Mançester Junajtid

Dibala vendos, ja ç’ndodh rreth transferimit te Junajtid

Sport Ekspres — Sun, 04 Aug 2019 19:16:15 +0000

Juventusi ishte shumë pranë Lukakut dhe largimit të Dibala nëpërmjet një ndërrimi mes dy yjeve. Megjithatë, mediet italianë raportojnë se asgjë nuk do të ndodhë për momentin. Është argjentinasi ai që ka bllokuar transferimin.

Paulo pati paraqitur kërkesat e tij rreth kontratës së re, por Juanjtid nuk ishte gati t’i plotësonte të gjitha. Kjo ka sjellë refuzimin e Dibalas dhe bllokimit e operacionit të ardhjes së Lukakut në Torino.

Dibala do të kryejë vizitat mjekësore të hënën në “J Medical” dhe më pas do i bashkohet torinezëve në stërvitje. Situatë e paqartë për argjentinasin. Juventusi nuk i ofron një vend titullari dhe do i duhet të bëjë maksimumin për të siguruar një vend në 11-she.

E konfirmon trajneri, Junajtid vendos rekordin historik

Sport Ekspres — Sat, 03 Aug 2019 11:06:35 +0000

Mançester Junajdit ka hapur thesin për të mbyllur “plagët” e mbrojtjes. Ata pritet të zyrtarizojnë blerjen më të shtrenjtë në histori të një mbrojtësi. Herri Meguajer do të jetë lojtari më i ri i Junajtid brenda pak ditësh.
Këtë e konfirmon vetë trajneri i Leister Sitit, Brendan Roxhers, i cili deklaron se klubet kanë gjetur marrëveshjen dhe mbetet vetëm mbyllja e termave financiare me lojtarin. Meguajer do i kushtojë “Djajve” rreth 93 milionë euro, duke thyer kështu rekordin prej 85 milionësh të vendosur nga Liverpuli për blerjen e Van Dijk.

“Ka një marrëveshje. Klubet kanë rënë dakort mbi një shumë të caktuar. Tani koha e mbetur është për të mbyllur çëshjet financiare me lojtarin. Pas fundjavës do të ketë zhvillime konkrete”, deklaroi Roxhers, që konfirmon kështu largimin e një prej yjeve të ekipit të “Dhelprave”.

Junajtid me mbrojtje “të vobektë”, nis ofensivën për një katalanas

Sport Ekspres — Wed, 31 Jul 2019 07:27:21 +0000

Mançester Junajtid po ushtron të gjithë fuqinë financiare për të kompletuar një repart “të plagosur” si mbrojtja. Në vend të parë qëndron Herri Meguajer, por në listën e Solskjaer ekziston edhe Samuel Umtiti. Francezi nuk e ka shumë të sigurt qëndrimin në Barcelonë.

Sezonin e kaluar ai vuajti konkurrencën e fortë të bashkëkombasit të tij, Lengle. Ky fakt e dëmtoi jo pak atë në formën e tij. Junajtid prej kohësh ka treguar interes. Barça nuk e ka nxjerrë në shitje, por nëse vjen një ofertë mbi 60 milionë euro mund të ndryshojë mendjen e Bartomeut.

Junajtid ofron 50 milionë euro, por pritet të ngrejë ofertën. Megjithatë, Barça duhet t’i paraprijë ikjes së tij. Ikja e Umtiti varet nga ardhja e Alaba. Ylli austriak as nuk e ka pohuar dhe as nuk e ka mohuar kalimin te katalanasit. Një klub si Barça ja ndërron mendjen çdokujt, edhe nëse luan në Bavari.

Dibala me një këmbë jashtë, agjentët takim në Angli

Sport Ekspres — Tue, 30 Jul 2019 20:34:48 +0000

E ardhmja e Paulo Dibalas ka ardhur në një “degëzim”. Vendi i tij te Juventusi nuk është aspak i sigurt. Bardhezinjtë nuk kanë në plan për ta mbajtur e aktivizuar si një 9 fals, por duan të sjellin një numër 9 tipik. Romelu Lukaku është dëshira e Sarrit.
Së pari duhet larguar Paulo Dibala, agjentët e të cilit kanë fluturuar drejt Anglisë për të shqyrtuar pikërisht propozimin financiar të Mançester Junajtid. Mediet angleze raportojnë se marrëveshja me lojtarin është pranë.

Situatë kjo, që shkon në favor të Juves. Ata nuk do të lodhen për të negociuar për Lukakun, por planifikojnë të propozojnë shkëmbimin mes dy yjeve. Një shkëmbim nga ku do të përfitonte Junajtid, pasi Dibala vlen më shumë se Lukaku në treg, ekzaktësisht 15 milionë më shumë.

“Çmendet” Perez, oferta e fundit për Pogba është historike

Sport Ekspres — Sun, 28 Jul 2019 11:24:59 +0000

Florentino Perez nuk e sheh dot Realin në këtë gjendje dhe do të hapë thesin përsëri. Dëmtimet e kanë kushtëzuar shumë, por edhe një ndërhyrje në merkato ishte e nevojshme që përpara miqësoreve. Pol Pogba është objektivi kryesor i të bardhëve.
Francezi dëshiron të bashkohet me Zidan dhe është gati ta lërë Junajtid. Mino Raiola është “gatitu” për realizimin e një operacioni të tillë. Sipas medieve evropiane, Perez ka gati plot 166 milionë euro për të sjellë në “Santiago Bernabeu” kampionin e botës.

Junajtid pritet të dorëzohet përballë këtij “lumi” parash. Milionat e përfituara nga shitja e tij, Solskjaer do i përdorte për të sjellë Sergej Milinkoviç-Saviç dhe Bruno Fernandes. Nëse ky operacion do kryhet, Pogba do ishte blerja më e shtrenjtë e La Ligas, shitja më e shtenjtë e Premier Ligës dhe transferimi e tretë më i madh në histori.

Sergej drejt Junajtid, Pogba-Real është “autostradë”

Sport Ekspres — Sat, 27 Jul 2019 19:37:33 +0000

Pogba ja ka bërë të qartë klubit të Junajtid përmes agjentit të tij se dëshiron të largohet. Anglezët nuk kanë ndërmend të lëvizin në lidhje me ikjen e tij, pa sjellë një tjetër lojtar që i afrohet cilësive të francezit. Mediet evropiane raportojnë se është arritur marrëveshje me Lacion për të transferuar Sergej Milinkoviç-Saviç.

Junajtid do të derdhin 80 milionë euro në arkat e klubit ku drejton Igli Tare. Kjo lëvizje i hap rrugën largimit të Pogba. Juventus dhe Real Madridi janë dy klubet që kanë treguar interes për të. “Zonja” për momentin e ka shumë të vështirë të hyjë në garë për kampionin e botës, duke parë se ka plot 12 mesfushorë në organikën e saj.

