Ole Gunar Solskjaer ka patur diçka për t’i thënë Markus Rashford gjatë ndeshjes së kthimit kundër Barcelonës në “Camp Nou”. Trajneri i Mançester Junajtid ia shkruan mesazhin në letër, ia dhuron sulmuesit, por kjo zgjidhje nuk funksionon.

Në një dyluftim me Pike, 21-vjeçarit i bie letra në tokë. Aksioni vazhdon dhe nuk ka kohë për t’u marrë me sekretet e trajnerit. Rashford as ndoshta nuk e ka kuptuar se çfarë ka ndodhur.

Barcelona nis sulmin nga ana tjetër dhe Mark-Andre Ter Shtegen dallon letrën. Gjermani kurioz e hap dhe lexon që norvegjezi i ka kërkuar sulmuesit që skema e “Djajve të Kuq” do të ndryshojë nga 4-3-1-2 në 4-4-2.

Portieri mjaftohet me aq, e bën letrën shuk dhe e hedh përsëri në tokë. Me siguri që ndonjë mbrojtësi ja ka thënë. Rezultati ishte 2-0 për vendasit dhe nuk ekzistonte ndonjë rrezik i madh përmbysje. Kutinjo shënoi dhe golin e tretë, Barcelona u kualifikua më tej, ndërsa ndryshimi i skemës dhe “sekreti” nuk vlejtën për asgjë.

Got to be careful! ?https://t.co/gG1osZm531

— Best of Football (@BestofFootball8) April 18, 2019

Gardiani i Barcelonës, ka folur së fundmi në një intervistë të gjatë për mediat spanjolle, ku ndër të tjera ka folur dhe mbi jetesën e tij në Katalonjë. 26-vjeçari është shprehur i lumtur dhe se ndonjëherë i duket vetja më shumë katalanas se sa gjerman tani. Kujtojmë, Ter Shtegen është transferuar te Barça në vitin 2014.

“Duke jetuar këtu, jam mësuar me njerëzit, si ata janë, dhe çfarë presin apo si sillen. Çdo kulturë është e ndryshme, kështu që duhet të adaptohesh. Mendoj se pak e nga pak, po mësohem akoma më shumë dhe e shoh që gjërat kanë ndryshuar. Jam gjerman, por ndonjëherë më duket vetja sikur jam më shumë katalan. Është interesante se si ndryshojnë gjërat.”