intensive. U mendua se do ia dilte të rikuperohej në kohë, por nuk ka qenë e lehtë. Gjithashtu nuk mund të rrezikohet, pasi kontraktimi mund të sillte ndonjë tërheqje që do e linte më gjatë pa luajtur.

Ndërkohë që Muzaka duket se e ka humbur ndeshjen, Blerim Krasniqi dhe Marko Radas janë në dyshim të fortë për të qenë të gatshëm. Shanset janë të vogla që mbrojtësi dhe sulmuesi të jenë në urdhrat e trajnerit Shehi. Gjithçka do të sqarohet në stërvitjen e ditës së nesërme.

Korçarët sërish nuk do të jetë të plotë, pasi kapiteni Marko Radas është i pezulluar. Kartoni i verdhë i marrë ndaj Kukësit ishte i katërti dhe kështu qendërmbrojtësit i duhet të pushojë këtë javë.

Gjithsesi për trajnerin Shehi rikthehet i gatshëm Kaba Sambou. Ky i fundit u ndëshkua me karton të kuq kundër Teutës dhe mungoi në takimin kundër Kukësit. tashmë shtatlarti do të jetë në dispozicion të stafit teknik dhe me shumë mundësi do të luajë titullar së bashku me Alitin në qendër të mbrojtjes.

NISJA E KAMPIONATIT – “E kemi nisur shumë mirë dhe në këto katër javë kemi marrë 10 pikë. Ekipi është i ri, por djemtë kanë dëshirë për të treguar vlerat. Vrapojnë dhe punojnë shumë. Ata kanë qenë edhe vitin e kaluar. Kemi edhe lojtarë me eksperiencë. Është vetëm fillimi, ka edhe 32 ndeshje. Sa kam parë unë në Shqipëri, fillimi është shumë i rëndësishëm”.

GARA – “Çdo ndeshje është e vështirë nëse nuk je i përqendruar. Por ne jemi Skënderbeu dhe nuk kemi frikë asnjë ekip. Normale që do i respektojmë kundërshtarët. Çdo skuadër është për t’u mundur, jo vetëm Skënderbeu. Ne shohim punën tonë. Objektivi ynë është ndeshja e radhës, tani kemi Tiranën dhe jemi të përqendruar për të fituar”.

OFERTA DHE DJALI– “Faleminderit që më kërkoi, por shtatë vjet këtu janë shumë dhe nuk mund të kalosh në një klub tjetër kaq lehtë. Edhe këtu, Gesti dhe presidenti më bindën, më dhanë shiritin. Ishte një nga arsyet që qëndrova. Djali im me Skënderbeun? Djali të mbarojë shkollën njëherë. Nëse i pëlqen, pse të mos vazhdojë këtë rrugë”.

Qendërmbrojtësi ndër të tjera kërkon që Skënderbeu të bëjë një ndeshje të mirë në Vlorë. “Çdo vit është një ndeshje e vështirë, ata afrojnë lojtarë të mirë. Ne si klub kemi objektiv ndeshjen e radhës. Flamurtari ka një ekip dhe trajner të mirë. Shpresojmë të luajmë futboll të mirë dhe interesant për shikuesit”, shprehet Radas.

Futbollisti i Skënderbeut tregon se pushimi i kampionatit erdhi në kohën e duhur për korçarët, ndërkohë që thekson se synojnë tre pikët ndaj Flamurtarit. Ai flet edhe për ofertën e marrë këtë verë nga vlonjatët.

“Ikim në Vlorë për të marrë tre pikët, por ka ndeshje ku të kënaq edhe një pikë. Oferta e Flamurtarit? Histori e mbyllur, tani nuk ka rëndësi shumë”, përfundoi Radas deklaratën e tij në “Supersport”.

Mbrojtësi  ka folur në “Supersport” dhe thekson se ishte me shumë rëndësi të fitonin me Partizanin. “Më vjen mirë që e nisëm me një fitore, edhe pse nuk mund ta konsideroj të thjeshtë. Është shumë e rëndësishme, pasi fituam ndaj një rivali direkt.”

Më tej ai flet për përballjen me krutanët: “Nuk do të jetë një ndeshje e lehtë, duhet ta respektojmë maksimalisht kundërshtarin. Ne respektojmë këdo kemi përpara, natyrisht duke kërkuar gjithmonë fitoren në fushë. Sekreti është forca e grupit, kjo është pika e fortë e Skënderbeut, të luajmë të gjithë si një skuadër. Kemi një organikë, cilësore pavarësisht largimeve.”

GOLEADORËT – “Ndoshta skuadrat tregohen më të kujdesshme për të mos pësuar. Mund të thuhet se dikur ishin Pejic, Ekuban apo Salihi e Soue, por është vetëm fillimi dhe qendërsulmuesit mund të spikatin. Nuk besoj se ne kemi nevojë për sulmues në merkato. Krasniqi është një qendërsulmues shumë i mirë, të gjithë besojmë tek ai. Ndoshta në ndeshjen e parë i mungoi pak besimi, por kur ta gjejë do të tregojë vlerat e tij.”

FORMA – “Eksperienca që kam fituar këto 7 vjet te Skënderbeu, pastaj më ndihmojmë shumë edhe shokët e skuadrës. Bëhet gjithçka më e lehtë kur luan përkrah një lojtari si Vangjeli, që gjithashtu ka shumë eksperiencë”.