maqedonia e veriut

Mici kërkon largimin, dy oferta nga “atdheu i dytë” e tundojnë

Sport Ekspres — Sat, 15 Jun 2019 18:34:12 +0000

Gledi Mici mund të largohet nga Shkëndija në javët në vazhdim. Sipas “infOSport.mk”, mbrojtësi i kampionëve të Maqedonisë ka kërkuar largimin për shkak se në drejtim të tij kanë ardhur dy oferta nga skuadra amerikane.

Mici, i cili krahas shtetësisë shqiptare ka dhe atë amerikane kërkohet nga Orlando City dhe Phoenix Rising. Orlando City është klubi më prestigjioz. Ky ekip militon prej katër vitesh në elitën e futbollit amerikan, “MLS”, dhe ka në përbërje disa lojtarë me emër ku më së shumti bie në sy futbollisti portugez Nani.

Klubi tjetër, Phoenix Rising, është pjesë e divizionit të dytë për nga rëndësia: “USL”. Në vitet e fundit Phoenix Rising ka qenë ndër klubet më të suksesshme në këtë divizion. Aksioneri maxhoritar në këtë projekt është ish-futbollisti i njohur Didier Drogba.

“Nuk e fsheh se jam shqiptar”, skandali me Alioksin merr dhenë

Sport Ekspres — Fri, 14 Jun 2019 11:23:54 +0000

Ngjarja e ndodhur në Prilep me Ezgjan Alioskin ka shkaktuar një skandal të madh. Futbollisti shqiptar, i cili aktivizohet me kombëtaren e Maqedonisë së Veriut, u nxor jashtë një restorantit bashkë me familjarët dhe disa miq të tij? Shkaku? Bëri gabimin e jetës, foli shqip!!!

27-vjeçari ka folur rreth këtij episodi, duke mos e fshehur zhgënjimin e tij të madh. “U shokova me atë që ndodhi në Prilep. Unë jam pjesë e Maqedonisë, erdha nga Anglia dhe po prisja me padurim ndeshjet e kombëtares, por shikoni çfarë të ndodh. Nuk e kam fshehur kurrë faktin që jam shqiptar. Po flisja me të afërmit e mi në gjuhën amtare dhe dikush nga restoranti më kërkoi të dilja jashtë për shkak të gjuhës që po flisja. Kam mbetur pa fjalë”, përfundon mesfushori i krahut i Lids Junajtid.

Në lidhje me situatën ka reaguar edhe Federata e Futbollit të Maqedonisë së Veriut, që dënon me forcë ngjarjet që kanë lidhje me urrejtjen. Ezgjan Alioskin e cilësojnë si ambasador futbolli dhe përfaqësues të Maqedonisë së Veriut.

Federata bën thirrje për zhvillim të vlerave pozitive dhe respekt të barabartë, pavarësisht përkatësisë fetare, kombësisë, racës apo ngjyrës së lëkurës. “Ju bëjmë thirrje institucioneve përgjegjëse që të reagojnë dhe ngjarje të tilla të turpshme të mos ndodhin më”, përfundon reagimin e saj Federata Maqedonase e Futbollit.

Shkëndija zyrtarisht kampione, Renova “masakron” Pobedën me 9 gola

Sport Ekspres — Sat, 04 May 2019 16:22:27 +0000

Shkëndija është zyrtarisht ekipi kampion i Ligës së Parë të Maqedonisë së Veriut. Tetovarët mundën në transfertë 1-0 Rabotniçkin falë golit të shënuar nga mesfushori Enur Totre në minutën e fundit të takimit.

Rol në shpalljen kampion të Shkëndijës luajtën dhe skuadra e Shkupit që ndali Vardarin me një barazim me shifrat 2-2. Ky është titulli i tretë kampion i Shkëndijës dhe i dyti radhazi.

Renova ka regjistruar një fitore me rezultat të pabesueshëm ndaj Pobedës, duke shënuar plot 9 gola ndaj skuadrës së vendit të fundit të kampionatit.

