Ish-kapiteni, i cili kaloi 12 vite fantastike në Napoli, u largua në janar drejt Kinës me një rrogë prej 9 milionë eurosh në sezon. Aventura me Dalian Jifang nuk ka shkuar ashtu siç pritet dhe 31-vjeçari ka shënuar vetëm një gol në 11 ndeshje.

Rikthimi në Itali e tundon dhe në skenë ka dalë klubi i Romës. Verdhekuqtë e duan Hamshik dhe janë gati t’i dhurojnë kinezëve Havier Pastoren. Një shkëmbim kokë me kokë, ndërsa drejtuesit e Dalian duhet të mbulojnë një pjesë të rrogës së sllovakut.

Negociatat kanë nisur dhe pritet përgjigja e klubit kinez. Nëse Dalian pranon këtë shkëmbim, ky do të ishte një lajm shumë i bukur për tifozët e Romës, por aspak për ata napolitanë.

“Në fund të ndeshjes ndaj Sampdorias, nuk e dija që gjërat do të shkonin kështu. Më pas, gjeta marrëveshjen dhe isha i sigurt që transferimi do të finalizohej edhe pse negociatat fillimisht dështuan. Më mungon gjithçka nga Napoli, shokët, ushqimi. Është shtëpia imë, ishte për 12 vite.

Më mungon “San Paolo”, të dëgjoj tifozët duke brohoritur. Më mungojnë ndeshjet si ato ndaj Juventusit, të cilat të japin ndjenja unike dhe të jashtëzakonshme.

Nëse do të ishim në garë për të fituar Serie A, ndoshta nuk do të largohesha, pasi nëse fituon Skudeton, napoletanët do të lumturoheshin pafund, do të ishe diçka e pabesueshme dhe nuk do ta ndërroja me asgjë në botë.”

Në përfundin të ndeshjes, të dy ekipet ndanë nga një pikë, në një sfidë, që u mbyll në barazim 1-1. Dailan luajti për më shumë se 60 minuta me një lojtar më pak, por gjithsesi arriti të marrë një pikë. Në fund të takimit, Hamshik foli për mediat, ku dha përshtypjet e tij të para pas debutimit në futbollin kinez.

“Pjesën e dytë luajtëm me dhjetë lojtarë dhe si për ironi luajtëm më mirë. Loja jonë ishte në progres. Debutimi im besoj se në tërësi ishte i mirë dhe pozitiv. Performanca që dhamë ishte mjaft e mirë.

Jam i lumtur që luajtëm njësoj edhe pse ishim me 10 lojtarë për gati një orë. Gjithashtu, dua të falenderoj edhe tifozët për mbështetjen e tyre. Futbolli kinez është shumë ndryshe nga Evropa. Më duhet të mësohem.”

Mesfushori është një idhull absolut në Napoli. Ai luajti 12 sezone me Napolin dhe mbajti dhe shiritin e kapitenit. Largimi i tij trishtoi tifozët, ndërsa letra e lamtumirës i përloti të gjithë. Agjenti i 31-vjeçarit, Martin Petras, ka folur për “Radio CRC”, duke zbuluar dhe shkakun e largimit të Hamshik.

Ai do të zgjohet herët në mëngjes për të ndjekur sfidën kundër Juventusit dhe vazhdon të mbajë kontakte me një pjesë të lojtarëve. Agjenti tregon dhe trajnerin e preferuar të ish-kapitenit si dhe e mbyll me një batutë për zërat që e lidhin me një rikthim  si drejtues në të ardhmen te Napoli.

“Marek do të zgjohet në orën 4:30 të mëngjesit për të ndjekur ndeshjen Napoli-Juventus. Besoj se do të provojë emocione të forta për këtë ndeshje. Ai vazhdon të mbajë kontakte me një pjesë të lojtarëve si: Insinje, Mertens dhe Albiol. Nëse Napoli nuk do të ishte skualifikuar nga Championsi dhe do të ishte në garë për titull, besoj se Marek nuk do të largohej.”

“Trajneri i tij i preferuar mbetet Mauricio Sarri, pavarësisht se gëzon një respekt të madh për Ançelotin. Ai qëndroi pak me Karleton, por më ka thënë që është një trajner i madh. Nuk e njihte mirë, por është i lumtur që ia doli ta njihte nga afër atë, por dhe Maxarrin dhe Edi Rejën. Me Sarrin punoi për 3 vite dhe Mauricio i riktheu dëshirën për të luajtur futboll pas largimit të Benitezit. Rikthimi si drejtues të Napoli? Do ju gënjeja, po t’ju përgjigjesha pozitivisht. Më parë kishte dëshirë për t’u bërë trajner, por tani jo më.”