Reali ka nevojë urgjente për një mesfushor të madh. Pas humbjeve të njëpasnjëshme dhe dëmtimeve të shumta, me shumë mundësi Perez do të bindet të hapë thesin përsëri për një yll. Do të hasen vështirësi për të bindur Junajtid. Anglezët nuk e kanë aspak me ngut dhe nuk ulen në bisedime nëse nuk vjen një ofertë, që i afrohet 150 milionë eurove.

Lajmi i fundit | Arrihet akordi, vendoset e ardhmja e Milinkoviç-Saviç

Sport Ekspres — Fri, 26 Jul 2019 19:45:24 +0000

Lacio ka arritur të marrë sa mundte nga cilësite e Sergej Milinkoviç-Saviç dhe tani ka ardhur momenti, që serbi të bëjë hapin më të madh të karrierës. Mediet evropiane raportojnë se Lacio ka arritur marrëveshjen me Mançester Junajtid për transferimin e mesfushorit.

“Djajtë e Kuq” do të derdhin 80 milionë euro në arkat e klubit italian për 24-vjeçarin. Gjithçka është e kryer dhe në ditët në vazhdim ylli ballkanas do të fluturojë drejt Mançesterit për t’iu nënshtruar vizitave mjekësore.

Një lëvizje që pritej kjo, pasi edhe presidenti Lotito pati konfirmuar se lojtari dëshiron të largohet dhe e ka të pamunduar ta mbajë. Biznes i jashtëzakonshëm i Igli Tares, që e shet me dhjetfishin e vlerës që e solli nga Genk në vitin 2014.

Një mbrojtës më pak për Solskjaer, Meguajër tani i domosdoshëm

Sport Ekspres — Thu, 25 Jul 2019 20:25:04 +0000

Junajtid ka ndoshta mbrojtjen më të dobët të 6 vendeve të para të Premier Ligës. Ky repart është ai që ka çaluar më shumë sezonin e kaluar, duke pësuar gola shumë lehtë. Smolling dhe Xhons ishin të pafuqishëm për të mbajtur presionin e kundërshtarëve në pjesën e fundit të sezonit.
Erik Bejli dhe Lindelof vuajtën pasojat e dëmtimeve. Meguajer akoma nuk po duket në horizont dhe ç’është më e keqja, afrikani është dëmtuar përsëri. Bejli ka pësuar dëmtim në një duel me koreanin Son në ndeshjen, që “Djajtë” e fituan 2-1 ndaj Totenhemit në ShBA.

Mbetet për t’u ekzaminuar serioziteti i lëndimit. Nëse Bejli do qëndrojë shumë kohë jashtë, Junajtid do i duhet të bëjë një sforco të madhe finale. Herri Meguajer është objektivi i tyre më i madh. Leister kërkon 80 milionë paund, shifër që Junajtid duket se do jetë i detyruar ta nxjerrë nga xhepat.

De Geas nuk i mjaftojnë milionat, kërkon edhe diçka nga Junajtid

Sport Ekspres — Tue, 23 Jul 2019 16:42:44 +0000

David De Gea duket se është bindur për të rinovuar me Juanjtid dhe së shpejti do të vendosë firmën mbi kontratë. Ai do të jetë portieri më i paguar në botë, duke fituar 375 mijë paund në javë. Por spanjolli nuk mjaftohet me kaq.
Në një intervistë për mediet ishullore intervistë ai shprehet se shiriti i kapitenit është një nder i madh dhe mendon se e meriton sepse ndihet si një nga lojtarët më me përvojë pas nëntë vitesh mes katërkëndëshit të “Djajve të Kuq”.

“E kam mbajtur shiritin për disa ndeshje. Është e mahnitshme të jesh kapiten i një klubi si Mançester Juanjtid dhe të mbroj këtë simbol. Do të isha shumë i lumtur nëse shiriti më besohej mua. Është sezoni im i nëntë, ndjehem si një nga lojtarët më me përvojë”, u shpreh De Gea.

De Ligt flet hapur: Paragjykues dhe të bezdishëm, ja pse nuk zgjodha Junajtid

Sport Ekspres — Mon, 22 Jul 2019 21:16:45 +0000

Matijs De Ligt është transferuar te Juventusi, por ky sezon ka qenë shumë i vështirë për të nga ana personale. I është dashur të zgjedhë klubin ku do vazhdojë karrierën, ndërkohë që i rrinin gjithë gjigantët evropianë në kokë.

Mbrojtësi tregon se shumë herë qeshte me mesazhet që i shkonin, por kishte një moment që ndihej i mbingarkuar dhe nuk e duronte dot gjithë atë presion. Thashethemet e merkatos mbi Junajtid, që një vit më parë e kishte refuzuar, shkaktuan probleme edhe te babai i tij.

“Është shkruar dhe thënë shumë çdo ditë e natë. Ishte e bezdisshme me aq shumë sa u spekulua. Kam qeshur në shumë momente me mesazhet që vinin, por gjithashtu vjen një moment që lodhesh. Papritur, edhe babi im ishte i shëndoshë për ta, sepse dikur më refuzuan (Junajtid). Kjo dhe shumë gjëra të tjera, më bënë që të mos i zgjedh ata”, deklaroi De ligt.

Bejl në “stendë”, Reali mori katër ‘shuplaka’ të ndryshme!

Sport Ekspres — Mon, 22 Jul 2019 17:14:56 +0000

Garet Bejl bëhet çdo ditë e më shumë i tepërt në “Santiago Bernabeu”. Zidan prej kohësh është treguar i drejtpërdrejtë me të, duke i kërkuar të largohet. Ka ardhur koha që fjala e francezit të zbatohet. Për këtë po mundohen mjaft edhe drejtuesit.
Ata kanë në plan të fitojnë para nga shitja e uellsianit. Pas deklaratës së Zidan, që u shpreh se Bejl do largohet dhe klubi po punon për këtë, dalin edhe prapaskenat e para. Florentino Perez ia ka ofruar Bejlin katër gjigantëve evropian.

Inter, Totenhem, Bajern Mynih dhe Mançester Junajitd kanë pasur kartonin e “golfistit” në tavolinë. Klubi i bardhë ka marrë një “jo” të katërfishtë. Kështu, Kina mbetet alternativa e vetme për uellsianin. Në Azi, Bejl do të bëhet një nga më të paguarit e rruzullit.

Disfata ndaj Junajtid, Konte: Interi im ka nevojë të përmirësohet!

Sport Ekspres — Sat, 20 Jul 2019 17:55:05 +0000

Interi u shfaq zhgënjyes në miqësoren ndaj Mançester Junajtid. Zikaltrit u mundën 1-0, por ajo që bie në sy është aftësia e ulët për të qarkulluar topin dhe mungesa e goditjeve në kuadrat gjatë gjithë ndeshjes.

Pas sfidës foli Antonio Konte. Trajneri, përtej paraqitjes zhgënjyese, duket optimist. Gjeja e vetme pozitive që nxjerr nga kjo ndeshje është angazhimi i të gjithë lojtarëve në fushë.

