Sulmuesi brazilian po kërkohet me ngulm nga Mançester Junajtid. Media braziliane “Globo” raporton se “djajtë e kuq” kanë ofruar 50 milionë euro për kartonin e mëngjarashit.

Neres është një lojtar interesant i aftë të luajë në të dy krahët e sulmit. Së fundmi 22-vjeçari ka qenë pjesë e grumbullimeve të përfaqësueses së Brazilit.

Rashford dërgoi i pari në avantazh Junajtid, ndërsa Milani u përgjigj me Suson. Autogoli i Lindelof në pjesën e dytë i jep avantazhin italianëve, por Lingart baraspeshon shifrat në 2 – 2. Në goditjet e 11-metërshave, lojtarët e Junajtid u treguan të saktë në të pesta penalltitë, ndërsa për Milanin gaboi Paolo Maldini, i cili është djali i legjendës Paolo Maldini.

Mançester Junajtid 2 – 2 Milan
Shënues: Rashford 14’, Lingard 72′  / Suso 26’, Lindelof 60 (aug)

Antonio Konte kërkon me çdo kusht Lukakun, por pjesë e ekuacionit është dhe Mauro Ikardi, i cili duhet të largohet për t’i liruar vend belgut. Një tjetër mungesë në listën e “djajve të kuq” ishte dhe Mateo Darmian.
Lukak
Mbrojtësi italian është prej katër vitesh pjesë e Junajtid, por ka shumë pak gjasa që 29-vjeçari të kalojë vitin e fundit të kontratës tek ekipi anglez. Në dy sezonet e fundit Darmian është aktivizuar me pikatore, por ai mbetet një lojtar i kërkuar nga shumë klube në vendlindje.

Lista me 26 lojtarët e grumbulluar: David De Gea, Lee Grant, Joel Pereira, Sergio Romero; Diogo Dalot, Phil Jones, Victor Lindelof, Marcos Rojo, Luke Shaw, Chris Smalling, Axel Tuanzebe, Aaron Wan-Bissaka, Ashley Young; Fred, Angel Gomes, Daniel James, Jesse Lingard, Juan Mata, Nemanja Matic, Scott McTominay, Andreas Pereira, Paul Pogba; Tahith Chong, Mason Greenwood, Anthony Martial, Marcus Rashford.

Mediet franceze raportojnë se Lopez pretendon të përfitojë një shumë akoma më të lartë nga shitja e lojtarit nga Bregu i Filidishtë. Pepe ishte një ndër lojtarët më të mirë në Francë gjatë vitit të kaluar, ku mbylli sezonin me 23 gola dhe 11 asiste.

Për shërbimet e Pepe ishte i interesuar dhe Bajerni i Mynihut, por kërkesat e larta të klubit francez bënë që kampionët e Gjermanisë të dilnin nga gara. Fati i mëngjarashit do të mësohet në ditët në vijim.

https://www.youtube.com/watch?v=TRPAI-rsqcc

Ofertat për 24-vjeçarin kanë qenë të shumta, por asnjë klub nuk ka pranuar të paguajë shumë prej 80 milionë eurosh që kërkon pronari  i Lilës. Megjithatë situata ka ndryshuar gjatë ditës së djeshme. 

Gazeta franceze “Le Voix du Nord”, raporton se në zyrat e klubit ka ardhur një ofertë prej 80 milionë eurosh. “Djajtë e Kuq” vuajnë prej vitesh në pozicionin e sulmuesit të djathtë dhe Pepe shikohet si lojtari ideal për këtë pozicion.

Mesfushori i Sportingut të Lisbonës, Bruno Fernandes, është lojtari i radhës që “djajtë e kuq” duan ta bëjnë të tyrin. Sipas së përditshmes portugeze “O Jogo”, oferta e parë e ekipit anglez kap kuotën e 55 milionë eurove.

Megjithatë Sporting nuk pranon ta lëshojë mesfushori golashënues pa 80 milionë euro. Fernandes ka qenë lojtari më i rëndësishëm i skuadrës nga Lisbona gjatë viteve të fundit. Edhe pse një mesfushor, 24-vjeçari ka një raport të shkëlqyer me golin falë goditjeve nga distanca. Në sezonin e fundit, mesfushori realizoi 20 gola në 33 takime.

Sipas sajtit të njohur “Bleacher Report” ditën e sotme, Junajtid është dorëzuar duke pranuar plotësisht kushtet e vendosura nga  Lestër Siti. Transferimi i Junajtid e çon 145 milionë shifrën e shpenzuar nga “djajtë e kuq” deri më tani.

