Manchester Junajtid

Inter fiton terren, ofertë “faraonike” për Lukakun

Sport Ekspres — Sat, 03 Aug 2019 08:18:10 +0000

Juvenstusi ka mësyrë drejt Lukakut, duke e kapur Interin në befasi dhe i hequr objektivin e madh të verës. Paulo Dibala dhe belgu pretendohet se do të ndërrojnë ekipet këtë verë. Agjentët e argjentinasit kanë udhëtuar në Angli për të folur rreth termave financiare.
Siç raportohet nga mediet e mëdha evropiane, Dibala kërkon një rrogë të lartë dhe një trajtim më të veçantë se shumica e lojtarëve. Kërkesat e tij e kanë bërë Junajtid të mendohet. Nga kjo ngecje e këtij operacioni, është Interi që kërkon të fitojë terren.

Marota do të shkojë në Angli me një ofertë më të lartë se se 60 milionët e parë. Zikaltrit do të japin 70 milionë euro në dorë dhe 10 milionë të tjerë shpërblime, një total që shkon në 80 milionë euro. Gjithashtu rrogën e lojtarit do e rrisin pë ta çuar në 12 milionë. Shifra këto që e bëjnë Junajtid të lërë pistën Dibala dhe të drejtohet nga Milano.

Junajtid i vendosur, “hap thesin” për mesfushorin

Sport Ekspres — Mon, 22 Jul 2019 12:42:31 +0000

Mançester Junajtid duket këmbëngulës për të nënshkruar me Bruno Fernandes. Ikja e Herreras dhe mundësia e Pogba për t’u “arratisur” këtë verë e shtyjnë Junajtid të shpenzojë për të sjellë një mesfushor klasi.
Bruno Fernandes i ka të gjitha, mbron, asiston, por edhe shënon. Sezonin e kaluar e mbylli me 32 gola në të gjitha garat, duke u bërë mesfushori me më shumë rrjeta në një sezon gjatë gjithë historisë se kampionatit portugez.

Sportingu kërkon të paktën 70 milionë euro për të lënë të lirë mesfushorin. Junajtid ka limitet e veta dhe këtu qëndron ngërçi. Djajtë kanë nisur disa oferta, por të gjitha kanë marrë një “jo” nga klubi portugez.

Solskjaer nuk dorëzohet dhe sipas medieve evropiane, ka gati çekun me 62 milionë euro. Shifër që me shumë mundësi do e bëjë Sportingun të dorëzohet, duke parë se askush nuk ofron më shumë se anglezët.

Junajtid në merkato, 70 mln euro për pasuesin e Lukakut

Sport Ekspres — Thu, 18 Jul 2019 18:54:22 +0000

Me ikjen e paevitueshme të Lukakut, Junajtid mbetet vetëm me Rashford në majën e sulmit. Belgu pritet të kalojë te Interi, me këto të fundit që kanë arritur marrëveshjen me të dhe presin bindjen e klubit anglez. Përpara se të largojnë 25-vjeçarin, “Djajtë” mendojnë për zëvendësuesin.
Pier Eemerik Obamejang është objektivi primar i Solskjaer. Ylli nga Gaboni ka rrezëllyer te Arsenal me 31 gola në sezonin e kaluar. “Topçinjtë” e kanë vështirë të heqin dorë nga 29-vjeçari, por oferta e fundit padyshim që do i tundojë, duke parë problemet financiare.

Junajtid ka gati çekun prej 70 milionë eurosh si zgjidhje që Obamejang të zbarkojë në “Old Trafford”. Arsenal është e sigurt se do marrë kohë të mendohet. Me ardhjen e tij, Solskjar do i “hapte” të gjitha daljet për t’u larguar Lukaku, që nën drejtimin e norvegjezit nuk ka qenë në “verisonin” e tij origjinal.

