Megjithatë, klubi verdhekuq ka nisur punën fuqimisht dhe ndërkohë që po mbyll marrëveshjen me Veretu të Fiorentinës për mesfushën, ka siguruar edhe pasuesin e Manolas.

Është praktikisht zyrtare blerja e qendërmbrojtësit të Atalantës Xhanluka Mançini (30 ndeshje e 5 gola kampionatin e fundit), i cili do të paguhet deri në 26 milionë euro: 2 për huazimin tani, 17 milionë euro vitin e ardhshëm dhe më pas 5 milionë në varësi të bonuseve.

Një investim i madh, sepse Mançini është 23 vjeç dhe pjesë e kombëtares italiane. Mbrojtësi do të firmosë kontratë 5-vjeçare të mërkurën.

Me largimin e Mançinit pritet që hapësirat e Berat Gjimshitit të shtohen akoma më shumë. Qendërmbrojtësi shqiptar e pati mjaft të vështirë të zinte një vend në formacionin titullar gjatë sezonit të kaluar, duke qëndruar në stol një periudhë, por me kalimin e kohës 26-vjeçari ia doli të bindte teknikun Gasperini me paraqitjet e tij.

Mesfushori i talentuar i Romës u aktivizua në minutën e 85-të në vend të Marko Verratit dhe ndihet shumë i lumtur. Në një prononcim për “Rai”, 19-vjeçari nuk i kursen elozhet për Eusebio Di Françeskon, personin që i besoi një post titullari te Roma, ndërsa vlerëson shumë dhe trajnerin aktual të verdhekuqve, Klaudio Ranierin.

Zaniolo tregon dhe këshillat e shumta që merr nga Françesko Toti. Legjenda e Romës insiston që mesfushori të qëndrojë me këmbë në tokë dhe të vazhdojë të punojë fort për të mbajtur këtë nivel loje.

FALENDERIMET – “Debutimi me kombëtaren ishte një emocion i madh, një tjetër ëndërr e realizuar këtë vit, por e di mirë se duhet të qëndroj me këmbë në tokë. I jam shumë borxhli Di Françeskos, sepse bashkë me Mançinin ishin të vetmit që besuan tek unë. Eusebio më ka mësuar se si të sillem dhe jashtë fushave. Ai di se di të sillet me njerëzit. Më erdhi shumë keq që u largua. Kjo është diçka personale dhe unë e cilësoj atë si shumë të aftë. Tani është Ranieri dhe më duhet të jap maksimumin. Trajneri ka eksperiencë, ka fituar në karrierë dhe di si të sillet te një ambient si Roma”.

TOTI – “Françesko më jep këshilla se si të stërvitem, si të luaj dhe si të sillem. Dallohet qartë që është një kampion edhe jashtë fushave. Ma përsërit shpesh që duhet të qëndroj me këmbë në tokë. Më thotë që mjafton pak për të arritur diçka, por që është shumë e vështirë të qëndrosh në një nivel të caktuar.”

Kundër Finlandës “axurrët” festuan me golat e të rinjve Nikolo Barela e Moize Ken.

Në fund të takimit trajneri Roberto Mançini tha: “Nuk ishte e lehtë, sepse Finlanda luajti e mbyllur pas, duke luajtur me 5 mbrojtës. Në fillim ishim paksa të mpirë, në pjesën e dytë shumë më mirë”.

“Mendoj që Kin është një yll në rritje. Ai është një lojtar me kualitete të shkëlqyera, një lojtar që gjithmonë kërkon të përmirësohet. Do të bëhet një lojtar shumë i rëndësishëm për klubin e tij dhe për kombëtaren e Italisë. Një gjë nuk duhet të harrojë: Është ende 19-vjeç dhe nuk duhet të marrë përsipër përgjegjësi që nuk i takojnë.

“Do të bëjë gabime, por kjo është rrugë më e mirë që mund të ndjekë. Unë si synim kam që të afroj sa më shumë të rinj në kombëtare, në mënyrë që pasardhësi im të ketë një punë të thjeshtë. Kin është një prej tyre dhe kam besim që do të luajë për shumë vite me Italinë”, përfundoi Mançini.

