Mario Mandzukic

Juventus “pa frena”, ofron tre futbollistë për Pogba

Sport Ekspres — Mon, 05 Aug 2019 18:35:08 +0000

Juventusi nuk është dorëzuar ende për Pol Pogba. Mesfushori pritet të qëndrojë te Junajtid sezonin e ardhshëm. Merkato në Angli mbyllet me datë 8 gusht dhe drejtuesit e “djajve” nuk kanë shumë kohë për të gjetur një zëvendësues të denjë.

Gjithsesi, bardhezinjtë nga Torino kanë ofruar tre lojtarë për shërbimet e mesfushorit francez: Paulo Dibala, Blez Matuidi dhe Mario Manxhukiç! Një ofertë tunduese për “djajtë e kuq” të Solskjaer, ndërsa drejt ishullit kanë udhëtuar dyshja Paratiçi-Nedved.

Drejtuesit e “Zonjës së vjetër” kanë qenë në shoqërinë e agjentit Mino Raiola dhe kanë takuar Pogba. Qëllimi është gjetja e një akordi me lojtarin dhe pritja e përgjigjes pozitive nga Mançester Junajtid.

Operacion gjigant Junajtid-Juve, dy bardhezinj drejt Old Trafford

Sport Ekspres — Fri, 02 Aug 2019 14:25:54 +0000

Merkato e Juventusit është përqendruar te dy klubet e Mançesterit. Me Sitin po tentohet shkëmbimi Kanselo-Danilo, kurse me “djajtë e kuq” ai midis Romelu Lukakut dhe Paulo Dibala.

Negociatat vazhdojnë dhe palët po tentojnë akordin përfundimtar. Gjithsesi, Sky Sport raporton se argjentinasi nuk i vetmi juventin që pëlqehet nga Junajtid.

Drejtuesit e klubit anglez pëlqejnë shumë edhe Mario Manxhukiç. Me largimin e Alegrit 33-vjeçari nuk shihet më aq i rëndësishëm dhe aventurës së tij në Torino mund t’i ketë ardhur fundi.

Solskjaer e pëlqen shumë “luftëtarin” kroat dhe beson se ai do të vazhdojë të paraqitet në nivele të larta edhe për disa vite. Trajneri norvegjez e dëshiron Manxhukiç në Old Trafford dhe tratativat midis dy klubeve vazhdojnë.

Juves nuk i bën më punë, Manxhukiç drejt Premier Ligës

Sport Ekspres — Wed, 17 Jul 2019 14:39:02 +0000

Juventusi ka luksin të largojë një lojtar si Mario Manxhukiç. Sarri nuk e sheh si pjesë thelbësore e skemave të tij dhe kroati është me valixhe gati.

Pavarësisht se është ndër të preferuarit e tifozërisë dhe një “luftëtar” në fushën e blertë, sulmuesit pritet të nisë një aventurë të re.

Në fillim u përfol për një rikthim në Bundesligë dhe Bajerni me Dortmundin interesoheshin për të, ndërsa tani ka oferta nga Premier Liga. Evertoni dhe Leister Siti e pëlqejnë shumë 33-vjeçarin.

Manxhukiç ka provuar të luajë në ligat më të forta evropiane si Bundesligë, Serie A dhe La Liga spanjolle. Kampionati anglez mungon dhe mundësia për të luajtur aty e tundon lojtarin.

Plan B për sulmin, Bajerni kërkon të rikthejë një “ish”

Sport Ekspres — Tue, 16 Jul 2019 07:50:12 +0000

Te Bajerni i Mynihut janë mëse të kënaqur me Robert Levandovskin. Polaku konsiderohet nga shumë vetë si sulmuesi më i mirë në planet dhe në Bavari i gëzohen faktit që 30-vjeçari ka dhe dy vite të mbetura në kontratën e tij.

