“Los Blancos” mnd të ndërhyjnë nga momenti në moment me ndonjë ofertë surprizë për PSG-në. Rreth kësa çështje ka folur edhe Marselo. Mbrojtësi i majtë bën një krahasim midis Nejmar dhe Eden Hazard, shokut të ri të skuadrës.

“Eden është një kampion dhe një futbollist i nivelit te lartë. Ka kualitetin për të qenë midis 5 futbollistëve më të mirë në botë. Gjithsesi, mendoj se ai nuk mund të krahasohet me Nejmar. Braziliani është më i mirë sipas meje. Nejmar është i jashtëzakonshëm dhe është e vështirë ta markosh. Do të ishte kënaqësi e madhe të luaja me të te Reali, por nuk vendos unë. Reali duhet të përpiqet gjithmonë që të marrë më të mirët”, përfundon 31-vjeçari.

Mbrojtësi i majtë i Real Madrid ka qenë duke udhëtuar në gjendje të dehur në orët e para të ditës së martë. Një patrullë policie lokale e ka ndaluar 31-vjeçarin dhe i ka kërkuar të bëjë testin e alkoolit.

Marselo nuk ka pranuar, shkaku dihet, dhe ka vendosur të paguajë gjobën prej 675 eurosh. Jo vetëm kaq, pasi anësorit të majtë i është hequr edhe patenta. Lojtari i famshëm nuk do të ketë mundësi të ulet në timon për një vit rresht rrugëve të Brazilit.

Gjithsesi, lajmi këtë herë nuk është bërë Marselo, por djali i tij Enzo. Pikërisht ky i fundit luan për moshat e Realit të Madridit dhe në një ndeshje të luajtur fundjavën që lamë pas shënoi një gol magjik.

Djaloshi shmang kë i del përpara dhe këtë gjë e bën me “sombreron” e famshme. Në fund të njëjtën gjë bën edhe me portierin dhe shtyn topin drejt rrjetës. Jo më kot është brazilian…

Tashmë në “Bernabeu”, duket se ka ardhur koha e spastrimeve dhe lojtarët që janë me valixhe në duar janë të shumtë. Plot 17 emra janë publikuar në mediat spanjolle. Duke nisur që nga Isko e Marselo, e për të përfunduar me emra si Gareth Bejl, Lukas Vaskez apo Mariano Diaz.Lista përmban edhe yje të tjerë si Hames Rodrigez e Mateo Kovaçiç, të cilët sipas gjasave pritet të zgjedhin Serie A për të vijuar karrierën e tyre. Kolumbiani pritet të kalojë te Napoli, ndërsa kroati do të rikthehet te ish-ekipi i tij, Interi.

Lista e 17 lojtarëve që pritet të largohen nga Reali këtë merkato

Isko Alarkon, Gareth Bejl, Marselo, Lukas Vaskez, Mariano Diaz, Hames Rodrigez, Mateo Kovaçiç, Kejlor Navas, Dani Sebajos, Marko Jorente, Naço Fernandez, Hesus Vajeho, Teo Hernandez, Borha Majoral, Raul de Tomas, Luka Zidan, Lukas Silva

Pas finales së Ligës së Kombeve ftoi De Ligt që të pranojë ofertën e Juventusit, ndërsa tani i është rikthyer një dëshire të vjetër të Juventusit. Flasim për Marselon, brazilianin e Realit.

Mbrojtësi i majtë është një ndër miqtë më të ngushtë të Ronaldos dhe ky i fundit ka nisur sërish “sulmet” për ta bindur që të transferohet në Torino. 31-vjeçari është lëkundur sipas raportimeve të mediave italiane dhe po mendohet.

Shkak është bërë interesimi i “Los Blancos” për Ferland Mendi. Akordi me 24-vjeçarin e Lionit, i cili luan në të njëjtin rol me brazilianin, është arritur dhe pritet vetëm zyrtarizimi.

Diçka e tillë do shtonte konkurrencën dhe Marselo po tundohet nga ideja për t’u bashkuar me shokun e tij të ngushtë te kampionët e Italisë.