“Sa i përket aspekteve pozitive, pashë angazhimin e të gjithë lojtarëve. Kjo është e rëndësishme, pasi vinim pas seancave shumë të forta stërvitjeje. Kemi nevojë për shumë përmirësime, por nuk mund ta bëjmë këtë në një kohë kaq të shkurtër.”

“Duhet të punojmë për gjithçka. Nuk ka shumë kohë për t’u rikuperuar fizikisht pas kësaj ndeshje. Duhet jo vetëm të luajmë, por edhe të stërvitemi për të përmirësuar dhe kuptuar situatat gjatë ndeshjeve”, përfundoi tekniku i zikaltërve.

Junajtid-Juventus, takim për yllin e sulmit

Sport Ekspres — Fri, 19 Jul 2019 15:54:02 +0000

Mançester Junajtid kërkon Paulo Dibalën. “Gazzetta dello Sport” raporton se Junajtid kanë treguar interes konkret për yllin argjentinas. Anglezët kanë kërkuar një takim kokë më kokë me drejtuesit e Juventusit. Paulo sezonin e fundit është përballur mjaft me stolin, aq sa largimi ishte pas dere.
25-vjeçari ka një vlerë prej 90 milionë eurosh në merkato. Juventusi nga shitja e tij do të përfitonte mjaft të ardhura për të bërë përforcime të tjerë. Megjithatë, për momentin mundësia e largimit nuk diskutohet. Ardhja e Sarrit i ka zhdukur mendimet e largimit për argjentinasin.

Italiani dëshiron t’i ndërrojë rol sulmuesit duke e vendosur në qendër, pozicion që e “ka qarë” te Palermo. Mbetet për t’u parë e ardhmja e argjentinasit, pasi ardhja e Ikardit do të ngatërronte gjithçka. Junajtid janë aty, gati për t’i “shtruar” tapetin e kuq.

VIDEO | Dy ekipet e Mançesterit fitojnë me “poker”, shkëlqen Rodri

Sport Ekspres — Wed, 17 Jul 2019 16:13:07 +0000

Mançester Siti dhe Junajtid kanë arritur të fitojnë ndeshjet përkatëse në kuadër të fazës pregatitore para nisjes së sezonit. Të dy gjigantët anglez i kanë “shtypur” kundërshtarët e tyre, duke u shënuar nga katër gola.

Djemtë e Guardiolës kanë mundur me rezultatin 4-1 Uest Hemin. Ata kanë vijuar me formën e mirë që mbyllën edhe sezonin e kaluar. Ishin londinezët që kaluan të parët në avantazh me atë të një penalltie të shndërruar në gol nga Mark Noble.

Gjithsesi, djemtë e Guardiolës kanë përmysur nëpërmjet golave të David Silvës, Lukas Nmecha dhe dopietës së të zakonshmit Stërling. Një nisje bindëse e “Qytetarëve”, duke parë që kanë mundur një kundërshtar jo të vogël, që do e shohin përsëri në Premier Ligë. Ndeshja u zhvillua në Kinë, ku po luhet për trofeun “Premier League Asia”. Një prezantim mjaft cilësor i Rodrit, i cili shijoi për herë të parë një ndeshje me fanellën e kaltër.

Miqësore, “Premier League Asia Trophy”

Mançester Siti-Uest Hem 4-1
Noble (p) ’26 / D. Silva ’34, Nmeca (p) ’36, Stërling ’60 ‘72

Edhe Mançester Junajtid nuk kanë mundur një kundërshtar të rëndomtë, por Lids Junajtid. Dy klubet gëzojnë një urrjetje të madhe e të ndërsjelltë me njëri-tjetrin prej shume kohësh. Ndeshja ka përfunduar me rezultatin 4-0 për ekipin e drejtuar nga Solskjaer. Ata nuk e kanë vënë aspak fitoren në diskutim, duke e dërguar topin në rrjetë nga dy herë për pjesë. Golat janë shënuar Mason Grenud, ku bie në sy asisti i Van Bisakës, Markus Rashford, Fill Xhons dhe Antoni Martial me penallti.

Miqësore

Mançester Junajtid-Lids Junajtid 4-0
Grinud ‘7, Rashford ’27, Xhons ’51, Martial ‘69

E kryer | Lukaku lojtar i Interit, Junajtid përfiton shifra të çmendura

Sport Ekspres — Tue, 16 Jul 2019 18:46:50 +0000

Nga Spanja e bëjnë të kryer: Romelu Lukaku është lojtar i Interit. Siç pati premtuar vetë sulmuesi belg, kjo do të jetë java vendimtare për bashkimin e tij me Inter. 25-vjeçari ka kohë që ka arritur marrëveshjen me klubin italian dhe pret vetëm bindjen e Junajtid.
Si duket edhe klubi anglez e ka përfunduar rezistencën e tij pas propozimit të fundit nga Marota. Lukaku do të zbarkojë në Milano në këmbim të plot 80 milionë eurovë, për t’u shndërruar në blerjen më të shtrnjtë të historisë së Interit.

Oferta fillestare e zikaltërve ishte 65 milionë plus bonuset. Junajtid nuk hynte në bisedime për një ofertë më të ulët 80 milionë. Këmbëngulja e Kontes ka bërë që drejtusit ta ngrejnë dorën. Në ditët e ardhshme ai pritet të zbarkojë në Milano për të vendosur të zezën mbi të bardhë.

Kutinjo: Rikthim te Liverpuli? Nuk e di nëse kanë nevojë

Sport Ekspres — Mon, 15 Jul 2019 20:30:18 +0000

Filip Kutinjo nuk ka përjetuar aspak një periudhë të mirë në Barcelonë. Braziliani nuk ka arritur të jetë vetvetja në “Camp Nou”. Largimi nga katalanasit një alternativë mjaft e mundshme. Në lidhje me këtë temë ka folur agjenti i Kutinjos, Jorabkian.

Mançester Junajdit e ka ndjekur prej kohësh brazilianin dhe mund të ndërhyjnë me një ofertë. Megjithatë, agjenti i tij shprehet se transferimi te ata është gati i pamundur. Kutinjo nuk dëshiron të shkojë atje për shkak të konkurencës që “Djajtë” kanë me Liverpulin. I pyetur për një rikthim në “Anfield”, Jorabkian e lë “topin” nga ana e kampionëve të Evropës.

“Mançester Junajtid janë një klub i madh. Kam lojtarë në menaxhim atje dhe ka një respekt të madh për stafin. Megjithatë, është gati e pamundur që Kutinjo të transferohet në ‘Old Trafford’. Është shumë e vështirë që ai të luajë për ndonjë rival të Liverpulit. Ai ka një lidhje të madhe me atë klub. Koha atje ishte e mrekullueshme për të.”

