Siç raportojnë mediat në Itali, “Zonja e Vjetër” është e kënaqur dhe me pjesën tjetër të sulmuesve, pasi ka gati rinovimin me njërin prej tyre. Bëhet fjalë për Mario Manxhukiç, i cili me shumë mundësi do të jetë pjesë e bardhezinjve deri në vitin 2022.

Manxhukiç dhe Juventusi, sipas asaj që raporton “Rai Sport” e kanë arritur marrëveshjen për të zgjatur kontratën dhe shumë shpejt pritet që të vijë dhe zyrtarizmi. Kroati luan sezonin e tij katërt me kampionët e Italisë dhe këtë sezon, ndonëse 32 vjeç ka luajtur në 7 ndeshje në kampionat, por dhe në të dyja sfidat në Champions Ligë.

Sipas medies italiane, destinacioni i ardhshëm i nënkampionit të botës do të jetë klubi  i Borusia Dortmundit. Largimi i bomberit Pierr Emerik Obamejang ka lënë një boshllëk shumë të madh në repartin e sulmit të verdhezinjve dhe në Gjermani besojnë se Manxhukiç do të ishte zënvedësuesi ideal për të zgjidhur këtë problematik.

Mosha e madhe e sulmuesit  (32)  nuk i lejon Juventusit të kërkojë një shumë të majme për kartonin e Manxhukiç dhe sipas të gjithave gjasave transferimi i tij do t’i kushtojë arkave të ekipit gjerman një shumë diku te 20 milionë euro.