Emrat janë intrigues, edhe pse negociatat nuk kanë nisur ende. Murinjo, Gatuzo, por edhe Arteta, ndihmësi i Pep Guardiolës, qarkullojnë si kandidatë për stolin e Njukasëllit.

Klubi i njohur anglez pritet të ndërrojë pronar dhe të përfundojë në duart e sheikut Khaled bin Zajed Al Nehajan, i cili është kushëri i presidentit të Mançester Sitit.

Preferenca e Al Nehajan është Zhoze Murinjo. Paga e mirë dhe projekti ambicioz mund ta bindin trajnerin luzitan të pranojë ofertën, ndërsa risia mund të jetë ndihmësi i tij. Flitet për Marko Materacin, lojtar me të cilin krijoi një lidhje speciale gjatë periudhës që drejtonte Interin.

Nuk mbetet pas as Xhenaro Gatuzo. Kalabrezi pëlqehet shumë nga presidenca aktuale dhe shanset e tij bëhen konkrete vetëm nëse klubi nuk ndryshon pronësi.

CHAMPIONS LEAGUE – “Si tifoz interist që jam, nuk më vjen keq për eliminimin e Juventusit nga Liga e Kampioneve. Megjithatë mund të them që ndoshta mund ta fitojnë një ditë. Gjithsesi nuk bëj tifo për Juventusin, sepse jam tifoz i Interit. Barcelona mendoj që ka shanse ta fitoje Ligën e Kampioneve, sepse ka një skuadër të fortë. Megjithatë, nuk do jetë e lehte të kalojë Liverpulin, në një gjysmëfinale mjaft të fortë dhe interesante”.

REJA DHE KOMBËTARJA – “Shqipëria ka marrë një trajner kompetent si Edi Reja, i cili ka punuar shumë mirë te Napoli dhe te Lazio. Është një prej teknikëve të gardës së vjetër, por që e njeh mirë punën e tij. Keni një kombëtare cilësore, edhe pse ne dy vitet e fundit ka pasur rënie pas pjesëmarrjes në Europian. Megjithatë, keni lojtarë cilësorë që aktivizohen në liga të rëndësishme, madje edhe në Itali”.

ZIDAN  DHE IKARDI – Të gjithë e mbajnë mend finalen e Kupës së Botës dhe goditjen me kokë që Zinedin Zidan bëri ndaj Materacit. Në aktivitetin e sotëm italiani është ngacmuar sërish për atë episod. “Çfarë biri është Zidan? I imi jo! Unë kam tre fëmijët e mi”, u shpreh ish-mbrojtësi i Interit, i cili komentoi edhe problemet e Ikardit me zikaltrit. “Inter-Ikardi? Tani po luan. Duhen dy veta për t’u zënë dhe për t’u pajtuar”.

Materaci ka dhënë një parashikim për ndeshjen, ku thotë se derbi është derbi dhe gjendja aktuale e ekipeve nuk do të ketë rëndësi. Sipas tij do të fitojë Interi me gola të Politanos e Shkrinjar. Në fund, ish-mbrojtësi foli dhe për Mauro Ikardin, për të cilin thotë se dëshiron ta shohë të rikthehet sa më shpejt.

MILAN-INTER – “Derbi është derbi. Në fushë të gjitha zerohen. Fanella zikaltër është një mburojë e vërtetë. Mendoj se do të fitojë Interi 1-2 dhe do të shënojnë Politano edhe Shkrinjar.”

IKARDI – “Nuk i di dinamikat e ngjarjes dhe nuk mund të flas me siguri. Gjithsesi, di të them se për nder të Interit dhe për atë që Ikardi ka dhënë për Interin, do të dëshiroja që të rikthehej dhe të shënonte sa më shumë gola, për të ndihmuar ekipin në arritjen e objektivave. Nuk është asnjëherë vonë.”