Marko Cetkovic

Cetkoviç: Jam befasuar nga Shqipëria, atje ndihesh si yll!

Sport Ekspres — Sun, 30 Jun 2019 10:21:11 +0000

Marko Cetkoviç është një nga lojtarët e huaj më të mirë që ka luajtur në Superiore. Nipi i një emri të madh të futbollit botëror, Pedrag Mijatoviç, iu bashkua Laçit në verën e vitit 2014 dhe sapo e mori veten nisi të rrëmbente zemrat e tifozëve.

Cetkoviç shënoi 8 gola në kampionat, ndërkohë që në fund fitoi edhe Kupën e Shqipërisë. Malazezi ishte protagonist, duke asistuar te goli i fitores, shënuar nga Xhejms Adeniji. Së bashku me nigerianin ishin një dyshe shumë e fortë dhe e kërkuar asokohe në merkato.

Tani fantazisti luan me Sutjeskën dhe është shpallur kampion, ndërkohë që së fundmi ka dhënë edhe një intervistë të gjatë për “vijesti.me”. Cetkoviç flet mes të tjerash edhe për eksperiencën në Superiore, ku është aktivizuar edhe me Partizanin.

“Shqipëria ishte një surprizë e këndshme. Blazho Rajoviç, i cili ka luajtur atje, më tregoi dhe me këshillën e tij shkova. Në të vërtetë, gjithçka ishte në një nivel shumë më të lartë se sa e kisha menduar, edhe më lart se këtu”, tregon Cetkoviç.

“Kur isha atje, Supersport transmetonte të gjithë ndeshjet në format HD, stadiumet janë të mira, sikurse edhe terrenet. Futbollistët konsiderohen yje dhe janë shumë të njohur. Njerëzit gjithashtu e duan futbollin. Të gjitha këto e bëjnë një lojtar të ndihet rehat dhe nëse mund ta them kështu, një yll i vërtetë”, përfundon malazezi.

Gola me aromë titulli, Olajinka dhe Cetkoviç protagonistë

Sport Ekspres — Sun, 28 Apr 2019 15:35:35 +0000

Ish-sulmuesi i Bylisit dhe Skënderbeut, Piter Olainka, ka qenë protagonist në sfidën e kësaj jave të kampionatit çek midis Slavias së Pragës dhe Sigma Olomouc. 23-vjeçari shënoi golin hapës të përmbysjes së Slavias, që fitoi takimin me rezultatin 2-1. Ky ishte goli i gjashtë i Olajinkës në kampionatin çek. Teksa kanë mbetur katër javë nga fundi i kampionatit, Slavia kryeson renditjen me katër pikë diferencë nga Plzeni i vendit të dytë.

Zhvendosemi në Mal të Zi, ku Marko Cetkoviç dhe Stefan Cicmil po marshojnë drejt titullit me skuadrën e Sutjeskës. Ish-lojtari i Laçit dhe Partizanit la shenjën e tij në fitoren e djeshme me rezultat 4-0 ndaj Rudarit. Me shtatë pikë diferencë nga ndjekësit, titulli kampion është thuajse i sigurt.

Standings provided by Sofascore LiveScore

VIDEO | Nimaga gjen golin e parë turk

Sport Ekspres — Sat, 27 Apr 2019 17:05:27 +0000

Ish-futbollisti i Skënderbeut, Bakari Nimaga, ka shënuar golin e parë me klubin turk të Hataisporit. Mesfushori nga Mali zhbllokoi takimin që u mbyll me fitoren 4 – 1 të skuadrës së tij. Ekipi ku bën pjesë Nimaga synon ngjitjen në Superligën turke, objektiv që shpresojnë ta arrijnë me anë të fazës play-off.

Standings provided by Sofascore LiveScore

VIDEO | Cetkoviç “vallëzon” me Sutjeskën, driblime dhe… asist

Sport Ekspres — Thu, 21 Feb 2019 08:14:48 +0000

Marko Cetkoviç, ish-futbollist i Laçit dhe Partizanit, vazhdon të paraqitet mirë në Mal të Zi. Në verë kampionët e Sutjeska i bënë një ofertë dhe mesfushori e pranoi, edhe pse financiarisht Tirana i kishte bërë një propozim edhe më të mirë. Këtë sezon ai ka gjetur katër herë rrugën e rrjetës, ndërkohë që nuk mungojnë as asistent e dhëna.

I fundit ka ardhur në takimin që Sutjeska fitoi ndaj Lovçen me rezultatin 1-3. Cetkoviç ishte protagonist në kthimin e rezultatit, pasi asistoi në golin e barazimit për skuadrën e tij. Fantazisti shmangu dy kundërshtarë dhe krosoi mjaft bukur për Nediç, i cili me kokë e dërgoi topin në rrjetë.

Dhjetë minutat e fundit kampionët në fuqi të Malit të Zi shënuan edhe dy herë të tjera dhe morën pikët e plotë. Sutjeska kryeson kampionatin pas 20 javësh me pesë pikë më shumë se Ofk Titograd (Mladost Podgorica).