Rahem Sterling, i cili zhbllokoi shifrat në minutën e 13-të, ka kryer një gjest shumë të bukur në fund të ndeshjes. Sulmuesi i Sitit ka shkuar drejt tifozëve të Liverpulit për të firmosur autografe dhe për të bërë disa ‘selfie’ me fansat e kuq.

24-vjeçari kaloi 5 vite në Liverpul përpara se të transferohej te “qytetarët”. Ai nuk i ka harruar ish-tifozët e tij, të cilëve ju ka dhuruar disa momente shumë emocionuese, duke bërë të mundur që ta harrojnë për disa çaste humbjen.

Raheem Sterling may have left Merseyside but he’s a still an inspiration to young fans up and down the country!

? pic.twitter.com/pBmP8rZt2t

— Football on BT Sport (@btsportfootball) August 4, 2019

Love this, @sterling7! ? pic.twitter.com/c7Gqf64RQn

— England (@England) August 4, 2019

Pjesa e parë është mbyllur me skuadrën e Guardiolës në avantazh. Golin që zhbllokoi takimin u u shënua nga Rahim Stërling, i cili në minutën 12-të çoi në avantazh të tijtë, duke shfrytëzuar topin e dhënë nga fantazisti spanjoll David Silva.

“Community Shield”
Liverpul 0 – 1 Mançester Siti
Shënues: Stërling 12′

Rivaliteti për fitimin e titullit kampion ishte i madh gjatë sezonit të kaluar. Në fund triumfuan djemtë e Guardiolës me një pikë më shumë, ndërsa nuk munguan “thumbimet” mes palëve.

Kështu ka ndodhur sërish dhe atmosfera e këtij dueli fantastik është rritur në maksimum. Jurgen Klop u shpreh përpara disa ditësh së janë vetëm 4 klube, që mund të bëjnë çfarë të duan ekonomikisht: Real Madrid, Barcelona, Mançester Siti dhe PSG.

Deklarata e trajnerit të The Reds nuk është pëlqyer aspak në kampin e kampionëve. “Qytetarët” kanë reaguar gjatë ditës së sotme dhe fjalën e ka marrë Omar Berrada, drejtues i Sitit.

“Jemi befasuar nga fjalët e Klop. Nuk jemi të zemëruar, por na duket gjë kurioze që theksohet fakti se sa shpenzojmë ne në merkato. Kur shpenzonin ata, për ne ishte gjithçka ok. Nuk e kuptoj se pse duhet të merren me punët e të tjerëve. Gjithkush shpenzon aq sa e sheh të arsyeshme. Të shprehesh se ne, Barcelona, Reali dhe PSG shpenzojmë nga 200 milionë sterlina çdo vit është nuk është aspak korrekte”, përfundon Berrada.

“Qytetarët” ofrojnë Danilon dhe para për kartonin e Kanselos. Gianluca di Marzio raporton se Siti e vlerëson kartonin e Kanselos 60 milionë euro dhe 30 milionë atë të brazilianit, ndërsa Juventusi mendon ndryshe.

“Zonja” vlerëson 70 milionë euro kartonin e lojtarit luzitan dhe 25 atë të 28-vjeçarit të Sitit. Negociatat do të rinisin ditën e sotme, klubet mund të arrijnë një akord, ndërsa Juventusit i duhet të gjejë edhe akordin me mbrojtësin e djathtë të ekipit të Guardiolës.

Me valixhe gati është edhe Paulo Dibala, edhe pse tifozët janë kundër largimit të fantazistit argjentinas, aq më pak shkëmbimit të tij me Lukakun e Junajtid.

Fabio Paratiçi ka udhëtuar drejt Londrës dhe po tenton të arrijë disa marrëveshje. Drejtori sportiv i bardhezinjve ka rinisur kontaktet edhe me Mançester Sitin. Kampionët e Anglisë duan Zhoao Kanselon dhe në shkëmbim të kartonit të portugezit ofrojnë Danilon.

Të dy luajnë në rolin e mbrojtësit të djathtë dhe Juventusi tundohet nga ide. Kanselo është një preferencë e Pep Guardiolës, ndërsa 28-vjeçari brazilian shihet i duhuri për krahun e djathtë nga kampionët e Italisë.

Sezoni i gjatë dhe koha e shkurtër për të pushuar po i “shkatërron” lojtarët. Spanjolli jep një shembull me Riad Mahrez. Algjeriani fitoi Kupën e Afrikës me kombëtaren e tij para gjashtë ditësh, ndërsa me 9 gusht nis sezoni i ri i Premier Ligës.