United finally agreeing terms on the £80m Maguire deal.
Mad amount of money to spend on him and Wan-Bissaka this summer but also very necessary

— Dean Jones (@DeanJonesSoccer) July 21, 2019

Klubi i drejtuar nga Ole Gunar Solskjaer ka zyrtarizuan disa javë më parë blerjet e Eron Uan-Bisaka (50 milionë paundë) dhe Daniel  Xhejms (15 milionë paundë).

Ky është goli i dytë i adoleshentit me Junajtid, pasi tri ditë më parë shënoi golin e parë të karrierës së tij në miqësoren e zhvilluar në Australi ndaj Lids Junajtid.

Mançester Junajtid 1 – 0 Inter 
Shënues: Grinud 76′

Në negociata ka ndërhyrë dhe trajneri i Lestërit, Brendën Roxhers, i cili i ka dhënë një mesazh të qartë Junajtid: Meguajër ikën vetëm me kushtet tona!

“E kuptojmë situatën e Meguajër. Nëse ai do të largohet kemi në mendje disa lojtarë që mund ta zëvendësojnë. Megjithatë, klubi ndodhet në një gjendje financiare të mirë dhe nuk kemi asnjë arsye që të na shtyjë të shesim lojtarët më të mirë të skuadrës. Nëse kërkesat e drejtuesve nuk plotësohen, të jeni të bindur se asnjë transferim nuk do të kryhet”.

Nëse bëjmë një analizë të shkurtër mbi ato skuadra që janë përmendur në medie si të interesuara për lojtarin do vëmë re se pjesa më e madhe e tyre kanë transferuar një mbrojtës të djathtë. Ndoshta 25-vjeçarit do i duhet të bëjë një hap mbrapa që më pas të bëjë dy hapa para.

MANÇESTER JUNAJTID – “Gjigandët” gjermanë janë përmendur jo pak herë nga mediet italiane dhe angleze. Megjithatë, kjo pistë është mbyllur njëherë e përgjithmonë, pasi “djajtë e kuq”  ia besuan rolin e mbrojtësit të djathtë të riut anglez Eron Uan-Bisaka, i cili u transferua në Mançester për 50 milionë euro.

INTER – Skuadra nga Milano filloi të përmendej si një palë e interesuar për mbrojtësin shqiptar, por në fund drejtori Marota dhe trajneri Konte vendosën të investonin 20 milionë euro për të riun austriak Valentin Lazaro.

ATLETIKO MADRID – Gjatë ditëve të fundit dukej se interesi i spanjollëve ishte më konkreti. Situata ndryshoi krejtësisht ditën e djeshme, ku mediet angleze njoftuan se madrilenët kanë gjetur akordin për kartoni e mbrojtësit të Totenhem Kieran Tripër.

ÇELSI –  Largimi i Mauricio Sarrit drejt Londrës një vit më parë bëri që të përflitej për një kalim të Hysajt në Angli. Një vitë më vonë situata ka ndryshuar, Sarri ndodhet në Torini te Juventusi, ndërsa sikur të mos mjaftonte kjo merkato e Çelsit është pezulluar nga FIFA

Agjenti shprehet se Pogba nuk ka bërë asnjë gabim dhe njerëzit flasin pa pasur informacionin e duhur. Thekson përsëri se Junajtid e di kohë më parë vendimin e tij dhe shprehet se do gjejë një rrugë të mesme për të gjitha palët.

“Pogba nuk ka bërë asgjë të gabuar. Ai ka treguar respekt dhe profesionalizëm çdo ditë. Klubi e ka ditur mendimin e tij para shumë kohësh. Është e turpshme që njerëzit e kritikojnë pa pasur informacionin e vërtetë. Gjithashtu më vjen keq që klubi nuk reagon, duke mos marrë një pozicion për këto veprime. Jam i bindur se shumë shpejt do të gjejmë një zgjidhje të favorshme për të gjithë”, u shpreh Raiola.

Herrera pritet të jetë një nga lojtarët kryesorë në mesfushë bashkë me Verratin. 29-vjeçari vjen me qëllimin për të mbuluar hapësirën e lënë bosh nga Rabiot, i larguar te Juventusi. Herrera kishte një sërë ofertash nga gjigantë të Evropës, por Parisi ishte klubi që kënaqi interesat e tij.