“Rikthim? Liverpul kanë ndërtuar një skuadër të frikshme. Trajneri ka krijuar një balancë shumë të mirë. Janë një nga klubet më të kompletuar. Pra, me ndërtimin që i kanë bërë ekipti, nënshkrimi i Kutinjos do të bëhej vetëm nëse ata ndiejnë se kanë një boshllëk, të cilin do e mbulonte ai. Në këtë moment është shuëm e vështirë që Liverpul dhe Kutinjo të ribashkohen”, u shpreh agjenti.

Në Angli vetëm Junajtid, Solskjaer bëri çmos të më mbante

Sport Ekspres — Mon, 08 Jul 2019 19:43:06 +0000

PSG pavarësisht largimit të Rabiot ka arritur të bëjë një afrim tjetër të madh me kosto zero. Ander Herrera është integruar tashmë në ekipin e ri dhe është gati për të nisur aventurën pariziene.
Spanjolli në një intervistë për mediet franceze tregon se përse zgjodhi Parisin. I shprehet mirënjohes Junajtid dhe në fund deklaron se ata u kujtuan vonë për ta mbajtur.

“Pse PSG? Sepse pasi të lija Junajtid, klubin më të madh në Angli duhej një klub si Parisi. Janë klubi më i madh në Francë. Nuk mund të luaja për një klub tjetër në Angli. Koha e kaluar atje ka qenë e mrekullueshme.”

“Kam luajtur 189 ndeshje dhe kam qenë i rëndësishëm për të gjithë trajnerët. Kam shijuar çdo moment atje. Solskjaer bëri shumë për të më mbajtur, por gjërat nuk ndodhën. Ata mbërritën vonë dhe atëherë kisha vendosur se do luaja me Parisin”, u shpreh Ander Herrera.

Lumë ofertash për Bakajokon, vendimin final e jep Lampard

Sport Ekspres — Mon, 08 Jul 2019 17:14:59 +0000

Bakajoko është kthyer te Çelsi pas një huazimi njëvjeçar në Milano. Mesfushori ka treguar një nivel të kënaqshëm te kuqezinjtë, pavarësisht marrëdhënies jo të mirë me ish-trajnerin Gatuzo. Francezi nuk e ka vendin të sigurt te Çelsi, edhe pse këto të fundit nuk mund të bëjnë merkato këtë verë.
Mediet e mëdha evropiane raportojnë se PSG është futur në garë për të siguruar shërbimet e tij. Leonardo e njeh mjaft mirë 24-vjeçarin dhe ka besim se ai mund të jetë i suksesshëm në “Parc de Princes”. Kontrata aktuale e Bakajoko me Çelsin përfundon në vitin 2022.

Për ish-lojtarin e Monako interesohet edhe Mançester Junajtid. Djajtë e kuq janë treguar konkretë me atë çka kërkojnë dhe kanë telefonuar drejtuesit e Çelsit. Blutë e Londrës nga ana e tyre do duhet të vendosin bashkë me lojtarin. Në ditët në vijim mesfushori dhe Lampard do të kenë një takim, ku do vendoset përfundimisht e ardhmja e Bakajoko.

Igli Tare fluturon në Mançester, bisedime për mesfushorin

Sport Ekspres — Fri, 05 Jul 2019 20:12:49 +0000

Mançester Junajtid është i interesuar për Milinkoviç-Saviç. Serbi është një nga xhevahirët e merkatos, me Lacion që dëshiron të fitojë sa më shumë prej tij. Sipas “Sport Mediaset”, Igli Tare ka fluturuar drejt Mançesterit për të biseduar rreth transferimit të mesfushorit në Angli.

Junajtid ka vite që e ndjek 24-vjeçarin. PSG është rivali i klubit ishullor për lojtarin e Lacios. Megjithatë, kërkesa prej 80 milionë eurosh e Igli tares e ka bërë të tërhiqet klubin nga Franca. Junajtid do e paguante pa problem këtë shifër pas largimit të Pogba.

Francezi është me një këmbë jashtë, duke parë edhe deklaratat e Mino Raiolës, që u shpreh po punohet për transferimin e Pogba. Juventus ose Real Madrid janë në garë për yllin francez, me Junajtid që nuk e lëshon pa 150 milionë euro.

Ylli i “Dhelprave” kërkon largimin, “buzëqesh” Mançesteri

Sport Ekspres — Wed, 03 Jul 2019 19:14:29 +0000

Leister edhe pse jo një klub me buxhet shumë të madh ka treguar se paratë nuk janë primare, përpara mbajtjes së yjeve të ekipit. Herri Meguajer është lojtari i radhës që kërkohet me ngulm nga gjigantët e futbollit anglez, me Leister që ka ngritur “barrierën”.
Dy klubet e Mançesterit janë treguar këmbëngulës për të siguruar shërbimet e qendërmbrojtësit. Leister është i qartë me kërkesat e tij. “Dhelprat” duan të paktën 107 milionë euro për ta lënë Meguajer të lirë. Një shifër shumë e lartë dhe gati e papërballueshme.

Megjithatë, lëvizja e fundit e mbrojtësit mund ta detyrojë klubin të ulë çmimin e tij. Sipas medieve angleze, Meguajer ka kërkuar zyrtarisht largimin tek drejtusit e klubit. Kjo lëvizje e detyron Leisterin të pranojë negociatat me klubet e interesuara. Oferta e parë e Junajtid prej 80 milionë eurosh është refuzuar.

Një propozim pak më i lartë pritet të pranohet nga Leister. Ndërkohë nuk duhet të harrojmë interesin e Sitit, me Guardiolën që e pëlqen shumë mbrojtësin. Pjesëmarrja në Champions League dhe cilësia e një skuadre si Siti mund ta shtyjë Meguajer të zgjedhë të kaltrit e Mançesterit.

Olmo i shkel syrin Milanit: Momenti për ndryshim

Sport Ekspres — Wed, 03 Jul 2019 17:28:51 +0000

Dani Olmo është një nga talentet më të mëdhenj të gjeneratës së re të Spanjës. 21-vjeçari i rritur në “La Masia” dhe transferuar më pas në Kroaci te Dinamo e Zagrebit ka mrekulluar gjithë klubet e mëdha evropiane. Barcelona, Junajtid, Milan e klube të tjera kanë shfaqur interes për talentin e “Furisë së Kuqe”.
Mediet evropiane raportojnë se Junajtid është gati të japë 40 milionë euro për Olmon. Dinamo e Zagrebit synon ta mbajë edhe një sezon tjetër për të rritur vlerën e tij, megjithatë vetë lojtari nuk e dëshiron këtë gjë. Në një intervistë, Olmo shprehet se është i lumtur për eksperiencën e kaluar në Kroaci. Megjithatë, shpjegon se ka ardhur momenti për të lënë Ballkanin dhe bërë përpara në një klub të madh.

“Vendimi për të lënë Barcelonën për Dinamon ishte i vështirë. Megjithatë, ishte më e mira për mua. Tani po marr frytet e atij vendimi dhe jam i kënaqur që kam luajtur në Kroaci. Mendoj se ka ardhur momenti për të bërë hapa para. Do shohim se ç’do ndodhë. Vera është e gjatë”, përfundoi ylli i Dinamos së Zagrebit.