Golat e fitores u shënuan nga Depaj dhe Terrier, ndërsa një autogol i Tusart shkurtoi diferencat. Tifozët janë bërë protagonistë në fund të ndeshjes. Fitorja nuk i ka kënaqur plotësisht ata dhe i kanë kërkuar llogari mbrojtësit Marselo. Lojërat e tij të dobëta dhe deklaratat se i mungon Beshiktashi nuk janë pëlqyer aspak nga tifozët e Lionit.

“Unë luaj për ju”, është shprehur braziliani, por disa ultrasve as që ua ndjen për këto fjalë. “Ti nuk po respekton bluzën e Lionit”, shprehet mes tensionit një prej tyre. Palët janë afër kontaktit fizik, por tifozë të tjerë tentojnë qetësimin e situatës, me Marselon që vazhdon të insistojë për të bindur të pakënaqurit se ai dhe shokët e tij po japin maksimumin për Lionin.

Lyon defender Marcelo booms: “I play for you!”
Ultras clap back: “You don’t respect the shirt.” pic.twitter.com/Jv77dF2HKa

— Get French Football News (@GFFN) April 21, 2019

Në Torino nuk e kanë më dashurinë pa kushte të sezonit të shkuar. Paraqitjet e tij nuk kanë qenë shumë bindëse dhe Spinacola po bën mjaft mirë. Këto arsye e bindin Juven ta shesë brazilianin tek PSG.

Megjithatë italiani nuk i ka aftësitë teknike të Sandros, kështu që Juventus do të synojë të marrë një tjetër brazilian, Marselon. Ka që nga ardhja e Ronaldos që flitet mbi një bashkim të tij me porugezin në Torino.

Kthimi i Zidan tek Reali i Madridit ka zbehur disi këtë lëvizje pasi braziliani më në fund duket se ka gjetur qetësinë e munguar. Gjithsesi, kjo nuk pritet ta pengojë Juven të bëjë një ofensivë për Marselon në merkaton e ardhshme.

Tashmë gjithçka ka ndryshuar dhe siç raporton “AS”, braziliani ka ndërruar mendje dhe kërkon të qëndrojë. Kështu mendojnë në Spanjë, pasi 30-vjeçari tundohet akoma nga ideja për të provuar një ekjsperiencë të re dhe për të luajtur përsëri me CR7.

Drejt largimit duket Rafael Varan, por Reali ka gati zëvendësuesin. Dëshira e madhe quhet Kalidu Kulibali, por Napoli po reziston fort. Senegalezi është një nga pikat më të forta të ekipit dhe Karlo Ançeloti as që ka ndërmend të heqë dorë nga shërbimet e tij. Kulibali ka një klauzolë largimi prej 150 milionë eurosh, duke nisur nga viti 2020.

Paratë nuk janë problem për Realin, që është gati të sakrifikojë për të transferuar 27-vjeçarin në Madrid. Zyrtarë të klubit spanjoll kanë hedhur hapin e parë siç citon “Il Mattino”. Ata janë takuar me agjentin e lojtarit

Ardhja e tij mund të ndryshojë shumë gjëra, sidomos për treshen Marselo, Isko dhe Bejl. Të tre janë pranë largimit, por ulja e Zidanit në stol mund t’i ndryshojë gjërat, raportet, dëshirat dhe të ardhmen e tyre.

Marselo po kalon një sezon të vështirë. Braziliani ka luajtur vetëm 25 ndeshje gjatë këtij sezoni, duke shënuar 3 gola dhe dhuruar 4 asiste. Ai është pranë kalimit te Juventusi në fund të sezonit, aty ku do të bashkohej me Kristiano Ronaldon.

Megjithatë, siç raporton “A Bola Brasil”, Zidan dëshiron që 30-vjeçari të qëndrojë në Madrid. Trajneri do të ketë një takim privat gjatë kësaj jave, aty ku do të kuptojë qëllimet e lojtarit. Nëse Zidan arrin ta bindë mbrojtësin e majtë për të qëndruar, atëherë do të vijë rinovimi i kontratës së lojtarit. Nëse nuk ndodh, Marselo do të përgatitej për të provuar emocionet e Serie A në sezonin e ardhshëm.