Sipas burimeve të medieve italiane, Mançini do ta vendosë skuadrën e tij me një formacion 4 – 3 – 3, ku nuk mungojnë surprizat. Në portë është i përhershmi Donaruma, ndërsa në qendër të mbrojtjes dyshja e Juventusit, Kielini – Bonuçi. Ndryshimet fillojnë në krahët e mbrojtjes, ku i është besuar në të djathë lojtarit të Valencias Kristiano Piçini, ndërsa në të majtë luan Kristiano Biragi i Fiorentinës.

Treshja e mesfushës përbëhet nga tra lojtarë shtatshkurtër, por atë që u mungon në gjatësi e plotësojnë me kreativitet. Barrela, Zhorzhinjo dhe Verrati janë një “trinom” që do ta kishte zili çdo kombëtare.

Surpriza më e madhe e sulmit është Muase Kean. Sulmuesi 19-vjeçari i Juventusit do ta fillojë nga minuta e parë përkrah Çiro Imobiles dhe Federiko Bernardeskit.

Në mbrojtje risia është qendërmbrojtësi i Torinos Armando Izo, ndërsa mesfushë ka mbetur jashtë liste Lorence Pelegrini i Romës, në vend të tij i është besuar Stefano Sensit të Sasuolos.

Portierë
Alesio Kranjo (Kaljari), Xhanluixhi Donaruma (Milan), Matia Perin (Juventus)
Mbrojtës
Kristiano Biragi (Fiorentina), Leonardo Bonuçi (Juventus), Xhorxho Kielini (Juventus), Alesandro Florenci (Roma), Armando Izo (Torino), Xhanluka Mançini (Atalanta), Kristiano Piçini (Valencia), Alesio Romanjoli (Milan), Leonardo Spizanola (Juventus)
Mesfushorë
Nikolo Barela (Kaljari), Brajan Kristante (Roma), Zhorzhinjo (Çelsi), Stefano Sensi (Sasuolo), Marko Verrati (PSG), Nikolo Zaniolo (Roma)
Sulmues
Federiko Bernardeski (Juventus), Federiko Kieza (Fiorentina), Stefan El Sharaui (Roma), Vinçenco Grifo (Frajburg), Çiro Imobile (Lacio), Muase Kean (Juventus), Kevin Lasanja (Udineze), Leonardo Pavoleti (Kaljari), Mateo Politano (Inter), Fabio Kualjarela (Sampdoria )

Pikërisht këto paraqitje kanë bërë që trajneri i Italisë, Roberto Mançini ta rikthejë në kombëtare bomberin 36-vjeçar. Kualjarela nuk luante me kombëtaren që nga viti 2010 dhe për “Axurrët”, ka shënuar 7 gola në 25 sfida. Kualjarela është padiskutim lojtari më i mirë te Sampdoria dhe ka udhëhequr skuadrën blu të Sampit me shiritin e kapitenit në krah.

Lidhur me ndeshjen e luajtur mbrëmë foli trajneri i kombëtares italiane, Roberto Mançini. Numri një i panikës axurre pranoi se sistemi VAR është i domosdoshëm në futboll dhe se duhej të përdorej në momentin e ndërhyrjes së D’Ambrozios. Gjithashtu Mançini foli dhe për situatën që po kalon Baloteli tek Nisë, ku marrëdhëniet e tij me trajnerin francez Vieira nuk kanë qenë të mira.

SISTEMI VAR – “Isha kundër VAR, por mund të them tani që është diçka që i ndihmon gjyqtarët dhe duhet të përdoret pothuajse gjithmonë. Pashë momentin e penalltisë së Zaniolos. Arbitri mund të ketë pasur vështirësi për ta parë atë dhe teknologjia mund të ishte përdorur me qetësi, gjithashtu për të shmangur çdo polemikë”.

BALOTELI – “Më vjen keq të shoh Balotellin të humbasë talentin e tij në mënyrën që po e bën, por mendoj që mund të ai mund të japë akoma. Shpresa është gjithmonë gjëja e fundit që vdes. Koha kalon shpejt, kështu që ai duhet të marrë mundësitë që ka”, përfundoi tekniku i kombëtares italiane.

Politano u fut në pjesën e dytë dhe vendosi ndeshjen, duke i dhuruar një buzëqeshje trajnerit Roberto Mancini.

Gjithsesi, sërish raste pa fund të humbura nga Italia, që hodhi në fushë edhe tre debutues (Sensi, Grifo e Kean).
Dominim në lojë e raste, gol i artë në fund, sepse fitorja e arritur në Belgjikë është një tjetër hap përpara në renditjen FIFA për një Itali që ishte fundosur keq në vitet e fundit.