Spanjolli është zyrtarizuar nga PSG në faqen e klubit në “Twitter”, ku shfaqet me uniformën e re duke luajtur lojën e njohur “FIFA 20”. Në ditët e ardhshme pritet prezantimi në ambientet e stadiumit “Parc de Princes”.

???? @EASPORTSFIFA

Now the game can begin! ??

?? #ICICESTPARIS pic.twitter.com/a2JqcdIizQ

— Paris Saint-Germain (@PSG_English) July 4, 2019

Sipas së pëditshmes holandeze “De Telegraaf”, Junajtid ka filluar negociatat me PSV-në për kartoni e mbrojtësit Denzel Dymfris. 23-vjeccari është prej disa vitesh një ndër lojtarët më të mirë në Eredivisie dhe pjesë e rregullt e kombëtares holandeze.

Transferimi i Dymfris pritet të sjellë 25 milionë euro në arkat e PSV-së. Fillimisht objektivi i Junajtid ishte mbrojtësi i Kristal Palas, Eron Uan-Bisaka, por kërkesat e larta të klubit londinez bën që transferimi të dështojë.

Futbollisti 22-vjeçar ka një klauzolë largimi prej 70 milionë eurosh, shumë kjo që mund të aktivizohet nga Bajerni i Mynihut ose Mançester Siti, të dyja ekipet tani po përpiqen të gjejnë akordin financiar me lojtarin.

Megjithatë, sipas “MARCA” gjatë ditëve të fundit interesi për mesfushorin është shtuar me PSG-në dhe Mançester Junajtid që janë futur në garë për lojtarin. Te Atletiko tani u duhet të mendojnë për të gjetur pasuesin e 22-vjeçarit.

https://www.youtube.com/watch?v=juYswp18Nxo

Sipas raportimeve nga medie të ndryshme në Angli, Junajtis ka arritur akordin me Njukasëll për blerjen e mesfushorit Shon Longstaf për 25 milionë paundë. 21-vjeçari ishte një nga zbulimet e këtij sezoni në Premier League.

Longstaf luajti vetëm 8 ndeshje për Njukasëll, duke mbyllur sezoni në muajin mars për shkak të një dëmtimi në gju. Fatmirësisht për të riun anglez, 8 aktivizimet mjaftuan për të tërhequr vëmendjen e drejtuesve të Junajtid.

We're delighted to have agreed terms, in principle, with Swansea City for the transfer of Daniel James to #MUFC.

Further details will be revealed in due course.

— Manchester United (@ManUtd) June 7, 2019

Xhejms aktivizohet si sulmues krahu i djathtë, por gjatë sezonit të kaluar në Championship ai tregoi se është një lojtar që mund të përshtatet në çdo rol të repartit të sulmit.

21-vjeçari ka treguar se është i aftë të bëjë diferencën në Angli, ku shënoi 4 gola dhe regjistroi 7 asiste përgjatë sezonit të kaluar. Një vit më parë Xhejms ishte shumë pranë huazimit te Jovill Taun në divizionin e katërt, por i riu refuzoi këtë lëvizje për të treguar vlerat e tij në Championship, vendim ky që rezultoi mëse i goditur.

https://www.youtube.com/watch?v=bEO-WUPXk5g

“Te Bajerni i Mynihut, ata që drejtojnë klubin janë njerëz futbollit. Unë e kam vlerësuar gjithmonë këtë aspekt të strategjisë menaxheriale të atij klubi. Krejt e kundërta ndodh te Mançester Junajtid. Ed Uduard u emërua si administrator i përgjithshëm i klubit. Ai është 0 nga futbolli, në të shkuarën ka punuar si bankier”.

“Nuk është aspak gjë e mirë kur synimi i vetëm i drejtuesve të klubit është aspekti komercial. Nuk kam hatërmbetje për shkarkimin tim. E kuptoj si ka qenë situata. Ata donin Murinjon dhe ai ishte i lirë në atë moment”.

Francezja “TF1” raporton se “Djajtë e Kuq” kanë biseduar për kontratën e Rabio me agjentin e këtij të fundit. Bisedimet janë në fazë të avancuar, ndërsa Rabio kishte oferta nga Barcelona dhe Totenhemi në janar.

Mesfushori nuk ka marrë ende asnjë ofertë që i afrohet kërkesave të tij, por Junajtid i ka ofruar atij një pagë prej 10 milionë euro në sezon, me një bonus nënshkrimi prej 5 milionë eurosh. Një ofertë që me shumë gjasa do e bindë francezin të nënshkruajë, ndërsa firma është çështje ditësh.