Mançesteri nuk kursehet, një portugez zëvendëson Herrerën

Sport Ekspres — Wed, 03 Jul 2019 16:58:55 +0000

Ikja e Ander Herrera ka krijuar jo pak probleme në Mançester. Mesfushori ishte një nga pikat kryesore dhe tani Junajtid duhet të “hapin thesin” për të sjellë një zëvendësues të denjë. Bruno Fernandez është kandidati kryesor për të ardhur në “Old Trafford”.
Solskjaer e pëlqen shumë fantazistin e Sportingut të Lisbonës dhe ka nisur negociatat me klubin portugez. Oferta e parë e anglezëve prej 34 milionë eurosh është refuzuar menjëherë. Mediet angleze njoftojnë se kërkesat e klubit portugez janë shumë më të larta. Duhen të paktën 55 milionë euro për ta parë Fernandez të veshur me fanellën e Junajtid.

Fantazisti ishte një lojtarët më të spikatur të kampionatit portugez sezonin e kaluar. Ai u shpall golashënuesi më i mirë i skuadrës së tij, me plot 20 gola. Një si ai është gjithçka mungon në “Old Trafford”. Lojtar që organizon shumë mirë sulmin dhe ka marrëdhënie perfekte me golin.

E do gjithë Evropa, Junajtid hedh hapin e parë për spanjollin

Sport Ekspres — Tue, 02 Jul 2019 18:59:27 +0000

Dani Olmo është një nga talentet që ka ”çmendur” gjithë klubet e mëdha evropiane. E kërkojnë të gjithë duke nisur nga Barcelona deri te Junajtid, Milan apo PSG. Spanjolli është i rritur në “La Masia” për t’u laguar më pas në Kroaci te Dinamo e Zagrebit.

Barcelona duket se ëshë penduar për largimin e talentit dhe kërkon ta rikthejë. Olmo ishte një nga lojtarët, që tërhoqën të rinjtë e Spanjës në triumfin e Kampionatit Evropian. Skuadra e parë që nis ankandin për 21-vjeçarin është Mançester Junajtid.

Anglezët kanë gati ofertën prej 40 milionë eurosh për të bindur kroatët e Dinamos ta lënë të lirë “xhevahirin” e tyre. Edhe Milani ka shfaqur mjaft interes, por akoma nuk e ka marrë guximin për të nisur ofertën e parë drejt Zagrebit. E sigurtë është se Olmo do të zbarkojë në një prej gjigantëve evropianë këtë verë.

Talenti Van-Bisaka: E pabesueshme ta quaj veten lojtar të këtij klubi!

Sport Ekspres — Sat, 29 Jun 2019 21:32:10 +0000

Aron Van Bisaka është lojtari më i ri i Mançester Junajtid dhe njëkohësisht anglezi më i shtrenjtë në histori. “Djajtë e Kuq” arritën ta bënin të tyrin 21-vjeçarin në këmbim të 55 milionë eurove, që shkuan në arkat e Kristal Palas. Si në çdo prezantim edhe Bisaka ka përshkruar emocionet e para me fanellën e re.

Ai shprehet se çdo fëmijë ëndërron të vishet i kuq dhe i duket e pabesueshme kur e quan veten lojtar të Mançester Junajtid. Anglezi shprehet se dëshironte shumë të ishte pjesë e projektit të ringritjes së këtij klubi, si dhe tregon se ka folur me Solskjaer për planet që ka trajneri në lidhje me të.

“Është e pabesueshme ta quaj veten lojtar i këtij klubi. Ndihem shumë i nderuar të bëhëm pjesë e Mançester Junajtid. Pak lojtarë e kanë këtë privilegj. Çdo fëmijë dëshiron të luajë për një skuadër të tillë. Do bëj maksimumin për të gëzuar klubin dhe tifozët.

Trajneri Solskjaer më ka siguruar në lidhje me planet e tij dhe çfarë do bëjë me ekipin. Doja të behësha pjesë e planit të tij për të ringritur Junajtid aty ku e ka vendin”, tha mes të tjerash talenti anglez.

Junajtid pa frena, “rrëmben” yllin e rivalëve të përjetshëm!

Sport Ekspres — Sat, 29 Jun 2019 20:35:55 +0000

Mançester Junajtid më në fund kanë shpërthyer në merkato dhe duket se nuk do kenë të ndalur. Pas ardhjes së Daniel Xhejms dhe Van Bisaka, Solskjaer synon një blerje që do trondiste gjithë themelet e futbollit ishullor. Pier Emerik Obamejang është objektivi i radhës në merkaton e “Djajve të Kuq”.

30-vjeçari është një nga më të mirët në Premier Ligë. Sezonin e fundit ai arriti të shënonte plot 31 gola në të gjitha garat me Arsenalin. Kështu, Solskjaer mendon se nuk ka kandidat më të mirë se Obamejang për të zëvendësuar Romelo Lukakun. Belgu është shprehur se dëshiron të largohet nga Junajtid.

Interi pritet të jetë destinacioni i tij i ardhshëm. Nga shitja e Lukakut, në “Old Trafford” do të vinte një thes me para, që Solskjaer do i ketë të gjitha në dispozicion për të joshur Arsenalin dhe lojtarin. Topçinjtë nga ana e tyre e konsiderojnë shumë të rëndësishëm nga Gaboni dhe nuk e konsiderojnë shitjen.

Mungesa e fondeve për të sjellë përforcime, do të ishte e vetmja arsye që klubi londinez mund të heqë dorë nga Obamejang. Në këtë çështje, dëshira e lojtarit pritet të jetë tepër e rëndësishme. Ditët në vijim do të zbardhin gjithçka.

“27 vjeç, i alkoolizuar dhe pa shoqëri”, rrëfimi prekës i ish-portierit

Sport Ekspres — Sat, 29 Jun 2019 19:03:42 +0000

Karriera e një futbollisti është aq e brishtë sa mund të prishet me gabimin më të vogël. Duhet një personalitet shumë i fortë dhe vetëdija se duhet të qëndrosh sa më larg veseve dhe arrogancës. Ky është çelësi i suksesit të një karriere të madhe dhe solide.
Cilësi të tilla i kanë munguar ish-portierit të Junajtid, Roi Carroll. 41-vjeçari rrëfen një moment tepër të vështirë që i ka ndodhur gjatë karrierës së tij. Ai në hobet e tij përfshinte edhe të pirët alkool. Siç e dimë shtimi i dozës së pijes krijon varësi.

Kjo i ndodhi edhe Karrol kur ishte në kulmin e karrierës së tij. Ai shprehet se në moshën 27-vjeçare ishte i alkoolizuar dhe një person i mbyllur në vetvete, që nuk komunikonte më askënd. Tregon se është dashur shumë kohë për t’u kthyer në normalitet. Irlandezi shprehet se gjithkush e ka një shanc të dytë dhe është gati të ndihmojë çdokënd që ka probleme me personalitetin e tij.

