Kroati do të rikthehet në formacion dhe do të marrë përsipër ndërtimin e ofensivës zikaltër. Asnjë problem as për Vesinon. Mesfushori latin pati probleme gjatë ditës së djemshme, por edhe ai do të jetë në dispozicion të Spaletit.

Trajneri i Interit pritet të zbresë në fushë të njëjtin formacion si me Romën. Lautaro Martinez do të jetë në majën e sulmit, i mbështetur nga treshja: Naingolan, Politano dhe Perishiç. Sërish stol për Mauro Ikardin, i cili mund të përfitojë minuta gjatë ndeshjes.

Marselo Brozoviç është një nga pikat më të forta të Interit. Mesfushori kroat pësoi një dëmtim në ndeshjen kundër Atalantës dhe do i duhet të qëndrojë disa ditë pushim.

Kroati ka kryer kontrollet e para dhe ka bërë një rezonancë magnetike. Ai ka pësuar një tërheqje muskulore në tendinën e këmbës së djathtë. Brozoviç do të mungojë në ndeshjen e radhës kundër Frozinones.

Ai do të kryejë kontrolle të mëtejshme dhe gjendja e tij do të vlerësohet më saktë javën e ardhshme, ndërsa mendohet se do të qëndrojë jashtë fushave rreth 2 javë.

Trajneri Spaleti ka marrë disa lajme pozitive. Marselo Brozoviç dhe Zhoao Miranda mund të jenë të gatshëm për ndeshjen e kampionatit përballë kuqezinjve të Gatuzos.

Interi do të ketë të gatshëm D’Albert, Galjardinin dhe Zhoao Marion për derbin e Milanos, ndërsa pozitive paraqitet dhe gjendja e mesfushorit kroat dhe mbrojtësit brazilian.

Brozo u ndërrua tre minuta përpara fundit të pjesës së parë në ndeshjen kundër Spalit si pasojë e një problemi muskulor në kofshën e djathtë. Rezonanca magnetike nuk nxori probleme për lojtarin, i cili do të jetë gati të luftojë me mesfushën e Milanit të dielën.

Mbarë i ka shkuar operacioni në hundë Zhoao Mirandës. Komunikata e klubit konfirmon ndërhyrjen e mbrojtësit, që ka dalë me sukses dhe lojtari do të provojë të zbresë në fushë në ndeshjen më të rëndësishme për tifozët.

Pavarësisht kualitetit të lartë, lojtari nuk ka dhënë atë që pritet në Serie A. Më Kroacinë e tij “fluturon”, ndërsa me Interin duket si një lojtar normal. Mbi situatën e krijuar ka folur dhe Zllatko Daliç. Trajneri, i cili dërgoi Kroacinë në finalen e Kupës së Botës, ka folur për “Sky Sport.

Daliç nuk e ka të qartë se çfarë ka ndodhur gjatë merkatos së janarit, ndërsa thur elozhe për Perishiç. 30-vjeçari mbetet një lojtar fantastik dhe do të ketë gjithmonë besimin dhe mbështetjen e trajnerit të kombëtares kroate, i cili e mbyll prononcimin e tij dhe me një koment për Marselo Brozoviç.

“Nuk mund të flas për çfarë ka ndodhur gjatë merkatos, por Ivan ka mbështetjen time të plotë. Ai është një futbollist fantastik, por nuk është asnjëherë e lehtë të jesh në formë të mirë pas një Botërori të madh. Ai ka luajtur shumë mirë me ne, ka bërë një punë të madhe gjatë gjithë Botërorit, ndërsa nuk e di se çfarë do të ndodhë në të ardhmen. Brozoviç? Marselo ka dhënë 100% në Rusi. Shtatë ndeshje fantastike, që treguan se kush është roli i tij më i mirë, sepse i lejon të luajë me topin dhe t’i japë ritëm aksioneve”, përfundon Zllatko Daliç.

Mesfushori ndodhet në një formë fantastike fizike dhe ka vrapuar deri më tani 12.2 km për ndeshje. Askush nuk ka vrapuar më shumë se kroati i Interit deri më tani. Brozoviç është rritur dhe pjekur shumë si lojtar, ndërsa Botërori i Rusisë e ka “transformuar” në një mesfushor të madh.

26-vjeçari është kritikuar shpeshherë nga Spaleti për faktin që i duhet të menaxhojë më mirë vrapimet e shumta për të ruajtur freskinë fizike, por Brozoviç as që ka ndërmend të ndalet.

“Brozoviç është futbollisti që sot ka mesataren më të lartë të kilometrave të përshkruara me 12.208 km/ndeshje. Do të konfirmohet dhe përballë Torinos?”, shkruan Liga e Serie A.

View this post on Instagram

 

È il calciatore che ad oggi ha la media più alta di km percorsi per partita in #SerieATIM: 12.208. @marcelo_brozovic si confermerà anche contro il @torinofc1906? ?????

A post shared by Lega Serie A (@seriea) on Jan 25, 2019 at 2:00am PST