“Më duhet t’i kërkoj falje të gjithë tifozëve të kaltër. Unë doja, shpresoja dhe ëndërroja t’iu thoja mirupafshim juve. Të bëja një xhiro të madhe rreth fushës, duke duartrokitur. Ju gjithmonë më keni mbështetur dhe më keni dashur pa kushte, në momente të këqija dhe të mira. Kjo është arsyeja që do të jem gjithmonë mirënjohës ndaj jush.

E kam tatuazh Napolin në lëkurën time, ashtu si fitoren tonë të parë në Kupën e Italisë pas 25 vitesh. Është e pamundur për ta harruar atë ndeshje. Është e pamundur të harroj momentin që arrita të thyej rekordin e Bruskolotit, ose rekordin e golave, duke kaluar zotin e futbollit, Diego Armando Maradonën. Kjo më bëri jashtëzakonisht krenar. Këtu në Napoli, u rritën tre fëmijët e mi, të cilat janë napoletanë në çdo sjellje.

Më duhet t’i falenderoj të gjithë. Presidentin që më dha mundësinë të qëndroja këtu për 12 vite. Të gjithë trajnerët që më kanë trajnuar, të cilëve i detyrohem rritjen time si lojtar dhe si njeri. Të gjithë mjekëve dhe stafit teknik dhe çdokujt tjetër në Napoli. Miqve të mi, të cilët do të më mungojnë, por e di që kurrë nuk do të më lënë, pasi janë pjesë e familjes time tashmë.

Sa më shpejt të jetë e mundur, shpresoj që do të kem mundësinë për një xhiro të fundit rreth “San Paolos”, duke duartrokitur me ju.

Ju dua të gjithëve dhe do ta dua këtë qytet përgjithmonë. Faleminderit nga zemra të gjithëve dhe i uroj më të mirën shokëve të ekipit për pjesën tjetër të sezonit. Shpresoj që të fitoni Europa League!”

Tashmë, nga mediat italiane raportohet se klubet kanë gjetur përsëri gjuhën e përbashkët dhe Hamshik do të niset drejt Kinës. Njoftohet se prezantimi i mesfushorit, pritet të bëhet ditën e nesërme, sipas asaj që thuhet nga prestigjiozja “Corriere dello Sport”.

Dailan do të kalojë në arkat e Napolit plot 20 milionë euro, me lojtarin që do të përfitojë rreth 9 milionë euro në sezon.

Por gjatë ditës së mërkurë erdhi dhe lajmi befasues. Kinezët ishin tërhequr nga tratativa dhe për një moment Hamshik mbeti në ajër. Lojtari gjendet që prej ditës së djeshme në Madridit, aty ku është vendosur të kryejë kontrollet mjekësore dhe firmosjen e kontratës.

Agjenti i tij dhe drejtuesit e Dalin ndodhen prej ditës së shtunë në Romë dhe gjatë ditës së djeshme kanë nisur tratativat me Aurelio De Laurentis. Presidenti i Napolit ka kërkuar që të realizohet marrëveshja e vjetër, ndërsa ka bërë disa lëshime në komisione dhe në disa detaje të marrëveshjes.

Tashmë pritet vetëm zyrtarizimi i marrëveshjes dhe telenovela është drejt fundit, me Napolin që do të përfitojë paratë dhe Hamshik gati për të fluturuar drejt Kinës.

Ka qenë vetë klubi napolitan që ka sqaruar se pala kineze prezantoi një kontratë të re, në të cilën ishin ndryshuar kushtet e pagesës së shumës prej 24 milionë eurosh që kërkonte Napoli (nëntë milion ishin në formë bonusesh).

Sipas medieve italiane, pala kineze ka kërkuar që ta paguajë shumën me këste me anë të një marrëveshje huazimi me detyrim blerje, ndërsa klubi i Napolit ka qenë i prerë në kërkesën e tyre për depozitimin e menjëhershëm të parave.

Mbetet për t’u parë se si do të jetë reagimi i lojtarit pas këtyre ngjarjeve të orëve të fundit. Duhet përmendur se sllovaku kishte dhënë “dritën jeshile” për transferimin, pasi kërkesat e tij financiare ishin plotësuar krejtësisht.

Detajet e transferimit janë bërë të ditura nga mediat italiane, ku Napoli do të perfitojë 18 milionë euro + 2 bonuse, me totalin që shkon në 20 milionë euro. Për mesfushorin do të ketë një pagë vjetore prej 9 milionë eurosh, ndërsa kontrata do të jetë 3-vjeçare.

Marek Hamshik ishte shndërruar në një simbol për ekipin e Napolit, ku dhe është golashënuesi më i mirë në historinë e klubit. 31-vjeçari numëron plot 121 gola me fanellën e kaltër, duke kaluar në këtë renditje dhe legjendën, Diego Armando Maradona.

