marko arnautovic

Një vit luftë, më në fund Arnautoviç ikën në Kinë!

Sport Ekspres — Mon, 08 Jul 2019 10:08:18 +0000

Uest Ham Junajtid ka hequr dorë nga Marko Arnautoviç, i cili ka zgjedhur Kinën për të vazhduar karrierën. Klubi londinez e ka shitur sulmuesin austriak për rreth 23 milionë sterlina, tre milionë më shumë se sa e ka blerë nga Stoke Siti verën e vitit 2017.

“Çekiçët” e kanë zyrtarizuar gjithçka përmes faqes së tyre zyrtare: “Uest Ham Junajtid mund të konfirmojë se Marko Arnautoviç është bashkuar me kampionët e Superligës kineze, Shangai SIGP për një shifër që nuk mund të zbulohet. Austraku 30-vjeçar largohet pas dy sezoneve në Londër, përgjatë të cilëve ka shënuar 22 gola në 65 paraqitje me fanellën e ekipit tonë”.

Arnautoviç e kishte kërkuar prej gati një viti largimin, por Uest Hemi këmbënguli ta mbante. Gjithsesi ata u dorëzuan këtë verë dhe tashmë po tentojnë të afrojnë për sulmin Maksi Gomez, për të cilin Selta Vigo kërkon rreth 45 milionë sterlina.

Marko Arnautovic departs.https://t.co/uX2IhifBBD

— West Ham United (@WestHam) July 8, 2019

Inter dhe Roma sytë nga Anglia, synojnë sulmuesin e njohur

Sport Ekspres — Sat, 29 Jun 2019 13:51:38 +0000

Marko Arnautoviç është objektiv i Romës dhe Interit. Austriaku aktivizohet me Uest Hem në Premier Ligë. Megjithëse nuk ka statistika të jashtëzakonshme (10 gola, 4 asiste), potenca dhe personaliteti i tij në fushën e lojës ka tërhequr interesin e dy gjigantëve përtej Adriatikut.
Vlera e 30-vjeçarit në merkato është rreth 40 milionë euro. Uest Hem i është përgjigjur në mënyrë të menjëhershme interesit të Interit dhe Romës me një “jo”. Londinezët nuk e kanë në shitje Arnautoviç. Ai është një element shumë i rëndësishëm për ekipin dhe gjetja e një zëvedësuesi duket diçka mjaft e vështirë.

Kështu, italianëve do i duhet të rishikojnë tregun dhe të gjejnë alternativa të tjera për sulmin. Sa për Uest Hem mund të themi se kjo është mundësia e fundit për të nxjerrë fitime nga Arnautoviç, duke parë moshën relativisht të madhe të sulmuesit.

VIDEO | “Shut the fuck up”, Arnautoviç nuk përmbahet ndaj tifozit

Sport Ekspres — Sat, 30 Mar 2019 20:16:43 +0000

Uest Hem u mund sot në Londër nga vizitorët e Evertonit. Një pjesë e tifozëve që kishin përmbushur plot stadiumin u irrituan dhe filluan të vërshëllenin lojtarët, një prej të cilëve është dhe austriaku Marko Arnautoviç, i cili u vërshëllye në kor gjatë momentit të zëvendësimit.

Në një moment të fiksuar nga regjia angleze dallohet që Arnautoviç kapet me fjalë me një fans që ndodhet vetëm pak metra larg stoli të Uest Hem.

https://twitter.com/bsiIvva/status/1112067040796385280

Nuk është nevoja që të jesh një ekspert i leximit të buzëve për të kuptuar se çfarë i ka thënë austriaku tifozit: “Shut the fuck up”.

Arnautoviç u jep fund dilemave, u drejtohet tifozëve me mesazhin e veçantë

Sport Ekspres — Fri, 25 Jan 2019 19:48:42 +0000

Marko Arnautoviç ka sqaruar njëherë e mirë të ardhmen e tij. Për sulmuesin austriak erdhi një ofertë e çmendur nga kampionati kinez, që do ta bënte atë një ndër futbollistët më të paguar në planet.

Megjithatë, me një postim në rrjetet sociale drejtuar tifozëve të skuadrës së Uest Hemit, ai ka bërë të ditur se e ndjen veten si në shtëpi në qytetin e Londrës dhe klubin londinez dhe do të vazhdojë të kontribojë për skuadrën.

MESAZHI I ARNAUTOVIÇ

“Të dashur fansa të Uest Hemit, mendoj se nuk është sekret që ka një ofertë për mua, dhe më duhet ta pranoj se është një ofertë shumë tunduese për mua dhe familjen time. Kam dhënë 100% në çdo detyrim ndaj klubit. Megjithatë, kam dashur gjithashtu pak kohë për të folur me drejtuesit, gruan dhe pjesën tjetër të familjes sime. Tani kam vendosur t’i jap fund të gjitha shkrimeve dhe spekulimeve. Jam një futbollist profesionist dhe e vetmja gjë që di të bëj në jetë është të luaj futboll. Është e qartë që Londra dhe Uest Hemi më bëjnë të ndihem si në shtëpi dhe shpresoj që tifozët e Uest Hemit ta kenë kuptuar gjithnjë këtë. Klubi e ka vënë karrierën time në udhën e duhur, që në momentin kur unë iu bashkova e prandaj kam vendosur ta anashkaloj këtë ofertë, që të ndihmoj klubin të ngjitet sa më lartë na kampionat, si dhe të përpiqemi të fitojmë kupën. Le të fokusohemi në pjesën e mbetur të sezonit bashkë dhe le t’i lëmë ato flluska të fluturojnë”.

Kinezët të çmendur pas yllit të Uest Hemit, 50 milionë eurove s’mund t’i thuhet jo

Sport Ekspres — Mon, 14 Jan 2019 10:24:57 +0000

Skuadra kampione në fuqi e kampionatit kinez, Shangai SIPG, po bën çmos për të sjellë në lindjen e largët sulmuesin austriak Marko Arnautoviç. Sipas gazetës angleze “The Times”, ofertat e njëpasnjëshme të klubit kinez kanë filluar të ndryshojnë mendjen e drejtuesve të Uest Hemit.

Fillimisht skuadrës londineze iu paraqit një çek prej 27 milionë eurosh, ndërsa pas dy javësh negociata, pala kineze ka lënë të shtangur këdo me një ofertë prej 50 milionë eurosh. Sigurisht, kjo ofertë për 29-vjeçarin nuk mund të refuzohet dhe ditët në vazhdim pritet zyrtarizimi i transferimit.

Me kalimin në Kinë, Arnautoviç do të kthehet në një ndër lojtarët më të paguar në planet. Gjatë pesë viteve e gjysmë qëndrim në Angli, sulmuesi austriak ka shënuar 40 gola duke luajtur për skuadrat Stouk Siti dhe së fundmi, Uest Hem.