Konflikti filloi për një arsye qesharake. Sipas dëshmitarëve në vendngjarje, skuadra po zhvillonte një ndeshje brenda grupit dhe në fund fitoi skuadra e Marselos. Braziliani filloi të festonte dhe kjo solli reagimin e Ramos.

Secili nga lojtarët nuk po hapte rrugë. Marselo insistonte se kishte festuar me vite në atë lloj mënyre dhe nuk e kuptone reagimin e Ramos. Në debat e sipër u desh ndërhyrja e lojtarëve të tjerë të skuadrës për të qetësuar situatën.

Të dy lojtarët nuk po kalojnë një moment të mirë. Ramos ishte protagonisti i një sherri në dhomat e zhveshjes me presidentin Perez, ndërsa Marselo dëshiron prej muajsh që të largohet në kërkim të një aventure të re.

Një ndër futbollistët që pritet të largohet është mbrojtësi brazilian Marselo, i cili ka kohë që përflitet për transferim te Juventusi, i zhgënjyer nga hapësira e paktë në Madrid dhe i mërzitur nga largimi i Kristiano Ronaldos.

Ditët e fundit mediat në Itali kanë raportuar edhe për një paramarrëveshje me Juventusin, që duket se po nxiton të bëjë një tjetër goditje të madhe. Megjithatë, vetë Marselo jo vetëm që nuk ka dhënë ndonjë sinjal largimi, por konfirmon besnikërinë ndaj Realin.

Me një postim në Instagram, braziliani tregohet shumë i qartë: “Kjo është shtëpia ime“, duke postuar një foto nga stërvitja me Los Blancos.

Training ???? #M12 #HalaMadrid AQUÍ ES MI CASA!

A post shared by Marcelo Vieira Jr. (@marcelotwelve) on Mar 8, 2019 at 10:07am PST

Trajneri aktual i “Los Blancos”, aktivizon në krahun e majtë Regijon, me Marselon që ka parë thuajse çdo ndeshje nga stoli. Tashmë, me situatën e krijuar, largimi i 30-vjeçarit duket diçka e paevitueshme dhe destinacioni i radhës është bërë i ditur me kohë, pikërisht Juventusi.

Së fundmi, siç raportohet dhe nga mediat më të mëdha në Spanjë e Itali, duket se Marselo dhe klubi bardhezi kanë gjetur akordin mes tyre, për një kontratë 4-vjeçare. Transferimi do të kryhet në fund të këtij sezoni dhe braziliani do të shndërrohet në një ndër më të paguarit në ekip, me 12 milionë euro në sezon.

Shkatërrimin e Realit nga Ajaksi e ndoqi si spektator edhe Marselo, mbrojtësi brazilian i cili ka qenë superstar i Los Blancos për vite të tëra, por që është lënë në stol nga Solari në shumë ndeshje këtë sezon, ashtu si në dy sfidat kundër Ajaksit.

Nuk është thjesht formë e dobët fizike, ka shumë më tepër se kaq, sepse Marselo ka kohë që nuk është i lumtur në Madrid dhe largimin e ka kërkuar që verën e shkuar, kur iku Ronaldo.

Tani edhe bashkëshortja e tij Klaris Alvesh i hedh benzinë zjarrit, me një postim në profilin e vet në Instagram, ku praktikisht sulmon ambientin në Madrid dhe paralajmëron lamtumirën, duke cituar një trajnues profesional dhe psikolog, Mark Çernof: “Njihe vlerën tënde! Ndonjëherë nuk duhet të shqetësohesh, nuk ka rëndësi sa mund të bësh. Mund të ndodhë që ti të mos kesh thuajse asnjë vlerë për dikë që ndoshta vlen shumë për ty“.

Për të qenë më e qartë, Klaris Alvesh vendos edhe diçiturën ‘Santiago Bernabeu’ dhe vazhdon: “Nuk është krenari, është autovlerësim. Mos prit të shohësh ndryshime pozitive në jetën tënde, nëse rrethohesh nga persona negativë. Njihe vlerën tënde, kupto atë që mund të të japin dhe mos u kënaq kurrë me më pak nga sa meriton“.