“Ne po përgatitemi të nisim sezonin e ri, por nga ana tjetër kemi një lojtar si Mahrez, i cili sapo ka mbyllur sezonin e fundit. Ky kalendar është një çmenduri. Të vazhdosh në këtë formë është absurde dhe herët apo vonë do t’i vrasim futbollistët”, thekson Pep Guardiola.

Maldini, Masara dhe Boban nuk po qëndrojnë duarkryq dhe vazhdojnë punën për gjetjen e elementëve të tjerë. Ideja e fundit quhet Nikolas Otamendi. Hapësirat për 31-vjeçarin te Mançester Siti janë reduktuar dhe lojtari argjentinas (numëron 63 ndeshje me kombëtaren albiceleste) është me valixhe gati.

Milani kërkon të përfitojë situata e krijuar, por duhen fituar rivaliteti me spanjollët e Valencias. Otamendi nuk është emri i vetëm, sepse Milani interesohet edhe për Rodolfo Pizarron. 25-vjeçari meksikan është pjesë e Monterreit, luan në rolin e mesfushorit ofensiv dhe agjentët e tij ia kanë ofruar “djallit”.

Pizarro, i cili ka shënuar 4 gola në 22 ndeshje të zhvilluara me kombëtaren e tij, bën mirë edhe krahët e sulmit. Fox Sports raporton se kartoni i tij kushton vetëm 8 milionë euro, një shumë modeste krahasuar me çmimet e çmendura që po qarkullojnë në merkato. Teknika dhe driblimi janë armët më të forta të “yllit” meksikan.

“Na ka kërkuar të mos e shqetësojmë gjatë pushimeve. Kur t’i mbarojë, do të flasim me të”, u shpreh Karl Hainc Rumenige. Klubi bavarez po negocion me kampionët e Anglisë për çmimin e kartonit, ndërsa Sane duhet të zgjidhë diçka tjetër.

Gjermani ka në tavolinë tre oferta nga sponsorët e ndryshëm sportivë. Kontrata me Nike i përfundon verën e ardhshme. Kompania e famshme amerikane kërkon rinovimin, por duhet të rrisë ofertën e saj (për momentin lojtari përfiton 750 mijë euro në vit).

Nga ana tjetër janë Puma dhe Adidas. E para ka arritur akordin me klubin e Sitit dhe dëshiron të bindë anësorin ofensiv që të rinovojë kontratën me “qytetarët”. Lojtarin e kërkon edhe Adidas.

Firma e famshme gjermane bashkëpunon me Bajernin dhe akordi me lojtarin thjeshtëson transferimin e Sane te kampionët e Bundesligës.

Për 29-vjeçarin Delf është arritur një akord me Evertonin. Klubi nga qyteti i Liverpulit ka rënë dakord të paguajë 8 milionë paundë për kartonin e 29-vjeçarit, i cili largohet nga “qytetarët” pas katër vitesh bashkëpunim.

Mesfushori 21-vjeçar Duglas Luiz do transferohet te Aston Vila. Skuadra nga qyteti i Birmingemit ka rënë dakord të paguajë 15 milionë paundë për mesfushorin brazilian. Luiz u ble nga Siti dy vite më parë nga Vasko De Gama për 10 milionë paundë, por gjatë të gjithë saj kohe ka qëndruar në huazim te katalanasit e Zhironës.

Sipas “Corriere dello Sport”, klubi katalanas po kërkon një mbrojtës të djathtë dhe ka piketuar portugezin e Juventusit. 25-vjeçari është një fiksim i Pep Guardiolës, por “Zonja” e ka refuzuar ofertën e Sitit.

Kampionët e Anglisë ofrojnë një shkëmbim kokë me kokë me Danilon, por italianët janë kundër këtij propozimi dhe negociatat janë bllokuar për momentin. Futja e Bajernit dhe Barcelonës në garë i intereson Juves, pasi çmimi i lojtarit luzitan mund të rritet.

Mesfushori la Atletikon e Madridit për të nisur një aventurë të re në kampionatin anglez. 70 milionë euro, aq sa ishte klauzola e largimit, paguan “Qytetarët” për të siguruar shërbimet e mesfushorit spanjoll.

