Manaj rrezikoi disa herë portën e Majorkës, por portieri i ishullorëve Manolo Reina u kthye në një makth për të dhe sulmuesit e tjerë të Albasetes. Majorka do të ndeshjet në finale me Deportivo La Korunjën.

Skuadra galiciane eliminoi Malagën duke fituar të dyja takimet (4 – 2) (0 – 1 ). Finalja do të jetë me format me dy takime. Ndeshjet do të zhvillohen më datë 20 dhe 23 qershor.

https://www.youtube.com/watch?v=nt3jUCe7TEk

Dy futbollistët janë shokë të ngushtë prej vitesh dhe në prag të kësaj përballjeje kanë hedhur disa ngacmime me anë të komenteve në “Instagram”. Gjithçka ka filluar me një foto të postuar nga Manaj, që shoqërohej me mbishkrimin në gjuhën spanjolle: “Rikthehem me gëzim (alegria)”.

Bare “thumbon” i pari duke shkruar: “Mbaje alegrin deri të dielën vllai”, nuk vonon përgjigja  e Manajt, i cili i bindur se skuadra e tij do triumfojë, shkruan: “Vlla ‘Play off’ do e shihni në televizor ju”.

Ndërkohë, fitorja e Granadës çoi në festë kryesuesit e Osasunës të cilët siguruan matematikisht rikthimin në elitën e futbollit spanjoll. Manaj u aktivizua për 72 minuta në këtë takim. Ekipit të Manajt tani do i duhet ta presë biletën për në Primera Divizon me anë të formatit play-off, ku do të garojnë skuadrat e renditura nga vendi i tretë në të gjashtin.

Zhvendosemi në Suedi ku skuadra e Egzon Binakut, Norkoping, regjistroi një fitore 2 – 0 ndaj Sundsvall. Megjithatë, mbrojtësi shqiptar nuk po arrin të sigurojë një vend në formacionin titullar, duke u aktivizuar si zëvendësues në minutën e 88-të.

Manaj shënoi që në minutën e pestë dhe Albasete shkoi në avantazh 3-0 pas gjysmë ore lojë, por Rajo rihapi gjithçka në pjesën e parë. Gjithsesi, në pjesën e dytë asnjë gol dhe Albasete vijon të qëndrojë e treta në Segunda, 3 pikë poshtë Granadës.

Gjashtë gola në rreth 1000 minuta kampionat për Manajn, një bilanc i mirë, por natyrisht Manaj mund të bënte shumë më mirë në periudhën janar-prill.

Megjithatë, Manaj po përjeton një krizë të dytë. Goli i tij i fundit me skuadrën spanjolle daton më 23 dhjetori të vitit të kaluar. Kanë kaluar plot 100 ditë që nga ai finalizim që i dha tri pikët Albasetes

.

Goli i fundit i Manajt, 23 dhjetor 2018

Sulmuesi është aktivizuar në nëntë takime që nga ai moment, por së fundmi trajneri Luis Ramis po i jep gjithmonë e më pak minuta, ndërsa aktivizimi si titullar i mungon prej thuajse një muaji.

Përballë Aue, Mavraj bëri një ndeshje të shkëlqyer dhe ndihmoi skuadrën e tij të marrë një triumf të pastër 0-3. Kapiteni kuqezi ishte i pakalueshëm në prapavijë dhe arriti të mbajë rrjetën e tij të paprekur. Me këto tri pikë, Ingolshtadi lë vendin e fundit në tabelë dhe bën hapa të sigurt drejt mbijetesës.

Në një zonë të ndryshme të tabelës është Rei Manaj. Sulmuesi shqiptar luajti titullar për ekipin e Albasetes në Spanjë, skuadër që triumfoi pastër 2-0 përballë Majorkas. Kjo fitore e ngjit në vend të parë ekipin e Manajt dhe afron shumë me ngjitjen në elitën spanjolle (La Liga). 21-vjeçari kuqezi po bën një sezon shumë pozitiv me skuadrën e Albasetes dhe është një nga lojtarët më të rëndëishëm.