Ndoshta dikush do mendonte se janë fjalë të momentit, në nerva e sipër, por kur vetë Marselo komenton: “Të dua“, atëherë është e qartë që praktikisht mendimi i Klaris Alvesh është edhe i mbrojtësit të famshëm, i cili sipas mediave në Spanjë i ka bërë të ditur Realit se kërkon të transferohet te Juventusi në verë.

Një gjë e tillë konfirmohet dhe nga agjenti i Nikolas Taljafikos, qendërmbrojtësit dhe mbrojtësit të majtë të Ajaksit. Rikardo Shliper ka folur për “Radio Rivadavia”, aty ku komenton dhe situatën e argjentinasit.

“Emri i Taljafikos gjendet në blloqet e drejtuesve të Realit të Madridit për të zëvendësuar Marselon, i cili do të largohet për te Juventusi. Deri tani nuk më ka kontaktuar askush nga klubi spanjoll. Ka disa klube që po interesohen për Nikolasin. Ai ka dhe dy vite kontratë me Ajaksin, nuk ka një klauzolë largimi dhe drejtuesit e klubit kanë vendosur një çmim minimal për kartonin e tij. Di të them që një klub i madh spanjoll po interesohet për të dhe mendoj se është momenti i duhur që lojtari të bëjë hapin e madh në karrierë”, përfundon agjenti i lojtarit argjentinas.

Një situatë krejtësisht e habitshme, pasi deri pak muajsh Marselo konsiderohej nga shumë vetë si një ndër lojtarët më të mirë në planet në rolin e tij.

Sipas radios spanjolle “COPA”, lojtari nuk ka duruar dot më dhe pas takimin kundër Zhironës ai është takuar me drejtorin e përgjithshëm të klubit, Hoze Angel Sançez. Në takimin me kreun me klubit ai ka bërë të ditur se nuk pajtohet me kritikat e shumta që po merr dhe në fund te sezonit do të ishte më e mira që dy palët të ndaheshin.

Kontara e Marselos me Realin e Madridit mbaron në vitin 2022 dhe për kartonin e mëngjarashit, klubi spanjoll pritet të kërkojë jo më pak se 25 milionë euro.

Ai ishte titullar në ndeshje e fundit të humbur në shtëpi përballë Zhironës, por kjo nuk mjafton dhe lojtari ka vendosur të largohet. Marselo ka patur një takim gjatë ditës së djeshme me Angel Sançez, krahun e djathtë të presidentit Perez.

Siç raporton “Cadena Cope”, 30-vjeçari i ka kërkuar Sançezit shitjen e tij në fund të sezonit. Kontrata me Realin i përfundon në vitin 2022, por e vështirë që ai të qëndrojë deri në fund të saj në kryeqytetin spanjoll.

Braziliani është lodhur nga trajtimi që po merr nga Santiago Solari, i cili po preferon 22-vjeçarin Reguilon në postin e mbrojtësit të majtë, dhe kërkon të nisë një aventurë të re në verë. E ardhmja e tij është Juventusi, aty ku e pret dhe miku i tij i ngushtë, Kristiano Ronaldo.

Trajneri argjentinas është ndalur te situata e mbrojtësit të majtë gjatë konferencës për shtyp përpara ndeshjes kundër Ajaksit në Champions. Solari thur elozhe për Marselon dhe i bën thirrje që të qëndrojë në ekip.

Argjentinasi komenton dhe përballjen me “Harkëtarët”, duke vlerësuar ekipin holandez. Reali i tij ndodhet në një formë të mirë dhe e ka lënë pas krizën. Pasi siguroi fitoren e gjashtë rresht në kampionat në derbin kundër Atletikos, “Los Blancos” janë gati të përballen me Ajaksin dhe të hedhin një hap të rëndësishëm drejt kualifikimit.

MARSELO – “Marselo është një lojtar i madh dhe për të Reali vjen përpara gjithçkaje, jo më kot është zëvendës-kapiteni i skuadrës. Ai është profesionist dhe stërvitet çdo ditë maksimalisht. Të gjithë duam që ai të vazhdojë të qëndrojë këtu. Nuk e di nëse do ta nisë si titullar, do të vendos para ndeshjes midis tij ose Reguilon.”

