Me bardhezinjtë fitoi gjithçka dhe është personi që ka sjellë për herë të fundit Champions Ligën në Torino, ndërsa me të kaltrit u shpall kampion bote në vitin 2006.

Lipi e ka drejtuar tre vite kombëtaren kineze. Në janar dha dorëheqjen pas eliminimit nga Irani në çerekfinaler e Kupës së Azisë. Fabio Kanavaro e zëvendësoi përkohësisht, por fituesi i fundit italian i “Topit të Artë” nuk e përballoi dot faktin që drejtonte njëkohësisht edhe Guanzhu Evergrande.

Lajmi i rikthimit është bërë publik nga Federata Kineze e Futbollit, ndërsa italiani i njohur duhet të kualifikojë Kinën në Botërorin Katar 2022. Ky është objektivi i madh dhe Lipi është gati t’iu dhurojë sërish emocione tifozëve.

Gus Hiding dhe Jurgen Klinsman janë ndër emrat e përfolur, ndërsa po mendohet një rikthim i bujshëm. Flasim për Marçelo Lipin, i cili e mbylli me Kinën pas Kupës së Azisë, që u zhvillua në muajin janar.

Italiani ka ndryshuar mendje dhe po tundohet nga ideja për t’u rikthyer. Ai është kandidatura e preferuar e Federatës. Palët mund të arrijnë akordin dhe mund të nisë sërish bashkëpunimi, kësaj radhe më një qëllim të vetëm: kualifikimin e Kinës për në Botërorin Katar 2022.

Fakti që arbitri Fabri nuk e dha shkaktoi polemika të shumta në vendin fqinj. Juventusi akuzohet nga të gjithë për favorizime arbitrare dhe kjo ndodh prej shumë kohësh.

Ish-trajneri bardhezi mendon se arbitri kryesor gaboi. Ai kishte shansin t’i lumturonte të gjithë me akordimin e penalltisë për kuqezinjtë e Gatuzos. Përtej batutës, ajo ishte penallti, e pa edhe në video, por sërish nuk e dha!

“Çështja e titullit në kampionatin italian është mbyllur tre muaj më parë. Nuk është diçka e mirë, por kështu është. Edhe në Francë kjo situatë është. Mendoj se Fabri (arbitri i ndeshjes Juventus-Milan) ka humbur shansin e jetës. Ai do të ishte duartrokitur nga e gjitha Italia futbollistike, nëse do jepte një penallti kundër Juventusit. Të gjithëve ju duket penallti, të japin mundësi ta shohësh përsëritje, e sheh dhe nuk e akordon?! Duhet ta jepte atë dreq penalltie dhe të gjithë do të kënaqeshin. U befasova shumë kur e pashë që nuk e akordoi atë penallti”, thekson Marçelo Lipi.

Diçka të tillë e kanë në gjak dhe Marçelo Lipi e di shumë mirë. Trajneri i famshëm ishte në stol në Champions Ligën e fundit të fituar nga Juventusi. Në një prononcim për “La Repubblica”, ai beson fort te skuadra, tenton të karikojë djemtë dhe nuk pranon asnjë kritikë për Maks Alegrin dhe Xhixhi Bufon.

ATLETIKO – “Juventusi nuk vdes kurrë. Kush i cilëson si të mbaruar nuk i njeh mirë. Juvja është në një farë kuptimi e pavdekshme, sidomos kur e lëndojnë. Të jemi me të qetë me proçeset dhe të shohim se si do të përfundojë ndeshja. Juventusi ka shtatë jetë, madje 70. Ky është një ekip veteranësh dhe të gjithë dinë t’i menaxhojnë momentet e vuajtjes. Ekipi i Alegrit duhet të jetë i durueshëm dhe të mos dalë nga gara, sepse golat do të vijnë.”

ALEGRI – “Alegri e bën skuadrën të luajë keq? Po talleni? Të fitosh është mënyra më e mirë për të luajtur bukur, pjesa tjetër janë thjeshtë fjalë. Të diskutosh Alegrin pas fitimit të pesë kampionateve në pesë vite dhe dy finaleve në Champions është çmenduri.”