“Ishte një periudhë shumë e vështirë në jetën time. Pija më shkatërroi. Në moshën 27-vjeçare unë isha një person i alkoolizuar dhe i mbyllur. Nuk komunikoja me askënd. Jeta më ishte shndërruar në ‘ferr’. Mu deshën vite për të qenë ky që jam tani. Tashmë jam një njeri me personalitet shumë të fortë. Dua të ndihmoj sa më shumë sportistë për të dalë nga errësiar dhe për t’iu kthyer normalitetit. Do të isha shumë i gëzuar nëse do jepja ndihmën time sado të vogël”, u shpreh Karrol.

Junajtid bën përpara, gati rinovimi me yllin e sulmit

Sport Ekspres — Sat, 29 Jun 2019 18:17:42 +0000

Mançester Junajtid po synon të rrisë sa më shumë cilësinë dhe të ulë sa më shumë moshën mesatare të skuadrës. Objektivi i projektit të Solskjaer është të sjellë sa më shumë të rinj cilësorë, por edhe të mbajë ata që i ka tashmë. Markus Rashford është një nga lojtarët më të mirë të Juanjtid. Kontrata e tij përfundon verën e ardhshme dhe në Mançester janë të shqetësuar për të ardhmen e tij.
Barcelona ka muaj duke ndjekur me kujdes situatën e 21-vjeçarit dhe në rast dështimi të pistës Nejmar, mund të hidhet në sulm për shërbimet e talentit. Për të shmangur këtë, Junajtid ka bërë gati kontratën e re për djaloshin. Ata ofrojnë 200 mijë paund në javë për të bindur Rashford të vazhdojë të vishet i kuq.

Sipas medieve ishullore, lojtari dhe përfaqësuesit e klubit kanë gjetur akordin për të rinovuar. Rashford dëshiron të vazhdojë me klubin ku u rrit dhe Junajtid është gati për t’ja plotësuar dëshirën. Përpara fillimit të turit veror në Australi, Markus do të ketë firmosur kontratën e re. Ai do të jetë një nga figurat qëndrore të ekipit të Solksjaer.

Godet Junajtid, akord me goleadorin portugez

Sport Ekspres — Thu, 27 Jun 2019 19:46:52 +0000

Bruno Fernandes mahniti gjithe Evropën këtë sezon. Edhe pse mesfushor, 24-vjeçari shpërtheu, duke e mbyllur kampionatin portugez me 20 gola. Paraqitjet e tij me Sportingun e Lisbonës kanë tërhequr interesin e shumë klubeve të mëdha evropiane, ndër to dy klubet e Mançesterit dhe Juventusi.
Mediet angleze raportojnë se Fernandes e ka marrë vendimin e tij dhe është gjithçka e mbyllur. Ai do të transferohet te Mançester Junajtid. Klauzola e tij e lirimit nga Sportigu është 100 milionë euro.

Përtej kësaj, Junajtid do e blejë yllin luzitan për 78 milionë euro. Mesfushori pritet të jetë blerja më e shtrenjtë e kësaj merkatoje për Juanjtid, duke kaluar edhe shifrën e paguar për Aron Van Bisaka.

VIDEO | Agjenti i Lukakut në Milano, kalimi te Interi një realitet

Sport Ekspres — Tue, 25 Jun 2019 21:51:08 +0000

Interi dhe Romelo Lukaku pritet të bashkohen këtë verë. Belgu do të jetë zëvendësuesi i Mauro Ikardit, që së shpejti do të largohet nga klubi. Agjenti i sulmuesit të Junajtid është filmuar ditën e sotme teksa futet në zyrat e Interit. Ai është shprehur se mes palëve mund të ketë një marrëveshje ditët e ardhshme.

Lukaku nga ana e tij kërkon 13 milionë euro në sezon, me italianët që tremben pak përballë kësaj kërkese. Mançester Junajtid e lë të lirë belgun vetëm për një ofertë mbi 80 milionë euro.

Këto para Interi mund t’i fitojë nga shitja e Ikardit, për t’i derdhur më pas në arkat e anglezëve. Kështu, zbarkimit të Lukakut në “San Siro” duhet t’i paraprijë shitja e Ikardit, për të cilin në këtë moment nuk ka përpjekje nga asnjë klub për të blerë shërbimet e tij.

? Federico #Pastorello lascia la sede dell’#Inter: “#Lukaku è un sogno e come tutti i sogni è difficile da raggiungere, anche se non c’è nulla di irraggiungibile. Sì, l’Inter ci sta provando. Lui ha espresso pubblicamente quelli che sono i suoi desideri” ? @calciomercatoit pic.twitter.com/98IPYhiDto

— Giorgio Musso (@GiokerMusso) June 25, 2019

Shkëmbimi më i madh në histori, Junajtid jep përgjigjen e prerë

Sport Ekspres — Mon, 24 Jun 2019 20:13:58 +0000

Nejmar është e sigurtë se nuk do të jetë në Paris sezonin e ardhshëm. Braziliani e ka humbur dëshirën për të luajtur në Francë dhe tenton të nisë një aventurë të re. Barcelona, Mançester Junajtid dhe Real Madrid janë të vetmet klube që kanë muskuj financiarë për të “ushqyer” me para 27-vjeçarin.
Al Kelaifi, duke parë marrëdhënien e nderë me drejtuesit e Barcelonës, dëshiron të shmangë kalimin e tij te katalanasit. Mediet franceze raportojnë se PSG ka bërë lëvizjen e parë për të zgjidhur çështjen e yllit të saj. Ata kanë ofruar një ndërrim kokë më kokë me Pogba.

Çuditërisht kjo ofertë është refuzuar menjëherë nga “Djajtë e Kuq”. Ata kanë rezerva për pagën e madhe që Nejmar merr në Paris, që është rreth 900 mijë euro në javë. Gjithashtu, Ed Uduard nuk e dëshiron kurrsesi largimin e nje ylli si Pol Pogba këtë verë. Ai e sheh francezin si figura kryesore e skuadrës për sezonin e ardhshëm.

Në Mançester vjen një lajm i mirë, Solskjaer merr frymë lirisht

Sport Ekspres — Sun, 23 Jun 2019 10:05:24 +0000

Mançester Junajtid po përballet me shumë vështirësi këtë merkato. Mungesa e prezencës në Champions League sezonin e ardhshëm ka bërë që “Djajtë e Kuq” të refuzohen nga disa yje të mëdhenj dhe rinovimet të bëhen një mision shumë i vështirë.
E tillë është edhe situata e David De Geas. Spanjollit i skadon kontrata vitin e ardhshëm dhe kjo verë pritet të ketë zhvillime rreth të ardhmes së gardianit. Mediet angleze e bëjnë të kryer faktin se 28-vjeçari e ka marrë vendimin e tij. Ai do të vazhdojë të mbrojë katërkëndëshin e Junajtid.

