“Shkëndija do të jetë pa Marjan Radeskin një periudhë më të gjatë. Dëmtimi i pësuar në Uells në takimin e kthimit të xhiros së parë eliminatore të Champions League kundër The Nju Saints rezulton të jetë serioz. Testimet e detajuara dhe rezonanca magnetike tregojnë këputje të ligamenteve të përparme të kryqëzuara të gjurit të këmbës së djathtë. Kjo nënkupton ndërhyrje kirurgjike dhe pauzë më të gjatë e nevojshme për rehabilitim. Ndërhyrja do të kryhet ditëve në vijim, ndërsa menjëherë do të startohet me procesin e rikuperimit”, njofton klubi i Shkëndijës.

Radeski, vetëm 23 vjeç, është një nga lojtarët që ka spikatur më së shumti te Shkëndija. Sezonin e fundit arriti të shënojë 9 gola në kampionat, ndërkohë që në të të tilla shifra ka realizuar edhe në dy sezonet e mëparshme me tetovarët. Sulmuesi në fjalë është edhe pjesë e përfaqësues së Maqedonisë.

Skuadra tetovare do të tentojë të avancojë më tej dhe objektivi i tyre është arritja në fazën e grupeve, në Champions ose Europa League. Sherif nuk është një skuadër e pakalueshme, megjithatë duhet të evitohen gabimet e bëra në takimin e fundit.

Kuqezinjtë për këtë sfidë nuk do të ketë të gatshëm Marjan Radeskin. Sulmuesi ka realizuar 9 gola në edicionin e fundit në 30 ndeshje që ka luajtur. Ai ishte titullar në ndeshjen e parë  ndaj TNS, ndërkohë që vetë klubi i Shkëndijës ka bërë me dije se 23-vjeçari nuk do të jetë i gatshëm për ndeshjen me moldavët. Ditët e ardhshme do të mësohet shkalla e lëndimit të sulmuesit.