Mançester Siti

Një legjendë këshilla Guardiolës: Respekto kundërshtarin dhe fiton Championsin

Sport Ekspres — Thu, 01 Aug 2019 21:15:55 +0000

Guardiola është trajeri që aplikon lojën më të bukur të viteve të fundit. Në çdo ekip që shkon, ai instalon idetë e tij dhe i shndërron lojtarët në “robotë fitues”. Megjithatë, triumfi në Champions është tabuja që duhet të thyejë gjeniu spanjoll. Ai nuk ka arritur ta fitojë që nga kohët e arta në Barcelonë. Nga atëherë ai ka drejtuar Bajernin dhe po sundon Anglinë me Sitin.

Luis Van Gal

Luis Van Gal është një ekpert i sutdimit të futbollit. Holandezi gëzon një eksperiencë të madhe në botën e futbollit dhe është me vend që një si ai të japë këshilla edhe për një trajner të madh si Guardiola. Van Gal mendon se Guardiola duhet të studiojë kundërshtarin dhe jo vetëm të perfeksionojë lojën e tij për të fituar një kompeticion si Champions League.

“Fitimi i kampionatit për herë të dytë rresht është fantastike. Guardiola ka fituar gjithçka që mund të fitohet në Angli, por niveli më i madh është Championsi. Dhe se ai nuk mundi të fitonte as me Sitin as me Bajernin. Kjo vjen si pasojë e shqetësimit të tepërt në lidhje me lojën e ekipit të tij dhe humbja e kujdesit për lojën e kundërshtarit. Gjithmonë duhet ta respektoni kundërshtarin. Guardiola dhe Ten Hag kanë ekipe me cilësi të lartë për rivalët e tyre brenda vendit, por kjo nuk vlen për Championsin”, u shpreh ish-strategu holandez, që dikur e ka stërvitur si lojtar Guardiolën.

E bujshme! Mbape e thotë hapur, dëshiron të punojë me Guardiolën

Sport Ekspres — Fri, 19 Jul 2019 20:36:17 +0000

Guardiola është një nga trajnerët me aftësitë më të mëdha për të rritur profesionalisht futbollistët që ka në dispozicion. Spanjolli është një nga më të mirët e historisë dhe i vetmi për momentin që ka një stil të veçantë loje.

Siç raporton “El Pais” Kilian Mbape dëshiron që në një të ardhme të afërt të transferohet në të njëjtin klub ku është Guardiola. Francezi e admiron shumë teknikun spanjoll dhe mënyrën e të shpjeguarit të futbollit.

Guardiola e kërkoi atë në vitin 2017, por Mbape zgjodhi të qëndrojë në Francë për të luajtur me Parisin. Sa më shumë kalon koha, aq më tepër Kilian e kupton se “Parc de Princes” nuk është “habitati” i duhur për t’u bërë një legjendë.

VIDEO | Dy ekipet e Mançesterit fitojnë me “poker”, shkëlqen Rodri

Sport Ekspres — Wed, 17 Jul 2019 16:13:07 +0000

Mançester Siti dhe Junajtid kanë arritur të fitojnë ndeshjet përkatëse në kuadër të fazës pregatitore para nisjes së sezonit. Të dy gjigantët anglez i kanë “shtypur” kundërshtarët e tyre, duke u shënuar nga katër gola.

Djemtë e Guardiolës kanë mundur me rezultatin 4-1 Uest Hemin. Ata kanë vijuar me formën e mirë që mbyllën edhe sezonin e kaluar. Ishin londinezët që kaluan të parët në avantazh me atë të një penalltie të shndërruar në gol nga Mark Noble.

Gjithsesi, djemtë e Guardiolës kanë përmysur nëpërmjet golave të David Silvës, Lukas Nmecha dhe dopietës së të zakonshmit Stërling. Një nisje bindëse e “Qytetarëve”, duke parë që kanë mundur një kundërshtar jo të vogël, që do e shohin përsëri në Premier Ligë. Ndeshja u zhvillua në Kinë, ku po luhet për trofeun “Premier League Asia”. Një prezantim mjaft cilësor i Rodrit, i cili shijoi për herë të parë një ndeshje me fanellën e kaltër.

Miqësore, “Premier League Asia Trophy”

Mançester Siti-Uest Hem 4-1
Noble (p) ’26 / D. Silva ’34, Nmeca (p) ’36, Stërling ’60 ‘72

Edhe Mançester Junajtid nuk kanë mundur një kundërshtar të rëndomtë, por Lids Junajtid. Dy klubet gëzojnë një urrjetje të madhe e të ndërsjelltë me njëri-tjetrin prej shume kohësh. Ndeshja ka përfunduar me rezultatin 4-0 për ekipin e drejtuar nga Solskjaer. Ata nuk e kanë vënë aspak fitoren në diskutim, duke e dërguar topin në rrjetë nga dy herë për pjesë. Golat janë shënuar Mason Grenud, ku bie në sy asisti i Van Bisakës, Markus Rashford, Fill Xhons dhe Antoni Martial me penallti.

Miqësore

Mançester Junajtid-Lids Junajtid 4-0
Grinud ‘7, Rashford ’27, Xhons ’51, Martial ‘69

Guardiola “çmendet” pas Kanselos, kjo ofertë është e parezistueshme

Sport Ekspres — Tue, 09 Jul 2019 16:23:34 +0000

Juventusi prej kohësh e ka nxjerrë në shitje Kanselon dhe është gati ta lëshojë nëse vjen oferta e duhur. Pep Guardiola e do me patjetër te Mançester Siti. Kanselo ka aftësi shumë të mira teknike dhe kjo është ajo çka kërkon tekniku spanjoll.
Deri tani Juventus ka rezistuar ndaj ofertave të “Qytetarëve”. Megjithatë, oferta me fundit duket se do e bëjë klubin bardhezi “të shkrijë”. Siç raporton “La Gazzetta Dello Sport”, anglezët kanë bërë gati 55 milionë euro për të sjellë Kanselon në “Etihad Stadium”.

Kjo shifër do të ndahet me 50 milion në dorë dhe dhe 5 milionë të tjera do të jepen nëpërmjet bonuseve lehtësisht të arritshme nga lojtari. Me ardhjen e 24-vjeçarit luzitan, Siti bëhet me tre mbrojtës të djathtë. Gjithsesi, me shumë mundsi Danilo do largohet. Kajli Uoker dhe Kanselo do luftojnë ashpër për t’i mbushur mendjen Guardiolës.

Muriç huazohet në Championship, Siti i jep një dorë me kontratën

Sport Ekspres — Tue, 09 Jul 2019 10:11:40 +0000

Arijanet Muriç nuk do të jetë pjesë e Mançester Sitit sezonin e ardhshëm. Portieri i kombëtares kosovare do të jetë pjesë e klubit të Notingem Forest në Championship. Lajmin e ka bërë të ditur vetë klubi i ri i talentit shqiptar. Në deklaratë shkruhet se Muriç do të jetë pjesë e Forest për një vit me formulën e huazimit.
Ndërkohë, mësohet se Siti është kujdesur shumë që të sigurojë shumë minuta për 20-vjeçarin. Sipas medieve angleze, “Qytetarët” në kontratë kanë vendosur një klauzolë të veçantë. Portieri duhet të luajë të paktën 20 ndeshje gjatë sezonit të ardhshëm. Në rast të kundërt Forest duhet të bëhet gati të paguajë një “gjobë” ndaj klubit nga Mançesteri.