Edhe Memushaj luajti titullar për skuadrën e Peskarës në Serie B dhe duket se mesfushori kuqezi e ka lënë pas dëmtimin. Futbollisti shqiptar ishte një nga më të mirët në fushën e lojës, por skuadra e tij nuk mori dot më shumë se një pikë në transfertën përballë Foxhias.

Pamjet filmike e tregojnë qartazi se goli është i rregullt, çka me siguri e bën akoma më të dhimbshëm këtë episod për sulmuesin 21-vjeçar.

Manaj ka ironizuar këtë gjë me anë një postimi në “instagram”, ku në njërën prej tyre ka vënë në mbishkrim numrin 7, ndoshta për të treguar se ky do ishte goli i shtatë sezonal për të, pasi që nga fillimi i sezonit ka shënuar pesë gola në kampionat dhe një gol në Kupë.

“U aktivizova 90 minuta. Sigurisht dua më të mirën për veten time, por vendimi gjithmonë i takon trajnerit. Rikthim te Atletiko? Ndoshta ndonjë ditë mund të rikthehem te Atletiko Madrid, me punë arrihet çdo gjë).

“RIVALI” REI MANAJ – “ Jam i lumtur që Rei (Manaj) po bën ndeshje të mira me ekipin e tij. Besoj se Malaga do të jetë shumë shpejt në Primera Divizon, por shpresoj që këtë ta arrij dhe skuadra e Manajt (Albasete)”.
“Është krenari shumë e madhe për të luajtur për kombin tënd. Grumbullimi i kombëtares është në muajin mars dhe ka kohë. Për momentin nuk kam pasur ndonjë kontakt me trajnerin Kristian Panuçi”, tha Bare.

Bomberi i Albasetes u shtrua menjëherë në spital, aty ku mori shërbimin e duhur për frakturën e pësuar në hundë, ku flitet edhe për një thyerje të kockës kryesorë.

Gjithsesi, rikthimi për Manajn në fushat e blerta nuk do të jetë larg dhe sipas spanjolles “AS”, sulmuesi kuqezi mund të luajë që këtë javë përballë Sporting Gijonit.

21-vjeçarit do t’i duhet të mbajë të veshur një maskë mbrojtëse në rast aktivizimi. Manaj ka luajtur 13 ndeshje këtë sezon në La Liga 2, ku ka arritur të shënojë edhe 5 gola.

Sulmuesi shqiptar u shoqërua me barrelë jashtë fushës e më pas u nis drejt spitalit, pas një ndërhyrje të mbrojtësit të Granadës German Sançez, i cili në përpjekje e sipër për të larguar topin goditi fytyrën e Manajt.

Parte médico | Rei Manaj ha sido trasladado al Hospital PTS para someterse a diversas pruebas que diagnostiquen el alcance del traumatismo craneoencefálico sufrido tras el golpe recibido durante el partido. pic.twitter.com/rR3iG89jwS

— COPE Albacete (@COPE_Albacete) January 4, 2019

Pak minuta mbas incidentit të mësipërm, klubi i Albasetes njoftoi se sulmuesi ishte transportuar drejt spitalit për të ekzaminuar shkallën e dëmtimit në kafkën e lojtarit. Takimi përfundoi me rezultatin 1-1.

Parte médico | Rei Manaj ha sido trasladado al Hospital PTS para someterse a diversas pruebas que diagnostiquen el alcance del traumatismo craneoencefálico sufrido tras el golpe recibido durante el partido. #ÁnimoRei

— Albacete Balompié (@AlbaceteBPSAD) January 4, 2019

Sipas asaj që raporton “MARCA”, mbrojtësi German Sançez, i cili shkaktoi faullin e rëndë u nis menjëherë drejt spitalit për të takuar Manaj.