Një rekord për Mançester Sitin, ndërsa Rodri shndërrohet në lojtarin më të shtrenjtë të kampionëve të Premier Ligës.

??Done deal! Welcome to the Champions, Rodri ?

? #mancity pic.twitter.com/CJobsdj7lI

— Manchester City (@ManCity) July 4, 2019

Për spanjollin pati interes dhe nga Bajerni i Mynihut, por destinacioni i tij do të jetë Premier Liga. Pep Guardiola ka arritur ta bindë Rodrin të bashkohet me “qytetarët” dhe kështu do të ndodhë.

Te kampionët e Anglisë, Rodri do të zëvendësojë brazilianin Fernandinjon, i cili vitin e ardhshëm pritet të mos e nisë më nga minuta e parë.

El Manchester City deposita en LaLiga el importe de la cláusula de rescisión de Rodrigo, que extingue de forma unilateral su contrato con nuestro club.
? https://t.co/46z2WvVQx1

— Atlético de Madrid (@Atleti) July 3, 2019

script>

PSG interesohet për 32-vjeçarin, por në lojë është futur edhe një klub anglez. Sipas raportimeve të “Corriere dello Sport”, Mançester Siti dëshiron të transferojë Bonuçin në “Etihad Stadium”.

Mbrojtësi mbetet një dëshirë e hershme e Pep Guardiolës. Juventusi nuk do ta pengojë të largohet, por kërkon 50-60 milionë euro. Gjithçka është në dorën e Bonuçit, i cili pritet të zgjedhë midis qëndrimit në stolin bardhezi apo do të largohet drejt ishullit për të provuar një aventurë të re.

“Qytetarët” nuk do ta rikthejnë as këtë sezon në ekipin 22-vjeçarin, i cili sezonin e shkuar u aktivizua rregullisht me Lids Junajtid. Në komunikatën e bërë nga Siti, thuhet se Herrison do të jetë i tyre deri në vitin 2022, duke e zgjatur edhe me një vit kontratën.

Gjithashtu saktësohet se edhe këtë sezon ai do të duhet të luajë në Championship me Lidsin. Herrison ishte një nga lojtarët më të spikatur kampionatin e fundit, teksa u aktivizua në 39 ndeshje dhe shënoi 4 gola.

Jack Harrison has agreed a one-year contract extension with the Club, taking his deal with us to 2022. ?

Harrison will again spend the 2019/20 campaign on loan with Leeds United.

? #mancity pic.twitter.com/KWWtDPrYQ4

— Manchester City (@ManCity) July 1, 2019

Kërkesat e numrit një të pankinës së “Citizens” duket se janë të qarta, me spanjollin që kërkon me çdo kusht në ekip një mesfushor. Ideja më e fundit duket se është Isko Alarkon.
Sipas asaj që raporton “Marca”, Guardiola i ka kërkuar drejtuesve të Sitit që të tentojnë mesfushorin, me këtë të fundit që duket me valixhe në duar prej kohësh.

Negociatat mes dy klubeve pritet të nisin mjaft shpejt, me anglezët që mund ta shohin Iskon si një objektiv më të lehtë se Rodri i Atletikos, për të cilin po hasin rezistencë nga madrilenët, por edhe konkurencë të ashpër nga Bajerni i Mynihut.

Interesimi kundrejt senegalezit është i madh dhe oferta e fundit do e fusë Napolin në dilema. Sipas raportimeve të mediave angleze, Mançester Siti ka gati një surprizë për klubin italian. Drejtuesit e “qytetarëve” ofrojnë 120 milionë euro për kartonin e 28-vjeçarit.

Një shifër e konsiderueshme, që do mbushte arkat e nënkampionëve të Italisë dhe që do ju mundësonte atyre të investonin në disa lojtarë të ndryshëm, Hames Rodrigez mbi të gjithë. Por jo vetëm, Napoli do të riniste sulmin për Lozanon e PSV-së dhe do paguante klauzolën prej 36 milionë eurosh për Manolas të Romës, i cili do të ishte zëvendësuesi i Kulibali.

E ardhmja duket Mançester Siti, aty ku e pret krahëhapur Pep Guardiola. Tani ka marrë fund gjithçka për Rodrin, i cili do të vijojë karrierën në Premier Ligë me ekipin kampion.

Zyrtarizimi i tij është çështje kohe, ndërsa Atletiko do të mbushë arkat me 70 milionë euro. Në Gjermani janë dorëzuar përfundimisht dhe drejtuesit e rekordmenëve gjermanë duhet të hedhin sytë nga një tjetër mesfushor.

