Klubi spanjoll dhe përfaqësuesit e lojtarit po negociojnë për një ndarje, që duket e pashmangshme. Zidan nuk e ka në konsideratë dhe këtë ja ka bërë të qartë. Largimi mbetet e vetmja rrugë që e çon drejt aktivizimit dhe ruajtjes së formës fizike.

Mediet italiane raportojnë se Roma ka interes kokret për sulmuesin nga Republika Domenikane. Klubi përtej Adriatikut propozon formulën e huazimit. Ndryshe mendon Reali, që pas shpenzimeve të çmendura ka nevojë vetëm për para “cash”. Madrilenët synojnë shitjen përfundimtare.

Italiani nuk është më i pashitshëm dhe mjaftojnë 25 milionë euro për ta blerë 21-vjeçarin. E njëjta situatë edhe për portugezin. Karakteristikat e Andre Silvës i pëlqejnë trajnerit Xhamapolo, por një ofertë e mirë financiare do e largonte atë nga Milano.

Në një situatë të tillë, ka dalë në skenë një emër i ri për sulmin e Milanit. Mariano Diaz pëlqehet shumë nga kuqezinjtë. 25-vjeçari i Real Madrid i ka hapësirat e mbyllura dhe po kërkon një ekip të ri për të luajtur rregullisht.

Sulmuesi nga Republika Dominikane e sheh me sy të mirë transferimin në Milanon kuqezi, ndërsa Maldinit i duhet të gjejë akordin me Florentino Perez. Nga ana tjetër, Marko Xhampaolo do të formonte një repart të bukur me Piatek-Diaz dhe Lukas Paketën që i mbështet nga mbrapa.

Autorët e golave ishin dy lojtarë që jemi mësuar t’i shohim më së shumti në stol. Sulmuesi nga Republika Dominikane, Mariano Diaz, realizoi një dopietë, ndërsa në emrin në listën e shënuesve e vuri dhe qendërmbrojtësi Hezuz Vajeho.

Ndërkohë, “nëndetësja e verdhë” duhet të vazhdojë të vuajë deri në fund. Kur kanë mbetur edhe dy ndeshje nga fundi i sezonit, Vijareali ndodhet në vendin 15-të me 40 pikë.

Real Madrid 3 – 2 Vijareal
Shënues: Mariano 2, 49’, Vajeho 40’  / Moreno 11’, Kosta 90+4’

Asnjë gol dhe pak minuta me trajnerin e ri Solarin. Situata në fushë nuk po shkon në mënyrën më të mirë, ndërsa ka probleme dhe jashtë saj. Diaz është paraqitur në stërvitjen e ekipit me një makinë Rolls Royce, me vlerë 250 mijë euro.

Problemi është se ai ka gabuar, ose harruar, pasi të gjithë lojtarët e Realit duhet të udhëtojnë me makina Audi, që është dhe një nga sponsorët kryesore të gjigantëve spanjollë. Firma e famshme e makinave u dhuron nga një makinë çdo futbollisti madrilien dhe ata nuk duhet të përdorin mjet tjetër në rastet kur gjithçka lidhet me Realin.

Siç citon “Sport.es”, Diaz do të marrë një gjobë të majme për veprimin e bërë dhe do i duhet ta mbyllë në garazh Rolls Royce e tij për disa kohë, ose ta përdorë në rastet që s’kanë lidhje me futbollin dhe Realin e Madridit.

Në lidhje me shkarkimin e Lopeteguit, ka reaguar Mariano Diaz, i cili ka bërë një postim në llogarinë e tij në “Twitter”. Lojtari që u rrit tek Reali si lojtar, u detyrua të largohej vitin e kaluar në Francë, por aventura e tij zgjati vetëm një vit tek Olimpiku i Lionit. Në fund të muajit gusht, lojtari nga Republika Domenikane, u rikthye përsëri në Madrid, për shumën e 23 milionë eurove dhe mori mbi shpinë gjithashtu, numrin 7-të, që më parë e kanë pasur Raul Gonzalez e Kristiano Ronaldo.

25-vjeçari, pavarësisht se nuk është aktivizuar shumë nga ish-tekniku i Realit, Lopetegui, duket se ka një mirënjohje të madhe ndaj tij. Mariano është shprehur në postimin e tij se ndihet mirënjohës ndaj Lopeteguit, pasi ishte ai që e riktheu në shtëpi.