Megjithatë është mëse e qartë që në skuadrën aktuale të Bajernit mungon një “plan B”. Largimi i Sandro Vagner në janar ka lënë kampionët e Gjermanisë pa një sulmues rezervë, por sipas medies gjermane “Sky Sports”, kjo problematikë do të marrë zgjidhje këtë verë.

Drejtuesit e klubit bavarez dëshirojnë të rikthejnë në Mynih sulmuesin Mario Mandzhukiç. Ardhja e Kristiano Ronaldos në Torino dhe dalja në skenë e talentit Moise Ken ka bërë që situata e kroatit te Juventusi të ndryshojë ndjeshëm.

Gjithsesi transferimi i Mandzhukiç në Mynih nuk do të jetë pa kosto për Bajernin. Kontrata e sulmuesit me Juventusit zgjat edhe për dy sezone dhe italianët nuk njihen si një klub që bëjnë ulje në tregun e transferimeve.

Mes Bajernit dhe Dortmundit, Manxhukiç shpreh qartë dëshirën e tij

Sport Ekspres — Sat, 13 Jul 2019 17:11:32 +0000

Ardhja e Sarrit ka bërë që pozitat e Manxhukiç në Torino të ulen. Kroati ka karakteristika që nuk i përshtaten shumë mënyrës së lojës që tekniku aplikon. Kroati është i përshtatshëm për trajnerë që aplikojnë lojë mbrojtëse, duke parë vetitë e tij shkatërruese.

Trajneri aktual i bardhezinjve dëshiron sa më shumë klas në sulm dhe Manxhukiç nuk ja mundëson këto cilësi. Për të interesohen Borusia Dortmund dhe Bajern Mynih. Sipas medieve italiane, 33-vjeçari e ka mohuar kategorikisht një kalim në Dortmund.

Kjo nga marrëdhënia mjaft e mirë me presidencën në Mynih dhe dëshira për të mos i tradhtuar tifozët e kuq si një ish-bavarez që është. Dëshira e tij e parë është bindja e Sarrit se ai mund të jetë i vlefshëm në Torino. Nëse trajneri i tregon derën, kthimi në “Allianz Arena” është e vetmja mundësi.

Bajerni nis ofensivën, synohet “luftëtari” i Juventusit

Sport Ekspres — Wed, 10 Jul 2019 11:06:13 +0000

Bajerni ka nevojë për përforcime dhe drejtuesit e dinë mirë këtë fakt. Ideja e tyre e fundit intrigon jo pak. Objektivi i klubit bavarez luan në Serie A, konkretisht te kampionët e Juventusit.

Ai nuk është një emër i panjohur në Bavari, aty ku ka luajtur për dy sezone dhe ka shënuar 48 gola në 88 ndeshje. Flasim për Mario Manxhukiç, “luftëtarin” kroat të bardhezinjve.

33-vjeçari ka edhe dy vite kontratë me Juven, por ai nuk është i pashitshëm për Mauricio Sarri. Sport Bild raporton për interesimin bavarez, ndërkohë që edhe Dortmundi insiston për të siguruar shërbimet e Manxhukiç.

Bajerni kërkon ta kthejë sulmuesin në Mynih, pasi vetëm Levandovski nuk mjafton. Me këtë operacion do të merret personalisht drejtori sportiv i klubit, Hasan Salihamixhiç.

Als Back-up für #Lewandowski: #Mandzukic-Rückkehr bei #Bayern ein Thema
https://t.co/JkaAqrzHn9

— SPORT BILD (@SPORTBILD) July 10, 2019

Dortmundi kërkon një bomber, e gjen në Serie A

Sport Ekspres — Fri, 05 Jul 2019 09:49:42 +0000

Borusia Dortmund po kërkon të përforcojë repartin ofensiv. Disa emra ndodhen në bllokun e drejtuesve gjermanë, por i preferuari mbetet Mario Manxhukiç. Nënkampionët e Bundesligës u interesuan edhe më parë për sulmuesin e Juventusit.