Siti kishte dyshime nëse duhej apo jo që ta largonte Muriç dhe në fund kanë marrë këtë vendim. Gardiani ka treguar një nivel shumë të mirë sa herë e ka thirrur detyra. Për momentin portieri Ederson qëndron i qetë mes katërkëndëshit të skuadrës së Guardiolës, por një talent si Muriç shumë shpejt mund ta rrezikojë.

?? He’s a keeper!#NFFC are delighted to announce the arrival of goalkeeper Arijanet Muric on a season-long loan from @ManCity. pic.twitter.com/1W1Pj1QaCO

— Nottingham Forest FC (@NFFC) July 9, 2019

Guardiolën e shqetëson Barça, hyn në garë për objektivin e Sitit

Sport Ekspres — Fri, 05 Jul 2019 06:43:09 +0000

Zhoao Kanselo është i zgjedhuri për të gjeneruar të ardhura nga shitja e tij në Torino. Ish-interisti është zyrtarisht në merkato, me Mançester Sitin si favorit për shërbimet e portugezit. Në fakt deri tani “Qytetarët” nuk ishin shqetësuar nga askush dhe ishin të vetmit në garë për mbrojtësin e djathtë.
Por jo më. Mediet e mëdha evropiane raportojnë se Barcelona ka hyrë seriozisht në garë për të siguruar shërbimet e Kanselos. Katalanasit kanë natyralizuar Serxhi Roberton në atë rol prej vitesh. Ndërkohë, Semedo ka kërkuar largimin dhe mund të përfshihet në tratativat për të sjellë Grizman.

Kështu, Kanselo do ishte një opsion perfekt për Barçën, duke parë edhe karakteristikat e 24-vjeçarit. Portugezi me stilin e tij mund të përshtatet mjaft lehtë me lojën e Barçes. Mbetet për t’u parë se cila mundësi e tundon më shumë luzitanin. Juventus kërkon të paktën 55 milionë euro.

Buzëqesh Juventusi, rriten kërkesat për mbrojtësin

Sport Ekspres — Tue, 02 Jul 2019 17:28:54 +0000

Zhoao Kanselo duket se është i destinuar për t’u larguar nga “Allianz Stadium” këtë verë. Mbrojtësi është nxjerrë në shitje nga drejtuesit dhe interesi për të nuk ka sesi të mungojë. Mançester Siti është klubi që ka shfaqur seriozitetin më të madh për yllin portugez.
Sipas “Tuttomercatoëeb”, klubi anglez ka bërë ofertën e parë zyrtare në drejtim të “Zonjës”. “Qytetarët” janë gati të derdhin plot 54 milionë euro për mbrojtësin e djathtë. Një propozim mjaft i madh, por që nuk i kënaq plotësisht drejtuesit torinezë. Objektivi i tyre është të arketojnë të paktën 55 milionë euro më shitjen e Kanselos.

Një lajm i mirë mbërrin sot për ta. Bajerni i Mynihut është futur në garë për yllin portugez. Bavarezët e pëlqejnë shumë profilin e luzitanit dhe janë gati të hyjnë në “betejë” me ofertën e parë zyrtare. Kjo situatë është një favor i madh për Juventusin. Shtimi i interesit për mbrojtësin rrit edhe më shumë vlerën e tij.

Stërling me synime të qarta, tregon pse la Liverpulin për Sitin

Sport Ekspres — Tue, 02 Jul 2019 17:13:15 +0000

Në vitin 2015 Rahem Stërling la Liverpu;in për t’u transferuar në “Etihad Stadium” për llogari të Mançetser Sitit. Në një intervistë për mediet angleze, 24-vjeçari tregon arsyen pse e la “Anfield Road”.
Përmes kësaj deklarate, anglezi na zbulon se është një djalosh me synime të qarta në karrierë. Gjithashtu dëshmon se është mjaft i aftë të “thumbojë” kundërshtarët.

Stërling është shprehur se u transferua në Mançester për të fituar Premier Ligën, diçka që nuk mund t’ja arrinte në Liverpul. Në fakt ky transferim rezultoi i frytshëm, pasi që nga ardhja e tij, “Qytetarët” kanë triumfuar dy herë në këtë kompeticion.

Ndoshta Premier Liga është e rëndësishme për të, por mund të themi edhe se prej ikjes nga Liverpuli, Stërling ka humbur “shijen” e të puthurit trofeun e Champions League.

“Që kur shkova në Liverpul mendova se nëse nuk e fitoj Premier Ligën deri në moshën 21-vjeçare, do të shikoj opsione të tjerë. Ashtu veprova dhe erdha te Siti, ku fitova titullin tim të parë”, u shpreh ylli i ekipit të Guardiolës.

Sëmundja e largoi nga futbolli, Siti emëron shqiptarin në strukturën e klubit

Sport Ekspres — Mon, 01 Jul 2019 21:26:58 +0000

Mançester Siti do të ketë edhe një shqiptar në stafin e zbuluesve të talenteve. Sinan Bytyqi është skauti më i ri i klubit nga Mançesteri. 24-vjeçari me origjinë nga Kosova është aktivizuar si futbollist profesionist me “Qytetarët”. Në vitin 2017 Bytyqi u diagnostikua me probleme në zemër.

Rrezikshmëria e sëmundjes ishte aq e lartë, sa e bëri të marrë vendimin më të vështirë të jetës, tërheqjen nga futbolli. Megjithatë, është Mançester Siti ekipi që nuk ja mbyll derën, duke e mbajtur në gjirin e organizmave të klubit.

Falë mbështetjes së klubit Sinani ka përfunduar kursin profesional si zbulues talentesh. Kështu, ai është i gatshëm të fillojë punë. 24-vjeçari i lindur në Austri do të mbulojë zonën e vendlindjes dhe Zvicrën.

Former Manchester City youth player, Sinan Bytyqi, who was forced to retire from football due to hypertrophic cardiomyopathy, has finished his scouting diploma.

Bytyqi has taken on a new role as head scout for City in the Austria and Switzerland region!#ManCity pic.twitter.com/F9AqMomyy1

— Superbia Proelia (@SuperbiaProeIia) July 1, 2019

Largohet “Magjistari”, Guardiola ngre në qiell spanjollin

Sport Ekspres — Thu, 27 Jun 2019 18:14:42 +0000

David Silva pas një viti do të mbyllë një epokë. Spanjolli do të ndahet nga Siti pas një dekade me plot sukses e lavdi. Mesfushori konsiderohet si një nga më të mirët e historisë së kësaj skuadre. Edhe Guardiola është me të njëjtin mendim. Trajneri i ka vendosur Silvës nofkën “Magjistari”.

Silva ka luajtur plot 396 ndeshje me “Qytetarët”, në to 71 gola, duke luajtur një rol lideri që nga ardhja në “Etihad Stadium”. Pep shprehet me superlativa për yllin e tij. Ai shpreson ta shijojë edhe këtë vit me spanjollin. Pranon se Silva e ka ndihmuar shumë në arritjen e sukseseve të tij me Sitin.

“Ai është një nga më të mirët, jo vetëm të futbollit spanjollm por edhe në Evropë. Ka luajtur një dekadë në Mançester. Nuk është aspak e lehtë ta bësh këtë në një kampionat të tillë. Ai e ka bërë mrekullisht mirë. Më ka ndihmuar shumë personalisht në këto tre vite që kemi punuar bashkë. Do të jetë edhe një vit tjetër këtu dhe shpresoj të jetojmë momentë të tjera të bukura”, u shpreh Guardiola.

