“KF Kamza bën të ditur ndërprerjen e bashkëpunimit në mënyrë konsensuale me portierin Mario Kirev. Klubi i uron suksese lojtarit në vazhdimësinë e karrierës së tij sportive”, shkruhet në njoftimin e Kamzës. 

Më parë në klubin periferik të kryeqytetit është afruar portieri Elidon Selaci, i cili do të jetë alternativa e portierit Ilir Avdyli në vazhdim. Sa i takon largimeve, Frashëri dhe Roloviç janë dy largimet më me peshë deri më tani.

Kjo lëvizje nuk vjen prej cilësive të portierit, por për shkak të rregullit të të huajve në Superiore. Sikurse dihet, vetëm katër të tillë lejohen të luajnë njëkohësisht në një ndeshje të elitës së futbollit shqiptar.

“Jemi të detyruar të mbyllim bashkëpunimin me Mario Kirev për shkak të rregullit të numrit të të huajve. Është portier shumë i mirë, por kjo e penalizon”, tha zyrtari i klubit.  Gjatë qëndrimit të tij disa-mujor te Kamza, Kirev u aktivizua vetëm një herë në Kategorinë Superiore.

“Elidon Selaci firmos kontratë 1-vjeçare me klubin. Selaci është aktivizuar edhe më parë me skuadrën tonë dhe tashmë rikthehet për të dhënë sërish kontributin e tij”, shkruhet në njoftimin e Kamzës. Selaci prej janarit të vitit 2018 ishte pjesë e Burrelit dhe tashmë rikthehet në Superiore.

Në elitë ka luajtur në të shkuarën me Besën dhe Shkumbinin, kurse te Tirana ka qëndruar në stol në 13 takime. Me Kamzën në sezonin 2011-2012 luajti tre takime në Superiore dhe më pas është aktivizuar në Kategorinë e Parë me ekipe si Mamurrasi, Iliria, Naftëtari, Kastrioti dhe Korabi.

Afrimi i Selacit, me shumë mundësi do të sjellë një lëvizje në dalje te Kamza. Portieri bullgar, Mario Kirev, u aktivizua në pjesën e parë të sezonit vetëm në një ndeshje. Largimi i tij është në horizont, por ende nuk ka asgjë zyrtare.

Afrimi i një portieri vendas ishte detyrim për Kamzën, pasi janë disa të huajt titullarë në skuadrën e Gjokës. Në rast mungese të Avdylit, në skuadrën periferike të kryeqytetit ishin të detyruar të linin në stol një prej të huajve të tjerë.