Marco Verrati

Verrati: PSG po e tepron, Nejmar ka dëshirë të largohet

Sport Ekspres — Tue, 30 Jul 2019 13:44:10 +0000

PSG është treguar një klub aspak korrekt kur bëhet fjalë për lojtarë që duan të largohen nga kampionët e Frances. Rasti i Ben Arfa, Rabiot, Verratit dhe tani i Nejmar e tregojnë këtë fakt më së miri. Rasti i tanishëm, me yllin latin, që dëshiron të kthehet te Barcelona është ai që ka bërë bujën më të madhe.
Në mbrojtje të brazilianit këtë herë ka dalë Verrati. Edhe mesfushori ka pasur të njëjtën situatë një sezon më parë, me francezët që dolën fitues dhe nuk e lanë lojtarin italianin të largohet. Verrati mendon se nëse shoku i tij dëshiron të largohet, klubi nuk ka të drejtë ta ndalojë.

“Nuk kam dëgjuar se Nejmar ka kërkuar largimin, por mendoj se duhet të jetë i lirë ta bëjë këtë nëse dëshiron. Kur një futbollist me të vërtetë dëshiron të largohet, klubi duhet ta lërë të lirë. Pajtohem me kërkesat financiare për transferimin, por nuk mund të mbash një lojtar që dëshiron të largohet nga klubi”, u shpreh Verrati.

VIDEO | Verrati dhuron spektakël, Mbape nuk i beson syve

Sport Ekspres — Mon, 15 Jul 2019 16:10:42 +0000

PSG është një nga ekipet më me klas në botë. Këtë na e tregojnë në çdo ndeshje, por edhe në stërvitje. Parizienët kanë nisur pregatitjet për sezonin e ri. Gjatë trajnimit duket qartë cilësia, që mbartin yjet e kësaj skuadre.

Sot ishte dita e Marko Verratit për të dhuruar spektakël. Mesfushori njihet për veprimet e tij instiktive. Në këtë rast “pre” e virtuozitetit të tij ka qenë Kurzaua. Verrati ja ka kaluar topin mes këmbëve mbrojtësit, ndërkohë që nuk po shikonte aspak se ku ishte ky i fundit.

Të gjithë kanë reaguar duke qeshur, ndërsa Mbape ka ngelur i shtangur nga lëvizja e italianit. Me siguri sulmuesi do praktikojë për ta mësuar këtë stil. Verratin aty e ka, mund t’i kërkojë disa mësime.

Festë, rikthime dhe dëmtime: PSG përgatitet për finalen e Kupës

Sport Ekspres — Mon, 22 Apr 2019 16:12:26 +0000

PSG mposhti Monakon 3-1 në “Parc des Princes” dhe festoi titullin kampion. I teti në histori dhe i gjashti në epokën e presidencës nga Katari. Golat e fitores u shënuan të tre nga Kilian Mbape, i cili është ngjitur në kuotën e 30 golave në kampionat.

Rekord për 20-vjeçarin, i cili bëhet lojtari më i ri në historinë e kampionatit francez që arrin shifrën 30 gola në sezon.

Lajm i mirë është edhe rikthimi i dyshes Nejmar-Kavani. Braziliani nuk luante që nga muaji janar. Ai riktheu “sambën” në ekip, ndërsa Kavanit iu anulua menjëherë një gol për pozicion jashtë loje.

Të shtunën zhvillohet finalja e Kupës së Francës. PSG do të synojë fitoren kundër Renë. I vetmi shqetësim lidhet me Marko Verratin. Italiani pësoi një dëmtim në ndeshjen kundër ekipit nga Principata dhe me shumë mundësi do të jetë mungesa e madhe në finalen e fundjavës.

Tuhel: E patë që Verrati nuk di të festojë?! Duhet të jetë … egoist!

Sport Ekspres — Fri, 05 Apr 2019 09:23:15 +0000

Marko Verrati është një lojtar, i cili preferon më shumë një asist sesa shënimin e një goli. Mesfushori shënoi dy herë gjatë ditëve të fundit: kundër Lihtenshtejnit me Italinë (6-0) dhe kundër Nantës në gjysmëfinalen e Kupës së Francës (3-0 për PSG).

Tomas Tuhel ka përfituar për të bërë pak gallatë me lojtarin e tij. Trajneri i PSG-së flet për golin e fundit të Verratit, stilin e tij të lojës dhe ka një kërkesë për italianin.

“Nuk e di se çfarë i ka ndodhur. Normalisht ai nuk shënon, e patë që nuk dinte të festonte?! Edhe në stërvitje, Marko është gjithmonë në kërkim të një shoku për t’i pasuar topin, edhe pse mund të gjendet dy metra larg portës. Ai dëshiron që t’i bëjë të tjerët të lumtur, por duhet të mësojë të jetë më shumë egoist. Bëjmë shumë shaka në këtë aspekt, por ndodhsha tani ka fituar më shumë besim te vetja”, përfundon trajneri gjerman i PSG.