Iniesta, David Silva dhe David Vija

Muriç mbetet te Siti? Ky veprim flet shumë

Sport Ekspres — Mon, 24 Jun 2019 16:40:18 +0000

Zak Stefën është lojtari më i ri që do të zbarkojë në “Etihad Stadium”. Marrëveshja e ransferimit të portierit amerikan ishte kryer që në dimër, me lojtarin që iu bashkua Sitit këtë qershor. Shifra e shpenzuar për 24-vjeçarin është rreth 10 milionë euro.
Megjithatë, qëndrimi i tij nuk pritet të jetë i gjatë në Angli. Fortuna Dyseldorf është e interesuar për ta marrë në huazim. Marrëveshja është shumë afër mbylljes sepse Siti është dakort me këtë ide. Ata duan që Stefën të ketë më shumë minuta në dispozicion dhe huazimi është zgjidhja më e mirë në dispozicion.

Ky lajm ndikon edhe te portieri i kombëtares kosovare, Arijanet Muriç. 20-vjeçari flitet për një largim të mundshëm, por këtë verë është e destinuar të mos ndodhë. Largimi i Stefën dhe perëndimi i karrierës së Klaudio Bravos, e bën Guardiolën të mos e lejojë largimin e yllit kosovar.

Spanjolli pritet ta mbajë në ekip, duke i premtuar se do të ketë më shumë përgjegjësi. Muriç do të ketë mundësi më shumë për të zbritur në fushë. Ai pritet të jetë titullar në “Carabao Cup” dhe “FA Cup”. Kjo do të ishte një mundësi mjaft e mirë që Muriç të dëshmojë sesa vlen dhe të reklamohet sa më shumë.

Levandovski: Do ishte super nëse ky lojtar vjen!

Sport Ekspres — Thu, 20 Jun 2019 20:17:58 +0000

Largimi i Roben dhe Riberi ka bërë që Bajern të kërkojë të sjellë dy sulmues po aq të mirë. Një nga më të kërkuarit nga bavarezët është Leroi Sane. Gjermani ka shprehur dëshirën për t’u larguar nga Siti, me drëjtuesit që nuk kanë këmbëngulur. Ata janë të gatshëm ta lënë të lirë në këmbim të një ofertë të madhe.
Robert Levandovski shprehet se në klubin kampion ka shumë nga ata që e duan ardhjen e Sane, sidomos shokët e kombëtares. Është i mërzitur nga ikja e Roben e Riberi dhe shprehet se Bajerni duhet të bëjë akoma më shumë në merkato për të konkuruar Dortmundin.

“Lojtarët gjermanë të Bajernit duan shumë që Sane të vijë, por të presim se ç’do të ndodhë. Roben dhe Riberi janë legjenda. Largimi i tyrena trishtoi të gjithëve. Megjithatë, jam i bindur se do të vijnë lojtarë po aq të mirë. Bajern duhet të bëjë më shumë në merkato për të kapërcyer Borusian e Dortmundit”, u shpreh Levandovski.

Siti nis me rinovime, blindon shtyllën e mbrojtjes

Sport Ekspres — Wed, 19 Jun 2019 13:25:57 +0000

Mançester Siti ka menduar të blindojë një prej yjeve të tij përpara se të bëjë blerjen e parë të kësaj vere. Kajli Uoker do të jetë pjesë e “Qytetarëve” deri në vitin 2024. Mbrojtësi i djathtë që nga ardhja e tij në vitin 2017 është shndërruar në një prej pikave më të forta të ekipit të Guardiolës.
Kontrata aktuale e tij skadonte në vitin 2022. Në “Etihad Stadium” nuk e kanë menduar dy herë, por kanë vendosur të përmirësojnë termat e kontratës për t’i treguar anglezit sesa i rëndëshishëm është për ta. Gjithashtu për të parandaluar ndonjë ofertë më të mirë, që mund të vinte drejt tij këtë merkato.

Uoker ka mbi 100 ndeshje me Sitin. Gjatë eksperiencës së tij të deritanishme në Mançester ai ka arritur të fitojë dy tituj të Premier Ligës, po aq Kupa Lige, një Kupë Anglie dhe një “Community Shield”. “Ishte një vendim shumë i lehtë. Dua të luftoj me këtë skuadër për çdo trofe. Jam përmirësuar shumë gjatë kohës këtu”, tha ndër të tjera 29-vjeçari.

E shiti verën e kaluar, Guardiola ndërron mendje për spanjollin

Sport Ekspres — Tue, 18 Jun 2019 15:26:03 +0000

Mançester Sitiduhet të bëjë më shumë në zbulimin e talenteve të akademisë. Xhejdon Sanço u shit në Dormtund dhe më pas shpërtheu, duke e bërë Guardiolën të pendohet. Këtë vit është përsëritur një tjetër rast. Angelino u shit verën e kaluar në Holandë te PSV për shifrën e 5,5 milionë eurove.
Qytetarët menduan se ai nuk ka kualitetin të ngjitet në majë dhe menduan ta shisnin pa të drejtë riblerjeje. Tani janë penduar. 21-vjeçari është shpallur mbrojtësi i majtë më i mirë në Eredivise. Aftësitë e tij janë shumë të mira. PSG ka treguar interes konkret për spanjollin. Ata janë gati të ofrojnë 25 milionë euro për shërbimet e tij.

Siti për shkak të një klauzole ka të drejtë ta riblejë për gjysmen e çmimit. Megjithatë, në kontratë nuk shkruet se ata qëndrojnë në vend të parë për të përfituar shërbimet e Angelino. Barcelona, Ajaks dhe Borusia Dortmud kanë shfaqur interes për talentin. Ai regjistron grumbullime edhe me kombëtaren U-21.

Ndombele çmend Evropën, një ankand gjigant ka nisur

Sport Ekspres — Thu, 13 Jun 2019 15:38:02 +0000

Musa Dembele u largua nga në merkaton e dimrit drejt Kinës dhe Totenhemit i duhet një mesfushor që të mbyllë vendin e lënë bosh nga belgu. Tangui Ndombele është një nga talentet francezë që ka mrekulluar këtë vit me Lionin. 22-vjeçari ka treguar cilësi të larta dhe kërkohet me ngulm nga disa gjigantë evropianë.

Së fundmi njoftohet se Totenhemi do të hyjë në garë nëpërmjet një oferte joshëse. Ata duhet të mundin interesin e dy ekipeve të Mançesterit dhe Juventusit. Presidenti i Lionit e ka bërë të qartë se kush bën ofertën më të mirë do të marrë mesfushorin.

Ai ka qartësuar edhe se nëse ofertat e klubeve të interesuara janë të ngjashme, klubi që do të përfitojë është Juventusi. Kështu, Totenhem duhet të hapë thesin nëse i do vërtetë shërbimet e talentit francez.

DENIS LALA

Guardiola nuk e do, tri klube “big” në sulm për lojtarin i Sitit

Sport Ekspres — Mon, 10 Jun 2019 15:55:49 +0000

Nikolas Otamnedi nuk e ka vendin të sigurt në “Etihad Stadium”. Mbrojtësi argjentinas nuk ka fituar simpatinë e Guardiolës këtë sezon. Xhon Stons dhe Aimerik Laport janë dyshja më e përdorur e tij dhe pritet të jetë kështu edhe sezonin e ardhshëm. 31-vjeçari ka startuar vetëm 14 ndeshje në Premier Ligë këtë sezon. Kjo situatë e çon argjentinasin drejt largimit në një klub, i cili ka nevojë për të.
Sipas medieve angleze, PSG ka shfaqur interes konkret për Otamendin. Francezët nuk i bind Kimpembe dhe kërkojnë të gjejnë dikë me eksperiencë. Juventus dhe Atletiko e Madridit janë dy klubet e tjera në vëzhgim të situatës së qendërmbojtësit. “Zonja” është në kërkim të një qendërmbrojtësi relativisht të ri dhe që ofron për të ardhmen. Megjithatë, në mungesë të kësaj mundësie, Otamendi do të ishte një blerje mjaft e goditur.

