VIDEO | Morina gol të artë, Prishtina thyen Llapin në shtesë

Sport Ekspres — Sat, 06 Oct 2018 17:55:39 +0000

Prishtina ia ka dalë të fitojë në shtëpi me Llapin, në një ndeshje që u vendos në minutat shtesë dhe u mbyll me rezultatin 2-1. Heroi i bardhekaltërve ishte sulmuesi Mario Morina, i cili realizoi golin e fitores.

Skuadra e drejtuar nga Mirel Josa u gjend në disavantazh që në minutën e dhjetë, kur mesfushori Behar Maliqi arriti të shënojë me një goditje me kokë. Prishtina u mundua të barazonte, por nuk ia doli dot në 45 minutat e para.

https://www.facebook.com/FCPrishtina/videos/980516175484748/

Marsh tjetër më pas dhe Khalid kur ishte mbushur një orë lojë arrit të mposhtë portierin Haxho dhe rezultati u bë 1-1. Prishtina kërkonte fitoren, por nga ana tjetër ishte Lllapi. Kundërshtari ka pretendimet e veta në kampionat dhe gjithashtu donte maksimumin.

Gjithçka u vendos në minutën e 91-të, kur Mario Morina me një goditje brenda zonës e ccoi topin drejt e në rrjetë, duke i dhënë kështu Prishtinës tre pikë të arta.

https://www.facebook.com/FCPrishtina/videos/308798943280791/

IPKO SUPERLIGA – JAVA 9

Prishtina-Llapi 2-1
Shënues: Khalid 60’, Morina 91’ / Maliqi 10’

Befasia e madhe, Mario Morina vishet bardhekaltër

Sport Ekspres — Wed, 15 Aug 2018 14:47:30 +0000

Mario Morina e mbylli sezonin e shkuar te Dinamo, ndërkohë që hapat e parë në futboll i ka hedhur te Tirana. Zemrën aty e ka, por të paktën këtë sezon do ndihet mirë se do të mbrojë pikërisht të njëjtat ngjyra, ato bardheblu.

Zyrtarisht ai është pjesë e Prishtinës dhe transferimi i tij te skuadra kryeqytetase ka qenë një befasi. Ai po stërvitej me Dinamon, por sot është prezantuar te skuadra e re.

“Çfarë ka ndodhur, ishte edhe gabim i imi personal, sepse cilësitë i kam, të gjitha i kam dhe duke më pëlqyer ambienti i qetë, dua t’i përkushtohem maksimalisht punës dhe të jem ai Morina që kam qenë. Ndërsa, duke parë ndeshjet e Prishtinës gjatë vitit të kaluar nga Supersporti, më pëlqen si ekip, dhe për lavdinë që ka klubi në Kosovë ku çdo vit lufton për trofe.

Pra, dua rikthimin e lavdisë sime, dua fitimin e titujve dhe të shkojmë sa më lart që mundemi dhe këtë e them duke e njohur trajnerin Josa, me të cilin kemi punuar te Skënderbeu, bashkë dhe me vetë emrin e madh që ka ai duke fituar tituj kampion kudo që ka qenë. Pastaj duke njohur Currin, me të cilin kam luajtur dhe tani është pjesë e stafit, si dhe Dallkun që e njeh gjithë Kosova e Shqipëria, shpresoj që së bashku të bëjmë gjëra të bukura”, është shprehur Morina për sajtin zyrtar të Prishtinës.