“Vetëm diçka i bën tifozët e Interit ta duan Konten”

Sport Ekspres — Sat, 01 Jun 2019 10:51:53 +0000

Antonio Konte është trajneri i ri i Interit. Edhe pse aftësitë e tij janë të mëdha, tifozët nuk pritet ta admirojnë menjëherë prej faktit se ai ka qenë një armik. Marko Materaci është një nga ata, që nuk gëzon marrëdhënie perfekte me Konten.

Të dy kanë pasur probleme me njëri-tjetrin në kohën kur ishin pjesë e futbollit aktiv. Ish-qendërmbrojtësi mendon se Konte nuk do ta ketë shumë të lehtë të fitojë zemrat e Interistëve sepse e shkuara nuk fshihet kollaj. Megjithatë, sipas tij egziston një zgjidhje. Trofetë janë ilaçi i këtij problemi.

“Shpresoj që Konte mund të fitojë zemrat e tifozëve. Nuk do të jetë e lehtë, pasi e ardhmja nuk mund të fshihetapo harrohet. Ai është i uritur për trofe. Nëse Interistët shohin te ai dëshirë dhe angazhim të madh për të fituar tituj, do fillojnë ta duan. Tani është në dorën e tij për të fituar besimin e të gjithëve”, u shpreh Materaci.

Ai shtoi edhe diçka për largimin e pahijshëm të De Rosit nga Roma. Ai u tregua i ashpër me klubin roman, që e quan ndyrësi mungesën e respektit ndaj mesfushorit. “Daniele vlen shumë, ai nuk e meriton këtë ndyrësi”, përfundoi 45-vjeçari.

Materaci: Kurrë tifo kurrë për Juven, dështim nëse nuk fitojnë Championsin!

Sport Ekspres — Mon, 18 Feb 2019 15:40:59 +0000

Marko Materaci është një ndër lojtarët që kurrë nuk do të harrohet nga tifozët italianë, sidomos ata të Interit. Ish-mbrojtësi kaloi plot 10 vite në “San Siro”. Së fundmi, italiani ka folur për mediat, duke diskutuar mbi Juventusin. 45-vjeçari ka analizuar bardhezinjtë, ku ka thënë se në rast se ata nuk fitojnë Championsin do të ishte një dështim.

“Kur fiton shumë në Itali, gjithmonë kërkon të bësh hapin tjetër, që është të fitosh Championsin. Verën e kaluar morën një lojtar që nuk krahasohet me asnjë tjetër në Champions. Është e vështirë për këdo për t’i marrë titullin atyre, sepse kanë një ekip të organizuar, që kanë fituar dhe kanë luajtur për shumë kohë me njëri-tjetrin.

Do të jetë problem në rast se nuk e fitojnë Championsin, pasi do të jetë një sezon i dështuar. Gjithsesi, si një tifoz i Interi nuk mund të mbështes Juventusin. Nëse e fitojnë, atëherë do t’i komplimentoj si italian që jam, por kurrë nuk do të gëzohem për ta.”