AJAKSI – “Kur humbet çdo gjë shkon keq dhe e kundërta ndodh kur fiton. Ky është futbolli. Nuk mendoj se ata po kalojnë një moment të keq. Luajnë futboll dinamik dhe kanë lojtar cilësorë, do të jetë një ndeshje e ndërlikuar, por ne jemi gati dhe të përqendruar.”

Brazilianit i përfundon kontrata me Realin e Madridit në vitin 2022, por ai dëshiron të provojë një aventurë të re. Mbrojtësi i majtë kërkon të bashkohet në një ekip me mikun e tij të ngushtë, Ronaldon dhe Juventusi ka gati planin për të siguruar shërbimet e tij.

Siç raporton “Tuttosport”, Paratiçi ka gati 45 milionë euro për “Los Blancos” dhe një rrogë prej 12 milionë eurosh për 30-vjeçarin, duke e bërë lojtarin e dytë më të paguar në ekip pas Kristiano Ronaldos.

Nëse arrihet akordi me Realin, Aleks Sandro do të kërkonte largimin me Juven që do të pranonte oferta për jo më pak se 50 milionë euro.

Sipas asaj që raporton “Tuttosport”, Marselo kërkon të largohet nga kryeqyteti spanjoll. Prestigjozja italiane, ka raportuar se fjalët e mbrojtësit brazilian kanë qenë të qarta për drejtuesit e Realit të Madridit. “Në rast se Juventus bën një ofertë karshi meje, ju lutem me lini të largohem. Dua të shkoj te Juventusi”.

Këto thuhet që kanë qenë fjalët e Marselos, i cili më shumë se kurrë duket pranë ekipit bardhezi. Spekulimet nisën që në verë, në momentin që Ronaldo zgjodhi të largohej drejt Torinos. Braziliani, mik i ngushtë me yllin portugez, bëri një postim në Instagram, ku ndër të tjera thoshte: “Do të bashkohemi shumë shpejt”. Sipas gjasave, bashkimi duket se do të ndodhë…

Braziliani është një nga miqtë më të ngushtë të Ronaldos dhe të dy dëshirojnë të luajnë përsëri në të njëjtin ekip. Ata komunikojnë shpesh me njëri-tjetrin dhe “AS” raporton se ylli i Juventusit po bën të pamundurën për t’i mbushur mendjen mbrojtësit të majtë të transferohet në Torino.

Një gje e tillë nuk merrej shumë parasysh nga Marselo, por kohët e fundit ai po e mendon seriozisht këtë opsion. Situata te Reali nuk është aspak e mirë, madje 30-vjeçari ka përfunduar në stol në dy ndeshjet e fundit.

Marrëveshja nuk është aspak e thjeshtë, pasi Perez nuk dëshiron të humbasë një tjetër lojtar të rëndësishëm, aq më pak te Juventusi. Por Ronaldo e ka të qartë planin dhe dëshiron t’i mbushë mendjen ish-shokut të tij.

Nëse Marselo bindet për t’u transferuar në Serie A, atëherë Juventusi është gati të nisë negociatat me Realin dhe gjithçka do të bëhej më e thjeshtë, pasi të siguronte fjalën e lojtarit.

Braziliani është ndalur të flasë për mediat, duke thënë : “Unë kurrë nuk kam kërkuar një mundësi tjetër. Gjithmonë kam bërë maksimumin për aq minuta sa kam luajtur. Nëse luaj 15 minuta çdo ndeshje, unë do jap më të mirën në ato 15 minuta”. Prej disa muajsh, mbrojtësi i Realit lidhet me një transferim të mundshëm në Torino, tek Juventusi.

Marselo ka fituar 4 tituj kampionë në Spanjë me Realin dhe këta të fundit vështirë se mund të pranojnë të privohen nga shërbimet e lojtarit. Gjithsesi, tek Juventusi egziston optimizmi rreth këtij trasnferimi. Përveç Ronaldos, Juventusi  beson se mund t’i “grabisë” edhe Marselon Realit.