Sipas raportimeve në mediet italiane, trajneri i “axurrëve” Roberto Mançini ka marrë miratimin e sulmuesve të krahut Sebastian Driusi dhe Ignasio Puseto dhe pritet që së shpejti të vijnë dhe ftesat e para për ta.

Driusi luan në Rusi për Zenitin, ndërsa Puseto u transferua këtë vit te Udineze. Përveç se luajnë në të njëjtin pozicion të dy lojtarët ndajnë dhe të njëjtën moshë, pasi janë të dy 22 vjeç.

Edhe në sezonin 2004-2005, zikaltrit e Mançinit koleksionuan plot 18 barazime, por në fund arritën që të siguronin vendin e tretë në klasifikim. Një statistikë interesante, por duket se fqinjët tanë janë në një periudhë rindërtimi, sidomos pas “goditjes” që morën duke mos u kualifikuar në Kupën e Botës. Pas ndeshjes, Mançini theksoi se skuadra bëri një ndeshje më të mirë me Poloninë, duke mos nguruar që të përmendë dhe emra të veçantë.

“Zhvilluam një ndeshje të mirë, por na mungoi goli. Bëmë një pjesë të parë të kënaqshme, por nuk arritëm të shënonim dhe ndeshje të tilla vendosen nga episodet. Duhet të bënim diçka më shumë, pasi mundësitë për të shënuar i kishim. Nuk duhet harruar se po punonim ndaj Kampionëve të Europë. Ka raste që dominon dhe në fund humbet, por e rëndësishme është se skuadra bëri një ndeshje të madhe, duke bërë një hap para në krahasim me ndeshjen që zhvilluam me Poloninë. Verrati? Është një lojtar fantastik dhe mjaft teknik. Ka shumë siguri me topin në këmbë dhe është shumë e vështirë që dikush t’i marrë topin”.

KUNDËRSHTARI – “Portugalia mbetet një ekip i madh, këtë gjë e treguan dhe në finalen e Europianit, kur Ronaldo u dëmtua. Janë një ndër skuadrat më të mira për mënyrën e lojës dhe kanë lojtarë të jashtëzakonshëm në fazën ofensive. Mendoj se do të jetë bukur dhe pa Ronaldon, edhe pse unë doja të ishtë në fushë”.

GJENDJA AKTUALE – “Mendoj se po ecim mirë, duke menduar që dështuam për të shkuar në Botëror. Çdo gjë ka kohën e saj, nuk bëhet me shkop magjik. Po përmirësohemi nga ndeshja në ndeshje”.

PRESIONI – “Janë 50 milionë njerëz që duan që në të fitojmë, kështu që normalisht ka presion, por e kam përjetuar këtë gjë dhe më parë. “San Siro” gjithmonë është përgjigjur mirë në ndeshjet e kombëtares”.

DËMTIMET – “Dy lojtarë nga U-21 do të vijnë pas dëmtimeve. Moise Kin dhe Xhanluka Mancini. Gjithashtu dhe Açerbi, i cili është në skuadër pas problemeve të Romanjolit”.

Në kuadër të këtyre sfidave, ka folur përpara mediave Lorenco Insinje, i cili ka shfaqur mjaft besim te grupi që ka kombëtarja dhe te trajneri Mançini. Gjithashtu lojtari i Napolit, vlerësoi Karlo Ançelotin, por dhe për ndeshjen e ardhshme që do të luajnë ndaj Portugalisë, ku kërkoi mbështetjen e publikut, pasi është një sfidë e rëndësishme.

NAPOLI – “Mendoj se ka qenë viti ynë më i mirë deri tani, në qoftë se shohim statistikat. Napoli duhet të fitojë diçka, edhe pse e dimë që do të jetë e vështirë, pasi Juventusi është një ekip i shkëlqyer. Do të jetë e vështirë, por si çdo vit, do të përpiqemi të shkaktojmë probleme për ta. Është një rrugë e gjatë deri në fund të sezonit kështu që ne do të japim maksimumin”.

NDRYSHIMI I POZICIONIT NË FUSHË – “Ishte intuita e trajnerit. Nuk luajta mirë në krah ndaj Sampdorias dhe ai më tha që të luaj në një pozicion të ri. Gjithmonë kam pasur dëshirë të luaj më afër portës dhe deri tani po e bëj mirë. Jam shumë i lumtur. Mendoj se e kam takuar Ançelotin shumë vonë. Ai është gjithmonë i qeshur dhe është e vështirë të debatosh me të”.