Ulja e Mauricio Sarrit në stolin bardhezi e ka nxjerrë në merkato “luftëtarin” kroat. Pavarësisht se 33-vjeçari është ndër të preferuarit e tifozërisë së Juves, trajneri nuk e llogarit në planet e tij.

Dortmundi po monitoron situatën dhe është klubi më i interesuar për Manxhukiç. Së shpejti do të vijë dhe oferta zyrtare e verdhezinjve, ndërsa “Zonja e vjetër” shpreson të fitojë sa më shumë nga shitja e sulmuesit të njohur, i cili pritet të rikthehet në Bundesligë pas 5 vitesh.

Dortmundi hedh sytë nga Serie A, ofertë zyrtare për “luftëtarin” e sulmit

Sport Ekspres — Sat, 25 May 2019 11:08:33 +0000

Borusia Dortmund zhvilloi një sezon shumë të mirë. Verdhezinjtë dështuan vetëm në fund në garën për titull me Bajernin e Mynihut, por nuk duhet harruar kurrë fakti që t’ia rrëmbesh Bundesligën bavarezëve, mbetet gjithmonë një mision i komplikuar.

Megjithatë, klubi me një ndër tifozeritë më të zjarrta në botë është gati të përforcojë sulmin. Dëshira e madhe quhet Mario Manxhukiç, madje është bërë dhe oferta e parë për të.

Dortmundi i ka ofruar Juventusit 15 milionë euro për kartonin e 33-vjeçarit. Kroati siguron gola, eksperiencë dhe prezencë në çdo cep të fushës dhe çdo duel.

Tani pritet përgjigja e bardhezinjve, të cilët vështirë të heqin dorë nga një “luftëtar” si Manxhukiç, por e ardhmja e tij është në dorën e trajnerit të ri. Nëse akordi arrihet, do të bëhej fjalë për një rikthim në kampionatin gjerman, aty ku luajti dy sezone me Volfsburgun dhe po aq me Bajernin e Mynihut.

Zyrtare: Mario Manxhukiç firmos, bardhezi “përjetë”

Sport Ekspres — Thu, 04 Apr 2019 11:09:33 +0000

Rinovimi ishte në ajër prej kohësh dhe kishte mbetur vetëm zyrtarizimi. Sot ka ardhur dhe Mario Manxhukiç do të jetë i Juventusit të paktën deri në vitin 2021. Klubi bardhezi ka dalë me një deklaratë pas nënshkrimit të kontratës së re me sulmuesin kroat.

??OFFICIAL?@MarioMandzukic9 is here until 2021! ?????
??https://t.co/gL1i0zkA0l pic.twitter.com/21Xgtz4lvD

— JuventusFC ???? (@juventusfcen) April 4, 2019

Manxhukiç iu bashkua Juventusit në verën e vitit 2015, teksa bardhezinjtë i paguan Atletikos së Madridit rreth 20 milionë euro. Në katër sezone në Serie A ai ka arritur të realizojë 30 gola, duke qenë një lojtar i rëndësishëm në arritjen e objektivave të bardhezinjve.

Paga e Manxhukiç bëhet 4.5 milionë euro në sezon, ndërkohë që do të ketë edhe bonuse në varësi të paraqitjeve individuale dhe arritjes së objektivave të klubit. Juventusi kështu blindon një nga lojtarët kryesorë të skuadrës.

E kryer: Manxhukiç pranon ofertën, detajet e kontratës

Sport Ekspres — Fri, 08 Mar 2019 11:11:02 +0000

Juventusi, veç afrimeve që do të bëjë në verë, po mendon edhe për rinovimet e kontratave. I pari që duket se do të nënshkruajë është sulmuesi Mario Manxhukiç. Sikurse raporton Tuttosport, kontrata e re do të jetë e vlefshme deri në verën e vitit 2021. Aktualja i përfundonte më 30 qershor 2020.

Zyrtarzimi pritet të vijë ditët në vijim, ndërkohë që mësohen edhe detaje të marrëveshjes. Paga e Manxhukiç bëhet 4.5 milionë euro në sezon, ndërkohë që do të ketë edhe bonuse në varësi të paraqitjeve individuale dhe arritjes së objektivave të klubit.