Dëshira e madhe e trajnerit spanjoll është Herri Meguajër dhe drejtuesit e Sitit janë gati t’i plotësojnë dëshirën. Aq më tepër që në garë për mbrojtësin e Lester Sitit dhe kombëtares angleze është edhe Mançester Junajtid.

Rivaliteti ka marrë emocionet e derbit, por Siti është në avantazh. Kështu mendojnë mediat angleze, që e shohin 26-vjeçarin në “Etihad Stadium” sezonin e ardhshëm.

Mançester Siti pritet të paguajë 73 milionë sterlina për gjigantin e mbrojtjes. Akordi është shumë afër dhe zyrtarizimi mund të vijë javën e ardhshme. Jo në zonën e “djajve” të Mançesterit, por në atë të “qytetarëve”.

22-vjeçarit ukrainas i përfundonte kontrata në vitin 2021, ndërsa tani ka ardhur rinovimi me tre vite të tjera. Mesfushori, i cili bën mirë edhe mbrojtësin dhe mesfushorin e majtë, ka firmosur deri në vitin 2024 me kampionë e Anglisë.

Gjatë këtij sezoni, Pep Guardiola e aktivizoi në 14 ndeshje futbollistin lindor dhe ky i fundit zhvilloi paraqitje relativisht pozitive.

Mosha e re, potenciali i madh dhe rritja që do të pësojë nën stërvitjet e Pep Guardiolës kanë bindur drejtuesit e Mançester Sitit për të “blinduar” një nga lojtarët më të rinj të kontingjentit.

“Shqiponjat e Lisbonës” janë të qartë që nuk mund ta mbajnë gjatë lojtarin ofensiv në skuadër. Presidenti u shpreh para disa ditësh se shpreson që klubi që do paguajë klauzolën për Zhoao Feliks, të lërë edhe një vit huazim në Portugali për të fituar më shumë eksperiencë.

U tha, u bë! Mediat angleze janë të bindura që Siti do të jetë ekipi i ardhshëm i portugezit, i cili pritet të transferohet në ishull verën e ardhshme. Atletiko Madrid është klub tjetër që është në garë për yllin e Benfikës. “Colchoneros” e shohin Feliks si zëvendësuesin perfekt të Antuan Grizman.

Sikurse raporton Gazzetta dello Sport, sot, ose maksimumi të hënën, Sarri do të jetë i lirë. Në kampin bardhezi në fakt nuk janë alarmuar, pasi e dinë që tekniku italian do ta mbyllë me Çelsin dhe disa ditë më shumë vonesë nuk janë aspak shqetësim. Gjërat janë thjesht formale.

Ndërkohë ka edhe lëvizje të tjera te Juventusi, pasi Zhoao Kanselo është drejt largimit. Sarrit i pëlqen të luajë me anësorë, por duhet t’i bëjë llogaritë pa portugezin e krahut të djathë. Kontrata e tij është e vlefshme deri në vitin 2023, por torinezët janë gati ta shesin.

Guardiola e do te Siti dhe Juventusi nga ana tjetër kërkon 60 milionë euro për kartonin e 25-vjeçarit. Gjithsesi ka një zgjidhje tjetër që vjen nga Mançesteri dhe është shkëmbimi me Danilon, sigurisht shoqëruar edhe me disa miliona euro. Braziliani nuk ka pasur hapësira në formacionin Guardiolës dhe ka kërkuar largimin. Juventusit do i bënte punë.

22-vjeçari, i cili bën mirë rolin e qendërmesfushorit dhe mesfushorit defensiv, kërkohet me ngulm nga Mançester Siti. Ai është dëshira e madhe e Pep Guardiolës për mesin e fushës. Klauzola e largimit të tij është 70 milionë euro.

Rodri tundohet nga ideja për të provuar një aventurë të re dhe dëshiron të largohet. Drejtuesit e Bajernit e pëlqejnë shumë dhe janë gati të fitojnë rivalitetin me ish-trajnerin e tyre. Atletiko nuk heq dorë nga kërkesat e saj, kështu që dy klubet e interesuara do të tentojnë t’i mbushin mendjen lojtarit në fillim.

