Parma, Breshia dhe Verona po tentojnë ta rikthejnë në Serie A, por 29-vjeçari (i mbush me 12 gusht) mund të transferohet jashtë kontinentit europian.

Flamengo e kërkon dhe drejtuesit e klubit kanë nisur negociatat me Mino Raiolën. Problem mbetet vetëm rroga, por Flamengo është gati të bëjë një sakrificë ekonomike për sulmuesin e njohur.

2.5 vite zgjat kontrata që i kanë propozuar brazilianët Super Marios, i cili tundohet nga kjo ide. Baloteli mund të transferohet në tokën e futbollit bashkë me vëllanë e tij Enok, i cili kërkohet nga Boavista.

Për 28-vjeçarin interesohen edhe Breshia me Fiorentinën. Gazzetta dello Sport nuk jep shifra, por e cilëson ofertën e Veronës si konkrete dhe të rëndësishme, ndërsa sulmuesi mund të rikthehet në vendlindje pas tre vitesh.

Problem mbetet kërkesa e Super Marios për një rrogë sezonale prej 3.5 milionë eurosh, megjithëse Verona ka treguar në të kaluarën se mund të arrijë akorde me lojtarë si Toni, Kasano apo Rafa Markez.

Mino Raiola po punon për t’i gjetur një ekip të ri. 28-vjeçarin e duan në Serie A dhe Premier Ligë. Parma, Fiorentina dhe Uest Hem janë tre ekipet kandidate për shërbimet e SuperMarios, por në avantazh ndodhen “çekiçët” anglezë.

Baloteli ka luajtur më parë në Premier Ligë me Mançester Sitin dhe Liverpulin. Italiani nuk ka vendosur ende për të ardhmen. Uest Hemi shihet si stacioni i radhës. Manuel Pelegrini ka nevojë për një sulmues pas largimeve të Keroll, Lukas Perez dhe Arnautoviç.

Trajneri kilian ka zgjedhur t’i ofrojë një kontratë Balotelit, i cili tundohet nga ideja e rikthimit në kampionatin anglez.

29-vjeçari (i mbush me 12 gusht) po kalon pushimet në Napoli, aty ku ka kryer “çmendurinë” e radhës. Super Mario ka vënë një bast të çuditshëm me një prej punëtorëve të një bari në Mergelina.

Nëse hidhje në ujë bashkë me motorin e tij, sulmuesi i njohur do t’i dhuronte 2 mijë euro! U tha, u bë. Personi në fjalë niset me Vespan e tij dhe të dy bashkë përfundojnë në ujë.

Duartrokitje nga të pranishmit dhe 2 mijë euro në xhep për protagonistin, i cili nuk e kursen batutën gjatë daljes nga uji: “Vetëm 600 euro kushtonte motori im”.

Mario Balotelli has made headlines in Italy again as he paid a local bar owner in Naples €2000 cash to drive a Vespa into the sea…

Easiest €2k ever ???

[IG: mb459] pic.twitter.com/TjF4Z76nPU

— Footy Accumulators (@FootyAccums) July 6, 2019

Parma po insiston për ta rikthyer në Serie A dhe ka gati një ofertë interesante për të. Klubi emilian i ofron Balotelit një rrogë prej 2 milionë eurosh në sezon.

Potenciali i sulmuesit italian nuk vihet në dyshim, por Super Mario nuk ka reshtur kurrë së krijuari probleme vetes. Faza e dytë me Marsejën ishte shumë pozitive në aspektin e paraqitjeve dhe golave, ndërsa tani mund të vijë rikthimi në Itali pas tre vitesh e gjysmë.

Sulmuesit italian i përfundon kontrata me Marsejën ditën e fundit të qershorit dhe del një lojtar i lirë. Synimi i tij i madh është Europiani 2020 dhe po tenton rikthimin në Serie A për t’i mbushur mendjen Roberto Mançinit.

28-vjeçari shënoi 8 gola në 25 ndeshjet e sezonit të fundit. Edhe Parma është në garë për shërbimet e tij, por Fiorentina e intrigon më shumë. Baloteli kërkon një rrogë prej 4 milionë eurosh në sezon dhe Komiso është gati t’ia plotësojë kërkesat lojtarit dhe t’i dhurojë një emër si Super Mario trajnerit Montela.

