Mark Van Bomel

Kovaç largohet në fund të sezonit, nuk e shpëton as dopieta!

Sport Ekspres — Fri, 17 May 2019 18:23:24 +0000

Niko Kovaç në fillim të këtij viti i mori stafetën Jup Heinkesit si trajner i Bajernit të Mynihyt. Kroati vinte nga një eksperiencë shumë pozitive tek Ajntrahti i Frankfurtit. Megjithatë ai nuk po arrin të gjejë balancat në Mynih dhe skuadra nuk është në nivelin e duhur. Bajern gjithmonë pretendon të fitojë Championsin. Këtë sezon janë eliminuar që në 1/8 nga Liverpuli, duke mos i bërë asnjë rezistencë anglezëve.
Sipas gazetës “Sport Bild”, drejtori Rumenige e ka humbur besimin të kraoati. Ai dëshiron si zëvendësues të tij, Mark Van Bomel. Holandezi aktualisht drejton PSV Eindhoven. Ekipi i 42-vjeçarit e ka rivalizuar Ajaksin deri në fund, duke u traguar gati të një niveli në kampionat.

Kryesia bavareze e shohin atë si të duhurin për të marrë drejtimin e Bajernit. Me Kovaç lojtarët kanë treguar se nuk ndihen mirë dhe e kanë pasqyruar shqetësimin e tyre tek drejtuesit. Trajneri kroat pritet të shkarkohet në fund të sezonit edhe nëse arrin të fitojë dopietën.

Van Bomel: Na kënaq pika, u vendos nga episodet

Sport Ekspres — Wed, 24 Oct 2018 20:37:05 +0000

Mark Van Bomel, trajneri i PSV, ka dalë para mediave dhe ka folur për ndeshjen me Totenhemin. Holandezët kaluan të parët në avantazh, ndërkohë që më pas anglezët barazuan dhe e panë veten në avantazh. Gjithsesi nuk pati fitues në fund, pas golit të De Jong për PSV-në/

Bomel, e vlerëson pikën e marrë, pasi përballë kishin një kundërshtar të fortë si Totenhemi. Sipas tij, gjithçka u vendos nga episodet dhe ato ishin në favor të holandezëve.

“Ishte një ndeshje shumë e vështirë, kemi luajtur një ndeshje kundër një skuadre të fortë dhe jemi të kënaqur me këtë pikë. Fillimisht deshëm të mbronim avantazhin, barazimi erdhi pas një episodi ku ishim të pafat. Episodet janë të vendimtare në futboll dhe këtë e them gjithmonë. Në këtë rast ishin në favorin tonë”, ka deklaruar Van Bomel.

Van Bomel gati për Interin: Një derbi i vogël për mua, 2010 dhemb akoma

Sport Ekspres — Mon, 01 Oct 2018 13:59:26 +0000

Mark Van Bomel është gati për ndeshjen e së mërkurës kundër Interit në Champions. Trajneri i PSV ka folur për sfidën përballë zikaltërve, si dhe komenton periudhën kur ishte pjesë e Milanit.

41-vjeçari luajti gjashtë sezone me PSV, përpara se të kalonte te Barcelona, Bajern Mynih dhe Milan. Rikthim në shtëpi për të luajtur sezonin e fundit, ndërsa tashmë është ulur në stolin e PSV, pas eksperiencës në Botëror si ndihmës i Van Maruik, trajneri i Australisë.

INTER – “Do të jetë një derbi i vogël për mua. Kanë kaluar tetë vite nga finalja e Madridit (Van Bomel ishte pjesë e Bajernit dhe humbiste finalen e Champions përballë Interit), por ajo humbje dhemb akoma. Interi i Murinjos ishte taktikisht perfekt. Por, kur erdha te Milan në janar të vitit 2011, fituam derbin 3-0 dhe shkuam pesë pikë sipër Interit. Në fund ia dolëm të fitonim titullin.”

GRUPI I CHAMPIONS – “Ishim të pafat, sepse është grupi më i vështirë nga të gjithë. U frikësohem të treja ekipeve, por të gjithë mund të fitojnë kundër çdokujt.”

BARCELONA – “Përballja me Barcelonën është speciale, sepse kam fituar Champions Ligën me këtë ekip. Në atë ekip kishim dy fenomene si Ronaldinjo dhe Eto.”

MILAN – “Atë vit që fituam Champions eliminuam Milanin në gjysmëfinale. Fituam 1-0 në San Siro, ndërsa në ndeshjen e kthimit rrezikuam shumë me golin e anuluar të Shevçenkos. Më pëlqente shumë Milani i holandezëve. Kur erdha në Milano isha i lumtur. Kishte lojtarë impresionues në ekip si: Ibrahimoviç, Tiago Silva, Pato, Gatuzo, Nesta, Inzagi dhe Pirlo.”