Gjithsesi, në lidhje me këto zëra ka folur Uli Hënes, i cili ka shpërthyer kundër drejtuesve të Mançester Sitit. Numri një i klubit bavarez ka zbuluar se gjermanët kanë ofruar deri në 80 milionë euro, me “Citizens” që ka kërkuar të paktën 100 milionë euro.

? Hoeness, indignado con las cifras que exige el City de Guardiola para realizar el trasaso de Sane
? “Aquí no estamos jugando al Monopoly”https://t.co/imqBNBHp2O

— AS (@diarioas) June 4, 2019

“Ka të bëjë me numrat, ata janë të çmendur. Ne nuk po luajmë ‘Monopoly’ këtu. Jemi klub futbolli dhe kemi arritur limitin tonë me 80 milionë euro. Nuk besoj se do të bëjmë ndonjë përpjekje tjetër.”

“Kemi një rivalitet të pastër me Liverpulin e Klopit, por jo vetëm me ta. Premier Liga ka pesë skuadra shumë të forta dhe rivaliteti është i ashpër. Sezonin e ardhshëm do ta nisim nga zero dhe do të shohim se çfarë do të ndodhë”, është shprehur spanjolli i stolit të kampionëve të Anglisë.

Një tjetër konfirmim që nuk ka shanse që 48-vjeçari të zbarkojë në Torinon bardhezi, aty ku pritet që ta bëjë një gjë të tillë Mauricio Sarri.

Kryefjala e spekulimeve të merkatos në ditët e fundit ka qenë Leroi Sane. Gjermani pëflitet për një kalim te Bajerni i Mynihut, pasi ai nuk ndihet i lumtur te “Citizens”, sidomos pas sezonit të fundit, ku nuk ka qenë shumë protagonist.

Për këtë arsye, mediat e kanë quajtur thuajse të kryer kalimin te Bajerni, por ditën e sotme “Mirror” raporton se drejtuesit e Sitit janë të tërbuar me lojtarin e tyre. Sipas prestigjiozes angleze, drejtuesit nga Mançesteri kanë bërë me dije se në rast se nuk do të ketë rinovim, do të kërkohen të paktën 100 milionë sterlina për Sanen.

23-vjeçari u ble dy vite më parë nga Shalke për diçka më shumë se 50 milionë euro, ndërsa tashmë, kërkohet më shumë se dyfishi i vlerës. Bajerni me sa duket nuk do ta ketë aspak të lehtë nëse kërkon të ketë seriozisht shërbimet e Sanes për sezonin e ardhshëm.

Një natë më parë, ekipi nga Lisbona triumfoi në finalen e Kupës ndaj Portos, duke ngritur trofeun pas triumfit nga “ruleta ruse” e 11-metërshave. Pas festës futbollistët folën për mediat, ku deklarata që ra më shumë në sy, ishte ajo e Kire Ristovskit, i cili foli pikërisht për largimin e mundshëm të Bruno Fernandes.

“Duhet të qëndrojë me ne edhe sezonin e ardhshëm, ndryshe jemi të mbaruar!”, deklaroi mbrojtësi, me Fernandes që e kaloi me të qeshura të gjithë situatën. Tashmë pritet me interes se si do të shkojnë bisedimet mes klubeve, teksa javën e shkuar ishte përfolur për një akord mes Sitit dhe Sportingut për gati 50 milionë euro.

Momentalisht oferta për mbrojtësin është 236 mijë sterlina në javë, rreth 14 milionë euro në sezon. Barcelona nuk është në gjendje ta bëjë një ofertë të tillë, pas cilësohet shumë e lartë. Përveç kësaj, edhe Ajaksi kërkon një shifër të madhe për ta lënë të lirë qendërmbrojtësin. Junajtid e do që këtë verë dhe për trajnerin Ole Gunar Solskjaer është lojtari i duhur për prapavijën.

Junajtid mund të jetë një hap para në aspektin financiar karshi Barcelonës, por është Mançester Siti klubi që mund ta rivalizojë. Pep Guardiola kërkon një zëvendësues për Vinsent Kompani dhe De Ligt shikohet si ideali. Nga ana tjetër tek Ajaksi janë dorëzuar dhe vetëm presin ofertën e duhur.

Alberto Galasi, i cili mban rolin e anëtarit të Këshillit Administrativ të “Qytetarëve”, ka folur për “Sky Sport” në lidhje me këtë çështje, duke zëruar shpresat e tifozëve bardhezi.