Ishte goli i pestë për këtë edicion në ligën spanjolle për 21-vjeçarin, i cili i dha një mesazh të qartë trajnerit se duhet të besojë më shumë te aftësitë e tij. Lojtari kuqezi u ka dhuruar një fitore për festat e fundvitit tifozëve të Albasetes.

Skuadra e Manajt tani e sheh veten në vendin e dytë, me vetëm një pikë më pak se ekipi i vendit të parë. Sulmuesi ka pasur besimin e trajnerit Kristian Panuçi, i cili e ka grumbulluar në ndeshjet e Kombëtares në takimet e fundit.

Pas 10 javës, skuadra e sulmuesit kuqezi ndodhet në kuotën e 14 pikëve dhe e sheh veten në vendin e tetë. 21-vjeçari ka dhënë kontributin e tij në 6 ndeshje deri më tani, teksa 5 i ka nisur që nga minuta e parë, por në asnjërën nga ndeshjet nuk ka mundur që të luajë 90 ndeshje.

Edhe pse Manaj ka shënuar vetëm 3 gola, mesatarja e tij është mjaft e lartë. Në një renditje që është bërë për shënuesit e Ligës së dytë spanjolle shihet se sulmuesi lushnjar është në 10 lojtarët që është më produktiv, sa i përket mesatares gol/minuta. Manaj ka shënuar një gol në 109.7 minuta. vetëm 4 lojtarë kanë mundur që të kenë një mesatare më të mirë se lojtari i Kombëtares. Një tregues i qartë se tek Albasete duhet të nisin të kenë më shumë besim te Manaj, i cili deri më tani është aktivizuar vetëm në 329 minuta.

#DATO  #LaLiga123 J10

Jugadores de Segunda que necesitan menos minutos por gol marcado (mínimo 3??):
?82,6 – Quique (@RCDeportivo)
?83,5 – Juan Muñoz (@AD_Alcorcon)
?99,7 – Juan Villar (@CAOsasuna)
?106,5 – Sory Kaba (@elchecfoficial)
?109,7 – Rey Manaj (@AlbaceteBPSAD) pic.twitter.com/PLtYAowXIe

— vintage_stats (@vintage_stats) October 24, 2018

Por, ftesa e Panuçit nuk ka qenë një lajm i mirë për skuadrën ku aktivizohet sulmuesi lushnjar, Albaseten. Kategoria e dytë spanjolle ose siç njihet ndryshe “Segunda Divizon”, nuk ka ndalesë kampionati gjatë periudhës së pushimit të kombëtareve.

Albasetes do i duhet të bëjë pa Manajn në transfertën e 12 tetorit ndaj Malagas, skuadër që mban vendin e parë në renditje. 21-vjeçari është kthyer në një titullar të padiskutueshëm tek ekipi që u transferua në këtë merkato vere. Manaj ka shënuar tre gola në katër aktivizime deri më tani dhe është golashënuesi me i mirë i skuadrës.

Sulmuesi kuqezi shënoi sot në Kupën e Mbretit, në humbjen 3-2 që Albacete pësoi në shtëpi ndaj Lugos.

Manaj u aktivizua pas pushimit, kur Albacete rriti presionin sulmues, por nuk vlejti për të evituar eliminimin.

Manaj rrezikoi edhe para se të shënonte, në minutën e tretë shtesë, ndërsa në fundin e kohës së rregullt mori karton të verdhë.

Ndonëse Albacete u eliminua, kupa nuk është prioritet, ndërsa për Manaj është një tjetër gol i rëndësishëm në aspektin personal, duke treguar se po ecën në drejtimin e duhur.

Rei Manaj është rikthyer të shënojë për skuadrën e Albasetes. Sulmuesi shqiptar u fut në fushë me fillimin e pjesës së dytë dhe shënoi golin që ngushtoi shifrat e takimit në 2-3. Fatkeqësisht finalizimi 19-vjeçarit ndodhi në minutën e fundit të takimit.