Pogba nuk dëshiron më të qëndrojë te Mançester Junajtid dhe siç raportoi “Sunday Times” disa muaj më parë, francezi është shprehur në një bisedë private: “Më duket se më kërkon Reali. Një mundësi shumë e mirë”. Këto fjalë bënë që të shpërthenin zërat për një kalim të mundshëm të kampionit të botës te “Los Blancos”.

Edhe Zinedin Zidan ka shprehur dëshirën e tij për të pasur në skuadër mesfushorin, për të cilin ka bërë gati ofertën. Hames Rodrigez, Kejlor Navas dhe Gareth Bejl do t’i ofrohen Mançester Junajtid, duke shpresuar se njëri nga këta futbollistë, plus disa milionë, të bindte drejtuesit e “Djajve të Kuq” ta linin Pogbanë të lirë.

FUTBOLLI NË AMERIKË DHE E ARDHMJA –  “Jam dashuruar mbas futbollit. Jam marrë me këtë sport të gjithë jetën time. S’di të bëj gjë tjetër. Kur ta lë sportin do të mbaroj certifikatat për t’u bërë trajner dhe më pas do të shikoj se çfarë mundësish do të më jepen. Kam dhe dy vite kontratë. Në varësi të gjendjes time fizike do të vendos nëse do të vazhdoj ose jo. Nuk mendoj se do të rikthehem të luaj në Angli. Para pesë vitesh nuk do e mendoja kurrë se do të luaja në Amerikë. Më mungon Liverpuli. Kur luaja me Junajtid rikthehesha atje çdo fundjavë. Para se të vija këtu kisha një ofertë shumë më mirë nga një klub kinez, por zgjodha të bëja atë çfarë ishte më e mira për familjen time. Mendoj se njerëzit këtu në Amerikë e vlerësojnë më shumë se në Angli privatësinë e futbollistëve. Nuk më shqetëson askush kur dal me familjen”.

FILLIMET NË LIVERPUL – “Mbrapa shtëpisë sime kisha një fushë futbolli. Shkoja aty ccdo mëngjes para se të nisesha për në shkollë. Mamaja më bërtiste çdo herë që më shikonte aty. Më pas u futa në akademinë e Evertonit. Ishte e vështirë në fillim, prindërit më shoqëronin për në stëvitje, por duhet të merrnim tre autobusë. Nuk kisha kohë për të ndenjur me shokët. Besoj se do ia kisha dalë të bëhesha futbollist edhe nëse nuk kisha kaq shumë talent, asnjëherë nuk kam lënë pas dore stërvitjen”.

BOKSI – “Boksi është sporti që mua më ka pëlqyer më shumë ta shikoja. Babai im më ka rritur me këtë sport. Xhaxhai im ka një palestër boksi në Kroksteth (lagjja në Liverpul ku ka lindur Runi) që e menaxhon prej më shumë se 30 vitesh. Fatmirësisht nuk isha dhe aq i mirë në këtë sport dhe vendosa të luaja futboll. Mendoj se ishte zgjedhja e duhur (qesh).  Për një farë periudhe shkoja njëkohësisht në stërvitje boksi dhe futbolli. Them se kjo gjë më ka ndihmuar për të forcuar fizikun që në Premier League të duhet medoemos. Isha 16-vjeç dhe luaja kundër mbrojtësi të fuqishëm si Sol Kembëll Martin Kioh. U surprizova kur edhe në Amerikë, shumica e lojtarëve në skuadër nuk i njohin boksierët e tanishëm. Jam rritur me yjet e boksin e viteve 90, tani shumë njerëz nuk njohin as Uajlldër, Golovkin ose Kanelon”.

NOKAUTI NGA FIL BARDSLI – “Gjithmonë më ka pëlqyer që të praktikoja boksin në shtëpi. Babai e ka nxjerrë kushedi sa herë nokaut vëllanë tim, për mua ishte diçka e zakonshme. Atë natë kisha dalë me Fil Bardslin dhe kur u kthyem në shtëpi vendosëm dorezat, por fatkeqësisht ndodhi ajo që e kanë parë me miliona vetë në video. Në fakt kur rashë nuk ngela pa ndjenja, video thjesht ndalon në atë moment. U ngrita dhe vazhduam të luftonim. Në fund i thamë vetes, çfarë dreqin po bënim. Mua gati sa mu thye hunda, ndërsa ai po nxirrte gjak nga goja. Ish-trajneri im Luis Van Gal ma kujtonte shpesh atë histori, shkrihej së qeshuri sa herë përmendej si temë”.