Zbulohen detajet e rinovimit, Verrati një jetë si parizien

Sport Ekspres — Mon, 18 Feb 2019 18:14:22 +0000

Marko Verrati është një nga lojtarët kryesore të PSG. Liderit të mesfushës së ekipit të Tomas Tuhel i përfundon kontrata me kampionët e Francës në verën e vitit 2021, por drejtuesit e klubit po mendojnë t’i ofrojnë një kontratë të re.

Sipas raportimeve të mediave franceze, PSG ka gati kontratën e re për lojtarin italian: rinovim deri në vitin 2024 dhe një rrogë prej 10 milionë eurosh në sezon (0për momentin përfiton rreth 7 milionë euro në sezon).

Verrati është pjesë e PSG që nga vera e vitit 2012, kur la Peskarën për t’u transferuar në kryeqytetin francez. Ai ndihmoi Peskarën të ngjitej në Serinë A, aty ku nuk ka luajtur kurrë, ndërsa kontrata e re do i sigurojë dhe pesë vite të tjera në kampionatin francez.

PSG dhe makthi i mesfushës, Tuhel humbet shërbimet e Verratit

Sport Ekspres — Sun, 20 Jan 2019 11:24:52 +0000

PSG shkatërroi Guingamp me rezultatin 9-0, duke u hakmarrë për eliminimin në Kupën e Francës. Gjithçka shkoi perfekt në fushë, Nejmar, Mbape dhe Kavani u zbavitën duke shënuar pafund, por Marko Verrati ka shqetësuar trajnerin Tuhel.

Mesfushori italian ka pësuar një dëmtim në kavilje që e detyroi të largohej nga loja në minutën e 19-të për t’u zëvendësuar me Drakslerin. Dëmtimi i tij është i rëndë dhe Verrati pritet të qëndrojë jashtë fushave të blerta për një kohë të gjatë.

26-vjeçari është dërguar në spital pas ndeshjes dhe ka kryer një rezonancë magnetike. “Marko ndjen shumë dhimbje dhe jemi të shqetësuar. Ai mund të mungojë disa javë…”, deklaroi Tomas Tuhel i dëshpëruar për humbjen e shërbimeve të trurit të lojës së ekipit të tij.

Verrati i penduar: Jam i zhgënjyer me veten!

Sport Ekspres — Sat, 03 Nov 2018 11:06:07 +0000

Marko Verrati është kryefjala e momentin në Paris. Mesfushori italian u arrestua mbrëmjen e së martës, pasi po drejtonte makinën në gjendje të dehur dhe mbi të gjitha sasia e alkolit ishte më shumë se dyfishi i asaj që është i lejuar nga autoritetet franceze.

Gjithsesi, klubi i Parisit me sa duket e ka falur Verratin, pasi mbrëmjen e kaluar mesfushori ishte titullar në fitoren e arritur ndaj Lilës. Lidhur me këtë çështje 25-vjeçari ka folur pas sfidës së mbrëmshme, ku është shfaqur i penduar për veprimin e bërë dhe ka kërkuar falje. Gjithashtu italiani ka folur dhe për sfidën e ardhshme që pret ekipin e tij, ku do të udhëtojnë në transfertë ndaj Napolit.

ÇËSHTJA E DITËVE TË FUNDIT – “Kalova disa ditë të vështira dhe kjo ishte e pritshme, pasi kisha bërë një gabim. Kërkova falje menjëherë ditën tjetër, sepse isha në dijeni që ajo që bëra ishte diçka e gabuar. Mendoj se jam akoma i ri dhe këto gabime ndodhin. Më vijnë në ndihmë, pasi mësoj më shumë për të ardhmen dhe më shërbejnë për t’u rritur. Doja të jepja akoma më shumë nga ajo që dhashë në ndeshjen ndaj Lilë. Shokët e skuadrës e pranuan faljen time, por unë jam i zhgënjyer me veten. Më duhet ta ruaj ashtu siç duhet imazhin e klubit dhe të tifozëve”.

NAPOLI – “Do të luajmë kundër një ekipi që kur luan brenda në shtëpi është jashtëzakonisht shumë i fortë. Janë një ekip i mirë organizuar dhe kjo gjë u vërtetua dhe në sfidën që fituan kundër Liverpulit. U përpoqëm të luanim më mirë në pjesën e parë, por nuk arritën të shpreheshim siç duhet. Pjesa e dytë ishte më e mirë dhe shpresoj që të shfaqim të njëjtin intensitet dhe të arrijmë një rezultat të mirë”, përfundoi fjalët e tij Verrati.