Probleme në mbrojtje për Alegrin, por ka një rikthim të rëndësishëm

Sport Ekspres — Sat, 02 Feb 2019 08:32:11 +0000

Juventusi do të presë sot në orën 20:45 Parmën dhe ekipi i Alegrit do të tentojë të reagojë pas humbjes së thellë përballë Atalantës në Kupën e Italisë. Trajneri i bardhezinjve ka grumbulluar 20 futbollistë për përballjen me ekipin emilian, ndërsa do të ketë mungesa dhe rikthime.

Mbrojtësit Bonuçi dhe Kielini nuk do të jenë të gatshëm për këtë ndeshje, ndërsa ka dhe një lajm të mirë. Mario Manxhukiç ka lënë pas krahëve dëmtimin dhe është gati të zbresë nesër në fushë.

Një armë më shumë për bardhezinjtë, me kroatin që është gati të rikthehet te “luftojë” në çdo cep të fushës dhe të bëjë atë që di më mirë, të shënojë gola.

Dridhet Juventusi, kinezët mbulojnë me ar Manxhukiç

Sport Ekspres — Thu, 17 Jan 2019 14:38:29 +0000

Mario Manxhukiç është një ndër lojtarët më të rëndësishëm të Juventusit dhe mbi të gjitha një ndër më të preferuarit e trajnerit Maksimiliano Alegrit, pasi kroati ka kaluar prej kohësh në krah, nga qendra e sulmit ku aktivizohej fillimisht.

Paraqitjet e tij të mira me bardhezinjtë, duket se kanë tërhequr vëmendjen e kampionëve të Kinës, Shangai SIPG, të cilët janë në kërkim të një sulmuesi me peshë. Në tavolinën e kroatit 32-vjeçar është vënë një ofertë tunduese në maksimum, pasi i janë ofruar plot 15 deri në 16 milionë euro në sezon.

Gjithsesi, sipas raportimeve nga mediat italiane, dëshira e Manxhukiç është që të vijojë karrierën me Juventusin, të paktën deri në fund të këtij sezoni. Pritet me interes reagimi i klubit kinez, të cilët zor se mund të pajtohen me refuzimin e një ofertë të tillë.

Juventusi niset drejt Arabisë, konfirmohen dy mungesa të rëndësishme

Sport Ekspres — Mon, 14 Jan 2019 14:58:32 +0000

Juventusi dhe Milani do të diskutojnë Superkupën e Italisë pasditen e 16 janarit në orën 18:30, që do të mbahet në Arabinë Saudite, konkretisht në kryeqytetin, Jeddah. Ekipi i Gatuzos u nis menjëherë pas takimit me Sampdorian drejt Lindjes së Mesme, ndërsa bardhezinjtë janë nisur ditën e sotme, ku dhe janë shpallur të grumbulluarit.

??????? #JuveMilan pic.twitter.com/lyWhVmhion

— JuventusFC ???? (@juventusfcen) January 14, 2019

Në listë bie në sy që ekipi i Alegrit do të vuajë dy mungesa. Mario Manxhukiç është mungesa e madhe për “zonjën e vjetër”, ku kroati pësoi një dëmtim në kofshë disa ditë më parë dhe pritet që të jetë për dy ose tre javë larg fushave.
Ndërkohë, i pafat është dhe Benatia, i cili ka pësuar një dëmtim muskulor, që do ta mbajë jashtë Superkupës. Këto janë të vetmet mungesa për Juventusin, ku pjesa tjetër e ekipit është në gjendje optimale.

Juventus shpërblen njeriun e ndeshjes, bën gati rinovimin

Sport Ekspres — Sat, 08 Dec 2018 10:21:52 +0000

Juventusi mori një triumf mjaft të rëndësishëm mbrëmjen e kaluar, teksa doli me tre pikë nga përballja me Interin. Sfida e luajtur në “Allianz Stadium” u vendos me një gol të Mario Manxhukiç, i cili është konfirmuar si njeriu i ndeshjeve të mëdha.