BUFON – “Mos ma prekni Xhixhin. Një gabim i ndodh gjithëkujt dhe nuk ka lidhje mosha. Gabohet në moshë të vogël, gabohet edhe më vonë. Bufon është portiereime më shumë pritje në kampionatin francez. Edhe ai është, le të themi, i pavdekshëm.”

Sipas raportimevbe të mediave kineze Fabio Kanavaro do të ulet në stolin e kombëtares aziatike. Ish-fituesi i “Topit të Artë” në vitin 2006 do të marrë provizorisht detyrën e trajnerit.

45-vjeçari drejton klubin e Guanzhu Evergrande që nga nëntori i vitit 2017, ndërsa pritet zyrtarizimi i tij në krye të Kinës në orët e ardhshme. Sapo të ndodhë një gjë e tillë, Kanavaro do të nisë punën për miqësoren e 21 marsit kundër Tajlandës.

Sipas “Global Times”, drejtuesit e Federatës i kanë mbushur mendjen Lipit për t’u rikthyer. Ky i fundit dha dorëheqjen në fund të janarit pas eliminimit nga Kupa e Azisë, ndërsa tani do të kthehet në rolin e këshilluesit.

Guangzhou Evergrande’s head coach #FabioCannavaro will become the caretaker of the Chinese national football team for the upcoming China Cup football friendly series, with former coach #MarcelloLippi as the adviser: reports #Chinesefootball pic.twitter.com/nDRdg4g8fQ

— Global Times (@globaltimesnews) March 7, 2019

Në një intervistë për mediat italiane, Lipi është ndalur dhe te momenti fantastik që po kalon Milani. Xhenaro Gatuzon e njeh mirë dhe puna e tij e mirë nuk e ka surprizuar aspak. Trajneri, i cili mbylli në janar aventurën me kombëtaren kineze, thur elozhe dhe për Piatek, të cilin e konsideron si qendërsulmuesin perfekt.

Në fund një koment dhe për Lukas Paketën, një tjetër lojtar që po befason me paraqitjet e dhuruara në fushën e blertë.

MILANI – “Skuadrat e Gatuzos nuk kanë vetëm grintë dhe cinizëm, por kanë dhe një organizim të saktë. Nuk jam i befasuar nga Gatuzo, sepse ai është një kampion absolut për të përfshirë emocionalisht ata që punojnë me të. Piatek? Nuk kam fjalë për të. Kur flitet për qendërsulmues, prototipi perfekt është Piatek. Ai është numri 9. Nuk ka frikë nga asgjë dhe bravo u qoftë Leonardos, Maldinit dhe Rinos për afrimin e tij.”

PAKETA – “Ai është një lojtar i aftë. Djali im më ka folur para dy vitesh për të. Nuk është normale që një futbollist të vijë nga kontinenti tjetër dhe të luajë gjithmonë titullar, madje pa pushuar fare.”

“Bëra çmos për të përmirësuar ekipin dhe besoj se kam ndërtuar diçka në disa aspekte. Dua t’i falënderoj të gjithë këtu dhe kjo ndeshje mbyll aventurën time me Kinën. Ka qenë një nder i madh për mua fakti që kam qenë trajner i një skuadre të rëndësishme i një vendi të rëndësishme si Kina. Sigurisht që shpresoja ta mbyllja në një mënyrë më të mirë këtë aventurë”, shprehet trajneri që udhëhoqi Italinë drejt fitimit të kupës së botës në vitin 2006.

Elozhet për Lipin nuk kanë munguar nga Karlos Kueiroz, trajneri portugez i Iranit. “Lipi është një ndër trajnerët më të mirë të historisë së futbollit. Është për të ardhur keq fakti që nuk është më trajneri i Kinës. Jam përballur dy herë më të në eliminatoret e Botërorit para dy vitesh dhe pas atyre ndeshjeve, Kina është përmirësuar shumë”, përfundon trajneri i kombëtares perse, që do të përballet me Japoninë për një vend në finalen e madhe.