Barcelona kërkon fonde, Inter fërkon duart për yllin e mesfushës

Sport Ekspres — Fri, 28 Jun 2019 09:04:33 +0000

Me ardhjen e Frenki De Jong, ikja e një tjetër mesfushori nga Barcelona është gati e sigurtë. Ivan Rakitiç është emri që Barcelona dëshiron më së shumti ta shesë. Vlera e lartë e tij do e ndihmonte klubin spanjoll të rriste financat për të ndërhyrë më pas në merkato.
Mediet spanjolle raportojnë se drejtuesit e klubit katalanas po negociojnë me lojtarin për shitjen e tij. Kroati ndihet mirë në “Camp Nou”, por Barcelonës i duhen para për të përmirësuar sulmin. Pas ardhjes së Rakitiç nga pushimet do të ketë një takim, ku do merret vendimi përfundimtar rreth të ardhmes së yllit kroat.

Inter dhe Junajtid shohin nga vrima e çelsit se ç’ndodh në Barcelonë. Të dy klubet i duan me patjetër shërbimet e Ivan dhe shpresojnë që Barcelona të heqë dorë nga ai. Katalanasit kërkojnë të arketojnë rreth 50 milione euro nga shitja e Rakitiç.

Goditje e Simeones, transferon yllin e Junajtid pa shpenzuar asnjë qindarkë

Sport Ekspres — Thu, 25 Apr 2019 18:53:30 +0000

Te Mançester Junajtid janë disa lojtarë që nuk kanë rinovuar kontratën dhe pritet të largohen këtë merkato verore. Mes tyre është edhe Huan Mata. Fantazisti erdhi në vitin 2014 në Old Trafford, duke bërë më shumë se 200 paraqitje me fanellën e Junajtid. 30-vjeçari nuk dëshiron të vazhdojë më tej aventurën me anglezët. Barcelona ka kohë që e ka në planet e saj. Megjithatë, Atletiko e Madridit shihet më afër spanjollit.

Babai dhe njëkohësisht agjenti i tij, gjatë intervistave të dhëna ka lënë të kuptohet se Mata do të vazhdojë në La Liga dhe “Los Colchoneros” shihen si vendi më ideal, pasi do ta kishte më të sigurtë një vend në formacion. Ai është rritur në akademinë e Realit të Madridit. Si profesionist është dalluar me Valencian, për të kaluar në 2011 të Çelsi pas 4 vitesh në Mestalla.

“Djajtë e Kuq” nuk dorëzohen, ofertë faraonike për napolitanin

Sport Ekspres — Sat, 13 Apr 2019 08:37:06 +0000

Mançester Junajtid ka probleme në mbrojtje. Këtë vit kanë pësuar më shumë gola (43) se çdo skuadër e gjashtëshes së parë. Skuadrës se Solskjaer i duhet me patjetër një blerje e madhe në këtë repart dhe është gati të veprojë.

Në shënjestër ka vënë një prej mbrojtësve më të mirë të momentit, Kalidu Kulibali. Për senegalezin “djajtë e kuq” janë gati të bëjnë një çmenduri. Sipas “The Sun”, pritet të ofrojnë një shifër, që arrin 110 milionë eurot. Kulibali me paraqitjet e tij e ka futur veten në katërshen e më të mirëve të Botës.

Për më të mirët duhet të paguash dhe në Mançester e dinë mirë këtë. Nëse Napoli e lejon këtë lëvizje, do të regjistrohej një rekord i ri për shifrën e transferimit të një mbrojtësi. Për momentin 85 milionë eurot e transferimit të Van Dijk qëndrojnë në vendin e parë.

Kalidu Kulibali

Murinjo “i bën nder” Mançesterit, sulmuesi refuzon spanjollët

Sport Ekspres — Tue, 01 Jan 2019 13:29:30 +0000

Mançester Junajtid duket se ka gjetur qetësinë pas largimit të Zhose Murinjos. Portugezi nuk kishte raport të mirë me disa prej lojtarëve, mes tyre edhe me kampionin e botës, Pol Pogba. Francezit tashmë i është rikthyer buzëqeshja, por jo vetëm.

Edhe Markus Rashford tanimë është çliruar disi. Ai po mendonte largimin nga Mançester Junajtid dhe klubi më i interesuar për të ishte Reali i Madridit.

Sipas asaj që shkruan “The Sun”, Rashford i ka thënë “jo” spanjollëve. Ndikimin më të madh e ka pasur pikërisht largimi i Zhose Murinjos. Tashmë sulmuesi do kërkojë të rigjejë veten dhe të tregojë vlerat e tij.