Atletiko është e çmontuar në mbrojtje dhe është e dëshpëruar ta ringrejë këtë repart. Gimenez i duhet një partner i denjë dhe mbrojtësi albiçelest do të ishte një zgjidhje afër perfektes, duke parë tregun. Vlera e tij në merkato është rreth 35 milionë euro. Siti nuk e ka me ngut, kështu që tre klubet që e kërkojnë duhet të mbushin xhepat mirë.

Guardiola: Këtu tifozët kanë diçka speciale, në Spanjë e kundërta

Sport Ekspres — Fri, 07 Jun 2019 20:22:37 +0000

Pep Guardiola është në vitin e tretë te Siti, ku ka gjetur qetësinë e munguar. Spanjolli e ka shndërruar ekipin e tij në një bishë. Premier Liga është bërë diçka e zakonshme, duke e rrëmbyer dy herë rresht. Gjithsesi ai nuk ka arritur akoma të jetë i suksesshëm në Champions League.

Kjo mungesë suksesi në Evropë e ka vrarë atë, por shprehet se tifozët janë një mbështetje e madhe edhe kur ekipi nuk fiton. Gjeniu katalanas mendon se Anglia është vendi më perfekt për të punuar. Në shtetet e tjera ndjen shumë presion nga fansat. E penalizojnë pak kushtet e vështira atmosferike.

“Nuk ka vend më të mirë se Anglia për të punuar. Në Spanjë, Itali dhe Gjermani kur ndodh që skuadra nuk luan mirë në dy apo tre ndeshje, të fërshëllejnë. Në Angli, jo. Këtu, nëse mban një fanellë me ngjyrat e klubit, të gjithë ndihen se je me ta dhe brohorasin për ty. Viti i parë ishte shumë i vështirë dhe tifozët na mbështetën. E vetmja gjë që nuk më pëlqen janë kushtet e vështira të motit në katër pesë muaj të sezonit”, u shpreh Guardiola.

Telenovela De Ligt pranë fundit, ja finalja e saj

Sport Ekspres — Wed, 05 Jun 2019 19:55:39 +0000

De Ligt është e sigurtë që do të largohet nga Ajaksi këtë verë, por është shndërruar në një telenovelë me shumë seri destinacioni i tij përfundimtar.

Mbrojtësi nuk po arrin të marrë një vendim final. Klubet e mëdha qëndrojnë në pritje për të. Agjenti i tij Mino Raiola me veprimet e tij krijon edhe më shumë “tym” rreth të ardhmes së De Ligt.
Barcelona ishte shumë pranë tij, por një mosmarrëveshje mes katalanasve dhe menaxherit italian ka sjellë në ndalimin e operacionit. Raiola kërkon një shifër prej 15 milionë euro si komision.

Junajtid ishte i gatshëm t’ja jepte, por edhe pista e “Djajve të Kuq” është zbehur. Këtu mund të ketë ndikuar dëshira e lojtarit. Vështirë se ylli i Ajaksit do të zgjidhte të vazhdonte karrierën në një klub që, ka formën e një kantieri ndërtimi.

Mançester Siti dhe Liverpul janë dy alternativat favorite të momentit. Të dyja këto ekipe po dominojnë futbollin anglez dhe jo vetëm. De Ligt do e pëlqente një bashkim me Klop ose Guardiola.

Te të dy klubet ai ka shumë mundësi të jetë titullar. Me atë që ka treguar ai arrin të mundë konkurencën e Otamendit dhe Stones, për të qenë partner me Laporte. Ndërkohë te Liverpul do e kishte të lehtë të ishte partneri i Van Dajk si në kombëtare.

Largohet një rezervë, Guardiola një thes me para për yllin portugez

Sport Ekspres — Tue, 04 Jun 2019 18:28:58 +0000

Danilo është shumë pranë largimit nga Mançester Siti. Braziliani nuk ka arritur ta gjejë veten te “Qytetarët” dhe si pasojë as në formacionin e parë të Guardiolës. Ky fakt e shtyn 27-vjeçarin drejt një klubi ku do të kishte më shumë minuta në këmbë. Largimi i tij nuk është pa pasoja për Sitin.
Në krahun e djathë të difensivës do të mbetej vetëm Kajli Uoker. Kështu sipas medieve angleze, klubi anglez ka gati 50 milionë paund për të sjellë Zhoao Kanselon në “Etihad Stadium”. Mbrojtësi i Juventusit zhvilloi një gjysmë të parë sezoni të mrekullueshme, për t’u lënë më pas në hije nga Alegri.

Ky fakt e ka lënë të zhgënjyer portugezin dhe largimi është shumë pranë. Loja e tij do të përshtatej shumë me stilin e Guardiolës. 24-vjeçari është i aftë të mbulojë të dyja fazat e lojës. 50 milionë paund janë një shifër shumë tunduese për Juventusin, që ka treguar se nuk i reziston të tilla ofertave.

Zhoao Kanselo

Ylli i Sitit nuk pranon rinovimin, por as largimin

Sport Ekspres — Sat, 01 Jun 2019 16:09:04 +0000

Të mos pranosh rinovimin e kontratës dhe të presësh përfundimin e saj. Kjo do të jetë strategjia e Ilkaj Gyndoan, që pretendon të imitojë rastin e Aron Ramsej. Mesfushori nuk pranon të zgjasë bashkëpunimin me Sitin, por as të largohet këtë verë. Kontrata e tij përfundon qershorin e ardhshëm. Gjermani i natyralizuar do të presë edhe një vit për të qenë më pas lojtar i lirë dhe për të firmosur për klubin që i jep pagën më të madhe.

Guardiola e sheh si një lojtar tepër të vlefshëm 28-vjeçarin, por ai dëshiron sfida të reja, mundësisht përtej ishullit. Cilësitë e Gyndoan dihen dhe klubet më të mëdha të Evropës pritet të sfidojnë njëri-tjetrin për shërbimet e tij. Kjo lëvizje mund ta bëjë Sitin të mendojë që tani për zëvendësimin e tij, çka do të sillte një efekt domino në merkato.

Siti mund të dënohet, reagon ashpër sheiku arab

Sport Ekspres — Mon, 27 May 2019 14:25:56 +0000

Mançester Siti përfundoi një sezon mjaft pozitiv. Guardiola me djemtë e tij arritën të bënin të tyren tripletën e trofeve brenda vendit. Megjithatë, kjo mund të sfumohet nga një dënim i paralajmëruar i UEFA-s për atë që quhet ndershmëria financiare.

Kaldon Al Mubarak, kreu i klubit nga Mançesteri, ka reaguar në mënyrë direkte ndaj akuzave për thyerje të bilanceve të të ardhurave dhe kundrejt një deklarate të presidentit të Federatës Spanjolle të Futbollit, Tebas. Ky i fundit është shprehur se ekipe të tilla si Siti dhe PSG e prishin garën sportive.

