KONKURRENCA ME TEQEN  – “Të them të drejtën konkurrenca të bën mirë, pasi të përmirëson. Raporti im është shumë i mirë. Njësoj siç ishte përpara kur isha në stol dhe ai në formacion”

PËRBALLJA ME TIRANËN – “Shpresojmë që dalim me tri pikët në atë takim. Besim kemi, pasi dhe Tirana nuk po kalon një moment të mirë”.

Verën e shkuar e bindi Skënderbeu, klub që gjashtë muaj e la në huazim tek Erzeni. Sivjet u kthye në Korçë dhe së fundmi po luan si titullar. Ndaj Laçit për herë të parë ishte si titullar në Superiore dhe Dajsinani është ndjerë i emocionuar.

“Pak i emocionuar isha në ndeshjen kundër Laçit muajin e shkuar. Luaja për herë të parë titullar në Superiore, ndërsa më pas gradualisht e gjeta ritmin”, shprehet para mediave Dajsinani, i cili pyetet më pas edhe për golat e shënuar, që në fakt nuk janë pak.

“Nuk është problem vetëm mbrojtja, është gjithë ekipi që gabon. Kemi ekip të ri, duhet kohë dhe pak më shumë eksperiencë”, shtoi portieri 20-vjeçar. Ai flet edhe për rivalitetin me portierin Aldo Teqja, i cili ka luajtur pjesën më të madhe të sezonit si titullar. “Teqja? Marrëdhënie e shkëlqyer, nuk ka rëndësi cili prej nesh luan”.

Dajsinani veçon mungesën e eksperiencës si një nga problemet e Skënderbeut: “Nuk e di, ndoshta mungesa e eksperiencës dhe fakti që jemi ekip shumë i ri si moshë”. Ndeshja e javës luhet përballë Kukësit dhe shkurtimisht portieri kavajas shprehet: “Po punojmë me seriozitet maksimal, duam të luajmë edhe më mirë se ndaj Teutës”.

Krahas përgatitjeve për ndeshjen e radhës, Erzeni është aktiv edhe në merkato, sepse mësohet se te shijakasit është huazuar portieri Dajsinani nga Skënderbeu dhe pritet ta nisë si titullar. Talenti i cili luante te Partizani deri sezonin e fundit zgjodhi të shkonte në Korçë këtë verë, por aty nuk ka hapësirë, duke parë që Orges Shehi do të vazhdojë edhe këtë sezon, ndaj është zgjedhur huazimi në Shijak.

PASHAJ – Ndërkaq, shënuesi më i mirë i sezonit të shkuar, Armand Pasha, deklaron se fitorja është detyrim për Erzenin në këtë ndeshje.

“Kemi zhvilluar stërvitje intensive dhe jemi shumë optimistë se në këtë transfertë të parë do dalim me tre pikë. Rruga jonë sa ka nisur dhe nuk falen gabimet në start. Dinamon e respektojmë, por në fushën e lojës Erzeni do jetë më i madh se kundërshtari. Në këtë ndeshje do të na mungojnë tifozët e zjarrtë për shkak të mosplotësimit të kushteve në kompleksin ku do zhvillohet takimi, një humbje jo e vogël kjo, pasi kemi kujtime të bukura. Në mungesë të tyre kemi detyrën t’i gëzojmë me një fitore. Të jem sërish golashënues nuk është objektivi im, por dua që Erzeni të ecë para dhe pse jo ta mbyllim si kampionë”, përfundon Pasha, sulmuesi kryesor i Erzenit, i cili luan prej 4 vitesh me shijakasit. 

Glen Domi