Mario Balloteli

Baloteli mesazh Mançinit: Tani mendoj vetëm për Italinë

Sport Ekspres — Mon, 11 Mar 2019 09:06:39 +0000

Transferimi te Olimpiku i Marsejës ka “ringjallur” Mario Balotelin. Sulmuesi italian ka shënuar pesë gola në gjashtë paraqitje me skuadrën franceze, duke treguar një formë të mahnitshme.

Goli i fundit erdhi ditën e djeshme në ndeshjen ndaj Nicës, ekip ku luajti për dy vite e gjysmë. Ndarja midis të dyja palëve nuk isht ajo idealja dhe sulmuesi nuk kishte e si të mos festonte pas goli që zhbllokoi sfidën.

Në përfundim të takimit Baloteli u shpreh për mediet franceze se prioriteti tij tani është rikthimi në kombëtaren italiane: “Gjëja më e rëndësishme për mua në këtë moment është sigurimi i një ftesë në kombëtare. Në dy vitet e fundit kam pasur shumë koklavitje, herë jam ftuar e herë jo. Tani jam i përqendruar te Marseja dhe shpresojë që ftesa nga kombëtarja të vijë”.

Baloteli i jep fund me Nicën, mbetet në Francë

Sport Ekspres — Fri, 18 Jan 2019 22:10:57 +0000

Mario Baloteli i ka dhënë fund qëndrimit në qytetin e Nicës. Mediet franceze raportojnë se lojtari ka boshatisur shtëpinë e tij dhe ka dërguar çdo gjë drejt qytetit të Marsejës. Sipas gazetës lokale “Nice-Matin”, kalimi i italianit te klubi i Olimpikut të Marsejës është i pashmangshëm.

Ditën e nesërme pritet që agjenti i lojtarit, Mino Raiola, të vijë në Francë për të rregulluar çdo detaj të “divorcit” të lojtarit të tij. Baloteli do të prishë kontratën me Nicën dhe për këtë do të paguajë nga xhepi i tij.

Baloteli ishte shumë pranë kalimit te skuadra e Marsejës gjatë verës, por presidenti i Nicës vuri veton dhe kjo bërë që mes tij dhe lojtarit të krijohej një situatë shumë e çuditshme, pasi Baloteli pretendonte se kreu i klubit i kishte premtuar se do ta linte të ikte si lojtarë i lirë, nëse vinte një ofertë e mirë për të. Në këtë sezon, 28-vjeçari ka qenë mjaft zhgënjyes, pasi në 10 ndeshje gjeti vetëm një herë rrugën e rrjetës.

E ardhmja e Balotelit? Presidenti i Nicës sqaron gjithçka

Sport Ekspres — Mon, 24 Dec 2018 16:24:34 +0000

Sezoni i tretë i Mario Balotelit në Francë, po rezulton një katastrofë e vërtetë. Zero gola, probleme me trajnerin, zënka me shokët e ekipit dhe një raport inekzistent me presidentin e Zhan-Pier Riviere. Ka qenë pikërisht ky i fundit që ka thyer heshtjen, duke folur për të ardhmen e lojtarit më të paguar të skuadrës së tij.

Mario ka bërë shumë për ne në dy sezonet e para. Këtë viti është disi me e komplikuar për arsye që tashmë dihen nga të gjithë. Për momentin, si ne dhe, por dhe ai, ndodhemi një situatë delikate. Në merkaton e janarit do të shikojmë se ç’mund të bëjmë me kontratën e tij. Do i vlerësojmë gjërat me qetësi”, tha president i klubit të Nicës.

Marrëdhëniet midis sulmuesi italian dhe klubit u përkeqësuan gjatë merkatos së verës. Një ofertë e Marsejës futi palët në sherr, pasi agjenti i Balotelit, Mino Raiola, pretendonte se lojtari të tij i kishte mbaruar kontrata, por dokumentet e firmosura nga Baloteli nuk i jepnin të drejtë.

Baloteli reagon për gjestin e Ronaldos: Nëse do e kisha bërë unë…

Sport Ekspres — Sun, 16 Dec 2018 16:25:24 +0000

Juventusi mori një fitore mjaft të rëndësishme mbrëmjen e kaluar, në derbin ndaj Torinos. Autori i golit të vetëm të sfidës, ishte Kristiano Ronaldo, i cili shënoi nga pika e bardhë. Ajo çka habiti më shumë, ishte reagimi i portugezit, pas golit të shënuar.

Ronaldo, në mënyrë të çuditshme përplasi me sup portierin e Torinos, Ikaco, teksa u ndëshkua me karton të verdhë për atë gjest. Pavarësisht se ylli i bardhezinjve kërkoi falje më pas, momenti nuk kaloi pa u komentuar. Mario Baloteli, reagoi menjëherë me një story në llogarinë e tij personale në Instagram.

Sulmuesi italian shkruajti se në rast se një gjë e tillë do të bëhej nga ai, nuk do të kalonte aq lehtë sa u kalua me Ronaldon. “Në qoftë se do ta kisha bërë unë…mirupafshim”. Ky ishte shkrimi i Mario Balotelit, i cili dhe një herë tjetër e gjen mënyrën për të qenë në qendër të vëmendjes.
https://www.youtube.com/watch?v=6nCwvt1xUBI&feature=youtu.be