Pikërisht, mëngjesin e sotëm, “Corriere dello Sport”, ka raportuar se drejtuesit bardhezinj kanë përgatitur kontratën e rinovimit me gjigantin kroat. Manxhukiç aktualisht ka një kontratë me Juventusin, që skadon në vitin 2020 dhe përfiton 3.5 milionë euro.

Kontrata e re që pritet t’i vihet në tavolinë 32-vjeçarit, do të jetë me një zgjatje 2 apo 3 vjeçare dhe do të ketë një ulje rroge, siç edhe thuhet në prestigjiozen italiane. Kroati pritet të ketë një përfitim vjetor prej 3 milionë eurosh, sipas kontratës së re, por do të ketë më shumë bonus.

“Krimi” i radhës, Juve nuk i fal asgjë Interit

Sport Ekspres — Fri, 07 Dec 2018 21:33:46 +0000

As Derbi i Italisë nuk ka qenë rasti i duhur për të ulur vrapin e çmendur të Juventusit, që ka mundur 1-0 Interin, me një gol nga Mario Manxhukiç në minutën e 66-të.

Nje pjesë e parë shumë e ekuilibruar, me Interin që luajti shumë mirë dhe pati edhe rastin e ndeshjes, sepse Galiardini doli i vetëm me portierin, por goditi shtyllën.

Kundër ekipit në të fortë në Itali nuk mund të bësh gafa të tilla dhe në pjesën e dytë Kanselo, një ish-interist, në pjesën e dytë dha një kros perfekt dhe Manxhukiç e pati të lehtë të shënonte. Goli i parë në 10 përballje me Interin për fenomenin kroat.

Më pas asnjë shans për Interin, që mbetet 14 pikë larg kreut dhe tashmë harron përfundimisht ëndrrat me titull, ndërsa Juve vazhdon të mahnitë dhe nuk i jep shpresë Serisë A.

15 ndeshje, 43 pikë, askush si Juve në historinë e Serisë A deri tani dhe ndoshta do të shohim rekorde të reja deri në fund të sezonit.

Mandzukic GOL
https://t.co/24CAbWTX73

— JuveFC (@juvefcdotcom) December 7, 2018

Lajm i keq për bardhezinjtë, sulmuesi humbet ndeshjen me Junajtid

Sport Ekspres — Mon, 22 Oct 2018 15:20:42 +0000

Mbrëmjen e nesërme do të rikthehen përsëri emocionet e “UEFA Champions League”. Në kompeticionin më prestigjioz të klubeve në Evropë, java e tretë e ndeshjeve do të sjellë shumë përballje të forta, ku spikat mbi të gjitha, ndeshja që do të luhet në “Old Traford”, midis Mançester Junajtid dhe Juventus.

Dy ekipet janë pjesë e grupit H, teksa Valencia dhe Jang Bojs janë dy skuadrat e tjera që plotësojnë grupin. Mançesteri ndodhet në vendin e dytë me katër pikë, pas dy ndeshjes, ku fitoi në Zvicër ndaj Jang Bojs dhe barazoi më pas në Angli ndaj Valencias 0-0. Juventus ndërkohë vjen në këtë përballje me pikë të plota dhe asnjë gol të pësuar.

Gjithsesi, bardhezinjtë në kuadër të kësaj përballje marrin një lajm të keq, teksa do i duhet të bëjnë pa Mario Manxhukiç në këtë sfidë. Kroati nuk do të jetë në dispozicion të trajnerit Alegri, teksa ka marrë një dëmtim në gju dhe do t’i duhet të mungojë 2-3 javë. Këtë gjë e konfirmoi dhe lista e të grumbulluarve nga tekniku i “zonjës së vjetër”, ku Manxhukiç nuk ishte pjesë e saj.