“Unë nuk do të pranoj që Siti të përdoret si një vegël për të hequr vëmendjen e të gjithëve nga investimet e pakta në blerje nga klubet e tjera. Ka shumë xhelozi dhe zili në këtë mes. Kur Junajtid sundonte para disa vitesh njerëzit kishin punë të tjera për të bërë. Ne nuk kemi bërë blerjen më të shtrenjtë në Premier Ligë. Nuk kemi marrë portierin më të shtrenjtë, as mesfushorin dhe as sulmuesin.

Ka një diskriminim për klube si ne apo Parisi, pasi ata zotërohen nga pronarë arabë. Thuhet se ata i blejnë lojtarët me paratë e naftës. Nuk është e drejtë. Problemet me UEFA-n fillimisht kanë ardhur nga Spanja. Rekordet e blerjeve kanë ardhur përsëri nga Spanja. Kujtoni Zidan apo Luis Figo dhe para pak kohësh Bejl”, u shpreh ndër të tjera sheiku arab.

Konsiderohet “Kaka’ i ri”, në Angli çmenden pas 19-vjeçarit

Sport Ekspres — Sat, 25 May 2019 21:18:07 +0000

Mançester Junajtid, Ulvs dhe Siti janë gati të bëjnë çmenduri për Zhoao Feliks. Sulmuesi i Benfikës është një nga talentet më të mirë në qarkullim. Ky vit ka qenë mbresëlënës për të. Portugezi e mbylli kampionatin në shifrën e 15 golave dhe 7 asisteve. Benfika ka një thesar në duart e saj.

Klubi portugez dëshiron të përfitojë sa më shumë nga ylli i saj. Ata janë të gatshëm ta lënë të lirë 19-vjeçarin vetëm nëse paguhet shifra e klauzolës së lirimit prej 120 milionë eurosh. Shumë që Junajtid she Siti nuk do e kishin problem për ta derdhur në arkat e klubit portugez.

Zhoao Feliks

Përtej zërave të shumtë që e lidhin atë me ekipe gjigante, Feliks shfaqet i qetë. Në një intervistë për mediat vendase, ai shprehet se ndihet mjaft komod te Benfika. Mundësia e transferimit egziston. Gjithsesi, talenti shprehet se do i lërë gjërat të rrjedhin normalisht.

“Koha do të tregojë gjithçka. Për momentin jam mirë këtu. Ndihem i lumtur. E dua klubin dhe tifozët. Mendoj të shijoj momentin, të luaj futboll. Gjërat ndodhin natyrshëm me kalimin e kohës. Klubi më ka ndihmuar shumë të rritem si lojtar. Janë sjellë në mënyrë perfekte me mua”, u shpreh Feliks.

Bavarezë buzëqeshni, Uli Hënes konfirmon operacionin e bujshëm!

Sport Ekspres — Thu, 23 May 2019 20:07:24 +0000

Largimi i dy legjendave si Arjen Roben dhe Frenk Riberi e detyron Bajernin të prishë “traditën” e tij konservatore në merkato dhe të ndërhyjë fuqishëm në merkato. Leroi Sane është objektivi më i madh i Bajernit. 23-vjeçari ka shprehur dëshirën për t’u larguar nga Siti. Bavarezët do të ishin destinacioni perfekt për të, pasi do e gjente vendin e titullarit gati.
Thashethemet e merkatos i konfirmon vetë presidenti i klubit gjerman, Uli Hënes. Ai shprehet se është i interesuar për 23-vjeçarin. ”Po e ndjekim situatën e tij. Sane mund të jetë blejra e parë e madhe në atë që quhet programi më i madh i blerjeve në historinë e klubit”, u shpreh Hënes.
Bajerni ka ndërhyrë fuqishëm në merkato, duke siguruar shërbimet dy mbrojtësve. Benxhamin Pavard dhe Lukas Hernandes do të vijnë në “Allianz Arena” nëhapje të merkatos. Operacioni i dy yjeve i ka kushtuar kampionëve të Gjermanisë më shumë se 110 milionë euro. Sane pritet të bëhet blerja më e madhe në historinë e klubit gjerman dhe kampionatit në tërësi.

Shkëmbim “yjesh”, Atletiko dhe Siti pregatisin lëvizjen e bujshme

Sport Ekspres — Mon, 20 May 2019 19:44:27 +0000

Gabriel Zhezus është treguar efikas me Mançester Sitin sa e ka thirrur detyra. Megjithatë 22-vjeçari ka fatkeqësinë të diskutojë vendin e tij në formacion me Serxho Agueron. Minutat e tij kanë qenë të limituara këtë sezon nga Guardiola. Kështu sipas “Fox Sports Brazil”, sulmuesi brazilian lidhet ngushtë me një shkëmbim kokë më kokë më Rodrin.

Mesfushori preferohet shumë nga Guardiola, që e do me patjetër si zëvendësues për Fernandinjon, mosha e të cilit nuk premton aspak. Siti me këtë shkëmbim dëshiron të kufizojë harxhimet, pasi problemet me UEFA-n mbi ndershmërinë financiare janë të vazhdueshme. Kjo lëvizje do i leverdiste edhe Atletikos, pasi ikja e Grizman pritet të krijojë një boshllëk të madh në ofensivën e madrilenëve. Zhezus do të ishte lojtari i duhur për ta zëvendësuar.
Braziliani u ble nga Palmeiras për shifrën e 32 milionë eurove në vitin 2017. Para që nuk kanë shkuar dëm, pasi cilësitë e tij janë të padiskutieshmë. Në 68 ndeshje (jo të gjitha si titullar) ai ka shënuar 27 gola. Me kombëtaren regjistron 13 rrjeta në 27 takime. Ndërkohë Rodri është një talent, të cilin Atletiko e mori për 20 milion euro nga Vilareali. 22-vjeçari është një titullar stabël në formacionin e madrilenëve.

Gjendet pasardhësi i Kompani, Siti pranë akordit me “fiksimin” e Murinjos

Sport Ekspres — Mon, 20 May 2019 12:38:14 +0000

Mançester Siti është në kërkim të një qendërmbrojtësi. Largimi i Vinset Kompani, i cili firmosi për tre vite me Anderlehtin si trajner-lojtar, ka lënë një boshllëk për t’u mbushur në prapavijë.

Pep Guardiola e ka një preferencë. Sipas raportimeve të “Daily Mail”, Siti synon të arrijë akordin me Herri Meguajer. Spanjolli u bind përfundimisht për kualitetin e mbrojtësit të kombëtares angleze në fitoren e vështirë 1-0 kundër Leister Sitit në shtëpi.

Meguajer ishte fiksimi i Zhoze Murinjos në verën e kaluar, por “Dhelprat” nuk hoqën dorë nga kërkesa e tyre prej 75 milionë sterlinash. Portugezi tentoi deri në fund për ta transferuar “gjigantin” në Old Trafford, por drejtuesit nuk vepruan.

26-vjeçari mund të transferohet këtë verë në Mançester, por kësaj radhë në kampin e “Qytetarëve”, ndërsa Siti duhet të përgatisë 75 milionë sterlina për kartonin e tij.

Ankandi për Grizman, Guardiola shprehet haptazi!

Sport Ekspres — Sat, 18 May 2019 10:36:21 +0000

Antuan Grizman e pret një verë “përvëluese”. Pas njoftimit se do të lërë Atletikon, sulmuesi lakohet në media për tranferimin e tij ne klube si Barcelona, Mançester Siti, Bajern Mynih dhe PSG.

