Trajneri i kuqezinjve është ndalur te merkato dhe efektet negative të saj në fjalën e tij përpara kësaj sfide. Fakti që merkato përfundon me datë 2 shtatori nuk i pëlqen aspak trajnerit të ”djallit”, i cili e shpjegon në këtë mënyrë mendimin e tij.

“E kam urryer gjithnjë faktin që merkato zgjat kaq shumë. Ajo mbyllet me datë 2 shtatori dhe nuk ka sens diçka e tillë. Skuadrat duhen ndërtuar më parë dhe jo në ditët e fundit të merkatos.

Kurrë nuk e kam kuptuar diçka të tillë dhe nuk besoj se do e kuptoj ndonjëherë. Zanati i trajnerit po bëhet gjithnjë e më i vështirë për mua, por pasioni na jep mundësinë të vazhdojmë përpara”, përfundon Marko Xhampaolo.

Një lojë e mirë e kuqezinjve përballë një kundërshtari, i cili ndodhet më përpara me përgatitjet. Marko Xhampaolo analizon sfidën me bavarezët. Trajneri mori sinjale pozitive nga ekipi dhe ndihet i kënaqur për diçka të tillë, mbi të gjitha me Teo Hernandez dhe Mateo Gabia, mbrojtësin 19-vjeçar.

“Luajtëm mirë dhe reagimet ishin pozitive. Ata janë para nesh me përgatitjet dhe kanë luajtur disa ndeshje. Provuam të luajmë me atë mënyrë loje që kemi provuar këto 10 ditë në Milanelo.

Disa gjëra duhen rregulluar dhe nuk na mungojnë idetë për të përmirësuar gjërat që nuk shkojnë mirë. Skuadra ka cilësi të mëdha, lojtarët e kuptojnë menjëherë se çfarë mungon dhe punojnë për përmirësimin e situatës. Kemi nevojë për kohë për të asimiluar një stil të caktuar të luajturi.

Hernandez më pëlqeu shumë, ka shumë kualitet dhe forcë. Gjynah që u dëmtua. Gabia luajti me shumë kujdes. Roli i qendërmbrojtësit është i komplikuar dhe unë kam kërkesa specifike për atë pozicion. Me lojtarë kaq të gatshëm dhe inteligjentë bëhet më e thjeshtë. Gabia duhet të impenjohet shumë me synim krijimin e hapësirave të aktivizimit.”

Drejtuesit besojnë në aftësitë e tij dhe shprehen se janë të bindur se ai do e rrisë skuadrën me eksperiencën, njohuritë dhe aftësitë që zotëron. Di Françesko ishte i papunë që nga muaji mars, kur u shkarkua nga Roma pas rezultateve të dobëta.

? #DiFrancesco è il nuovo allenatore della #Sampdoria ?? https://t.co/PtZwQpA5j3 pic.twitter.com/7A5wJ6it7E

— U.C. Sampdoria (@sampdoria) June 22, 2019

“Në fillim humbisja shumë ndaj Milanit, kohët e fundit kemi marrë disa fitore, ndoshta sepse stërvisja ekipe më konkurruese. Të luash në “San Siro” është emocion, jo më kot është “La Scala” e futbollit.”

“Serie A ka qenë konkurruese vitet e fundit. Këtë vit janë rikthyer Konte dhe Sarri, të cilët janë trajnerë të aftë. Ka ndryshim tendence dhe ndryshim mentaliteti.”

“Historia e Milanit tregon për një klub dhe një skuadër që ka kërkuar gjithmonë bukurinë, estetikën e lojës, veç rezultatit. Ose më mirë, të arrish rezultatin me lojë të bukur, sepse kjo është kultura e kuqezinjve. Ky klub ka fituar trofe, nëpërmjet  lojës dhe ideve sulmuese. Nuk mund të krahasohem me Milanin e viteve të arta, por objektivi ky është.”

“Misioni im është të luaj atë futboll joshësh dhe atraktiv, më pas të fitojmë. Jam në klubin e duhur që e njeh atë kulturë, sepse e posedon. Kështu janë mësuar në historinë e tyre. Mezi pres të futem në Milanelo. Kam dëgjuar të flitet mirë për këtë qendër, ndoshta mbaroj pushimet më herët dhe shkoj ta shoh dhe të përshtatem sa më shpejt.”

Puna e madhe, përulësia dhe futbolli i bukur japin frytet e veta një ditë dhe ajo ditë ka ardhur për Xhampaolon. Trajneri ndalet edhe te dyshja Maldini-Boban, duke mos i kursyer elozhet për drejtuesit. Me kalimin e kohës do i njohë më mirë, por diçka kanë arritur t’ia transmetojnë që në fillim, pasionin e madh për të punuar dhe arritur gjëra të bukur me Milanin.

MILANI – “Kam punuar shumë për të patur një mundësi të tillë. Milan është ndër klubet më të suksesshëm dhe më të rëndësishëm në botë. Është një shans i artë për mua. Jam i lumtur dhe shumë i motivuar. Udhëtimi për të mbërritur këtu ku jam ka qenë i gjatë dhe nuk ka mbaruar ende, sepse nuk ka kurrë një fund. Për momentin, jam i lumtur të nis këtë aventurë në këtë klub të madh. Kam pushuar mjaftueshëm dhe mezi po pres të nis punë.”

MALDINI-BOBAN – “Jam befasuar nga profesionalizmi, kompetencat dhe pasioni i Maldinit dhe Bobanit. Ata përcjellin kuptimin e vërtetë të Milanit, çfarë do të thotë të luash, drejtosh apo jesh pjesë e këtij klubi. Janë individë të një klasi të lartë. Do njihemi më shumë me kalimin e kohës dhe eksperienca ditore i përsos lidhjet midis njerëzve. Historia e tyre flet vetë, ndërsa pasioni i tyre ishte ngjitës.”

