Shumë klube shpenzojnë shifra të çmendura për të transferuar sulmues, por në vitet e fundit, skuadrat kanë filluar të paguajnë shifra faraonike dhe për mbrojtës. Gjithçka nisi me Van Dijk, më pas me Lenglet, Laporte, Stones e së fundmi Manolas e De Ligt.

Ekipet në Europë janë përforcuar ndjeshëm në prapavijë, me Liverpulin që ka mbrojtësin më të mirë në botë të momentit, me Napolin që ka bashkuar Kulibali me Manolas, me Juventusin që siguroi firmën e De Ligt dhe me Barcelonën që vazhdon të mos ketë probleme në prapavijë me dyshën Pike-Lengle. Më poshtë, janë dhe ekipet me dyshen e qendrës së mbrojtjes më të mirë në Europë.

1 – Juventus (De Ligt – Bonuci)

2 – Napoli (Kulibali – Manolas)

3 – Barcelona (Pike – Lenglet)

5 – Real Madrid (Ramos – Varan)

Sot Roma ka zyrtarizuar transferimin e qendërmbrojtësit Kostas Manolas te Napoli, për 36 milionë euro.

Manolas ceduto a titolo definitivo al Napoli.
Ciao Kostas, grazie per questi 5 anni in giallorosso ?#ASRoma pic.twitter.com/FdJvBX6LbE

— AS Roma (@OfficialASRoma) June 30, 2019

Manolas, te Roma prej verës 2014, luajti 206 ndeshje si verdhekuq, duke qenë një ndër futbollistët më të kërkuar në treg, ndaj çmimi i paguar për të duket shumë i ulët.

Ndërkaq, Napoli blindon qendrën e mbrojtjes dhe i jep Romës mesfushorin Amadou Diawara, duke e vlerësuar 21 milionë euro, shifër e jashtëzakonshme për një lojtar që luajti vetëm 660 minuta kampionatin e fundit, por gjithsesi bëhet fjalë për një futbollist vetëm 21 vjeç dhe me të dhëna të mira.

Ditën e sotme është mbyllur dhe faza e fundit e operacionit. “Sky Sports” raporton se të dy lojtarët kanë rënë dakord për kontratat e reja dhe në ditët në vazhdim priten të kryhen vizitat mjekësore e më pas zyrtarizimi.

Manolas do të zëvendësojë spanjollin Raul Albiol, i cili ka vendosur të rikthehet në vendlindje ku do të vazhdojë karrierën me Vijareal.

Në marrëveshjen midis klubeve është përfshirë dhe mesfushori nga Guinea, Amadu Diauara, i cili kalon në krahun e romanëve. Kartoni i 21-vjeçarit është vlerësuar 20 milionë euro, ndërsa pjesa tjetër do të plotësohet me një transaksion prej 16 milionë eurosh.

Manolas pritet të zëvendësojë spanjollin Raul Albiol, i cili pritet të rikthehet në vendlindje. Për 33-vjeçarin ka ardhur një ofertë nga Vijareali prej secilës Napoli do të përfitojë 6 milionë euro, shumë kjo tepër e madhe po të marrim parasysh moshën e madhe të futbollistit.

Greku nuk është i kënaqur te Roma, sidomos me ecurinë që verdhekuqtë kanë pasur këtë sezon. Për kalimin e tij te Juventusi, rol të rëndëishëm luan edhe menaxheri i lojtarit, pikërisht Mino Raiola, i cili ka marrëdhënie të mira me bardhezinjtë.
“Zonja e vjetër” do të paguajë kaluzolën prej 36 milionë eurosh dhe siç thuhet nga “Corriere dello Sport”, pritet që transferimi i tij të finalizohet edhe përpara përfundimit të këtij sezoni.

Kjo ka bërë që Roma të akuzojë UEFA-n dhe presidenti Xhejms Palota nuk përmbahet: “Vitin e shkuar kërkuam VAR në Champions, sepse na shkatërruan gjysmëfinalen, ndërsa kundër Portos na vodhën sërish, edhe pse ishte VAR. Shik u rrëzua në zonë, VAR e tregon qartë, por nuk jepet asnjë. U lodha nga ky m*t. Dorëzohem”.

JP: “Lo scorso anno abbiamo richiesto il VAR in UCL perché ci avevano rovinato la semifinale e questa sera, nonostante ci fosse, siamo stati derubati. Schick è stato atterrato in area, il VAR lo dimostra, e non viene fatto niente. Sono stufo di questa merda. Non ho più parole!” pic.twitter.com/uHqgJqGKsi

— AS Roma (@OfficialASRoma) March 7, 2019

MANOLAS – Edhe mbrojtësi grek i Romës, Kostas Manolas, është i tërbuar me arbitrin: “Jemi të hidhëruar, sepse patëm shanse për të barazuar, ndërsa më pas na u dha një penallti kundër me VAR. Në të njëjtën situatë, kur ishte penallti e kërkuar prej nesh, arbitri nuk shkoi ta shihte fare. Për mua është e turpshme”.