Ashtu si një 20 vite më parë, “Djajtë e Kuq”, dolën sërish fitimtarë. Rastësia e solli që Ole Gunar Solskjaer të shënonte sërish, por kësaj radhe shënoi golin e parë të takimit. Pas norvegjezit radhën për të shënuar e morën Jork, Niki Bat dhe Luis Saha. Qershia mbi tortë ishte goli i fundit i takimti nga Dejvid Bekam, i cili vazhdon të tregojë klasin e tij.

Në bankinë nuk mungoi legjenda e gjallë Sir Aleks Ferguson, i cili duket se e ka marrë veten plotësisht nga operacioni i bërë në tru gjatë vitit të kaluar.

Mançester Junajtid 5-0 Bajern Mynih
Shënues: Solskjaer, Jork, Bat, Saha, Bekam

18-vjeçari është pjesë e Mançester Junajtid. Talenti anglze ka dalë pikërisht nga akademia e “Djajve të Kuq” dhe është një futbollist shumë premtuar. Mësohet se Solskjaer nuk është një admirues i madh i tij dhe mund të privohet nga shërbimet e 18-vjeçarit, pasi para tij ka emra si Grinud dhe Çong.

Gomes këtë sezon ka luajtur me skuadrën B të Juanjtid, ku ka luajtur 22 ndeshje në të gjitha kompeticionet. 8 gola dhe 5 asiste për mesfushorin fantazist, një statistikë e kënaqshme. Po ashtu, Gomes ka luajtur dhe në Premier League me skuadrën A. Dy takime dhe 25 minuta në total.

Një vit e gjysmë më vonë të dyja palët duket se kanë rënë dakord që rrugët e tyre të ndërpriten. Media italiane “Sky Sports”, raporton së fundmi se agjenti i lojtarit, Fernado Feliçeviç është takuar me përfaqësues së Juventusit dhe Interit.

Kiliani mbetet një lojtar interesant për shumë ekipe dhe një rikthim në Serie A mund t’i bëjë mirë sulmuesit shtatshkurtër. Një fillim nga e para është pikërisht ajo që i duhet Sançezit, por pengesa e fundit për transferimin e tij është paga marramendëse prej 20 milionë paundësh në vit, që e rendit atë si lojtarin e shtatë më të paguar në planet.

“Është e qartë, ky sezon është për t’u harruar! Jemi në vend të gjashtë, diçka e papranueshme për një klub si Mançester Junajtid. Humbën 2-0 përballë Kardifit dhe tifozët qëndruan deri në fund për të na përshëndetur. Kjo gjë tregon shumë për këtë klub të madh.

Fajtorë mund të konsiderohen disa lojtarë, të cilët kanë bërë një sezon për t’u harruar. 7 ose 8 afrime nuk janë aspak të ekzagjëruara, pasi e thashë që vendi i gjashtë nuk i takon Junajtid. E nisim sezonin në korrik në kualifikueset e Europa League, deri atëherë do t’i kemi rregulluar të gjitha gjërat”, u shpreh mes të tjerash trajneri i Mançester Junajtid.

Trajneri i “Djajve të Kuq”, Ole Gunar Solskjaer, tha para gazetarëve se disa nga lojtarët e skuadrës së tij mund të ketë luajtur ndeshjen e fundit me të si trajner, fjali kjo që paralajmëron një revolucion në merkaton e verës.

“Nuk dua të flas për individë, por ka  shumë mundësi që kjo është hera e fundit që do të shikoni disa lojtarë të caktuar me fanellën e Mançester Junajtid”

“Jemi këtu jo pa arsye. Nuk kemi qenë aq të mirë sa për tu renditur në zonën e Champions-it. Europa League është vendi që na takon. Gjithsesi sot prisja të luanim më mirë. S’kishim përqendrim dhe besim. U çudita me mënyrën si luajti skuadra, në vend që luanim thjeshtë provonim gjërat më të vështira”, tha norvegjezi.

Netët evropiane për sezonin e ardhshëm Junajtid do i kalojë në “Europa League”, kompeticion të cilin e fituan në vitin 2017. Është e qartë që asnjë lojtari nuk e ka më vendin e sigurt te Junajtid, ndoshta pas këtyre rezultateve negative pikëpyetje mund të vihen edhe mbi menaxherin Solskjaer, i cili kreu një mrekulli në dy muajt e parë.