Ish-trajneri i Sampdorias ka pranuar ofertën dy-vjeçare me opsion rinovimin edhe për një vit tjetër, ndërsa rroga e tij sezonale do të jetë dy milionë euro.

51-vjeçari i lindur në Zvicër ishte zgjedhja e dyshes Maldini-Gazidis. Milani është klubi i parë i madh që do të drejtojë Xhampaolo. Puna e tij e madhe e zhvilluar me Sampdorian dhe futbolli i bukur që pëlqen të dhurojë bindën drejtuesit kuqezinj t’i jepnin shansin e drejtimit të skuadrës.

Gazzetta dello Sport shkruan se trajneri abrucez do të ndahet zyrtarisht nga Sampdoria këtë javë dhe ndërkohë analizon organikën aktuale të Milanit, për të parë cilët lojtarë përshtaten për skemat e trajnerit të ri.

SKEMA – E sigurt është që Milani i ri do të ndryshojë skemë, sepse me Xhampaolo do të kalojë nga 4-3-3 në 4-3-1-2. Në këtë sistem loje, Paketa do të luajë pas 2 sulmuesve. Probleme të mëdha do të hasnin anësorët e Milanit, Çalhanoglu, Suso, Kastijeho e Borini, sepse duhet të ndryshojnë mëyrë loje, ndërkohë që 2 prej tyre me shumë gjasa do të shiten, nëse vijnë oferta. Në pikëpyetje edhe Rodrigez, sepse zvicerani nuk është tipi i mbrojtësit që preferon Xhampaolo, i cili mund të rigjallërojë fatkeqin Konti, i cili është ndalur nga dëmtime të rënda.

SULMI DHE MERKATOJA – Me kalimin te skema me dy sulmues do të gjente më shumë hapësirë Kutrone, krah Piatek. Në mungesë të një regjisti dhe pamundësisë për të shpenzuar shifra të mëdha, mund të kthehet i rëndësishëm Bilja, ndërsa nga Sampdoria Milani mund të blejë qendërmbrojtësin 23-vjeçar Joakim Andersen dhe mesfushorin 25-vjeçar Denis Praet. Të dy janë të rinj dhe të talentuar, me hapësira të mëdha përmirësimi, ndërsa Samp kërkon rreth 40 milionë për ta.

Ish-kapitenit legjendar iu propozua roli i drejtorit teknik, i lënë bosh nga braziliani. Maldini ka pranuar dhe Milani i ri do të lindë pikërisht nga ai. 50-vjeçari do të lërë detyrën e drejtorit të zhvillimit strategjik të sektorit sportiv dhe ka pranuar ofertën e Gazidis.

Paolo pranoi të bëhet drejtori teknik i klubit ku kaloi gjithë karrierën e tij, pasi u bind për buxhetin që do të ketë në dispozicion dhe lirinë e plotë në vendimmarrje. Ai do të bëjë merkaton, ndërsa trajnerin e ri e ka zgjedhur.

Ai do të jetë Marko Xhampaolo, i cili do të largohet nga Sampdoria pas tre vitesh. Një kontratë tre-vjeçare me 2 milionë euro rrogë sezonale është gati për trajnerin e ri. Xhampaolo e njeh mirë kampionatin italian, di të punojë me të rinjtë dhe preferon një futboll zbavitës dhe ofensiv.

Milani është gati për t’u rikthyer. Me Maldinin drejtor teknik dhe Xhampaolon në stol. Tani nis edhe pjesa më e vështirë. Rinovimi me lojtarët aktualë, Suso mbi të gjithë, dhe blerjet e reja që do të përforcojnë ekipin.

Siç raportohet së fundmi nga mediat në Itali, duket se Paolo Maldini e ka të preferuarin e tij, që pritet edhe të jetë sipas gjasave timonieri i ri i “Djallit”. Bëhet fjalë për Marko Xhampaolon, trajnerin e Sampdorias, i cili pëlqehet shumë nga ish-kapiteni i Milanit.
Kontaktet e para kanë nisur, me Ivan Gazidis që ka nisur të lëvizë me shpejtësi. Duhet përmendur që Xhampaolo ka drejtuar gjithnjë ekipe të dorës së dytë dhe Sampdoria ishte skuadra më e mirë që ka pasur gjatë karrierës së tij si trajner.

Drejtuesit nuk kanë humbur kohë dhe po merren me gjetjen e pasardhësit të tij. Tre janë alternativat kryesore sipas mediave afër klubit të “djallit”: Leonardo Zhardim, Simone Inzagi dhe Marko Xhampaolo.

Portugezi është lakuar edhe herë të tjera afër stolit të Milanit. Zhardim u rikthye për të shpëtuar Monakon nga rënia një kategori më poshtë dhe ia doli. Pikat e tij më të forta janë puna e mirë me të rinjtë dhe përmirësimi i madh i lojtarëve.

Simone Inzagi ishte shumë pranë Juventusit, ndërsa tani garës për të i është bashkuar edhe Milani. Laciali është një nga trajnerët e rinj më të mirë dhe pika e tij e fortë është loja ofensive dhe menaxhimi i mirë i grupit të lojtarëve.

Nuk mbetet pas as surpriza Xhampaolo. Futbolli i tij është i këndshëm, ka kualitet si trajner dhe është gati të marrë një ekip të madh. Milani do të ishte perfekt për trajnerin, që ka formuar një skuadër shumë të mirë te Sampdoria.