Një ndër faktorët kyç për këtë zhvillim të kombëtares janë dhe lojtarët shqiptarë, që po tregojnë profesionalizimin e tyre duke dhënë 100% në çdo ndeshje.

Në takimin e ditës së djeshme, Maqedonia e Veriut barazoi në transfertë ndaj Sllovenisë me rezultatin 1 – 1. Goli u shënua nga Enis Bardhi, ndërsa asisti u dha nga shqiptari tjetër Ezgjian Alioski. Në festimin e këtij goli pati një moment special, pasi Bardhi së bashku me Alioksin dhe Bejtulain zgjodhën të festonin në një mënyrë krejt të veçantë, duke hedhur një valle shqiptare.

Në formacionin e përfaqësueses fqinje, përveç Bardhit ishin dhe tre shqiptarë të tjerë, Ferhan Hasani, Visar Musliu dhe Egzon Bejtulai. Tani Maqedonisë i mjafton të paktën një barazim në ndeshjen e radhës ndaj Gjibraltarit për të siguruar vendin e parë në grup dhe ngjitjen në Ligën C.

Danimarka ka arritur të mund Uellsin vendas falë golave të Jorgensen dhe Breithueit. Falë kësaj fitoreje skuadra skandinave ka siguruar matematikisht vendin e parë në grup dhe rrjedhimisht ngjitjen në Ligën A. Ukraina e pësoi një humbje të thellë, 4 – 1 ndaj Sllovakisë, por skuadra e drejtuar nga Shefçenko e ka siguruar me kohë kreun e grupit dhe motivimi duket se u ka munguar në këtë transfertë.

Dy ndeshjet e Grupit 3 të Ligës C përfunduan me rezultat 1 – 1. Sllovenia barazoi me Norvegjinë, ndërsa Qipro me Bullgarinë, duke lënë gjithçka të hapur deri në takimin e fundit.

Ishte viti 2010 kur vuri këmbë për të parën në Shqipëri, teksa do të firmoste nga Pelisteri me fanellën e Elbasanit. Një sezon fantastik, me 11 ndeshje dhe 1 gol. Pikërisht te verdheblutë u dallua dhe menjëherë Bylisi ishte ai që siguroi shërbimet e tij. Mbrojtësi I lindur në Bitola të Maqedonisë do të kthehej në një nga yjet e ballshiotëve në dy sezone, teksa më pas u transferua te Slavia Sofia, pas 80 ndeshjesh me Bylisin dhe dy golash. Nga Bullgaria, sërish rikthim në Superligë, këtë herë duke veshur fanelën e Tiranës, edhe pse vetëm disa muaj, duke luajtur 13 takime. Rikthim në Maqedoni, me Rabotniçkin, teksa sot luan me Vasas në Hungari. Titullar I padiskutuar I Maqedonisë, do të jetë edhe sot në Strumica, duke mbuluar pikërisht një futbollist që ka prejardhje andej ku edhe nisi aventura shqiptare e Ristevskit, Elbasani i Armando Sadikut…

Përballja e sotme mes Shqipërisë dhe Maqedonisë do të jetë edhe një farë inati për lojtarë që mund të kishin veshur një fanellë dhe veshën tjetrën. E ndërsa te Shqipëria i vetmi është Valon Ahmedi (“më mirë një ndeshje me Shqipërinë se sa titullar te Maqedonia”), te skuadra e Angelovskit janë tre. Bëhet fjalë për Enis Bardhin, Ezgjan Alioskin, por që në shqip është Aliu, dhe Visar Musliu. I pari ka lindur në Shkup nga familje me origjinë shqiptare, teksa tashmë luan te Levante në Spanjë. Një talent i jashtëzakonshëm, i cili u kontaktua edhe nga federata shqiptare, por historia e tij mbetet ende e patreguar dhe ndoshta Redi Jupi di më shumë… (në atë kohë, mbulonte pikërisht zyrën e talenteve kuqezi). Ndërkohë, Ezgjan Alioski që luan te Lids, ka lindur në Prilep, edhe pse në shqip e thërrasin Ezgjan Aliu. Ai kurrë s’është ndjerë shqiptarë. Nga Gostivari është Visar Musliu, që luan te Vardari, teksa sezonin e shkuar luante me Renovën. Vetëm 22 vjeç dhe një ndër më të dalluarit.

“Përballë Shqipërisë do të jetë një ndeshje e rëndësishme. Shpresoj që të kemi mbështetjen e tifozëve maqedonas. Shpresojmë që të arrijmë të marrim tre pikët, për t’i kthyer reston e humbjes në ndeshjen e parë të zhvilluar në Shkodër”.

Sulmuesi thumbon Berishën: “Berishën e njoh, pasi luajmë së bashku në Seria A. Unë e njoh atë, por ai duhet të më njohë mua më shumë, pasi i kam shënuar atij, në një ndeshje kundër Atalantës, pak kohë më parë. Uroj që të më njohë mirë”.

Igor Angelovski, trajneri i Maqedonisë, u shpreh:  “Kjo ndeshje është mjaft e rëndësishme për ne, pasi e dimë mirë se një fitore ndaj Izraelit do të na kthente në garë për vendin e tretë të klasifikimit, së bashku me Shqipërinë dhe Izraelin. Kur kanë nisur këto eliminatore jam shprehur se çdo pozicion brenda vendit të katërt do të ishte një arritje për Maqedoninë dhe ditë pas dite ne jemi duke punuar për ta realizuar këtë objektiv. Fitorja ndaj Izraelit do të jetë mjaft e rëndësishme, pasi do të na japë moral për ndeshjet e radhës që do të kemi në grup”. Më pas, trajneri i skuadrës maqedonase, që ka humbur Hasanin për këto dy sfida, tha: “Dëshira jonë për fitore në ndeshjen që do të luajmë në Haifa nuk na bën që të nënvlerësojmë kundërshtarin. Kjo do të thotë besim në cilësitë tona dhe në faktin se mund t’i përgjigjemi mirë kundërshtarit si në aspektin tekniko-taktik, ashtu edhe në atë fizike. Kështu mund t’ia arrijmë objektivit që kemi”, ka mbyllur trajneri i Maqedonisë.