Barcelona është skuadra që e kërkon më me ngulm francezin. Blerjen e tij katalanasit e shohin si zgjidhjen e problemeve të pareshtura në sulm që nga ikja e Nejmar.

Paratë e ekipeve si Siti apo PSG i shqetësojnë katalanasit. Megjithatë Pep Guardiola i qetëson tifozët katalanas me deklaratën e tij të fundit për mediat. Spanjolli e nxjerr Mançester Sitin nga gara për Antuan Grizman. “Tifozët e Barcelonës mund të qëndrojnë të qetë, ne nuk duam ta blejmë Grizmanin. Nuk kemi para për të”, është shprehur strategu spanjoll.

“Mbreti” i kampionateve, Guardiola vlerësohet me çmimin e madh

Sport Ekspres — Wed, 15 May 2019 12:07:05 +0000

Pep Guardiola është trajneri i vitit në Premier Ligë. Spanjolli kurorëzoi me sukses një kampionat mjaft të vështirë me Sitin. Qytetarët arritën të mundnin konkurrencën e ashpër të Liverpulit për t’u shpallur kampion për të dytin vit radhazi.

Trajneri spanjoll është trajneri i parë në histori që arrin të mbrojë titullin në Angli, Spanjë dhe Gjermani. Arritje kjo që tregon edhe një herë që 48-vjeçari është “mreti” i kampionateve. Në të gjithë karrierën e tij ai nuk ka arritur të fitojë vetëm dy vite në Ligat ku ka konkuruar.

Kështu ai meritë merr për herë të dytë rresht çcmimin “Trajneri i vitit” në Angli pas votimit të tifozëve dhe një paneli ekspertësh futbolli. Për këtë çmim ai mundi konkurencën e Klop, Poçetinos dhe Espirito Santo, që drejton Uolvërhempton. Guardiola shprehet i nderuar për çmimin dhe ja dedikon lojtarëve dhe stafit të tij.

“Është nder që marr këtë çmim. Dua ta ndaj me lojtarët sepse ata janë artistët e çdo gjëje. Shkon një dedikim edhe për stafin tim. Kemi luftuar shumë ndaj kundërshtarëve si Klop. Ai ka qenë një konkurent i pabesueshëm deri në fund”, u shpreh Guardiola.

“It’s an honour to receive this award”

Back-to-back @BarclaysFooty Manager of the Season awards for Guardiola ?? https://t.co/tO7LJyfhdd pic.twitter.com/ecJIivxKsX

— Premier League (@premierleague) May 14, 2019

VIDEO | Lojtarët e Sitit “tallen” me Salah dhe tifozët e Liverpulit

Sport Ekspres — Wed, 15 May 2019 11:36:35 +0000

Mançester Siti arriti të fitonte titullin kampion në Angli vetëm në ndeshjen e fundit. Fitorja me rezultatin 1-4 në transfertë ndaj Brajtonit i dha atyre tre pikët, që i nevojiteshin për të ngritur trofeun.

Festa ka qenë e madhe dhe gëzimi nuk ka mbetur vetëm në dhomat e zhveshjes, por një video e filmuar nga stafi na tregon se festa ka vazhduar edhe në avion, gjatë rrugës së kthimit për në shtëpi.

Gjatë filmimit lojtarët e Sitit këndojnë me ritmin e këngëve të tifozëve të Liverpulit. Gjatë këngës “Ole ole” bie në sy vargu “Kompani dëmtoi Salah”, ku tallen me egjiptianin dhe etiketojnë si viktimë Liverpulin, duke imituar tifozët e “The Reds” për të cilët shprehen se qajnë në tribuna dhe zihen nëpër rrugë.

Shpresojmë që kjo të mbetet e gjitha në kuadrin e një shakaje. Gjithsesi vështirë që tifozët e kuq të mos e kenë një përgjigje.

View this post on Instagram

Man City are facing heavy criticism after this chant surfaced online… . . #Football #PL #PremierLeague #MCFC #ManCity #LFC #Liverpool #Chant #TFR

A post shared by The Football Republic (@thefootballrepublic) on May 15, 2019 at 1:43am PDT

Reagon Siti: Njerëz të ndryshëm synojnë të dëmtojnë imazhin tonë

Sport Ekspres — Tue, 14 May 2019 13:56:15 +0000

Gjatë ditës së djeshme doli lajmi se Mançester Siti mund të përjashtohet nga Champions Liga për shkak të shkeljeve me FPF (fair-play financiar). Kampionët e Anglisë kanë reaguar me anë të një deklarate dhe zbulojnë frikën e tyre më të madhe.

Sipas raportimeve të “New York Times”, përfaqësues të dhomës së hetimeve financiare të UEFA-s janë takuar para dy javësh në Zvicër për mbylljen e hetimeve për klubin anglez.

Gazeta amerikane siguron se “Cityzens” do të pezullohen të paktën 1 vit nga Champions Liga. Siti deklaron se vazhdon bashkëpunimin me mirëbesim me UEFA-n, por nuk dëshiron të shprehet pa u mbyllur hetimi i plotë.

Frika më e madhe e drejtuesve është përfshirja e disa personave, të cilët synojnë të dëmtojnë imazhin e klubit dhe interesat komercialë të tij.

Guardiola merr dhuratën e titullit, pranë akordit me një juventin

Sport Ekspres — Tue, 14 May 2019 09:50:40 +0000

Zhoao Kanselo la Interin në verë për t’u transferuar te Juventusi. Sezoni me bardhezinjtë nisi mirë për anësorin portugez, por më pas paraqitjet nuk ishin bindëse dhe forma e lojtarit shkoi në rënie.

25-vjeçari (i mbush me 27 maj), i cili bën mirë të gjitha rolet e krahut të djathtë, mund t’i japë lamtumirën bardhezinjve në verë. Cilësitë e tij pëlqehen shumë nga Pep Guardiola.

Zhoao Kanselo

Spanjolli e dëshiron Kanselon te Siti i tij dhe është gati të paguajë 60 milionë euro për kartonin e lojtarit. Dakord është edhe Juventusi, që do të dilte 28 milionë euro fitim. Alegri ka dhënë lejë për largimin e mbrojtësit dhe tani mbetet të arrihet marrëveshja përfundimtare.

Interesimi i Interit, Gyndogan zbulon prioritetin e tij

Sport Ekspres — Mon, 13 May 2019 11:37:52 +0000

Ilkai Gyndogan është një nga objektivat e Interit për repartin e mesit të fushës. Gjermanit i përfundon kontrata me Mançester Sitin në verën e vitit të ardhshëm, ndërsa rinovimi nuk ka ardhur ende.

Rreth kësaj çështje ka folur vetë lojtari. Gjatë festimeve të titullit ditën e djeshme, 28-vjeçari ka folur në lidhje me interesimin e zikaltërve. Gyndogan mohon bisedimet me klubin italian dhe tregon prioritetin e tij, që është fitimi i FA Cup kundër Uotfordit, finale që do të zhvillohet me datë 18 maj.

“Nuk di gjë për interesimin e Interit, sinqerisht ju them që nuk kam biseduar me askënd në Itali. Jam i përqendruar vetëm te përfundimi i sezonit dhe mendoj vetëm që të fitoj edhe një trofe me ekipin tim”, thekson mesfushori gjerman.

VIDEO | Siti surprizohet nga fansi më i zjarrtë, mini koncert në dhomat e zhveshjes

Sport Ekspres — Sun, 12 May 2019 21:15:15 +0000

Noel dhe Liam Galager janë të njohur për themelimin e grupit të njohur “Oasis”, por jo vetëm kaq. Të dy vëllezërit janë tifozë të thekur të Mançester Sitit.