NDESHJA NDAJ PORTUGALISË – “Është e vështirë, por jo e pamundur. Kemi një skuadër mjaft të mirë, jemi të fortë dhe do të shkaktojmë probleme për ta. Do të luajmë në shtëpi dhe do të kemi të gjithë stadiumin me vete, kështu që duhet t’i përgjigjemi tifozëve”.

KRAHASIMI MES ANÇELOTIT DHE MANÇINIT – “Çdo trajner ka idetë e tij. Trajneri ka ndryshuar disa gjëra, sidomos në fazën sulmuese. Na ka kërkuar të bëjmë lëvizje të ndryshme. Është një trajner i madh dhe ka stërvitur lojtarë kampionë, kështu që mund të mësojmë shumë nga ai. Nuk është e lehtë që të përçosh idetë e tua në vetëm tre ditë, por kundër Polonisë ne pamë diçka më shumë krahasuar me vitet e fundit. Ne na duhet të kemi të njëjtin mentalitet që Ançeloti ka dhe mendoj se është njësoj me atë të Mançinit. Ata i menaxhojnë gjërat në të njëjtën mënyrë dhe ndihem mirë me Mançinin”.

NDRYSHIMI MES ITALISË DHE NAPOLIT – “Shpresoj që t’i jap kombëtares aq sa po i jap dhe Napolit. Është bërë shpesh çështje kjo gjë, pasi thuhet që Insinje jep më shumë për klubin se sa për kombëtaren. Ne gjithmonë përpiqemi të japim më të mirën, por është diçka ndryshe kur vjen këtu, pasi është e vështirë të shprehesh vetëm me tre ditë stërvitje me grupin. Nuk e njohim aq sa duhet njëri-tjetrin. Unë mund t’i siguroj të gjithë, që çdonjëri nga ne jep shpirtin dhe zemrën për këtë fanellë. Të shihemi vetëm një herë në muaj, apo më rrallë ta bën më të vështirë”.

VENTURA – “Unë gjithmonë i kam mbështetur zgjedhjet e çdo trajneri, siç kam thënë gjithmonë për Venturën. Kisha besim tek ata që luanin, por për fat të keq shkoi keq dhe duhet të shihnim përpara. Edhe pse Ventura nuk bëri mirë me kombëtaren, ai gjithmonë ka bërë mirë më parë. I ka treguar vlerat që ka”.

Sipas së përditshmes sportive italiane “Corriere Dello Sport”, në listën që do të publikohet në ditët në vijim nga Mançini nuk do të jenë emrat e Andrea Belotit e Patrik Kutrones. Mesa duket trajneri i kombëtares italiane ka ndërmend të luajë përsëri më Federiko Bernardeskin e Juventusit në majë të sulmit, ashtu siç bëri në ndeshjen ndaj Polonisë.

Ndërkohë, do të ketë dhe një lojtar të grumbulluar nga Serie B. Mesfushori i talentuar i Breshias, Sandro Tonali, do të marrë ftesën e parë në përfaqësuesen “axurre”. Talenti 18-vjeçar është një ndër zbulimet e këtij viti në divizioni e dytë të futbollit italian dhe për të ka pasur interes të madh nga disa klube të Serie A.

Loja e skuadrës “axurre” nuk la për të dëshiruar si herë e tjera, por pritjet e Sheznit e shtynë për në fund festën e katër herë kampionëve të botës. Tani Mançinit i duhet të mendojë për sfidën ndaj Portugalisë në muajin nëntor, me përfaqësuesen luzitane që po kalon një moment mjaft të mirë, pavarësisht mungesës së Kristiano Ronaldos.

Ndëkohë goli i Biragit, nuk i ka kushtuar vetëm pikën e barazimit Polonisë, që është bërë përfaqësuesja e parë që bie një ligë më poshtë në Ligën B.

Për momentin, asnjërën nuk ka gjetur, sepse ka vetëm nje fitore këtë vit dhe loja nuk impresionon, me lojtarë mesatarë dhe pa liderë.

Pas barazimit ndaj Ukrainës në miqësore Mançini analizoi sfidën, duke mos e fshur zhgënjimin për rezultatin.