“Nuk mund ta eliminosh kështu një skuadër që jep gjithçka. Çfarë na tha arbitri për penalltinë që kërkuam në fund? Që e kishin parë arbitrat në VAR dhe nuk ishte asgjë. Pse nuk shkoi ta shihte ai? Kontakti është, neto. Nuk e kuptoj pse këto gjëra na ndodhin vetëm ne. Edhe vjet nuk na dhanë dy penallti, më pas na kërkuan falje. Nuk ka falje, sepse tani është VAR. Duhet të shkosh ta shohësh, që të mos gabosh”.

S’do mend që në merkaton e dimrit dhe atë të verës, Real do rikthehet të thyejë rekorde, siç ka bërë në të shkuarën me blerjet e Kaka, Kristiano Ronaldo dhe Bejl. Sipas medieve italiane, kampionët në fuqi të Champions-it i “kanë vënë” syrin prej lojtarëve më të mirë në Serie A.

Bëhet fjalë për sulmuesin e Interit, Mauro Ikardi dhe mbrojtësin grek të Romës, Kostas Manolas. Në ndeshjen e së dielës në “Olimpico”, drejtues të klubit spanjoll ishin vendosur në tribunat “Vip”, ku panë më imtësi çdo lëvizje të lojtarëve në fjalë.

Gjithsesi mbrojtësi grek nuk i është shmangur deklaratave dhe për “Rai” është shprehur se duhet ë ishin treguar më të këqij në fushë ndaj Realit, ndërkohë që thekson se Roma nuk është ajo e mbrëmshmja.

“Humbja të dhemb, por duhet të kishim qenë më të këqij. Duhet të punojmë më shumë në stërvitje për të treguar se nuk është kjo që keni parë Roma. Reali është ekipi më i fortë në Europë, por ne nga ana tjetër duhet të besojmë më shumë. Jemi tjetër skuadër nga ajo që patë në Madrid.”, ka deklaruar fillimisht Manolas.

“Çfarë na tha trajneri? Asgjë. Plzen dhe CSKA? Tani po mendojmë të mundim Bolonjën, duhet të gjejmë besimin e humbur”, ka deklaruar në mbyllje mbrojtësi grek i Romës, i cili në verë ishte nga më të kërkuarit në merkato.

Sonte Roma luan në Madrid kundër Realit, rival në grupe. Në momentin para fillimit të ndeshjes, kur spikeri i stadiumit po thërriste emrat, tifozët kanë brohoritur kur u përmend emri i Kosta Manolas.

Kjo ka një arsye dhe lidhet me faktin që mbrojtësi grek i shënoi vjet Barcelonës golin e tretë, që i eliminoi katalanasit. Ndërkohë klubi roman në tëiter shkruar: “Kosta Manolas duket se është shumë popullor për tifozët e Realit.

Kostas Manolas appears to be pretty popular with the Real Madrid fans ?#ASRoma #UCL pic.twitter.com/JzfCksKpaV

— AS Roma English (@ASRomaEN) September 19, 2018

Te Zeniti e dëshironte me çdo kusht Roberto Mançini, “thesi” me miliona kishte marrë rrugën për në Romë, por tashmë gjithçka anulohet dhe Roma tërbohet, aq sa mund ta nxjerrë jashtë skuadre “rebelin” grek, i cili gjithsesi ka një kontratë deri në 2019.

Ajo që bën përshtypje është lajmi se fillimisht Manolas i kishte dhënë “OK” Mançinit në telefon, ndaj duket qartë se refuzimi i tij lidhet me një ofertë të re që ka marrë nga ndonjë klub tjetër.

Klubi që i ka blerë është Zeniti, që ka mbyllur marrëveshjen për 45 milionë euro, plus disa milionë euro bonuse.

Mbrojtësi grek është një nga yjet e sezonit të fundit në Serinë A dhe kërkohej nga shumë klube, ndërsa Paredes konsiderohet një mesfushor me të ardhme të shkëlqyer, ndaj kishte oferta pa fund prej verës së shkuar.

Tani të dy janë bindur nga milionat e Zenitit dhe nga fakti se aty trajner është Roberto Mançini.

Roma arkëton rreth 100 milionë në pak ditë, me shitjet e Salah dhe dy lojtarëve të mësipërm, por duhet të blejë urgjentisht, sepse tifozeria verdhekuqe është në prag revolte.