Kontrata me francezët ka përfunduar në fundin e sezonit dhe të ardhmen do e diskutojë me ta në fillim. Rikthimi në Serie A e tundon, sidomos te Breshia e tij e dashur, e cila sivjet do të garojë mes më të mirëve.

Një ditë do të ndodhë, por Super Mario e sheh të vështirë që të realizohet këtë verë. Megjithatë, kurrë nuk i dihet dhe asgjë nuk parashikohet kur në mes është Mario Baloteli.

“Nuk e përjashtoj qëndrimin tek Olimpiku i Marsejës, por më parë duhet të bisedoj me drejtuesit e klubit. Rikthimi te Breshia? Do të më pëlqente të luaja një ditë me Breshian, por është e vështirë që të ndodhë për sezonin e ardhshëm”, thekson Mario Baloteli.

Kritikat ndaj tij nuk kanë munguar kurrë, por disa prej tyre e kanë lënduar jashtë mase yllin e Marsejës, i cili ka reaguar në Instagram, duke shfryrë ndaj atyre që e kritikojnë tej mase, edhe kur nuk bën asgjë të keqe.

“E keni menduar ndonjëherë se ndoshta, ndoshta kurrë, por do të nevojiten edhe unë një ditë dhe do jem gati, si gjithnjë, edhe pse keni vite që më fyeni, ofendoni, nënvlerësoni?  E keni menduar që ndoshta jam lodhur dhe do refuzoj të shkoj në kombëtare? Nuk jam robot, as epidemi dhe as idiot… Shpesh dëgjoj gjëra që më tërbojnë dhe nuk ndihem për të shmangur tensione të kota, por po shoh që gjithçka po akumulohet dhe po lodhem”.

Më respektoni sa e respektoj dhe e dua unë Italinë dhe do jemi në rrugë të mbarë. Nuk pretendoj të më doni, përkëdhelni apo të më konsideroni fenomen, por vetëm pak respekt me mjafton, sepse nuk po bëj asgjë për të mos e merituar. Kaq mjafton që të jap më të mirën time”.

Marseja u mposht në “Parc des Princes” nga PSG me rezultatin 3-1, ndërsa Super Mario nuk ia doli të shënojë. Ai u zëvendësua në minutën e 65-të, ndërsa mediat franceze flasin për një skenar të veçantë.

Sipas tyre Baloteli kishte përgatitur një surprizë të hidhur për tifozët e PSG, në rast se do të shënonte. Ai kishte veshur poshtë uniformës së tij një bluzë të Markus Rashford, sulmuesit të Mançester Junajtid.

Ky i fundit eliminoi PSG nga Championsi me golin e shënuar në kohën shtesë në fitoren 1-3 dhe italiani do të festonte me anglezin në trup nëse gjente rrugën e golit, duke u tallur me kampionët e Francës.

Megjithatë, ka qenë vetë 29-vjeçari që ka mohuar çdo akuzë. Me anë të një postimi në rrjetet sociale, Baloteli nuk e beson se nga kanë dalë këto fjalë dhe bën thirrje që ta lënë të qetë. “Kjo është një gënjeshtër! Budallallëqe, boll me shpikjet e gjërave për mua”, shkruan sulmuesi i Marsejës.

Didier Drogba mbahet mend për sezonet dhe golat e shumta të shënuar me Çelsin, por afrikani shpërtheu te Marseja. Ish-sulmuesi nga Bregu i Fildishtë shënoi 19 gola në sezonin 2003/2004, ndërsa më pas u transferua në Premier Ligë.

Në një prononcim për sajtin zyrtar të klubit francez, Drogba zbulon bisedën e bërë me Balotelin. Ai ndihet i lumtur që italiani po shënon dhe po ndihmon ekipin në arritjen e rezultateve pozitive.