“Guardiola është trajneri ynë dhe nuk dëshiron të largohet nga Siti. Pepi te Juventusi? Një budallallëk. Jam befasuar nga ato që kam lexuar. Lajmi është i pavërtetë dhe kjo është qesharake. E para: trajneri dëshiron të qëndrojë dhe ka edhe dy vite kontratë me ne. E dyta: Juventusi nuk duhet të kishte lejuar nxjerrjen e një lajmi të tillë. Duhet të na kishin kontaktuar neve më parë. Është e pabesueshme që do të ketë prezantim pas disa ditësh dhe Siti nuk ka fare dijeni”, përfundon Galasi.

Përgatitjet për sezonin e ri kanë nisur për “Los Blancos”, ku vëmendja kryesore është padyshim te merkatoja. Një ndër emrat që ka zhgënjyer më shumti dhe ka qenë tërësisht në hije këtë sezon, ka qenë Isko Alarkon.
Mesfushori është aktivizuar shumë pak dhe si pasojë protagonizmi i tij ka qenë inekzistent. Për këtë arsye, 27-vjeçari shihet larg Madridit, sidomos pas raportimeve të fundit nga Anglia, ku ka një derbi mes Mançester Junajtid dhe Mançester Sitit.

Reali nuk ka ndërmend të privohet lehtë nga shërbimet e Iskos dhe kërkon 120 milionë euro, shifër që nuk do të përbënte problem për asnjë nga klubet e sipërpërmendura. Spanjolli tundohet shumë nga një largim, sidomos te Junajtid, ku do të ishte protagonist kryesor në “Old Traford”.
Gjithsesi, edhe në krahun tjetër të Mançesterit e presin krahëhapur, sidomos trajneri Pep Guardiola, i cili e ka shprehur shpesh simpatinë që ka për një lojtar si Isko. Sidoqoftë, merkatoja është e gjatë dhe pritet që të ketë edhe zhvillime të mëtejshme.

Shokët e tallën, madje nuk e lejuan që ta prekte kupën e “Carabao Cup” që fituan në fund të shkurtit kundër Çelsit.

Man City letting Zinchenko lift the trophy because he dropped it last year! ? pic.twitter.com/aI2boOfa5m

— Soccer AM (@SoccerAM) February 24, 2019

Historia është përsëritur te “Qytetarët”. Një video ku shihet trofeu i titullit i copëtuar në tokë është bërë virale në rrjetet sociale. Të gjithë janë shtangur kur kanë parë pamjet, por gjithçka ka qenë një lojë e kampionëve të Anglisë.

Përveçse të talentuar në fushën e blertë, lojtarët e Guardiolës kanë shfaqur edhe talentin e tyre në aktrim. Sidomos Kun Aguero, i cili të krijon idenë sikur kupa i ka rënë nga duart.

Mirror raporton se e gjitha ka qenë një shaka dhe kupa gjendet për mrekulli, ashtu siç u pa në paradën e bërë në qytet nga fituesit e titullit kampion.

Someone at Manchester City has just dropped the Premier League trophy??? pic.twitter.com/PxJHnrUyoV

— Football Away Days (@AwayDayFooty) May 20, 2019

Drejtuesit e kampionëve të Anglisë janë gati të rinovojnë edhe për tre sezone të tjera (ofertë 5-vjeçare në total duke filluar nga sezoni i ri) për trajnerin spanjoll. Ndryshime do të ketë edhe në rrogë sipas raportimeve të The Sun.

Katalanasi përfiton 15 milionë sterlina në sezon, ndërsa me rinovimin e ri rroga vjetore do të shkojë në 20 milionë sterlina. Guardiola dhe djemtë e tij zhvilluan një sezon fantastik, duke arritur të fitojnë tre trofe. Drejtuesit e “Citizens” janë shumë të lumtur me 48-vjeçarin dhe duan ta shohin për shumë kohë në krye të stolit të ekipit.

Objektivi i madh mbetet triumfi në Champions, nga finalja e së cilës i eliminoi vetëm ndërhyrja e teknologjisë VAR në sekondat e fundit të gjysmëfinales dramatike kundër Totenhemit.

Pep Guardiola e ka një preferencë. Sipas raportimeve të “Daily Mail”, Siti synon të arrijë akordin me Herri Meguajer. Spanjolli u bind përfundimisht për kualitetin e mbrojtësit të kombëtares angleze në fitoren e vështirë 1-0 kundër Leister Sitit në shtëpi.