Ky gol përforcon ndjeshëm pozitat Manajt për një vend titullari. Në tre takimet ku është aktivuar, sulmuesi shqiptar ka gjetur dy herë rrugën e rrjetës,  një fillim ky aspak i keq ky për 21-vjeçarin, që vitin e kaluar shënoi vetëm një gol në 19 aktivizimet e tij me ekipin e mëparshëm të  Granadas.

21-vjeçari u ndëshkua me karton të verdhë në fund të pjesës së parë, ndërsa Albasete arriti ta barazonte takimin, mbasi ky i fundit ishte zëvendësuar. Në Spanjë besojnë te lushnjari, por çdo durim e ka një fund dhe Manaj do i duhet ta justifikojë besimin e dhënë nga Albasete.

Senonin e shkuar Manaj luajti si i Huazuar te Granada ku shënoi vetëm një gol. Por aq mjaftoi për të bindur drejtuesit e Albasetes, të cilët u sforcuan për të blerë kartonin e tij nga Interi.

Sot sulmuesi i kombëtares shqiptare debutoi me ekipin e tij të ri, Albaseten, duke e nisur me gol.

21-vjeçari u aktivizua në minutën e 75-të të sfidës shtëpiake kundër Deportivo La Korunjas, që kryesonte 1-0, dhe menjëherë u bë kërcënues në zonën kundërshtare, me lëvizjet pa fund.

Presioni në rritje bëri që Deportivo të shkaktonte një penallti që në minutën e 85-të Manaj e transformoi në gol. Besim i madh i sulmuesit te vetja, besim i madh edhe i Albasetes, që ka besuar verbërisht te Manaj, pavarësisht se sezoni i shkuar te Granada ishte zhgënjyes.

Vetëm një gol vjet te Granada, gol me prekjen e tretë të topit sot, në pak minuta…

Aventura e parë spanjolle shkoi keq dhe Manaj nuk u ambientua dot te Granada, por Interi i ka gjetur sistemim sërish në divizionin e dytë spanjoll, sepse sot ia ka shitur Albasetes, raporton “gianlucadimarzio.com”.

Për 21-vjeçarin kontratë 5-vjeçare, që do të thotë që shkëputet nga Interi, por klubi zikaltër ka ruajtur të drejtën e riblerjes, nëse sulmuesi e bind. Shifrat që përfiton Interi dhe paga e Manajt janë ende të papublikuara.

Sezonin e fundit Albasete me vuajtje mbijetoi në Segunda, ndërsa Manaj shpreson të luajë rregullisht, për të treguar sa vlen dhe për të shënuar gola me peshë për klubin dhe për vete.

Pasditen e sotme edhe Albasete e zyrtarizoi blerjen e sulmusit shqiptar, që tashmë nis një sezon me shumë rëndësi për karrierën e tij, sepse duhet të tregojë që është rritur si futbollist dhe është gati të shpërthejë.

Rey Manaj se pone la camiseta del Albacete Balompié

El delantero albanés llega procedente del @Inter

? https://t.co/fjue2r5tD6#PonteLaCamiseta#BienvenidoManaj pic.twitter.com/YHllN2XuCk

— Albacete Balompié (@AlbaceteBPSAD) June 30, 2018

“Për mua nuk është një fillim i ri, besoj se do mbeten gjërat që kam bërë deri para dy vitesh në Kombëtare. Fillim i ri do jetë nga shtatori e tutje, sepse do të nisim ndeshjet kualifikuese për Europianin. Janë dy miqësore të rëndësishme, të dyja të vështira. Edhe pse Kosova përballë, do të kërkojmë fitoren, ashtu si ndaj Ukrainës.