“Jam shumë i lumtur për impaktin pozitiv të Balotelit me Marsejën, sidomos për faktin që kemi biseduar bashkë përpara se të ndodhte ky transferim. Unë i thashë Marios: ‘Ke këtë mundësi dhe shfrytëzoje, sepse Marseja është një klub që do të bëjë të ndihesh mirë.’ Dhe tani Mario po luan shumë mirë. Është rikthyer të shënojë dhe jam shumë i lumtur për të”, përfundon Didier Drogba.

Super Mario vendosi të festonte me shokët e ekipit në një mënyrë ndryshe pas golit të shënuar. Ai i mori telefonin një gazetari pas porte dhe përfitoi të bënte një video live. Imazhet e festës u bënë virale në rrjetet sociale, ndërsa sulmuesi zbulon për “Canal +” se kishte programuar gjithçka.

“Përpara fillimit të ndeshjes i dhashë telefonin tim fotografit të Marsejës. I thashë që të qëndronte pas portës, sepse, nëse shënoja, do të marrr telefonin dhe do të bëj një stories. Video ime ka bërë xhiron e botës? Çfarëdo që të bëj unë, bën xhiron e botës”, përfundoi duke buzeqeshur Mario Baloteli.

Balotelli marque…et célèbre en story !

1-0 pour @OM_Officiel ??

Notre live > https://t.co/GPtSTgmC0H#OMASSE pic.twitter.com/hbWFICF30b

— france football (@francefootball) March 3, 2019

Pa i hequr meritat mënyrës së shënimit, festimi i golit ishte ai që vodhi vëmendjen e të gjithëve. Baloteli sapo shënon, merr menjëherë një telefon dhe bën një video selfie me shokët e ekipit. Por asgjë nuk mbaron këtu, pasi 29-vjeçari e ka postuar menjëherë në llogarinë e tij në Instagram.

Balotelli marque…et célèbre en story !

1-0 pour @OM_Officiel ??

Notre live > https://t.co/GPtSTgmC0H#OMASSE pic.twitter.com/hbWFICF30b

— Ballon d'Or (@ballondor) March 3, 2019

Një nga gjestet më të veçanta të sulmuesit, i cili si gjithmonë, jep “show” brenda edhe jashtë fushe.

Rudi Garsia ka dhënë një prononcim interesant për 28-vjeçarin në konferencën për shtyp përpara ndeshjes kundër Seint Etienit. Trajneri i Marsejës vlerëson shumë karakterin e lojtarit dhe pranon që po zbulon një person ndryshe nga ai që kishte menduar, në një sfidë të rëndësishme për një vend në Champions Ligë.

“Baloteli po tregohet i zgjuar dhe ka gjetur ekuilibrin e munguar. Kur e kisha kundërshtar i kërkoja ekipit tim që ta provokonin. Më ka befasuar karakteri i tij, është një person i qeshur dhe inteligjent. Mario vlerësohet shumë nga shokët e skuadrës dhe është e kundërta e asaj që kam menduar për të”, përfundon Rudi Garsia.

Lojtarit nuk i pëlqen shumë taktika e madhe që ekziston në Serie A, por ai do të rikthehej vetëm te Breshia, aty ku është rritur. Ekipi i dallëndysheve, pjesë e së cilit është dhe Emanuele Ndoj, renditet në vendin e dytë në Serie B dhe po garon fort për t’u rikthyer në elitë pas tetë viteve mungesë.

“Futbolli italian është shumë taktik dhe pak i mërzitshëm. Nuk kam menduar të kthehem në Serie A gjatë këtyre muajve, por nuk e mohoj dot se do të më kishte pëlqyer ta mbyllja karrierën me Breshian”, thekson 29-vjeçari.

Palët ishin afër dhe gjatë verës, ndërsa tashmë Marseja ka arritur ta ofrojë Super Marion në ekip. 28-vjeçari ka ndërruar shtëpi dhe debutimi i tij me Marsejën mund të vijë që në ndeshjen e së premtes kundër Lilës. Ai ishte një dëshirë e madhe e trajnerit Garsia, por dhe e presidentit amerikan.