Meguajer ishte fiksimi i Zhoze Murinjos në verën e kaluar, por “Dhelprat” nuk hoqën dorë nga kërkesa e tyre prej 75 milionë sterlinash. Portugezi tentoi deri në fund për ta transferuar “gjigantin” në Old Trafford, por drejtuesit nuk vepruan.

26-vjeçari mund të transferohet këtë verë në Mançester, por kësaj radhë në kampin e “Qytetarëve”, ndërsa Siti duhet të përgatisë 75 milionë sterlina për kartonin e tij.

“Kjo mund të jetë një befasi për ju. Është vendimi më pasionant që kam marrë, por edhe më racionali që kam marrë ndonjëherë.  Si një futbollist  jam formuar dhe jam rritur tek Anderlehti. Që në moshën 6-vjeçarë kam qenë në atë klub. Një histori prej 34 titujsh kampion, nuk kanë të dytë”.

“Kam vendosur të marr përsipër sfidën si lojtar-trajner tek Anderlheti. Dua të ndaj njohiuritë e mia me brezat e ardhshëm. Me këtë dua të fus pak Mançester në zemër të Belgjikës. Nuk është një lamtumirë, është një shikohemi sërish”, shkruan mes të tjerash Kompani.

Një gazetar i pranishëm ka kujtuar faktin që Roberto Mançini, ish-trajneri i Sitit, është zbuluar duke marrë pagesa të ndara që vinin nga Abu Dabi. “Të ka ndodhur edhe ty diçka e tillë”, pyet gazetari, ndërsa Guardiola i përgjigjet plot seriozitet.

“E di kuptimin e pyetjes që po më bën? Po më thua që kam marrë para nga një situatë tjetër? Sinqerisht mendon se duhet t’i përgjigjem kësaj pyetje? Sot e gjete kur po festoj trofeun e tretë sezonal? Nuk e di çfarë i ka ndodhur Robertos, por po më akuzon mua?”, përfundon trajneri spanjoll i zhgënjyer për atë që i kanë dëgjuar veshët.

“Are you accusing me?…” ??

Pep Guardiola’s incredible altercation with a reporter after @ManCity complete domestic treble at Wembley ?#MCFC ??

? https://t.co/vW6dUtJQnx pic.twitter.com/XgM3eufefq

— Hayters TV (@HaytersTV) May 18, 2019

Mbrojtësi u transferua në Premier League në verën e vitit 2008, kur Siti asokohe pagoi 8.5 milionë euro te Hamburgu. Rëndësinë e Kompani te Siti e tregon vetë presidenti, Khaldoon Al Mubarak, i cili është shprehur mes të tjerash: “Ka pasur shumë kontribuues të rëndësishëm te Mançester Siti, por asnjë prej tyre nuk ka pasur rolin e Kompani. Ai përkufizon kuptimin e këtij klubi. Për një dekadë ai ka qenë gjaku, shpirti dhe zemra e një skuadre të talentuar. Vinsent duhet të jetë krenar për veten e tij dhe do të mbetet gjithmonë pjesë e familjes tonë”.

DEKLARATA E KOMPANI – “Ka ardhur koha të iki dhe çfarë sezoni kemi mbyllur! Nuk ndjej asgjë tjetër veç mirënjohjes. I jam mirënjohës të gjithë atyre që më kanë mbështetur në këtë udhëtim special, në një klub shumë special. Më kujtohet dita e parë, aq qartë sa dita e fundit te Siti. Më kujtohet mirësia pa fund që mora nga populli i Mançesterit.

Kurrë nuk e harroj se tifozët tanë qëndruan besnikë ndaj meje në momente të mira dhe veçanërisht në periudha të vështira. Gjithmonë më kanë frymëzuar dhe më kanë bërë të mos heq dorë.

Sheiku Mansur ndryshoi jetën time dhe atë të të gjithë tifozëve të Sitit anembanë botës. Për këtë unë jam gjithmonë mirënjohës. Siti nuk mund të jetë në duar më të mira”, shkruan mbrojtësi belg në një letër të hapur për tifozët.

Protagonisti i ndeshjes ishte Rahim Stërling me tripletën e tij, ndërsa në listën e shënuesve pati vend për David Silvën, Zhesus dhe De Brujn.

https://www.instagram.com/p/BxnPeRTn1go/?utm_source=ig_web_copy_link

Me këtë triumf Mançester Siti plotëson tripletën e trofeve lokal në Angli, duke u bërë ekip i parë në Angli që fiton në një sezon, kampionatin, Kupën e Ligës dhe “Fa Cup”.

