Rashford dërgoi i pari në avantazh Junajtid, ndërsa Milani u përgjigj me Suson. Autogoli i Lindelof në pjesën e dytë i jep avantazhin italianëve, por Lingart baraspeshon shifrat në 2 – 2. Në goditjet e 11-metërshave, lojtarët e Junajtid u treguan të saktë në të pesta penalltitë, ndërsa për Milanin gaboi Paolo Maldini, i cili është djali i legjendës Paolo Maldini.

Mançester Junajtid 2 – 2 Milan
Shënues: Rashford 14’, Lingard 72′  / Suso 26’, Lindelof 60 (aug)

Lindelof është një nga lojtarët më të dashur për tifozët e Mançesterit dhe një largim i tij nuk do të pritej mirë. Mbrojtësi suedez ka bërë paraqitje të shkëlqyera dhe ka qenë një ndër të paktët që ka shkëlqyer sezonin e shkuar me fanellën e kuqe.

Barcelona e kërkon me ngulm për të përforcuar prapavijën, çka ka bërë që tifozët e Junajtid të shprehin mendimin e tyre në rrjetet sociale në lidhje me një largim të mundshëm të idhullit të tyre. “Kthehuni pas!” ishte një nga komentet, ndërsa komenti që mori vëmendjen më të madhe ishte: “Vetëm nëse na jepni Mesin si shkëmbim”.

Sipas mediave angleze, ka ndaluar printimi i fanellave me numrin 6 dhe emrin e Pogba në dyqanin zyrtar të Mançester Junajtid. Mesa duket, mesfushori francez i ka bërë gati valixhet dhe e ka luajtur ndeshjen e fundit me fanellën e “Djajve të Kuq”. Përveç Pogbasë, drejt Serie A mund të transferohen dhe Aleksis Sançez dhe Romelu Lukaku. Mançester Junajtid duket në një situatë shumë të vështirë.

Mësohet se skuadra angleze i ka ofruar një pagë të çmendur kapitenit të Ajaksit. Plot 350 mijë sterlina në javë (400 mijë euro) dhe një pagë sezonale që i kalon 18 milionë eurot. Gjithashtu, De Ligt i është premtuar dhe një vend formacioni si titullar i padiskutueshëm.

Agjenti i lojtarit, Mino Raiola, po e shtyn klientin e tij që të zgjedhë “Djajtë e Kuq”, pasi ana financiare, është shumë e kënaqshme. Vetë Raiola do të përfitojë 12 milionë euro nëse transferimi i De Ligt kryhet me sukses nga Ajaksi te Mançester Junajtid.

Në këmbim të marrëveshjes me De Ligt, Bartomeut do i duhej të shtonte 15 milionë euro si komision. Kjo është shifra, që kërkon menaxheri i lojtarit si shpërblim për punën e tij. Barcelona nuk e pa të arsyeshme të jepte këtë shumë për Raiolën. Ata mendojnë se nuk kanë pse paguajnë komision për një lojtar, që dëshiron të vijë vetë në “Camp Nou”.

Kjo lëvizje e katalanasve ka bërë që Raiola të hedhë sytë nga klubet e tjera të interesuara për 19-vjeçarin. Mançester Junajtid është gati të ofrojë komisionin për Raiolën dhe një pagë ndjeshëm më të madhe se ajo që i ofron Barça. Drejtori Ed Uduard ofron për De Ligt 12 milionë euro në sezon. Kjo ofertë faraonike e bën Junajtid më të favorizuar për të marrë talentin tulipan.

Megjithatë, karakteri i tij nuk pëlqehet shumë nga Diego Simeone, me të cilin ka pasur dhe një konflikt verbal gjatë këtij sezoni. Si pasojë, Parti është nxjerrë në shitje. Arsenali dhe Mançester Junajtid e duan me doemos yllin e Atletikos në skuadrat e tyre dhe ofertat janë bërë gati. Për ta konfirmuar këtë gjë, ka folur dhe agjenti i futbollistit, i cili tha:

“Tomas ka një kaluzolë prej 50 milionë eurosh. Klubet e kanë në dorë. E them me bindje se kjo shifër nuk përfaqëson aspak një lojtar si ai, pasi është një nga më të mirët në botë. Po, ka interes, dy skuadra angleze kanë filluar të pyesin. Do të shohim çdo të ndodhë dhe patjetër që do ju informoj”, përfundoi agjenti i lojtarit.