Frenk MekKort do të jetë i pranishëm në stadium kundër Lilës për të ndjekur nga afër sulmuesin e ri të ekipit. Baloteli vjen nga një sezon i dobët, nuk ka shënuar asnjë gol me Nicën, ndërsa tashmë është gati të nisë një tjetër aventurë me shpresën që golat e tij do ta ndihmojnë Marsejën të kualifikohet në Champions Ligë.

Olimpiku i Marsejës duket se do të jetë destinacioni i ardhshëm i Balotelit, ku mediat franceze raportojnë se italiani është në bisedime të avancuara me drejtuesit marsejez.
Kujtojmë, në merkato e verës, 28-vjeçari ishte përsëri shumë pranë Marsejës, por në fund marrëveshja u prish nga presidenti i Nicës.

Mario #Balotelli is getting closer to Olympique Marseille. Advanced talks. ??? #transfers #OM

— Fabrizio Romano (@FabrizioRomano) January 15, 2019

Gjithsesi, tashmë Nica duket se është lodhur nga sulmuesi italian, i cili gjithashtu kërkon të largohet dhe në orën në vazhdim pritet dhe zyrtarizimi i kalimit të tij në Marsejë.

Kontrata me Nicën skadon në verë dhe presidenti i klubit njoftoi përpara pak kohësh se nuk ka ndërmend t’i ofrojë një rinovim lojtarit. Baloteli “filtroi” gjatë verës me Olimpikun e Marsejës, që tashmë shihet si ekipi i ardhshëm për të.

“L’Equipe” raporton se 28-vjeçari është një preferencë e Zhak Henri Ejrod, presidentit të Marsejës. Baloteli nuk pëlqehet shumë nga Rudi Garsia dhe Andoni Zubizareta, por insistimi dhe këmbëngulja e të parit të klubit ka triumfuar përballë skepticizmit të trajnerit dhe drejtorit sportiv.

Italiani ka një raport të ngrirë me Patrik Vieira, trajnerin e Nicës dhe është pranë zgjidhjes konsensuale të kontratës me Nicën, për të vazhduar karrierën e tij në “Stade Velodrome”.

“Që në fillim ka qenë e vështirë të menaxhohet, duke nisur që me periudhën e merkatos dhe më pas vonesat për të kapur formën. Pastaj situata u përkeqësua. Ndoshta e kishte dëshirën për të bërë mirë, por më pas e kuptuam se nuk do të ishte e lehtë”.

“Nuk e di nëse ka përfunduar gjithçka, Mario ka një kontratë, por situata është komplekse për të gjithë.  Duhet gjetur një zgjidhje: presidenti dhe drejtori sportiv do të flasin me menaxherin e tij. Edhe pse 98% e shokëve i duan të mirën, bashkëpunimi mes nesh mund të quhet një dështim”, është shprehur francezi në një intervistë për “Nice Matin”.

Në të shkuarën “L’Equipe” raportonte se mes Balotelit dhe Vieira ka pasur një përplasje më 16 nëntor.  Gjithsesi trajneri i Nicës ka theksuar se nuk ka probleme mes tij dhe sulmuesit, teksa është shprehur shkurtimisht: “Asgjë personale”.

28-vjeçari çuditërisht ka vendosur t’i kundërpërgjigjet disa tifozëve të Milanit, me një story para disa orësh, duke thënë se ndjen mosmirënjohje dhe mosrespektim nga tifozët kuqezi, pavarësisht se ata janë në zemrën e tij. Gjithashtu italiani shtoi se, fjalët që ka shkruajtur nuk kanë asnjë lidhje me ndonjë lëvizje të mundshme të tij drejt Milanit.

“Është mirë të dëgjosh nga tifozët e Milanit, që nuk e duan një rikthim timin edhe pse është thuajse i pamundur. Çdo gjë në rregull, një ditë ti i duhesh dhe një ditë tjetër jo. E rëndësishme është të mos ndjesh ndonjë keqardhje. Nuk kam asnjë plan për të lëvizur tani. Po e shkruaj këtë, për të vënë në dukje, mosmirënjohjen dhe mosrespketin e një populli, që gjithmonë do të jetë në zemrën time”.