MAQEDONI E VERIUT LIGA 1 – Java 32

E shtunë, më 4 maj 2019, ora 16:00

Belasica-Makedonija GP 3-1

Rabotniçki-Shkëndija Tetovë 0-1
Shënues: Totre 90’

Renova-Pobeda 9-1

Shënues: Miovski 9’, Stojanovksi 22’, 35’, 64’, 90’, Ramadani 38’, 51’, Mustafov 45’, Useini 84’ / Ristevski 24’

Shkupi-Vardar 2-2

Shënues: Serzhinjo 32’, Bajrami 85’ / Zhuninjo 43’, Micevski 88’

Sileks-Akademija Pandev 3-0

Standings provided by Sofascore LiveScore

Miqësorja me Maqedoninë, Shqipëria U-18 ndalet në barazim spektakolar

Sport Ekspres — Tue, 23 Apr 2019 16:23:39 +0000

Shqipëria U-18 dhe Maqedonia e Veriut U-18 kanë luajtur një ndeshje miqësore në stadiumin “Sopoti” në Librazhd, ku janë ndarë në barazim 2-2. Për kuqezinjtë tanë, kanë shënuar Murati dhe Sulovari me penallti.

Ndeshja nisi më mirë për 18-vjeçarët tanë, që gjetën avantazhin me Muratin në pjesën e parë. Miqtë barazuan në pjesën e dytë (65’), por vetëm pesë minuta më pas, Sulovari nga pika e bardhë e penalltisë riktheu avantazhin tek të besuarit e Dedes. Miqtë do të barazonin sërish në minutat e fundit dhe sfida u mbyll në barazimin spektakolar, 2-2.

Shqipëri U-18 – Maqedonia e Veriut U-18
Shënues: Murati, Sulovari (p) 70’

Formacioni startues:
SHQIPËRI U-18: Ceka, Murati, Pruti, Kuci, Ismaili, Zahi, Pusi, Sulollari, Mema, Gaxhia, Zaimi Trajner: Nevil Dede

Maqedonia e Veriut mposht kombëtaren U19, sfida njeh vetëm gola shqiptarësh

Sport Ekspres — Tue, 26 Mar 2019 14:10:21 +0000

Kombëtarja e 19-vjeçarëve zhvilloi sot miqësoren e dytë me Maqedoninë e Veriut. Sfida e luajtur në qytetin e Ohrit u fitua nga përfaqësuesja vendase me rezultatin 2 – 1.

Sulmuesi i Çelsit Armando Broja zhbllokoi ndeshjen me golin në minutën e 10-të, ndërsa skuadra “fqinje” përmbysi rezultatin falë dy golave të shënuar Jeton Dauti dhe Agron Elezi, dy futbollistë të etnisë shqiptare.

Miqësore | Maqedonia e Veriut 2 – 1 Shqipëria
Shënues: Dauti 40’, Elezi 53’ / Broja 10’

VIDEO | Bardhi shënon “maqedonisht”, feston “shqip”

Sport Ekspres — Mon, 25 Mar 2019 12:43:27 +0000

Kombëtarja e Maqedonisë së Veriut po kalon një moment të mirë gjatë muajve të fundit. “Fqinjët” tanë u renditën të parët në grupin e tyre në “Nations League”, ndërsa po zhvillojnë një paraqitje të mirë dhe në kualifikueset e Euro “2020”. Të gjitha këto me një stil loje mjaft të bukur.

Një ndër faktorët kyç për këtë zhvillim të kombëtares janë dhe lojtarët shqiptarë, që po tregojnë profesionalizimin e tyre duke dhënë 100% në çdo ndeshje.

Në takimin e ditës së djeshme, Maqedonia e Veriut barazoi në transfertë ndaj Sllovenisë me rezultatin 1 – 1. Goli u shënua nga Enis Bardhi, ndërsa asisti u dha nga shqiptari tjetër Ezgjian Alioski. Në festimin e këtij goli pati një moment special, pasi Bardhi së bashku me Alioksin dhe Bejtulain zgjodhën të festonin në një mënyrë krejt të veçantë, duke hedhur një valle shqiptare.