Lioni siguroi shërbimet e bomberit francez për vetëm 20 milionë euro, para që u arkëtuan te skuadra e Selltikut. Tashmë, Dembele vlerësohet më shumë se 60 milionë euro dhe shumë skuadra synojnë të firmosin me talentin 22-vjeçar.

Për firmën e Dembele, është e interesuar dhe skuadra e Arsenalit, por “Topçinjtë” nuk janë ende aktivë në merkato, pasi po presin fillimisht finalen e “Europa League”, ndërsa Mançester Junajtid ka nisur bisedimet me klubin francez. Oferta e parë e “Djajve të Kuq”, mësohet të ketë qenë rreth 50 milionë euro.

Arsenali dhe Mançester Junajtid kanë bërë gati paratë dhe duan të sigurojnë sa më parë shërbimet e mesfushorit. 26-vjeçari ka qenë një nga lojtarët më të dalluar, duke shënuar 16 gola dhe duke asistuar 13 herë në Euredivisie. Po ashtu, Zijesh ka bërë një supersezon edhe në Champions League.

Siç raportohet, algjeriani ka një klauzolë prej 25 milionë eurosh, por klubi i Ajaksit me shumë gjasa nuk do të pajtohet me këtë shumë. Në pritje të ofertave, Ajaksi po fërkon duart, ndërsa dy klubet angleze duhet të mposhtin njëra-tjetrën për firmën e 26-vjeçarit.

Dembele ishte në stol, u aktivizua në minutën e 75’ dhe vetëm 10 minuta më vonë, gjeti dhe golin, duke shkuar në kuotën e 19 golave këtë sezon dhe në 14 gola në Ligue 1. Ish-futbollisti i Francë U-21 është objektiv i dy skuadrave angleze, që e duan me çdo kusht.

22-vjeçari po bën një sezon shumë të mirë me Lionin, por dhe me Selltikun para se të transferohej në Francë, ka bërë paraqitje të shkëlqyera, duke shënuar 51 gola në më pak se 100 ndeshje për skuadrën skoceze. Një talent që premton shumë dhe dy gjigantët anglezë duket se do të luftojnë deri në fund për firmën e tij.

Sipas asaj që raporton portali britanik, Pol Pobga dhe David De Gea nuk do të jenë më pjesë e “Djajve” në sezonin e ardhshëm. Paratë që do të përfitohen nga largimi i këtyre dy lojtarëve, do t’i shtohen buxhetit prejt 330 milionë eurosh.

Mësohet se Solskjaer do të shpenzojë 100 milionë euro për një transferim të bujshëm, ndërsa me pjesën tjetër të parave, do të mundohet të përforcojë sa më shumë mbrojtjen dhe mesfushën, pasi në këto dy reparte, do të ketë shumë largime.

Valencia, Jang, Roho, Matiç, Pogba, De Gea, Herrera dhe Darmian janë vetëm disa nga emra që me shumë gjasa e kanë mbyllur aventurën e tyre në “Old Trafford”.

“Jam gati të shpërthej dhe temperaturat e larta nuk po më ndihmojnë” tha Nevill për Sky Sports. “Unë nuk gënjehem nga këta lojtarë që ishin gjithmonë fantastikë kur filluan të fitojnë për Solskjaer në ato dy, tre muaj. Nëse mendoni për lojën që kemi bërë kundër Liverpulit disa javë më parë ku gjithçka ishte e përsosur, Ole kishte bërë që lojtarët të luajnë përsëri me dëshirë.