Sot kanë shijuar një pasdite të mrekullueshme dhe kanë festuar titullin e gjashtë në historinë e “Qytetarëve”. Neol, i cili është këngëtari i bandës, ka qenë i pranishëm në stadiumin e Brajtonit dhe pas fitores ka nxituar për të takuar idhujt e tij.

Ai është futur në dhomat e zhveshjes, aty ku ka performuar përpara të gjithëve të mirënjohurën “Wanderwall”. Momente emocionuese për Guardiolën, djemtë e tij dhe stafin teknik, ndërsa dhomat e zhveshjes kanë marrë pamjen e mini-koncerti.

Impromptu @NoelGallagher gig in the dressing room!! ?

An anthem for the Champions!

? #mancity ? pic.twitter.com/XpcpUV1rMZ

— Manchester City (@ManCity) May 12, 2019

VIDEO | Mallkimi i kuq vazhdon, Siti fiton titullin me përmbysje

Sport Ekspres — Sun, 12 May 2019 15:54:55 +0000

Tifozët e Liverpulit filluan të besonin se mrekullia mund të ndodhte pas avantazhit të Brajtonit, por goli i Mërrej ishte vetëm një iluzion. Mançester Siti reagoi shpejt, përmbysi rezultatin, triumfoi me “poker” golash dhe fitoi titullin kampion.

Liverpulit i duhet të presë akoma, ndërsa trofeu i madh i futbollit anglez mungon që nga viti 1990 në qytetin e “Beatles”. Djemtë e Klop bënë detyrën dhe mposhtën në shtëpi ekipin e Ulvërhempton me rezultatin 2-0.

Dygolëshi i Sadio Mane, i cili u shpall golashënuesi më i mirë bashkë me Salah dhe Obamejang (me nga 22 gola) i dha fitoren vendasve, të cilët e mbyllën kampionatin fantastik me 97 pikë, por që fatkeqësisht nuk mjaftuan për fitimin e titullit.

Pep Guardiola dhe tifozët e “Citizens” u trishtuan shumë kur Glen Mërrej kaloi Brajtonin në avantazh në minutën e 27-të. Ekipit nga Mançester i bënte punë vetëm fitorja dhe Sergio Aguero riktheu qetësinë pas vetëm një minutë.

Francezi Laporte kaloi ekipin e tij në avantazh pa u mbyllur pjesa e parë dhe tashmë Siti ishte kampion i Anglisë. Golat e Mahrez dhe Gyndogan në pjesën e dytë vulosën gjithçka dhe festa nisi, pasi Siti e mbylli sezonin me 98 pikë!

72. We’re nearly there, guys!

What a stunning freekick from @IlkayGuendogan that was! ?

?? 1-4 ? #BHAMCI #mancity pic.twitter.com/vpkRLbxkhg

— Manchester City (@ManCity) May 12, 2019

Ky ishte titulli i dytë rresht me Guardiolën në stol dhe i gjashti në historinë e klubit. Llogaritë e tjera ishin mbyllur prej kohësh dhe java e fundit e Premier Ligës u mbyll me plot 36 gola të shënuar.

Brajton-Mançester Siti 1-4
(Mërrej 27’ / Aguero 28’, Laport 38’, Mahrez 63’, Gyndogan 72’)

Bërnlej-Arsenal 1-3
(Barnes 65’ / Obamejang 52’, 63’, Nketiah 90+4’)

Kristal Palas-Bornmuth 5-3
(Batshuaj 24’, 32’, Simpson (aut) 37’, Van Anholt 65’, Tounsend 80’ / Lerma 45’, Ibe 56’, King 73’)

Fulhem-Njukasëll 0-4
(Shelvi 9’, Perez 11’, Shar 61’, Rondon 90’)

Leister-Çelsi 0-0

Liverpul-Ulvërhempton 2-0
(Mane 17’, 81’)

Mançester Junajtid-Kardif 0-2
(Mendez-Laing (pen) 23’, 54’)

Sauthempton-Hadërsfilld 1-1
(Redmond 41’ / Pritçard 55’)

Totenhem-Everton 2-2
(Dajwr 3’, Eriksen 75’ / Uollkot 69’, Tosun 72’)

Uotford-Uest Hem 1-4|
(Delofeu 46’ / Nobwll 15’, 78’, Lanzini 39’, Arnautoviç 71’)

Ju tregoj si Siti u bë klub i madh, rinovimin e Kompani e flasim me… birra përpara!

Sport Ekspres — Tue, 07 May 2019 12:54:19 +0000

Mançester Siti vuajti shumë për të fituar kundër “dhelprave” të Leisterit në shtëpi. Një gol i Vinsent Kompani në minutën e 70-të zgjidhi hallet e ekipit dhe afroi “qytetarët” me titullin kampion. 33-vjeçari lëshoi një predhë nga jashtë zone, e vetmja mënyrë që mund të mposhte Kasper Shmajkëllin.

Kapitenit belg i përfundon kontrata në fund të këtij sezoni, ndërsa Pep Guardiola flet për mundësinë e rinovimit. Spanjolli e vlerëson shumë qendërmbrojtësin, por gjithçka do të zgjidhet në fund të sezonit.

“Kemi biseduar me Vinsent dhe agjentin e tij para tre javësh. Në fund të sezonit do të bisedojmë qartësisht për të ardhmen, ndoshta me një gotë birrë përpara. Kompani është një qenie humane e mrekullueshme, i cili më ka ndihmuar jashtë mase. Gjithmonë jam trishtuar kur nuk e kam futur në lojë, por e kemi ditur që në çdo moment mund të mbështetemi te personaliteti i tij. Ky klub është bërë kush është sot prej njerëzve si Vinsent”, thekson trajneri spanjoll.

In case Liverpool fans missed Kompany’s goal #MCILEI #ManCity pic.twitter.com/iyqpYTo0U8

— #Team8Rakaat (@ddnainggolan) May 6, 2019

“Të gjithë po më ulërinin që të mos gjuaja…”, Kompani rrëfen golin-titull!

Sport Ekspres — Tue, 07 May 2019 10:21:33 +0000

Leister Siti zhvilloi një ndeshje shumë të fortë dhe i rezistoi për 70 minuta ekipit të Guardiolës. Te tifozët e Mançester Sitit u rrit tensioni dhe frika që mund të humbisnin titullin kampion, por kapiteni vendosi të merrte situatën në dorë dhe ta zgjidhte atë.

Vinsent Kompani marshoi drejt sulmit, nuk i dëgjoi ulërimat e shokëve, të cilët prisnin një pasim, dhe goditi portën. Një e djathtë fantastike që pushoi në trekëndësh. Për të thyer Leisterin nevojitej një kryevepër si ajo e mbrojtësit belg dhe stadiumi kaloi në ekstazë.

Lojtari po mbyll sezonin e 11-të me Sitin dhe zbulon një detaj interesant para shënimit të golit historik, që mund t’i dhurojë titullin kampion ekipit nga Mançesteri.

