Spekulimet e para kanë nisur me Borusian e Dortmundit në “pole-position”. Madje, në lidhje me këto zëra ka folur edhe drejtori Vatzke, i cili nuk e mohoi një transferim të mundshëm. “Kemi disa ide në merkato. Sa për Manxhukiç, ai momentalisht është te Juventusi, por nuk mund të përjashtoj asgjë”, përfundoi shkurt drejtori i Dortmundit.
Rikthimi në Bundesligë është projektuar dhe pas Bajernit të Mynihut e Volfsburgut, duket se gjiganti kroat do të veshë dhe fanellën e verdhezinjve nga “Westfalenstadion”.

Ndërkohë, te Juventusi nuk duan ta humbasin mundësinë për të fituar dhe për të marrë hak, pasi në ndeshjen e fundit të luajtur mes tyre, Milani fitoi me 11-metërsha. Gjithsesi, kur kanë mbetur vetëm disa ditë nga sfida, në kampin bardhezi marrin një lajm të keq.

Mario Manxhukiç me shumë mundësi nuk do të jetë i gatshëm për trajnerin Alegri, pasi në stërvitjen e ditës së sotme, kroati ka pësuar një dëmtim. 32-vjeçari ka marrë një dëmtim në kofshë dhe nga raportimet në media, thuhet se nuk do të jetë në Superkupë. Një mungesë mjaft me peshë për “Zonjën e vjetër”.