Manchester

Solskjaer shpërthen: Unë do të jem këtu, shumë të tjerë jo

Sport Ekspres — Sun, 21 Apr 2019 16:43:29 +0000

“Muaji i mjaltit” ka mbaruar midis Ole Gunar Solskjaer dhe lojtarëve të Mançester Junajtid. Humbja me rezultatin e thellë 4 – 0 ndaj Evertonit ka sjellë që trajneri i “djajve të kuq” të mos përmbahet në daljen për shtyp në përfundim të takimit.

Tekniku norvegjez vuri në dyshim impenjimin e disa lojtarëve dhe u shpreh i bindur se ai do të ketë një të ardhme te suksesshme te Mançester Junajtid, ndërsa disa nga lojtarët që ka në dispozicion s’do të jenë pjesë e këtij suksesi.

“Duke filluar nga minuta e parë gjithçka shkoi keq. Duhet të kërkojmë falje tifozëve, ata janë të vetmit persona që mund t’i veshin me fanellat e Mançester Junajtid me kokën lart, ndërsa ne jo”.

“Paraqitja e skuadrës nuk ishte e denjë për emër si Mançester Junajtid. U kërkojmë falje të gjithë personave që kanë një lidhje me këtë klub. Kemi një shans perfekt për ta shlyer këtë që bëmë të mërkurën (derbi ndaj Mançester Sitit)”.

“Evertoni ishte më mirë se në të gjitha aspektet. Thjesht talenti s’ka për të mjaftuar punë, duhet të punojmë në shumë gjëra që të marrin rezultatet që ne dëshirojmë. Nëse je një lojtarë që dëshiron të luadh në këtë klub, duhet të kuptosh se sa vlerë ka kjo fanellë. Dua që skuadra ime të jetë skuadra që punon më fort në të gjithë kampionatin. Unë do të korr sukses këtu, dhe do të ketë lojtarë që s’do të jenë pjesë e asaj skuadre të suksesshme”.

https://twitter.com/utdxtra/status/1120000552602152960

VIDEO | “Treni” Junajtid s’di të ndalet, Arsenali “viktima” e radhës

Sport Ekspres — Fri, 25 Jan 2019 21:54:44 +0000

Mançester Junajtid ka pësuar një transformim rrënjësor në duart e Ole Gunar Solskjaer. “Djajtë e Kuq” mundën me rezultatin 3 – 1 Arsenalin dhe për më tepër në shtëpinë e këtyre të fundit “Emirates Stadium”, në përballjen e vlefshme për raundin e katërt të “FA Cup”.

Në mënyrë ironike takimin e zhbllokoi Aleksis Sançez që vinte në këtë ndeshje me statusin e “ish”-it. Vetëm dy minuta më vonë Lingard dyfishoi rezultatin për Mançesterin, ndërsa Obamejang ngushtoi diferencën pak minuta para përfundimit të pjesës së parë.

? | Who else but @Alexis_Sanchez? pic.twitter.com/EliETpIppu

— Emirates FA Cup (@EmiratesFACup) January 25, 2019

Gjatë pjesës së dytë “topçinjtë” morën kontrollin e lojës, por pa mundur të jenë konkret me rastet e krijuara. Sigurisht, nuk mund të mungonte një paraqitje klasi e David De Geas.

Martial's Goal vs Arsenal#ARSMUN #EmiratesFACup

https://t.co/WpaRqdr8Zj

— The True Red Devils (@TrueRedDevils__) January 25, 2019

Antoni Marsial arriti të bëhej protagonist i takimit të sotëm edhe pse u fut si rezervë. Një kundërsulm i udhëhequr nga Pol Pogba u finalizua me sukses nga bashkëkombësi i tij francez.

? | Tony Martial scores again! pic.twitter.com/vneVnX1you

— Emirates FA Cup (@EmiratesFACup) January 25, 2019

Rinovim me pagë 300000 € në javë, ylli i Mançester Junajtid e refuzon

Sport Ekspres — Tue, 09 Oct 2018 08:28:48 +0000

Mançester Junajtid ka arritur të fitojë qetësi dhe të largojë disi presionin falë fitores ndaj Njukasëllit. Por, në horizont po del një tjetër problem për “djajtë e kuq”. Bëhet fjalë për portierin spanjoll David De Gea, i cili ka refuzuar së fundmi një ofertë për rinovimin e kontratës së tij me klubin anglez.

Kontrata e aktuale e gardianit mbaron në fund të këtij sezoni dhe drejtuesit e Mançesterit duan që 27-vjeçari të rinovojë me çdo kusht. Oferta e parë që i ka bërë klubi është referuar pavarësisht pagës së majme, që sipas medieve angleze shkon deri në 300000 euro në javë, çka do ta bënte atë lojtarin më të paguar në klub pas kilianit Aleksis Sançez.

Nuk ka dyshim që shumë shpejt do të vijë një ofertë më e mirë për De Gean, por nuk përjashtohet mundësia që agjenti i spanjollit të ketë filluar kontaktet me ndonjë klub tjetër, ku për momentin përflitet për një interesim nga ana e francezëve të PSG-së, që nuk po kanë shumë besim te aftësitë e gardianit Alfons Areola.

Murinjo flet pas disfatës: Ja pse e lashë jashtë Aleksis Sançez

Sport Ekspres — Sat, 29 Sep 2018 17:01:41 +0000

Trajneri i Mançester Junajtid, Zhoze Murinjo, foli para medieve pak minuta pas përfundimit të takimit ndaj londinezëve të Uest Hemit, ku djajtë e kuq u mundën me rezultatin 3-1. Tekniku portugez pati kritika për golin e parë të Uest Hemit, duke pretenduar se bëhej fjalë për një pozicion jashtë loje, ndërsa nuk harroi të fliste dhe për arsyet e lënies jashtë skuadrës të sulmuesit kilian Aleksis Sançez.

Sançez – “Sançez nuk u grumbullua për shkak se vendosa që kësaj ndeshje ti besoja Marsialit, është diçka që ju gazetarët ma keni kërkuar prej shumë kohësh. Marsial ishte dhe arsyeja pse vendosa që të luanim me formacionin “3-5-2”, pasi ai nuk fokusohet në detyra mbrojtëse kur luan në krah të sulmit, prandaj thashë ta provoja si sulmues i dytë”.

Gabimet a arbitrave – “Goli i parë i Uest Hemit ishte në pozicion jashtë loje, ndërsa goli i tretë erdhi si pasojë e një gabimi të gjyqtarit kryesor, i cili duhet të kishte dhënë një faull për ne pas një ndërhyrje të gabuar të Zabaletës”

Mektominej qendërmbrojtës – “E logjikova që na duhej një lojtar që di të hapë lojën nga mbrojtja. Mektominej nuk bëri asnjë gabim. Ai është një lojtar që ka një karakter të veçantë, që nuk e kanë të gjithë lojtarët e skuadrës sime”.