“Mbetet keqardhja për rezultatin, sepse nuk është se pasqyron realitetin. Meritonim të shënonim disa gola, ndaj duhet të përmirësohemi në këtë aspekt, edhe pse jemi në rrugën e duhur”,u shpreh Mançini, i cili kritikon sulmin, formuar nga Bernardeski, Kieza e Insinje .

“Mund të jetë një ide për të ardhmen, por duhet të jemi më të saktë para porte. Kur krijon gjithë ato raste, duhet të shënosh. Në fund ritmi ra nga ndërrimet, është normale. Polonia? Të shohim, kemi 4 ditë kohë për t’u përgatitur”.

26-vjeçari shënoi 14 gola në 32 aktivizimet me skuadrën e Udinezes në sezonin e kaluar të Serie A. Hapat e parë të karrierës së tij Lazanja i ka hedhur në Serie D, pra rrugëtimi i tij drejt kombëtares ka qenë shumë më i lodhshëm se shumë lojtarëve të tjerë.

#Azzurri ??

After the withdrawal of Simone #Zaza, Kevin #Lasagna has been called up for the #ItalyUkraine ?? and #PolandItaly ?? fixtures. #VivoAzzurro pic.twitter.com/V5S98g2ity

— Italy ???????? (@Azzurri_En) October 9, 2018

MBËSHTETJA E ANJELIT – “Ishte diçka e bukur dhe shumë e guximshme nga ana e Andreas. Deklarata e tij ishte diçka që mund të çonte dhe në një mosmarrëveshje me tifozët e Juventus, por besoj një pjesë e zemërimit të Anjelit lidhet dhe me “Calciopolin”. Dhimbja mund të kalojë, por historia mbetet. Marrëdhënia me Anjelin ka qenë gjithmonë civile dhe miqësore. Unë e njoh atë që në kohën që ai ishte djalosh i ri. Nuk kishte më kuptim të vazhdonim me polemika”.

INTERI – “Pas ndeshjeve të para, sigurisht kishte frikë se kampionati i Interit nuk mund të arrinte te pritshmëritë e drejtuesve apo tifozëve. Më pas erdhi ndeshja në Champions, që i dha përsëri besim të gjithëve dhe tashmë çdo gjë është në rrugën e duhur. Interi është një ekip me karakter dhe lojtarët po bëjnë mirë. Me Juventusin kaq të fortë është e vështirë të synojë kampionatin, por ata duhet të besojnë dhe të japin më të mirën.

JUVENTUSI KRAHASUR ME INTERIN E TRIPLETËS – “Unë shoh vendosmëri dhe një ekip kompakt që mund të bëjë gjëra të mëdha. Tripleta është e vështirë të arrihet, por duhet ta provojnë dhe besoj do të arrijnë të bëjnë gjëra të mira këtë sezon. Juventusi është shumë i fortë”.

MAROTA TEK INTER – “Kam respekt dhe e vlerësoj shumë Marotën. Ai është një person i ekuilibruar, i cili di se si ta kryejë mirë punën e tij. Do ta vlerësoja shumë një kalim të tijin tek Interi.”

RONALDO NË SERINË A – “Sigurisht që është një lëvizje që mund të rrisë kureshtjen për kampionatit italian, madje unë shoh ndeshjet e Juventusit nga kurioziteti për të parë Ronaldon. Mund të jetë një magnet për të tërhequr kampionë të tjerë në Serinë A.”

IKARDI – “Ikardi është një kapiten, i cili ka mësuar shumë dhe është përmirësuar shumë. Ai i jep besim lojtarëve, është mbrojtës ndaj shokëve të tij dhe shënon shumë gola. Po bën mirë.”

MANÇINI – “E mori kombëtaren në një moment të vështirë për të ecur përpara, pasi është edhe një njeri i guximshëm. Është një trajner me cilësi të mëdha dhe duhet durim. Mançini është një trajner shumë serioz dhe rezultatet do të vijnë, jam i sigurt.”

MURINJO – “Gjithmonë ai ka cilësitë e tij dhe ka një karakter shumë të fortë. Zhose vazhdon të ruajë cilësitë e tij. E pashë ndeshjen kundër Njukasëllit, ishte një test i karakterit ajo përmbysje, që tani mund të ringrejë Mançester Junajtid”, ka përfunduar Masimo Morati.