Në takimin tjetër të kësaj dite Çelsi mori një fitore 3 – 0 ndaj Uotfordit. Pas një pjesë të parë të dobët, londinezët u zgjuan në fraksionin e dytë të lojës duke shënuar me anë të Loftus-Çik, Luis dhe Higuain. Londinezëve tani u mbetet të fitojnë finalen ndaj Leisterit në javën e fundit të kampionatit për të vulosur rikthimin në Champions League.

Premier League – Java 37

Hadërsfilld-Mançester Junajtid 1-1

Shënues: Mbenza 60’ / MekTominai 8’

Çelsi-Uotford 3-0

Shënues: Loftus Çek 48’, Luiz 51’, Higuain 75’

Mbrojtësi 38-vjeçar i jep fund një karriere të lavdishme që filloi 20 vite më parë me skuadrën e Mançester Junajtid. Te “Djajtë e Kuq” O’Shei luajti më shumë se 250 ndeshje dhe fitoi 5 trofe të Premier League dhe një Champions League në vitin 2008.

S’mund të lihen pa përmendur dhe 118 paraqitjet me kombëtaren irlandeze, me të cilët ka luajtur në dy turne madhorë si “Euro 2012” dhe “Euro 2016”.  Mundësinë për të shkuar në një Botëror ia hoqi Tieri Henri me një gol famëkeq në ndeshjne “play-off”.

O’shei ka qenë ndër ata lojtarë që e meritonin plotësisht nofkën “ushtar”, duke dhënë gjithçka për ekipin në çdo pozicion që luante.

Sipas “Daily Mail”, trajneri Ole Gunar Solskjaer i është “përveshur” sulmuesit francez Antoni Marsial, i cili ka qenë një ndër lojtarët më zhgënjyes tek “gjiganti” anglez në këto javët e fundit.

Forma e dobët e francezit mbështet edhe nga statistikat ku ai është ndër  lojtarët që vrapojnë më pak te “djajtë  e kuq” duke regjistruar një mesatare prej 8.45 kilometrash të përshkruara në 90 minuta.

Në mënyrë ironike kjo sjellje e lojtarit vjen fill pas nënshkrimit të një kontrate të re afatgjatë nga e cila 23-vjeçari është kthyer në një ndër lojtarët më të paguar në ekip me një pagë 11 milionë paundësh në sezon.

“Këputja e ligamentit lateral do ta mbajë mbrojtësin dy muaj larg fushave të blerta, çka përveç kampionatit do i kushtojë edhe humbjen e turneut të Kupës së Kombeve me përfaqësuesen e Bregut të Fildishtë”.

“Në javët e fundit Beili është përfolur për një largim të mundshëm në Francë, ku Olimpik Lion ka dërguar një ofertë prej 15 milionë eurosh për 25-vjeçarin. Ndoshta ndeshja e së dielës ishte e fundit për Beilin me “djajtë e kuq”.

Huan Mata zhbllokoi sfidën duke ndëshkuar ish-ekipin e tij në minutën e 9-të, por Çelsi barazoi shifrat me anë të Alonsos, i cili shfrytëzoi një gafë për portierit David De Gea. Fraksioni i dytë i lojës foli më shumë Çelsin, por rezultati mbeti i pandryshuar.

Teksa në lojë janë vetëm 6 pikë, Junajtid e gjen veten në vendin e gjashtë, tre pikë larg dhe një pikë larg Arsenalit. Një fitore e bluve të Londrës do të mbyllë matemakisht shanset e “djajve të kuq” për të arritur zonën Champions.

“Në këtë nivel fitoret janë gjithmonë të vështira. Në pjesën e parë e kishim në të vështirë, por është normale pasi po ndjenim presionin, në të dytën sulmuam më shumë. E dinim që duhet ta fitonim lojën”.

SANE – “Fernandinjo kishte disa probleme muskulore, prandaj futa Sanen më shpejt se sa e kisha parashikuar. Ishte i mahnitshëm,na e bëri lojën më të shpejtë. Sulmi në krah është specialiteti i tij. Shpesh jam shumë kritik me të, pasi e di potencialin e tij dhe duhet ta ndihmoj në zhvillimin e tij me lojën e top dhe pa të. Sot luajti në një nivel shumë të lartë”.