Mesfushori sllovak do të firmosë një kontratë 3-vjeçare me Dalian Jifang me një rrogë prej 9 milionë eurosh në sezon. 20 milionë euro do të kalojnë në arkat e klubit italian, që është dorëzuar përpara dëshirës së 31-vjeçarit për të provuar një aventurë të re dhe… shumë miliona më shumë.

Kundër Sampdorias ai zhvilloi ndeshjen e fundit me Napolin dhe publiku i “San Paolos” i dhuroi një standing-ovation idhullit të tyre në minutën e 74-ët. Hamshik ka vendosur t’ia dhurojë bluzën e ndeshjes së fundit Paolo Kanavaros. Shiritin e kapitenin e mori pikërisht nga mbrojtësi dhe ky i fundit ka reaguar me anë të një postimi në rrjetet sociale.

“Ja ku është. Për fat të keq ka ardhur në ditën që asnjë tifoz i Napolit nuk do të kishte dashur kurrë të vinte… Por, në jetë ka gjithmonë një fillim dhe një fund. Ti ke bërë një gjë të jashtëzakonshme. Në fund futbollistët shënojnë epoka, që ndonjëherë harrohen vite më vonë, por për një gjë jam i sigurt. Emri Marek Hamshik do të jehojë përjetësisht në rrugicat e qytetit tonë. Faleminderit që më ke dhuruar emocione dhe bluzën tënde të fundit të veshur me kaq shumë dashuri. Hamshik njëri prej nesh, faleminderit për gjithçka”, përfundon Paolo Kanavaro.

Fitorja e sotme ndaj Sampdorias ishte ndeshje e 519-të dhe e fundit me fanellën e napolitanëve. “Sky Sports” raporton se klubi dhe lojtari kanë gjetur akordin me ekipin kinez Dalian Jifang dhe operacioni do të marrë formë zyrtare në orët në vazhdim, sapo lojtari të hedhë firmën në kontratë.

Nga ky transferim Napoli do të përfitojë 15 milionë euro + 9 milionë euro të tjera në formë bonusesh. Kontrata që do të firmosë 31-vjeçari do të jetë e vlefshme për tri vite, ndërsa ende nuk bëhen të ditura detajet e pagës marramendëse që kanë shtyrë lojtarin të marrë këtë vendim.

Hamshik largohet nga Napoli me dy rekorde legjendare. Sllovaku është golashënuesi rekordmen i klubit me 121 gola, duke kaluar Diego Armando Maradonën, i cili ka shënuar 115 gola, ndërsa rekordi tjetër historik i sllovakut është ai numrit më të lartë të paraqitjeve, plot 519-të.

VITI 2018 – “E nisëm vitin në krye, duke luajtur mirë. Sidoqoftë, nuk mundëm ta mbanin dhe Juventusi e fitoi kampionatin. Gjithsesi, akoma e mbaj mend mirëpritjen që na bënë trifozët pasi u kthyem nga fitorja në Torino me Juven. Gati 25 mijë njerëz po na prisnin në aeroport. Çdo gjë është e mundur në kampionat”.

SEZONI AKTUAL – “Është një turp që jemi jashtë Championsit edhe pse luajtëm disa ndeshje të shkëlqyera me kundërshtarë mjaft të vështirë. Do të vazhdojmë në Europa Ligë dhe duam të shkojmë sa më larg të jetë e mundur”.

NAPOLI – “Jam pjesë e historisë së këtij klubi dhe jam krenar për këtë gjë. Tifozët janë fantastikë dhe dua ti jap sadisfaksionin që ata meritojnë. Kemi një trajner si Ançeloti, i cili ka fituar shumë në karrierën e tij. Kemi ndryshuar mënyrën e lojës me të në krye, por po bëjmë mirë. 2019 do të jetë e rëndësishme”.

Pikërisht ndeshjen e sotme, kapiteni i të kaltërve, sllovaku Marek Hamshik do të thyejë një tjetër rekord. 31-vjeçari do të zhvillojë ndeshjen e 511-të me fanellën e napoletanëve, duke thyer rekordin që mbahej më parë, nga Xhuzepe Bruskoloti. Hamshik ka ardhur në Napoli në vitin 2007, ku në atë kohë shpërtheu me fanellën e Breshias fillimisht.

Sllovaku gjithashtu mban mbi super dhe rekorde të tjera, duke qenë gati-gati një mit në qytetin e Napolit. Mesfushori ka shënuar plot 120 gola, 5 më shumë se legjenda Diego Armando Maradona. Gjithashtu, Hamshik ka shënuar 100 gola në Serinë A, vetëm 6 më pak se Atila Salustro, i cili e mban rekordin që në vitin 1937. Në kompeticionet evropiane po ashtu, 31-vjeçari numëron 15 gola, ku i duhen edhe 4 të tjerë për të barazuar Edinson Kavanin, i cili numëron më shumë se çdokush me napoletanët.