Portugezi mori një bluzë me numrin 400 dhe pas ndeshjes së mbrëmshme nuk ka nguruar që ta postojë një foto dhe në rrjetet sociale. Ajo që ka tërhequr vëmendje është komenti i Marselos. Braziliani e ka shok të ngushtë Ronaldon, por komenti i ka bërë që të ëndërrojnë bardhezinjtë.

Në verë u përfol për një kalim të anësorit te Juventusi, por diçka e tillë nuk u arrit. Tifozët e kanë marrë si një sinjal komentin e Marselos, siç raportojnë mediat në Itali dhe besojnë se në të ardhmen braziliani mund të bashkohet me Ronaldon.

Trajneri Lopeteguri është në fije të perit dhe në Spanjë janë të bindur se orët e tij në krye të galaktikave janë të numëruara, por një sukses në “El Clasico” mund t’i qetësojë ndjeshëm ujërat. Ish-timonieri i përfaqësueses spanjolle normalisht që dëshiron një skuadër të plotë për takimin me katalanasit, por shqetësime kishte paraqitur Marselo, i cili në ndeshjen e Ligës së Kampioneve doli i dëmtuar.

Gjithsesi, Lopetegui duhet të qetësohet, pasi braziliani është parë që të stërvitet normalisht me pjesën tjetër të skuadrës, duke mos shfaqur ndonjë problem, ndonëse frika pas takimit me Pëlzenin ishte evidente. Ndeshja me Barcelonën do të zhvillohet këtë të diel në orën 16:15.

Braziliani Marselo ishte autori i golit të dytë ndaj Pëlzenit, por anësori u largua i dëmtuar nga fusha e lojës. Mjaft i shqetësuar si lojtari ashtu dhe trajneri e tifozët që urojnë mos të ketë asgjë serioze për një prej futbollistëve më të mirë të realit.

Vetë Marselo ishte mjaft i mërzitur teksa largohej nga fusha, duke u drejtuar nga tifozët dhe duke u treguar atyre stemën e klubit. Në një mënyrë a në një tjetër mbrojtësi u tregon dhe një herë dashurinë që ka për këtë klub, duke lëshuar një sinjal të fortë se nuk do të largohet nga Madridi. Ndeshja me Barcelonën është të dielën dhe Marselo do të bëjë çmos që të mos e humbasë një nga ndeshjet që askush nuk do donte ta humbiste.

Në verë nuk u bë gjë, por sërish gazetat italiane dolën me tituj të tipit “Marselo te Juventusi në janar”.

Për këtë arsye, sot Marselo ka folur për Real Madrid Tv dhe ka qenë mëse i qartë: “Unë te Juventusi? Në rrjetet sociale qarkullojnë shumë budallallëqe dhe disa opinionistë besojnë gjëra që nuk ekzistojnë. Ndihem i motivuar sikur të isha Vinicius, i cili është 18 vjeç, dhe dua ta mbyll këtu karrierën”.

“Jam shumë i lumtur te Reali, njerëzit e dinë që kjo është shtëpia ime dhe kam kontratë deri në vitin 2022. Ky është klubi më i mirë në botë dhe unë dua të luaj gjithnjë për klubin më të mirë. Jam i kënaqur që po flas për këtë çështje, sepse ka pasur shumë zëra dhe nuk kam si të tregoj që dua të qëndroj dhe të jap gjithnjë maksimumin për Realin”, deklaroi mbrojtësi 30-vjeçar.

Objektivi i bardhezinjtë tani është një tjetër futbollist i Real Madrid, Marselo. Siç raporton” Tuttosport” Juventus nuk i ka humbur ende shpresat për të “rrëmbyer” nga Madridi një tjetër “yll”. Vetë braziliani pak ditë më parë postoi një foto me CR7 duke shkruar se shumë shpejt mund të jenë sërish bashkë.

Ronaldo mund të ketë një ndikim të madh tek Marselo, pasi siç dihet të dy futbollistët kanë raporte miqësore shumë të ngushta. Shitja e mundshme e Aleks Sandros tek PSG ka bërë që Juve të ketë hapësirë dhe për një tjetër goditje të madhe dhe nëse Ronaldo e bind mbrojtësin atëherë gjithçka do të ishte e mundur.