“Gjithmonë do të jem mirënjohës ndaj Hulen Lopeteguit, një nga personat që bëri të mundur rikthimin tim në shtëpi. I uroj më të mirat në të ardhmen. Tani duhet të luftojmë më shumë se kurrë për dalë nga kjo situatë e keqe”, përfundoi fjalët e tij sulmuesi.

Siempre estaré agradecido a Julen Lopetegui, una de las personas que hizo posible que volviera a mi casa. Le deseo lo mejor para el futuro. Ahora solo nos queda pelear más que nunca para salir de esta situación. pic.twitter.com/i2bsMhpcl3

— Mariano Díaz Mejía (@marianodiaz7) October 30, 2018

25-vjeçari me origjinë nga Republika Domenikane ka arritur të marrë komplimente nga dy ish-lojtarë të mëdhenj si Raul dhe Toti siç citon “Marca”.

Raul ka qenë duke kaluar nga tuneli i dhomave të zhveshjes dhe ka përfituar për t’i dhënë një përqafim të ngrohtë sulmuesit. Surprizat për Diaz nuk kanë përfunduar këtu, sepse në momentin që ka qenë duke dalë nga parkimi, është takuar me Françesko Totin.

“Shënove një gol të bukur”, i është drejtuar legjenda e Romës Marianos, i cili ka përfituar për të bërë një foto me Totin.

Si pjesë e marrëveshjes midis dy klubeve, Reali kishte të drejtë të barazonte ofertën më të lartë që do të vinte për lojtarin. Kosto totale e rikthimit të Marianos në Madrid është 33 milionë euro. Një biznes i shkëlqyer nga ana e klubit francez, që e bleu kartonin e sulmuesit për vetëm 8 milionë euro 12 muaj më parë.

Mariano do të jetë sulmuesi i dytë i madrilenëve. Por, nuk përjashtohet mundësia që ai të sigurojë një vend titullari nëse arrin të bind trajnerin Hulen Lopetegui, megjithëse është thuajse e pamundur të lësh në stol një sulmues si Karim Benzema, i cili luan në formacionin e “Los Blancos” prej 9 sezonesh.

Sulmuesi kishte oferta nga Anglia dhe së fundmi nga Sevilja, por Reali ka të drejtën për të negociuar i pari me të. Klauzola ishte pjesë e marrëveshjes së vjetshme dhe klubi ka vendosur të nxitojë, kur ka marrë vesh interesimin e Seviljes. Trajneri Lopetegui ka folur personalisht me të, ku ka dashur të kuptojë dëshirën e lojtarit, të cilit i ka shprehur dhe kërkesat e tij. Biseda ka qenë pozitive dhe Diaz ka shprehur dëshirën e tij për t’u rikthyer në ekip.

Trajneri është bindur dhe i ka kërkuar drejtuesve të mbyllin operacionin, kështu që 25-vjeçari pritet të prezantohet ditën e mërkurë si përforcimi më i ri i Realit të Madridit.

Lioni ka refuzuar ofertën e Seviljes, por këta të fundit nuk dorëzohen dhe po përgatisin ofertën e radhës. Diaz u transferua në Francë vitin e kaluar nga Reali i Madridit. 25-vjeçari shënoi 18 gola me Lionin dhe zhvilloi një sezon tepër pozitiv. Merkato është në ditët e fundit të saj dhe nuk përjashtohet një akord mes palëve, që do të rikthente Diaz në vendlindje.

Një sulmues tjetër ishte pranë largimit nga Lioni, por ai do të vazhdojë të qëndrojë në ekip. Nabil Fekir kërkohej nga Liverpuli dhe Çelsi, por asnjë marrëveshje. Ekipi i Klopit ishte shumë pranë tij dhe vetë sulmuesi flet për mos arritjen e akordit me “The Reds”, në një prononcim për “Mirror”.

“Kam dëgjuar shumë gjëra në lidhje më këtë gjë, por vetëm Liverpul i di shkaqet se pse kjo tratativë nuk u realizua. Këto janë gjëra që ndodhin, por unë e kam kaluar zhgënjimin dhe jam i përqendruar tek e ardhmja”, përfundon sulmuesi 25-vjeçar i Lionit.