“Granada? Zgjedhja ishte e mirë, ekipi ishte me nivel të lartë. Patëm vështirësi për shkak të ndryshimeve në stol, ekipi humbi ritmin dhe tani kemi edhe dy ndeshje, ku do të tentojmë të kapim fazën play-off, edhe pse do të jetë e vështirë.

“Kthim në Itali? Kam folur me menaxherin dhe ka pasur disa oferta, por tani mendoj vetëm për Kombëtaren. Pas pushimeve do të bisedoj me menaxherin dhe do të bëjmë zgjedhjen më të mirë.

“Kam folur me Panuçin, edhe para stërvitjes së djeshme. Ka folur edhe menaxheri para grumbullimit. Fjalët që më ka thënë kanë qenë shumë pozitive, janë biseda që mbeten mes nesh dhe ndihem shumë mirë.

“Spanja? Liga ka dy ekipe tepër të mira në krye, por nuk besoj se niveli është më i lartë se në Itali. Këtë vit kështu shkoi, nuk kam ç’të them.

“E shkuara? Harrohen të gjitha, duhet parë gjithnjë përpara. Unë e mbaj mend mirë ndeshjen kundër Kosovës, ishte ndeshja ime e parë, shënova sapo hyra, por nuk ka më vlerë të qëndroj tek e shkuara. Mungesa e gjatë në Kombëtare? Ka shumë faktorë, herë ndikon mosha, herë problemet, herë të luajturit e paktë. Nuk jam thirrur në kombëtare për arsye të ndryshme, i respektoj zgjedhjet e trajnerëve, janë gjëra që të ndihmojnë të rritesh. Sa herë të grumbullohem, do të jap gjithçka, si kam bërë edhe te U-21, U-19 e U-17.

“Kombëtarja U-21? Nuk jam lider atje, është një grup shumë i mirë, ka lojtarë shumë cilësorë, që shumë shpejt do jenë pjesë e ekipit të parë. Për ekipin e parë nuk ia vlen të flas, sepse disa gjëra nuk realizohen kur flet shumë, ndaj më i mirë i lëmë një pikëpyetje”.

Megjithatë, sot sulmuesi shqiptar më në fund ka arsye për të festuar, sepse Granada fitoi 3-1 në Numancia dhe synimi ynë shënoi golin e tretë në fundin e takimit.

Ishte futur vetëm në minutën e 80-të, për t’i dhënë energji sulmit dhe për të shfrytëzuar hapësirat në prapavijën vendase, gjë që Manaj e ka bërë shumë mirë. Fitorja ngjit Granadën vetëm një pikë larg kreut, ndërsa Manaj shpreson që tani e tutje të luajë pak më shumë.

Debutimi i Manajt erdhi të premten e shkuar, në barazimin 2-2 ndaj Barcelonës B, në një sfidë ku Manaj pati pak minuta në dispozicion dhe nuk u pa shumë në fushë, përveç një kartoni të verdhë dhe një faulli të fituar pranë zonës kundërshtare, që i kushtoi kartonin e verdhë një kundërshtari.

Mbrëmë Manaj luajti ndeshjen e parë si titullar, në kupë në Zaragoza, ku erdhi një humbje 3-0. Granada luajti mjaft dobët dhe Manaj nuk bënte përjashtim, duke u zëvendësuar pas një ore lojë, pak pasi Zaragoza kaloi në avantazh me 11-metërsh. Vendasit dominuan dhe Granada nuk bëri asgjë në fazën sulmuese, ndërsa Manaj e nisi pjesën e dytë duke marrë karton të verdhë për lojë të rrezikshme. Gjithsesi, kupa ishte më shumë një kompeticion për eksperimente për Granadan, që nuk ka fituar ende në kampionat dhe mendjen e ka te sfida e së dielës në Tenerife.

Sot Granada u ndesh me Barcelonën B, në ndeshjen e parë të javës së tretë, dhe ashtu si në dy ndeshjet e para, Granada ka barazuar sërish, këtë radhë 2-2.