De Gea dhe drejtuesit e klubit prej muajsh nuk po arrinin një marrëveshje rreth termave financiare. PSG nisi oferta tunduese drejt spanjollit, që desh ndërroi mendje. Megjithatë, ka qenë paga faraonike e Junajtid, që ka vulosur gjithçka. De Gea te “Djajtë e Kuq” do të arketojë plot 350 mijë paund në javë.

Ofertë për Mesin e Turqisë, Junajtid sfidon “mallkimin”

Sport Ekspres — Fri, 21 Jun 2019 11:37:03 +0000

Mançester Junatid është në kërkim të lojtarëve të rinj e të talentuar. Këtë radhë janë përqëndruar në tregun turk. Abdulkadir Omur është lojtari, që Solskjaer ka pikasur dhe dëshiron ta sjellë në “Old Trafford”. 19-vjeçari ka shfaqur aftësi shumë të mira dhe loja e tij ngjan tmerrësisht shumë me atë të Leo Mesit.

Ai aktivizohet me Trabzonspor ne Superligën turke. Ky vit ishte mjaft pozitiv për të, duke zënë një vend të sigurt në formacionin e parë të gjigantëve ballkanas. Onur numëron 5 gola dhe 8 asiste në 25 ndeshje në kampionat.

Vlera e tij në merkato është rreth 14 milionë euro dhe Junajtid pritet të bëjë një ofertë ndjeshëm më të lartë për të bindur drejtuesit e Trabzonsporit. Ndërkohë, duhet të themi se djaloshi duhet të shmanget sa më shumë në krahasimin me Mesin.

Të gjithë ata që janë munduar të barazohen me Leon kanë dështuar. “The Sun” ka bërë një hulumtim tepër të hollësishëm të talenteve që janë krahasuar me Mesin. Presioni i epitetit “Mesi” është i madh dhe shumica nuk e kanë mbajtur dot, duke pësuar rënië në karrierën e tyre. Në listë është Edon Zhegrova, por edhe emra ai Alen Haliloviç, Diego Lainez, Marko Marin apo Zherard Delofeu.

Efekti Marota, Interi rikthehet me një blerje të madhe

Sport Ekspres — Fri, 21 Jun 2019 07:58:22 +0000

Më në fund Interi po arrin të bëjë një blerje të madhe që do i gëzojë tifozët. Ikardi është në prag të largimit dhe marrja e një tjetër sulmuesi të madh është detyrim për drejtuesit nga Milano. Romelo Lukaku është i zgjedhuri i Kontes dhe Marotës. Belgu nuk e dëshiron qëndrimin edhe për një vit tjetër në “Old Trafford” dhe Interi është destinacioni i preferuar për të.
“La Gazzetta dello Sport” raporton se marrëveshja mes lojtarit dhe klubit italian ka përfunduar. Lukaku ka rënë dakord me të gjitha termat e kontratës dhe pritet vetëm dakordësia e klubeve. Sulmuesi në “San Siro” do të përfitojë të njëjtën shifër që merr në Mançester, 8 milionë euro në sezon.

“Djajtë e Kuq” nuk pranojnë oferta nën 80 milionë euro. Interit shtrëngohet disi përballë kësaj shifre, por shitja e Ikardit do të sillte mjaftueshëm të ardhura. Marota është ekspert i lëvizjeve të mëdha dhe këtë transferim mund ta quajmë gati të mbyllur.

Murinjo: Junajtid nuk shënonte as në 900 minuta, jo më në 90!

Sport Ekspres — Thu, 20 Jun 2019 19:40:02 +0000

Ndodh në futboll që një skuadër të humbë “fillin” dhe të jetë aq e turbullt sa të mos arrijë të shënojë edhe nëse kundërshtari i lë mjaft hapësirë. Zhoze Murinjo është një trajner, që bashkë me ekipin e tij e lë sfiduesin të shpalosë talentin dhe e godet në momentin më të papritur.

Sigurisht kjo nuk funksionon gjithmonë, por në 15 gushtin e vitit 2004 ka rezultuar mjaft efikase. Çelsi kishte “Special One” në drejtim dhe në hapjen e Premier Ligës përballej me Mançester Junajtid. Blutë fituan 1-0, me djemtë e Ferguson, që nuk ishin aspak vetvetja.

Gjatë një interviste, Murinjo e kujton me nostalgji atë ndeshje. Gjatë përshkrimit të atyre kujtimeve, ai shprehet se Junajtid nuk do të arrinte të shënonte edhe sikur ndeshja të përfundonte pas 900 minutash. Atë sezon Çelsi u shpall kampion dhe Junajtid u renditën të tretët.

“Ishte një ndeshje e rëndësishme sepse ishte ndaj një rivali direkt. Nëse ti humbet pikë ndaj kundërshtarëve për titull, nuk mund të dalësh i pari. Kishim bërë një parapregatitje shumë intensive. Në të tilla ndeshje duhet të japësh maksimumin, të gjithë potencialin tënd në çdo sekondë.”

“Në atë përballje ne e bëmë këtë gjë. Në një moment mendova se ndeshja është 90 minuta, por Junajtid nuk do arrinte të shënonte as në 900 minuta. Në ishim të destinuar ta fitonim atë sfidë”, u shpreh Murinjo.

Real nuk është ëndrra e Pogba, francezi ka një tjetër dëshirë

Sport Ekspres — Wed, 19 Jun 2019 21:58:46 +0000

Pol Pogba ka pohuar se dëshiron një sfidë të ndryshme nga ajo në Mançester dhe kërkon të largohet këtë verë. Natyrisht, duke parë lajmet e fundit na vjen në mendje një bashkim me Zinedin Zidan në Madrid. Trajnerii i Real ka kohë që e ka shprehur pëlqimin ndaj kampionit të Botës dhe i ka drejtuar krerët e klubit për të blerë shërbimet e tij.
Megjithatë, mediet e mëdha evropiane zbulojnë se dëshira e Pogba nuk është të vishet i bardhë, por bardhezi. 26-vjeçari dëshiron rikthimin në Torino, atje ku shpërtheu si profesionist për t’u transferuar më pas në Mançester për shifrën e 105 milionë eurove.

Projekti i ri Juventusit duket se e ka tunduar francezin. Prania e yjeve si Kristiano Ronaldo dhe ardhja e një trajneri, që ka një stil loje sulmues e bën Juventusin të jetë destinacioni i preferuar i Pogba. Paratiçi ka muaj që po e ndjek situatën e tij dhe ka bërë gati 130 milionë euro për të rikthyer mesfushorin në “Allianz Stadium”.

Rikthim i bujshëm? Juve përgatit ofertën për Pogba

Sport Ekspres — Tue, 18 Jun 2019 20:27:08 +0000

Pol Pogba është dëshira më e madhe në Torino për këtë merkato. Francezi me deklaratën e tij të fundit ka lënë të kuptohet se dëshiron të largohet dhe Juventusi është një nga ekipet që ka muskujt financiarë të marrë kampionin e botës. Mesfusha është një repart, ku ka nevojë për ndërhyrje dhe ardhja e një ylli si Pobga do të ishte dhurata më e mirë e mundshme për Sarrin.

