Në takimin kundër Tuentes, ai dha asistent e dy golave të fitores.Takimi u mbyll me rezultatin 2-3 dhe Vrushaj fillimisht shërbeu për Pavlidis, i cili realizoi i ndodhur pranë portës kundështare në minutën e 76-te.

Dhjetë minuta më pas krosi i beratasit e pasaportë greke u kthye në gol nga Kristinson dhe skuadra holandeze e sulmuesit anësor e pa veten në avantazh. Me këtë fitore Vilem II kaloi në fazën gjysmëfinale të Kupës së Holandës dhe pret të mësojë kundërshtarin.

Lojtari i përfaqësueses së Kosovës nuk ishte i pranishëm në ndeshjen e sotme si pasojë e një dëmtimi, ndërsa Vrushajt i kanë mjaftuar vetëm 17 minuta për të gjetur golin e parë “holandez”.

20-vjeçari shqiptar u huazua për 1.5 vite nga Olimpiakosi para pak ditësh, ndërsa sot erdhi debutimi dhe goli i parë me ekipin e ri. Sulmuesi i talentuar zbriti në fushë në minutën e 75-të, ndërsa vulosi fitoren e Uillem II me golin e shënuar në minutën e dytë shtesë.

Një gol i bukur i Vrushajt, i cili ndërmori një inkursion të bukur dhe lëshoi një të djathtë të pakapshme për portierin mik. Deri para pak kohësh kishte shumë paqartësi mbi faktin se cilën kombëtare do të zgjedhë Vrushaj, por sulmuesi i talentuar duket se e ka ndarë mendjen, sepse prej nëntorit të vitit të shkuar luan për Greqinë U-19.

Ky është rasti i dytë që ai debuton me gol, pasi e njëjta gjë ndodhi dhe me Olimpiakosin. Vrushaj debutoi me ekipin nga Pireu me datë 16 prill të vitit të kaluar në fitoren 5-1 kundër Korfuzit. Trajneri Kontis e hidhte në fushë në minutën e 78-të dhe sulmuesi shënoi menjëherë pas nëntë minutash. Të njëjtën gjë e ka përsëritur dhe sot, duke treguar se e ka në gjak golin.

Vrushaj është 20 vjeç, aktivizohet në rolin e sulmuesit dhe sivjet numëron 314 minuta aktivizim me klubin nga Pireu në të gjitha kompeticionet. Vrushaj ka lindur në Shqipëri, ndërsa zotëron dhe pasaportën greke.

Ai është pjesë e Greqisë U19, me të cilët ka luajtur 444 minuta. Tashmë Vrushaj është gati të nisë aventurën e re me ekipin e Uillemit, aty ku do të ketë si shok skuadre dhe Avdijajn.