“Tani po shohim se çfarë po ndodh, është për të ardhur turp. Jo vetëm sot kundër Evertonit, por dhe në “Camp Nou” kundër Barcelonës. Në vend që të vrapojnë dhe të kthehen shpejt në mbrojtje, ata bëjnë sikur vrapojnë. Të gjithë plehra! Unë mendoj se ajo që ne po shohim tani është ajo që janë lojtarët në të vërtetë.

“E diela e ardhshme është koha për të reflektuar, sepse Mançester Junajtid do të kuptojë nëse do të arrijnë në Ligën e Kampionëve këtë sezon apo jo. Nëse lojtarët nuk ndryshojnë sjellje dhe të vrapojnë, minimalisht të vrapojnë për këtë fanellë legjendare, nuk mendoj se do të jenë këtu për shumë kohë”, përfundoi legjenda e Mançester Junajtid.

Një nisje e pabesueshme, me fitore shumë të rëndësishme gjatë rrugë. Solskjaer e ngjiti Junajtid nga vendi i shtatë deri në vend të katërt, përmbysi humbjen 2-0 kundër PSG-së në Champions League. Por që pas ndeshjes kundër Arsenalit në kampionat disa javë më parë, e humbur 2-0, gjithçka mori për mbrapsht.

Nuk ndodhte që nga viti 1981 që Mançester Junajtid të humbiste pesë ndeshje radhazi, por me Solskjaer në krye, kjo gjë ndodhi. Humbja 4-0 kundër Evertonit plotësoi këtë rekord shumë negativ dhe Solskjaer ka ende shumë punë për të bërë tek “Djajtë e Kuq”.

Gjithçka nisi me një gabim amatoresk në gjuajtjen e Granit Xhakës në sfidën kundër Arsenalit, të cilën Mançester Junajtid e humbi 2-0. Më pas, De Gea bëri një tjetër gabim, atë kundër Barcelonës, duke i dhuruar golin e dytë Lionel Mesit.

Edhe në takimin e sotëm kundër Evertoni, Gylfi Sigurdson gjuan nga 30 metra, një goditje jo shumë e fortë dhe jo shumë larg De Geas, megjithatë spanjolli nuk arrin ta ndalë. Një gabim që i dha avantazhin e dyfishtë Evertonit dhe Junajtid duket në një moment shumë të errët.

“E mbaj mend shumë mirë momentin kur barazuam. I thashë Fergusonit: Bos, duhet të mendojmë për kohën shtesë. Pa u menduar dy herë, më tha: “Ulu në stol Stiv! Nuk ka mbaruar ende!” E dinte që do të shënonim sërish, kishte një vizion të qartë në kokën e tij, gjithmonë…

Kujtimet e mia në “Camp Nou” janë shumë të forta, i mbaj mend shumë mirë. Pas familjes time, fitimi i tripletës në 1999 është gjëja më e bukur që ma ka ndodhur. Ajo natë ishte magjike dhe qëndron në mendjen time si një pikturë e bukur dhe e paçmueshme”, përfundoi Meklaren.

Dëmtimet kanë qenë një problem madhor për Ole Gunar Solskjaer dhe trajnerit norvegjez shpeshherë i është dashur t’iu besojë të rinjve. Edhe në sfidën kundër Barcelonës, Solskjaer duhet të bëjë llogaritë pa katër lojtarë.

Nemanja Matiç, Ander Herrera, Erik Beili dhe Antonio Valencia me shumë gjasa nuk do të luajnë kundër Barcelonës. Përveç këtyre katër lojtarëve shumë të rëndësishëm, në dyshim është dhe Markus Rashford, që është stërvitur i diferencuar të hënën.

“Junajtid është një klub që ka shumë para, por qe duhen shpenzuar me shumë kujdes. Njeërëzit që me njohin, e dinë sesi unë jam dhe jam i bindur se do t’i shpenzoj ato para me shumë kujdes dhe me shumë arsyetim. Kam një plan me klubin, kemi filluar të studiojmë lojtarë që para shumë kohësh.