Hoselu në minutën e 25-të shënoi nga pika e bardhë për Granadan, ndërsa Oriol Buskets barazoi në minutën e 45-të për të rinjtë e Barcelonës.

Pedro kaloi në avantazh Granadën sërish në minutën e 52-të, por Ruiz barazoi për miqtë në minutën e 69-të. Tre minuta më vonë u fut Manaj, i cili nuk pati raste të pastra për shënim, por u bë protagonist në fundin e takimit, sepse në minutën e 91-të shkaktoi një faull në mesfushë dhe u ndëshkua me katron të verdhë, ndërsa në minutën e 95-të u ndal me faull kur po shkonte drejt zonës kundërshtare, duke ndëshkuar me karton të verdhë një mbrojtës kundërshtar.

Vetëm kaq për momentin, duke shpresuar që me kalimin e kohës të vijnë minutat, besimi dhe golat.

Deri tani, Manaj ka qenë si Mario Baloteli, por duke marrë shumë nga aspektet negative të Balos dhe pak nga klasi që Supermario kishte para disa vitesh. Rruga mes suksesit dhe dështimit ndahet nga një vijë shumë e hollë.

Tani Rej Manaj tenton nga Spanja. Sulmuesi shqiptar, i cili sezonin e shkuar u nda mes Peskarës e Pizës në huazim, tashmë provon të gjejë rrugën e suksesit në Segunda Division.

Interi ka vendosur ta huazojë sulmuesin 20-vjeçar te Granada dhe sot klubi spanjoll ka zyrtarizuar transferimin. Klubi spanjoll ka të drejtën e blerjes përfundimtare, por nga ana tjetër Interi ka vendosur edhe një klauzolë që e lejon ta riblejë sulmuesin, pra tashmë varet gjithçka nga Manaj, i cili duhet të gjejë minuta dhe gola, për të kapur sërish edhe kombëtaren shqiptare.

Sezonin e shkuar Manaj luajti 29 ndeshje mes Serisë A e B dhe shënoi 4 gola, por rendimenti i tij pati shumë luhatje dhe gjithashtu marrëdhënia me trajnerin De Biazi, por edhe me Gatuzon te Piza, nuk ishte fort i mirë.

Gazetari Gianluca Di Marzio raporton se Interi ka vendosur ta huazojë sulmuesin 20-vjeçar te Granada. Klubi spanjoll ka të drejtën e blerjes përfundimtare, por nga ana tjetër Interi ka vendosur edhe një klauzolë që e lejon ta riblejë sulmuesin, pra tashmë varet gjithçka nga Manaj, i cili duhet të gjejë minuta dhe gola, për të kapur sërish edhe kombëtaren shqiptare.

Sezonin e shkuar Manaj luajti 29 ndeshje mes Serisë A e B dhe shënoi 4 gola, por rendimenti i tij pati shumë luhatje dhe gjithashtu marrëdhënia me trajnerin De Biazi, por edhe me Gatuzon te Piza, nuk ishte fort i mirë.

Edhe djaloshi i Tiranës Elvi Berisha është duke u transferuar te Leganes, pas provës së suksesshme aty, ndërsa tashmë në Spanjë do të shkojë edhe Rei Manaj.

Sulmuesi i talentuar në pronësi të Interit është ende në kërkim të shpërthimit në futbollin profesionist dhe pas një sezoni plot luhatje, me 4 gola të shënuar mes Peskarës dhe Pizës, në A e më pas në Serinë B, tashmë vjen largimi i parë nga Italia.

Corriere dello Sport raporton se Interi ka gjetur praktikisht marrëveshjen me Granadan për huazimin e sulmuesit shqiptar, me spanjollët që do të kenë edhe të drejtën e blerjes në fund të sezonit. Të hënën pritet zyrtarizimi, me Manajn që nuk është kundër transferimit në divizionin e dytë spanjoll, por natyrisht me premtimin se do të ketë shansin të luajë rregullisht.