Barazimi me Poloninë dhe humbja ndaj Portugalisë kanë bërë që italianët të regjistrojnë një statistikë të shëmtuar, pasi më datë 9 tetor “axurrët” do të mbushin një vit pa arritur një fitore në një ndeshje zyrtare.

Vlen për t’u përmendur fakti se fitorja e fundit e italianëve ka ardhur në nëntë tetor të 2017-ës, ndaj Shqipërisë, ku fituan me rezultatin 0-1 falë golit të Antonio Kandrevës në minutën e 73-të.

Mbas futbollit të moshave, Lazari u përplas me realitetin e egër të futbollit italian. Luajti në kategorinë e pestë për dy sezone në fusha patatesh dhe për para nuk mund të diskutohej. Një kalim në Serie C i dha shpresë se ndoshta do mund të siguronte një jetesë minimale nga pasioni i tij, futbolli.

Por, e ardhmja kishte plane shumë më të ndritura për mbrojtësin e ri. Financat te SPALI-i filluan të rriteshin, por djaloshi i ri nuk u prek nga ardhjet e shumta. Dy vite në Serie C, ngjitje në Serie B dhe më pas një mrekulli e menjëhershme me ngjitjen në majën e futbollit italian. Sot Lazari pritet të debutojë me përfaqësuesen “axurre”, një shembull konkret se në futboll gjithçka mund të ndodhë.

“Ndaj Polonisë ishte vetëm ndeshja e parë, do të kemi dhe shumë të tjera. Duhet të gjejmë formulën e duhur dhe për këtë na duhet pak durim, por në Itali ky koncept nuk ekziston. Shpresojmë që së shpejti ta gjejmë”, tha Mançini.

Shënjestër kryesore e kritikave pas ndeshjes me Poloninë u bë dhe sulmuesi Mario Baloteli, i cili e tregoi qartë se pushimi i stërzgjatur e ka lënë disi pas të tjerëve.

NOSTALGJIA E BOLONJËS – “Është një emocion i madh. Isha vetëm 16-vjeç kur debutova me Bolonjën dhe s’mund të përmbaja veten. Nesër do të kem emocione të ngjashme, pasi do debutoj si trajner i Italisë në një ndeshje zyrtare në po të njëjtin stadium”.

FORMA E SKUADRËS  – “Kampionatet sapo kanë filluar dhe disa lojtarë kanë marrë pak minuta. Rrjedhimisht një pjesë e madhe janë larg formës optimale, por e rëndësishme për mua është mentaliteti që ata do të tregojnë në fushë, të tjerat mund të rregullohen me lehtësi”.

LIGA E KOMBEVE – “Mendoj se është më mirë që të luftosh për tri pikë se sa të luash miqësore. Mendoj se mund të na shërbejë shumë mirë, pasi më duhet t’i jap minuta lojtarëve të rinj në ndeshje kuptimplota. Jam realist ka skuadra më të forta se ne, por objektivi jonë mbetet fitimi i grupit”.

FILOZOFIA E LOJËS – “Duhet të luajmë gjithmonë në sulm, sepse vetëm në atë mënyrë fitohet. Ndaj Suedisë u eliminuam pasi nuk arritëm të shënonim, tani duhet që raste që krijojmë të mos t’i shpërdorojmë”.

“Jam shumë i emocionuar. Nuk të ndodh shpesh të të ofrojnë postin e trajnerit të Kombëtares, jam i lumtur, krenar dhe i emocionuar. Ka qenë zgjedhja e duhur dhe ka qenë zgjedhje shumë e thjeshtë, nuk mund të refuzoja. Falënderoj ata që më deshën këtu, falënderoj edhe trajnerët që gjatë karrierës sime më kanë ndihmuar të rritem. Kombëtarja është maksimumi për çdo trajner, mendoj se ka ardhur momenti i duhur për mua. Mungesa në Botëror ka qenë një goditje e rëndë dhe mendova se mund të bëj diçka për Kombëtaren”, e nisi konferencën për shtyp Mançini, i cili sapo është ndarë nga Zeniti në Rusi.