“Të gjithë po më ulërinin që të mos gjuaja, por nuk kam arritur në këtë pikë të karrierës për të më thënë të tjerët se çfarë duhet të bëj. Luaj me mesfushorë të mëdhenj prej 15 vitesh, të cilët më kërkonin që të mos gjuaja. Ju kam thënë që një ditë do të gjuaj nga jashtë zone dhe do të shënoj gol. Nuk ka shumë rëndësi sasia e golave sesa koha kur i shënon. Kundër Leisterit ishte jetike. Kasper (Shmajkëll) kreu disa pritje deçizive dhe ndoshta vetëm kështu mund të pësonte gol. Ata u mbrojtën mirë dhe vuajtëm në pasimin e fundit. Jam i lumtur për klubin dhe tifozët, por kemi edhe një ndeshje. Nuk kemi fituar akoma asgjë”, përfundon kapiteni i ekipit kryesues.

In case Liverpool fans missed Kompany’s goal #MCILEI #ManCity pic.twitter.com/iyqpYTo0U8

— #Team8Rakaat (@ddnainggolan) May 6, 2019

Ëndërrohet një mesfushë magjike, Visel Kobe në sulm për fantazistin e Sitit!

Sport Ekspres — Fri, 03 May 2019 11:38:48 +0000

Visel Kobe ka në përbërje emra si Andres Iniesta, David Vija dhe Lukas Podolski, por klubi japonez dëshiron të përforcojë akoma edhe më shumë ekipin me lojtarë të mëdhenj.

Sipas raportimeve nga Anglia, Visel Kobe, që renditet në vendin e 12-të me 10 pikë, dëshiron të formojë një mesfushë ëndrrash. Objektivi i madh quhet David Silva, i cili është pjesë e Mançester Sitit. 33-vjeçarit i përfundon kontrata me “Qytetarët” në fund të sezonit të ardhshëm.

Iniesta, David Silva dhe David Vija

Japonezët po përgatisin një ofertë tepër tunduese për Silvën, i cili do të formonte një repart fantastik me Iniestën. Lojtari është në dyshime, pasi më parë është shprehur se dëshiron të rikthehet te Las Palmasi, ekipi i tij i zemrës.

VIDEO | Barcelona “hutoi” edhe lojtarin e Sitit, feston dhe ofendon Liverpulin!

Sport Ekspres — Thu, 02 May 2019 11:38:39 +0000

Në sfidën e një nate më parë mes Barcelonës dhe Liverpulit, i pranishëm në “Camp Nou” ishte edhe futbollisti i Mançester Sitit, Benxhamin Mendi.

Francezi duket se ka qenë për të mbështetur bashkombasit e tij, Umtiti, Dembele dhe Lengle. Gjithsesi, ajo që ka bërë bujë ka qenë festimi i një prej golave, me mbrojtësin e Sitit që feston çmendurisht dhe ofendon edhe Liverpulin duke drejtuar gishtin e mesit.

Watch how Manchester City Defender Benjamin Mendy celebrated Barca win over Liverpool at the CAMP NOU !!! pic.twitter.com/zmeGQTlzx9

— BaffyDaKobbyPop (@BaffyDaKobbyPop) May 1, 2019

Pavarësisht rivalitetit mes Mançester Sitit dhe Liverpulit, gjeste të tilla nuk kanë vend në futboll.

MENDY MOVING MAD ? pic.twitter.com/1E6grq4KPv

— Nabeel (@NA1907_) May 1, 2019

Benfika një “fabrikë” talentesh, mesfushori i do të gjithë te Siti

Sport Ekspres — Wed, 01 May 2019 15:18:49 +0000

Bernardo Silva po bën një sezon të mrekullueshëm me Mançester Sitin. Portugezi është kthyer në një nga pikat e referimit për Guardiolën. 24-vjeçari është një futbollist i dalë nga akademia e Benfikës. Ai u ble nga Siti në vitin 2017, pas tre viteve të mrekullueshme në Monako, ku ishte transferuar nga “skuadra e shqiponjave”.

Ai është kthyer të kalojë kohë në Portugali dhe i intervistuar nga mediat vendase është shprehur i lumtur se Benfika po punon shumë mirë me talentet. Bernardo Silva shprehet se katër prej tyre do të donte ti merrte te Mançester Siti. Lojtarët që ai dëshiron janë sulmuesit Zhoao Feliks (19 vjeç) dhe Jota (20 vjeç), mesfushori Florentino Luis (19 vjeç) dhe mbrojtësi 22-vjeçar, Ferro.

Zhoao Feliks

“Më vjen shumë mirë që Benfika po nxjerr të rinj cilësorë. Ferron, Zhoao Feliksin, Florentino Luis, dhe Jotën, që ka luajtur më pak, dua t’i marr të gjithë te Mançester Siti. Janë të katërt lojtarë me shumë potencial”, u shpreh mesfushori.

Ferro

Florentino Luis

Jota

VIDEO | Siti me një dorë te titulli, Aguero “shemb” Bërnlejn

Sport Ekspres — Sun, 28 Apr 2019 15:05:43 +0000

Tifozët e Liverpulit do të kenë shpresuar shumë, aq më tepër kur pjesa e parë midis Bërnlejt dhe Mançester Sitit u mbyll në barazim pa gola. Megjithatë, Sergio Aguero vendosi të merrte përdore ekipin dhe ta udhëhiqte drejt titullit të dytë rresht kampion.

Goli i argjentinasit në minutën e 63-të vendosi fatet e kësaj përballje tepër të luftuar. Një mbrojtës i Bërnlejt largoi topin në vijën fatale, por teknologjia vendosi gol, pasi topi kishte kaluar vijën fatale

Siti dominoi në çdo aspekt, por vendasit u mbrojtën me forca të shumta dhe qëndruan për më shumë se një orë lojë. Ky trepikësh i ngjit “qytetarët” në kuotën e 92 pikëve (një më shumë se Liverpuli), kur kanë mbetur edhe dy ndeshje deri në fund.

Sfida e radhës është kundër Leister Sitit në shtëpi, ndërsa javën e fundit Mançester Siti do të udhëtojë drejt Brajtonit.

Bërnlej-Mançester Siti 0-1
(Aguero 63′)

Pëlqehen dy lojtarë të Guardiolës, Interi hedh hapin e parë

Sport Ekspres — Sun, 28 Apr 2019 11:40:39 +0000

Interi është shumë pranë kualifikimit në Champions Ligë. Diçka e tillë do të thotë rritje e të ardhurave dhe më shumë merkato. Marota dhe Auzilio po bëjnë maksimumin për të përforcuar ekipin.

Drejtuesit kanë piketuar dy lojtarë, të cilët janë pjesë e Mançester Sitit. Ilkai Gyndogan dhe braziliani Danilo janë të preferuarit e Interit, siç raportojnë mediat angleze. Interi ka kontaktuar dy agjentët e lojtarëve, ndërsa klubi nga Mançesteri akoma nuk është shprehur mbi mundësinë e shitjes së dyshes.

Gjermanit i përfundon kontrata me “qytetarët” në fund të sezonit të ardhshëm, ndërsa palët po punojnë për rinovimin e saj.

Problem mbetet fakti që Siti po kërkon Rodrigon e Atletiko Madrid dhe Fernandez të Sportingut të Lisbonës. Afrime të tilla do të reduktonin hapësirat e Gyndogan. Ky i fundit pëlqehet shumë nga Guardiola, por lojtari do të ishte gati të provonte një aventurë të re, nëse posti i titullarit vihej në dyshim.

Më e lehtë është rruga drejt Danilos. Mbrojtësi i krahut nuk po aktivizohet shumë dhe e sheh me sy të mirë largimin drejt një kampionati tjetër. Siti kërkon rreth 50 milionë sterlina për të dy lojtarët, ndërsa Interi vazhdon punën për të gjetur marrëveshjen me ta.