TITULLI – “Siç e kam thënë dhe në ndeshjet e fundit, titulli është në duart tona. Nuk mendoj se Liverpuli do të humbë. Kemi fituar 10 ndeshjet e fundit, është e mahnitshme çfarë kanë bërë djemtë. Po ta kishim fituar këtë ndeshje në nëntor ose dhjetor do të festonim më shumë, por nesër gjithçka ka mbaruar. Duhet të jemi shumë të përqendruar. Tani duhet të shkojmë te Bërnli, ku në dy sezonet e shkuara kam kaluar momente shumë të vështira”.

Fitorja e sotme në “Old Trafford” vendos dy rekorde historike. Siti bëhet i pari ekip që prej themelimit të formatit “Premier League” në vitin 1992 që mund Junajtid në “Old Trafford” me rezultatin 2 – 0. Një gjë e tillë nuk kishte ndodhur asnjëherë në 516 ndeshjet e mëparshme.

Rekordi tjetër i takon trajnerit Pep Guardiola, i cili bëhet trajneri i parë në histori që fiton tri ndeshje kampionati radhazi në “Old Trafford”. (1 – 2, 10 dhjetor 2017), (1 – 2, 10 shtator 2016).

Trajneri norvegjez u shpreh se pa lojtarë të impenjuar e që vraponin, por në fund Solskjaer pranon me keqardhje që Siti është ekipi më i mirë dhe madje i komplementin duke thënë se ekipi i Guardiolës ka vendosur një standard.

“Skuadra reagoi, por në fund u mundëm nga një kundërshtari më i mirë se ne. Gjithsesi mora një reagim nga skuadra dhe lojtarët. Mund të vërehej qartazi se djemtë po punon fortë, por nuk ishte mjaftueshëm”.

“Ka një diferencë në cilësi. Për këtë arsye ata janë në këtyre dhe ne jemi këtu ku jemi. Ata kanë vendosur një standard. Jetojmë në Mançester dhe s’mund të na pëlqejë kjo gjë. Është në dorën tona që të zvogëlojmë hendekun e t’i kalojmë ata”.

“Sot nuk mund të them se ndonjë nga lojtarët nuk vrapoi. Duket qartë që kishte impenjim dhe përqendrim. Thjesht na duhet të punojmë sërish. Lojtarët e Sitit kanë shumë uri kur humbasin topin. E marrin mbrapsht me agresivitet dhe faulle”, përfundoi Solskjaer.

Pjesa e parë ishte e barabartë me të dyjat skuadrat që krijuan disa shanse për shënim. Situata ndryshoi krejtësisht në fraksionin e dytë të lojës, ku Siti tregoi qartazi që është skuadra me më cilësi. Golat e Sitit erdhën nga këmbët e dy mëngjarashëve të sulmit: Bernardo Silva dhe Liroi Sane.

Bërnli, Leister Siti dhe Brajton janë tri finalet që duhen fituar me çdo kusht nga “qytetarët” që tani kanë vënë njërën dorë te trofeu i dytë radhazi i kampionatit anglez.

Mançester Junajtid 0 – 2 Mançester Siti
Shënues: Silva 54’, Sane 66’

Pas një pjese të parë të barabartë, djemtë e Guardiolës janë kthyer më të karikuar se kurrë në fraksionin e dytë të lojës dhe rastet e vazhdueshme u shpërblyen më në fund në minutën e 53-të. Pak minut më vonë Sane shënon të dytin për Sitin.

Tani, Nevill punon prej kohësh për kompaninë mediatike “Sky Sports”. Në një intervistë për bërë së fundmi, Nevill flet me trajnerin e “Djajve të Kuq” në prag të takimit të nesërm ndaj Mançester Siti.

Megjithëse situata është tepër e tensionuar, Solskjaer, tregon se është një njeri që nuk i kursen shakatë, duke “thumbuar” gjatë intervistës ish-kolegun e tij për eksperiencën katastrofike qe ai pati si trajneri i Valencias katër vite më parë, ku skuadra spanjoll rrezikoi rënien nga Primera Divizion.

“Sigurisht  që do të ketë pasoja. Kundër Sitit s’do të jetë e njëjta skuadër. Sigurisht një ndeshje e tillë bën që të ndryshosh mënyrën e të menduarit. Tani duhet një reagim, një përgjigje. Duhet që të provokosh një reagim, duhet që të frymëzosh një përgjigje nga lojtarët. Ti e di nuk është lehtë të menaxhosh një skuadër në disa raste (qesh)”.

https://twitter.com/utdxtra/status/1120740909409345538

Tekniku norvegjez vuri në dyshim impenjimin e disa lojtarëve dhe u shpreh i bindur se ai do të ketë një të ardhme te suksesshme te Mançester Junajtid, ndërsa disa nga lojtarët që ka në dispozicion s’do të jenë pjesë e këtij suksesi.