“Mirror” bën të ditur se drejtuesit e Juventusit janë të gatshëm të dërgojnë ofertën e parë për klubin e Junajtid. Vlera e kësaj tentative fillestare do të jetë plot 140 milionë euro. Një shifër edhe më e çmendur se ajo, që paguan anglezët në vitin 2015, për ta shkëputur nga “Zonja”.

100 milionë eurot e derdhura në arkat e Juventusit përbënin një rekord në tregun e atëhershëm. Junajtid nuk është i gatshëm ta lërë të lirë. Ata kanë pregatitur një kontratë të re me pagë prej 27 milionë euorsh. Mbetet për t’u parë se cila është dëshira e vërtetë e yllit francez.

Bejl te Bajerni? Agjenti i uellsianit i vë vizën

Sport Ekspres — Mon, 17 Jun 2019 19:55:35 +0000

Garet Bejl e pret një verë me tepër angazhim. Uellsianit me shumë mundësi do i duhet të gjejë një ekip të ri. Real ka nënshkruar me disa lojtarë të mëdhenj dhe Zidan ka muaj që ja ka bërë të qartë sulmuesit se nuk është në planet e tij. Në Madrid duan me patjetër ta shesin duke parë shumat e mëdha në blerje.
Ofertat zyrtare për momentin nuk duken në horizont. Bajerni u pa si një mundësi reale për të marrë Bejlin. Gjermanët janë një klub mjaft i madh dhe kanë aftësinë financiare të paguajnë pagën e tij të lartë. Megjithatë, mediet afër bavarezëve njoftojnë se Rumenige ka hequr dorë për të kërkuar shërbimet e tij.

Edhe Junajtid kanë njoftuar se nuk do të futen në garë për të blerë apo huazuar 29-vjeçarin. “Djajtë e Kuq” janë të përqëndruar në politika, që konsistojnë në plan afatgjatë. Solskjaer dëshiron të rinj të talentuar dhe premtues për të ardhmen.

Për të vënë në dyshim vërtetësinë e të gjitha atyre çka u thanë më lart është menaxheri i uellsianit. Xhonatan Barnet përgjënjeshtron të gjitha këto zëra merkatoje. Ai shprehet: Të gjitha ato që thuhen lart e poshtë nëpër media janë plehra”. Me këtë deklaratë ai qëndron me idenë që ka qarkulluar prej kohësh se Bejl ka mendim të kundërt nga klubi dhe dëshiron të qëndrojë.

Gareth Bale’s agent Jonathan Barnett labelled the reports linking his client to Bayern as “rubbish.” [@ESPNFC] pic.twitter.com/v5cZLSNhP0

— Bayern & Germany (@iMiaSanMia) June 17, 2019

I ka mbaruar kontrata, Mata merr vendimin për të ardhmen

Sport Ekspres — Mon, 17 Jun 2019 19:14:54 +0000

Mançester Junajtid, përtej lojtarëve të rinj që po merr, duhet t’i ndërthurë patjetër me individë me eksperiencë. Manuel Mata është një nga lojtarët, që i përfundon kontrata këtë verë. Ofertat drejt një lojtari si ai nuk mungojnë. Por, sipas “The mirror”, spanjolli e ka hequr nga mendja idenë e largimit.

Ai po mendon të rinovojë. Drejtuesit e Junajtid kanë bërë ofertën e tyre financiare dhe Mata duket se e ka marrë në konsideratë. Projekti i ri ambicioz i Solskjaer është një tjetër provë bindëse, që e çon mesfushorin drejt idesë së rinovimit me “Djajtë e Kuq”.

Junajtid është në prag të një revolucioni të madh. Që nga largimi i Ferguson, çdo tentativë për t’u ngjitur në majë është përballur me murin e dështimit. Drejtuesit kanë besim në punën e Solskjaer dhe i kanë dhënë të gjitha kompetencat në dorë. Trajneri mendon se pjekuria e Matës është jetike për ekipin.

Rabiot pranon bisedimet me dy gjigantë evropianë, vendimi pas pushimeve

Sport Ekspres — Fri, 14 Jun 2019 16:41:22 +0000

Adrien Rabiot më në fund mund ta zgjidhë të ardhmen e tij. Mesfushori ka një vit që është në një marrëdhënie të nderë me drejtuesit e PSG dhe dëshiron largimin, që nuk pranohet. Kontrata e tij skadon këtë verë dhe rrjedhimisht lirohet nga “litarët” që e kishin lidhur.

Cilësitë e tij në fushën e lojës dihen dhe klubet, që e duan janë një listë e gjatë. Juventusi dhe Mançester Junajtid janë në bisedime me 23-vjeçarin dhe këtë e ka konfirmuar edhe vetë francezi. Ai nuk përjashton asnjërën nga këto dy mundësi dhe përgjigjen do e marrim pas ardhjes së tij nga pushimet.

“Kam folur me Jventusin, është një klub i madh. Të gjithë dëshirojnë të shkojnë atje. Mançester Junajtid? Është situatë e njëjtë me vitin e kaluar. Tani jam më pushime. Së shpejti do ta mësoni skuadrën time të re”, u shpreh ylli francez.

Lukaku-Inter gati një realitet, sulmuesi belg nuk e fsheh!

Sport Ekspres — Thu, 13 Jun 2019 19:16:53 +0000

Romelo Lukaku nuk gëzon një rol kryesor në Mançester dhe zgjidhja e vetme është largimi. Belgu është i konfirmuar si një prej më të mirëve në botë, por te Juanjtid nuk ka gjetur veten dhe rrjedhimisht as golat. Juventusi dhe Interi i duan shërbimet e tij, me zikaltrit që janë në bisedime intensive dhe e duan për të zëvendësuar Ikardin me valixhet në dorë.
Me deklaratën e fundit, lojtari belg i bën gjërat të qarta. Shprehet se trajneri i Interit, Konte është më i miri në botë dhe të luajturit në Serie A është një ëndërr për të. Në fund shton se nuk mund të thotë më shumë gjëra për respekt të Mançester Junajtid. Në fakt më shkoqur se kaq nuk ka.

“Në fëmijëri kam pasur ëndërr të luaj në Premier Ligë dhe Serie A. Kampionati italian është një nga të preferuarit e mi. Me ardhjen e Kristianos, ata po kthehen aty ku ishin. Ka shkuar edhe Antonio Konte dhe për mua ai është trajneri më i mirë në botë.”

“Mauricio Sarri mund të shkojë te Juventusi dhe Ançeloti është te Napoli. Kështu Serie A do të jetë shumë emocionuese. Konte e di që unë mendoj për të. Nuk jam dikush që i pëlqen të flasë për marrëdhëniet me menaxherët, por ju e dini që jam lojtar i Junajtid dhe dua ta respektoj klubin”, u shpreh Lukaku.