Mançester Siti 6 – 0 Uotford
Shënues: Silva 26’, Stërling 38’, 81’, 87’, De Brujn 61’, Zhezuz

Futbollisti i Atletiko Madrid shihet si zëvendësuesi ideal i Fernandinjos, për të cilin mosha 34-vjeçare që ka mbi supe ka nisur të ndikojë jo pak. Ofensiva e Sitit ka nisur prej kohësh dhe nga Spanja e bëjnë gjithçka të kryer.

? Rodrigo declina estar en el Europeo Sub21 para cerrar su salida del Atlético y fichar por el Manchester City https://t.co/85ZjwDJvXO Lo cuenta @AlbertoPereiro en @ElTransistorOC

— Onda Cero (@OndaCero_es) May 17, 2019

Për më tepër, Rodri ka refuzuar ftesën e kombëtares U-21 të Spanjës, pasi në përfundim të kampionatit do të udhëtojë drejt Anglisë për të firmosur me ekipin e ri. Për 22-vjeçarin, “Los Colchoneros” pritet të përfitojnë rreth 70 milionë euro.

Pavarësisht aktivizimeve të pakta, Muriç ka filluar të tërheqë interesin e klubeve të ndryshme në Angli. Portali pranë skuadrës së Preston North End, “deepdaledigest.com”, raporton se drejtuesit e ekipit që militon në Championship kanë shfaqur interes për të huazuar 20-vjeçarin për sezonin e ardhshëm.

Klubi i Preston bashkëpunon prej vitesh me Mançester Sitit. Përgjatë viteve të fundit shumë talente premtues të akademisë së kampionëve të Anglisë janë huazuar te skuadra modeste.

Një tjetër fakt që largon portierin e Kosovës nga Mançester Siti është riaftësimi i kilianit Klaudio Bravo, kontrata e të cilit me Sitin zgjat edhe për një sezon.

Ëndrra e madhe quhet Pep Guardiola. Spanjolli ka folur për këtë mundësi, duke sqaruar situatën. Zërat e fundit të merkatos flasin për një interesim të “Qytetarëve” për Antuan Grizman. Francezi do të largohet nga Atletiko e Madridit në fund të sezonit, ndërsa për të interesohet prej kohësh Barcelona.

Guardiola qetëson tifozët katalanas dhe e mbyll me një koment për UEFA-n. Qeveria europiane e futbollit po heton kampionët e Anglisë, trajneri ka besim absolut te drejtuesit e klubit dhe mungesa e provave përkthehet… pafajësi.

“Unë nuk do të shkoj te Juventusi apo në Itali. Kam edhe dy vite kontratë me Sitin. Jam i lumtur këtu dhe nuk dua të ndryshoj ekip. Sezonin e ardhshëm do të jem trajneri i Mançester Sitit.

Grizman? Njerëzit në Barcelonë nuk duhet të shqetësohen. Nuk kemi para dhe nuk do e blejmë Grizmanin. Dënimi nga UEFA? Gjithmonë e kam përsëritur se i besoj klubit tim. Nëse UEFA vendos se kemi gabuar, atëherë do të dënohemi. E di se njerëzit duan të na gjejnë fajtor, por jemi të pafajshëm derisa të gjendet provat. Sot jemi të pafajshëm”, përfundoi Pep Guardiola.

Ndërkohë së fundmi Rahem Sterling ka dhënë një deklaratë për “Mirror” dhe ka zbuluar se si Guardiola i ndryshoi ata. Sulmuesi anglez e thotë hapur sekretin dhe ato janë gjobat.  “Sekreti ynë është mentaliteti. Guardiola u përpoq ta ndryshonte atë dhe vendosi shumë gjoba. Nuk dua të zbuloj shume detaje”, thotë fillimisht Sterling.

“Kishte gjoba për të mbajtur njerëzit nën kontrollon dhe për të qenë i sigurt që të gjitha janë seriozë dhe të gatshëm. Ndëshkime nëse kishte vonesa në takime, gjëra të vogla për t’u siguruar që mentaliteti ynë ishte i duhuri. Kur ne e demonstruam se mund ta bënim diçka të tillë, ai i hoqi gjobat. Ia vlejti, pasi paraqitjet tona u përmirësuan edhe më shumë këtë sezon”, përfundon sulmuesi anësor.