“Duke filluar nga minuta e parë gjithçka shkoi keq. Duhet të kërkojmë falje tifozëve, ata janë të vetmit persona që mund t’i veshin me fanellat e Mançester Junajtid me kokën lart,  ndërsa ne jo”.

“Paraqitja e skuadrës nuk ishte e denjë për emër si Mançester Junajtid. U kërkojmë falje të gjithë personave që kanë një lidhje me këtë klub. Kemi një shans perfekt për ta shlyer këtë që bëmë të mërkurën (derbi ndaj Mançester Sitit)”.

“Evertoni ishte më mirë se në të gjitha aspektet. Thjesht talenti s’ka për të mjaftuar punë, duhet të punojmë në shumë gjëra që të marrin rezultatet që ne dëshirojmë. Nëse je një lojtarë që dëshiron të luadh në këtë klub, duhet të kuptosh se sa vlerë ka kjo fanellë. Dua që skuadra ime të jetë skuadra që punon më fort në të gjithë kampionatin. Unë do të korr sukses këtu, dhe do të ketë lojtarë që s’do të jenë pjesë e asaj skuadre të suksesshme”.

https://twitter.com/utdxtra/status/1120000552602152960

Në një intervistë për “Manchester Evening News”, trajneri norvegjez shpjegoi se klubi i tij nuk mund të bëjë një revolucion të skuadrës, duke thënë se ndryshimet do të bëhen hap pas hapi.

“Kam folur me klubin, ne e dimë se duhet të tregohemi realist dhe se kemi shumë punë për të bërë. S’mund t’i rregullojmë menjëherë gjërat. S’mund të blejmë shtatë lojtarë dhe të rikthehemi si më parë. Duhet të bëjmë gjërat hap pas hapi”.

“Kemi skautë që po vëzhgojnë lojtarë cilësorë dhe do të marrim futbollistët e duhur. Do të jenë lojtarë që do të kenë personalitetin, cilësinë dhe çmimin e duhur. Jam i bindur se do t’i marrim këta lojtarë”, tha Solskjaer.

Në një prej emisioneve të fundit, ai analizoi humbjen 3 – 0 të Mançester Junajtid ndaj Barcelonës në “Camp Nou”.

“Mendoj se në takimin e parë Junajtid u mundua të bllokonin me sa më shumë lojtarë pjesën qendrore të fushës. Të gjithë e dimë se si luanin Mesi dhe ku pëlqen të qëndrojë, por është e pamundur ta neutralizosh atë. Siç e thashë në takimin e parë, sa herë që Mesi futej brenda në zonë ai kishte përpara vetes mesfushorë si Fred e Mektominej për të mos përmendur mbrojtësit. Në ndeshjen e dytë strategjia e Junajtid ishte ndryshe”.

“Vetëm Fred ishte i vendosur para mbrojtjes. Ai është vendi ku Mesi merr shpesh topin. Nëse topi përfundon në këmbët e tij në situata një kundër një, je i vdekur. Për këtë arsye nuk kam preferuar kurrë ta markoj Mesin një për një. Për atë të duhet të ndërtosh një kafaz. Në fund Barcelona është një skuadër më e mirë se Mançester Junajtid dhe është normale që fituan”, përfundoi Murinjo.

Trajneri norvegjez tha se Barcelona është një klub disa nivele më lart se Junajtid, ndërsa vëmendja tani fokusohet e gjitha te kampionati ku vendi i katërt është një objektiv i vështirë për t’u realizuar.

“Më duhet të them se Mesi është maja e futbollit dhe sigurisht që ai bëri diferencën. Kur rezultati shkoi 2 – 0 gjithçka mori fund. Ai është i një niveli tjetër. Ai dhe Ronaldo janë lojtarët më të mirë të dekadës së fundit dhe këtë, të gjithë bien dakord për këtë gjë. Mesi sot tregoi kualitetin e tij.

“Na duhet të aspirojmë që të shkojmë në nivelin e Barcelonës. Mund ta arrijmë këtë, por kemi shumë punë për të bërë që ta rikthejmë Mançester Junajtid aty ku e meriton. Ata ishin disa nivele mbi ne në të dyja ndeshjet. Duam që të luajmë sërish në Champions vitin tjetër, kështu që duhet të përveshim mëngët këto javë në kampionat”, tha Solskjaer.