manny pacquiao

VIDEO | Legjenda Pacquiao sfidon vitet, mund kampionin e botës

Sport Ekspres — Sun, 21 Jul 2019 07:48:27 +0000

Legjenda Manny Pacquiao vazhdon të shkruajë historinë e boksit edhe pse në moshën 40-vjeçare. Filipinasi mundi me vendim të ndarë amerikanin Keith Thurman (10 vite më i ri), duke i marrë këtij të fundit titullin kampion bote të konfederatës WBA në kategorinë welterweight (66.7 kg). Thurman vinte në këtë duel si i pamposhtur me një rekord prej 29 fitoresh (22 nokaute).

Dueli filloi në mënyrë të shkëlqyer për filipinasin, i cili hodhi në tapet amerikanin me një të majtë të fuqishme në raundin e parë. Thurman u ngrit menjëherë dhe në pjesën e mbetur të raundeve filloi të fitonte terren.

Në raundin e 10-të Pacquiao i afrohet nokautit, pasi një grusht i fortë në bark dëmton dukshëm Thurman, por amerikani ia del të mbijetojë me vështirësi deri në fund të raundit. Në përfundim të duelit gjyqtarët dhanë një vendim të ndarë, ku i fituar doli 40-vjeçar, i cili shënoi 115 – 112 në dy prej kartave të gjyqtarëve, ndërsa Thurman ishte në avantazh 114 – 113 në kartën e gjyqtarit të tretë, Glenn Feldmen.

Në përfundim të duelit Thurman nuk kontestoi vendimin e gjyqtarëve dhe përmendi se do të përpiqej që të siguronte një përsëritje të përballjes.

Pacquiao vs Thurman, bota e boksit me sytë nga Las Vegas

Sport Ekspres — Sat, 20 Jul 2019 09:23:37 +0000

Legjenda e sportit të boksit Manny Pacquaio rikthehet këtë pas pak orësh në ring për duelin 71-të të karrierës së tij. Boksieri filipinas do ndeshet me kampionin amerikan Keith Thurman, i cili vjen me një rekord të pamposhtur prej 29 fitoresh, 22 prej të cilave me nokaut.

Kundërshtari i Pacquiaos, Keith Thurman, 29 fitore (22 nokaute), 0 barazime, 0 humbje

Edhe pse në moshën 40-vjeçare, Pacquaio konsiderohet si boksieri favorit për ta fituar këtë duel sipas kompanive të basteve. Fituesi i përballjes do të bëjë të tijin brezin kampion bote të konfederatës WBA në kategorinë e peshës “welterweight” (66.7 kg).

Në rast fitorej Pacquaio do të bëjë të tijin brezin kampion bote të konfederatës “WBA”. Një e veçantë e këtij dueli është se në vendet “vip” pranë ringut do të jetë dhe legjenda amerikane Floyd Mayweather, i cili mundi Pacquiaon disa vite më parë. Është e sigurt se në rast fitoreje, filipinasi do ta sfidojë sërishë ish-boksierin e pamposhtur. Dueli transmetohet dhe në Shqipëri nga “RTSH Sport”. Evenimenti fillon të dielën në orën 3 të mëngjesit.

Pacquiao hap sondazh në “Twitter”: Tifozë zgjidhni kundërshtarin e radhës

Sport Ekspres — Sat, 23 Mar 2019 15:02:46 +0000

Manny Pacquiao është i pandashëm nga bota e boksit edhe pse i ka kaluar të 40-at. Legjenda e filipinase nuk është më ai dikurshmi, por çuditërisht vazhdon të mbetet një ndër 10 boksierët më të mirë në qarkullim në divizionin “welterweight” (deri në 66.7 kg).

Së fundmi Pacquiao ka hapur një sondazh për fansat e tij në “Twitter”, ku fton tifozët e tij të përzgjedhin kundërshtarin e tij të radhës. Katër opsionet janë: 1.Floyd Mayweather, 2.Keith Thurman, 3.Danny Garcia, 4.Shawn Porter.

Ashtu siç dhe pritej, shumica e votuesve kanë përzgjedhur Floyd Mayweather me mbi 75% të votave. Boksieri amerikan është tërhequr prej më shumë se një viti e gjysmë nga boksi, por në këtë rast vlen shpreha “të gjithë e kanë një çmim”. E ardhmja do të tregojë nëse drejt Mayweather do të vijë një ofertë që ta bind për të veshur sërish dorezat e të rikthehet sërish në ring kundër filipinasit të cilin e mundi në vitin 2014, pas një dueli që arkëtoi një shumë rekord prej 300 milionë dollarësh, shumë që akoma nuk është kaluar nga asnjë event boksi.

Who should I fight next?

— Manny Pacquiao (@MannyPacquiao) March 23, 2019

Fitore dominuese e Pacquiao-s, Mayweather në horizont

Sport Ekspres — Sun, 20 Jan 2019 08:01:29 +0000

Boksieri filipinas, Manny Paquiao, tregoi se mbetet një emër për t’u respektuar në botën e boksit, teksa mundi me vendim unanim ( 117-111, 116-122, 116-112) amerikanin Adrien Broner. Dueli i zhvilluar në Las Vegas u dominua gjatë shumicës së raundeve nga filipinasi, i cili vazhdon të jetë një boksier për t’u pasur frikë nga kushdo në kategorinë “welterweight” (deri në 66.6 kilogramë) edhe pse në moshën 40-vjeçare.

Pacquiao with a hard left on Broner. He is looking 10 years younger tonight. https://t.co/QKZNLC2YEP

— Harrison Klopp (@harrisonklopp) January 20, 2019

Fitorja ndaj Brouner ishte e 61-ta për Pacquiao-n. Amerikani Broner nuk e përtypi mirë humbjen e katërt të karrierës së tij dhe nuk ngurroi të hidhte akuza për blerje të gjyqtareve. “Unë e munda atë. Kisha kontrollin e ringut Godita më pastër se ai dhe ju shmanga të gjithë grushteve. Po ju a bëj të ditur të gjithëve. Ata (gjyqtarët) do marrin pjesëqn e tyre kur Pacquiao të ndeshet me Floyd Mayweather”, tha Broner.

Tani pritet që testi i ardhshëm të jetë ndaj rivalit të përjetshëm Floyd Mayweather, i cili e ka mundur mëngjarashin në përballjen e tyre të mëparshme në vitin 2015. Mayweather, 41 vjeç nuk është kthyer në ring që prej gushtit të 2017-ës, ku mundi me nokaut irlandezin Conor McGregor, por amerikane ka dhënë disa sinjale për një rikthim në ring. Fundja një përballje midis këtyre dy legjendave do arkëtonte me qindra miliona dollarë për secilën palë.