Roberto Mancini è il nuovo commissario tecnico della Nazionale: presentazione ai Media domani, martedì 15 maggio, alle ore 12 presso il Centro tecnico federale di Coverciano. Info accrediti: https://t.co/6ALP7YhokR pic.twitter.com/wszXfKNmJF

— FIGC (@FIGC) May 14, 2018

PIRLO DHE BALOTELI – “Gjëja më e bukur në Kombëtare është që nuk duhet të bësh merkato, nuk flitet për blerje e shitje. Italia do t’i gjejë gjithnjë lojtarët cilësorë. Mario është italian, do flas me të dhe me shumë gjasa do të grumbullohet. Duam ta shohim në maksimumin e vet, si në Euro 2012. Me Pirlon kemi biseduar, do të flasim sërish, të shohim ç’mund dhe ç’dëshiron të bëjë, në stafin e Kombëtares”.

SYNIMI – “Dua të jem një trajner i zoti, edhe pse nuk kam pasur shumë fat në karrierë. Dua ta rikthej Italinë në majën e Europës, sepse nuk e fitojmë Europianin prej shumë kohësh. Dua të jem ai që do ta rindërtojë Italinë, për ta kthyer në nivele të larta”.

BUFON DHE DE ROSI – “Do flasim me Xhixhin, të shohim për ndeshjen e 4 qershorit në Torino. Edhe De Rosi i ka dhënë shumë Kombëtares, do të bisedoj me të, për të parë qëllimet e tij. Kush është në maksimum, do të grumbullohet”.

MARRËDHËNIA ME KLUBET – “Kombëtarja është e rëndësishme, e pamë çfarë zie pllakosi pas eliminimit nga Suedia. Duhet respekt për klubet dhe lojtarët, që luajnë pa fund gjatë një sezoni. Ndonjëherë do të lë disa lojtarë pushim, nuk është e detyrueshme të grumbulloj gjithnjë më të rëndësishmit”.

SFIDA – “Nëse nuk fiton me një klub, mërziten vetëm tifozët e atij klubi, nëse nuk fiton në Kombëtare, zemërohen 50 milionë njerëz. Do ishte një kënaqësi e veçantë triumfi me Kombëtaren. Është e vështirë qëtë kënaqen të gjithë, çdo tifoz e mendon në mënyrën e vet, por shpresoj të kthehemi te fitoret, vetëm ato i bashkojnë të gjithë”.

TAKTIKA – “Duhet të njoh disa lojtarë, të cilët nuk i njoh mirë. Do të përshtatem me cilësitë e tyre, më pas do të vendosim”.

FITORE, APO LOJË E BUKUR? – “Më mirë të luash mirë dhe të fitosh. Ne do të kërkojmë të kemi sa më shumë lojtarë teknikë në skuadër, për të luajtur futbollin më të mirë të mundshëm”.

Epo, në Rusi ka edhe më keq, sepse është ngjitur në Premier Ligë SKA-Energua, klub nga Habarofski, qytet 30 km larg kufirit me Kinën, aq sa quhet edhe Pinjin nga kinezët.

Ndeshja e parë e kampionatit, SKA Energia-Zenit, debutimi i Roberto Mançinit në stolin e Zenitit.

Distanca mes Habarofskit e Shën Petersburgut? 6200 km me avion, 8800 me makinë! Diferenca orare: 7 orë! Kur në Shën Petersburg pinë kafen e mëngjesit, në Habarofsk e kanë ngrënë me kohë drekën dhe nis e perëndon dielli.

Një çmenduri, por Zeniti ia doli mbanë shkëlqyeshëm: fitore 2-0 me dy gola në pjesën e dytë, 3 pikë dhe të gjithë në shtëpi, ose më saktë në avion, sepse ndeshja u luajt dje, por kthimi ka zgjatur pa fund, me gjumin pas ndeshjes në avion.

Jo shumë skuadra do arrijnë të fitojnë në Habarovsk, mbajeni mend…

Trajneri italian kishte kohë që priste ndonjë ofertë serioze dhe tashmë ka pranuar të shkojë në Rusi, ku Zeniti i ka ofruar një kontratë marramendëse, 5-6 milionë euro në ezon, buxhet i konsiderueshëm dhe dorë e lirë për të rindërtuar skuadrën, pas dështimit të sezonit që sapo u mbyll, sepse Zeniti përfundoi i treti.

Zyrtarizimi do të vijë ditët e ardhshme, ndërsa Mançini konfirmon adhurimin që kanë në Itali për trajnrët italianë, sepse aty kanë punuar më parë edhe Spaleti e Kapelo, pa harruar kampionin e ri të Rusisë, Masimo Karrera.