Di dhe kush do të qëndrojë këtu, kush do të largohet. Nuk do të harxhojmë para sa për të harxhuar para. Kemi disa probleme me kontratat e lojtarëve që skadojnë, por po punohet që të kemi sa më shumë rinovime”, tha Solskjaer.

Pas rezultateve të shkëlqyer, Mançester Junajtid nënshkroi përfundimisht me Solksjaer, duke paguar 7 milionë euro te skuadra e Moldes. Në kampionatet elitare të Europës, 7 milionë euro nuk bien në sy, por në Norvegji, gjërat janë ndryshe.

Sipas gazetarit të “SportInteligjence”, Nik Harris, me 7 milionë euro, një skuadër norvegjeze paguan rrogën e një lojtari për 106 vite. Po ashtu, 7 milionë euro është dyfishi i shumës që Molde ka përfituar nga shitja e lojtarit më të shtrenjtë (3.5 mln euro). Shuma që Junajtid ka paguar për Solskjaer është sa 2/3 e buxhetit të plotë sezonal të Moldes. Me këto para të arkëtuara, pritet që Molde të bëjë gjëra të mëdha në kampionatin norvegjez dhe jo vetëm.

“Djajtë e Kuq”, sipas mediave britanike, duan të mposhtin me doemos rivalitetin e Liverpulit, pasi kështu përforcojnë skuadrën e tyre, por dhe nuk lejojnë një rival të sigurojë një lojtar shumë cilësor. Megjithatë, favorit për firmën e Odoi mbetet Bajerni i Mynihut.

Bavarezët nuk po arrijnë të rinovojnë skuadrën dhe Gnabri e Koman nuk janë ende gati, prandaj Odoi shihet si pasuesi ideal i Arjen Roben, që do e mbyllë me kampionët e Gjermanisë në fund të sezonit. 18-vjeçari i Çelsit preferon të qëndrojë në Angli, por duke parë emra si Sanço dhe Nelson që po shkëlqejnë në Bundesliga, mund të ndikohet dhe të zgjedhë Bajernin e Mynihut.

Për këtë ditë historike të futbollit anglez, ka folur ish-mesfushori i Mançester Junajtid, Tom Kleverli, i cili ka zbuluar dhe fjalët e Ferguson në dhomat e zhveshjes: “Nuk mund të shkonte më keq. Nuk isha i grumbulluar në ndeshjen e fundit kundër Sandërlendit dhe nga tribuna, isha shumë i stresuar. Kur Xheko barazoi 2-2, ma ndjeu zemra se nuk ishte e shkruar që ne të shpalleshim kampionë.

Zbrita menjëherë nga tribuna drejt dhomave të zhveshjes, kur Aguero shënoi. Kishte disa TV në ambientet e stadiumit dhe kur dëgjova komentatorin teksa bërtiste: “Agueroooo”, gjithçka u errësua. Nuk doja ta besoja dhe shkova drejt e në dhomat e zhveshjes. Nuk do ta harroj kurrë atë moment. Ferguson po thoshte: “Iu kam thënë! Ja pse duhet të fitonim me shumë gola, të ishim të pamëshirshëm. Duhet të vrisnim kundërshtarët, humbëm nga golaverazhi! E pabesueshme!”, tha ai dhe ne lojtarët nuk kishim guxim as ta shikonim në sy. Ai ishte një fitues i vërtetë dhe nuk u dorëzua deri sa e fitoi titullin, më pas u largua i lumtur nga bota e futbollit”, përfundoi ish-mesfushori.

According to reports in RMC, PSG were unhappy with Evra’s celebration when Man United beat them.

Evra: #Ilovethisgame ???#Mufc pic.twitter.com/K5V0sMN5g4

— ? Totally Man Utd ? (@TotallyMUFC) March 8, 2019

Ditën e dielë, Evra mori vesh se klubi i PSG-së ka bërë një ankezë zyrtare në UEFA për festimin e tij, duke e konsideruar atë si të tepruar dhe provokues.

Ky lajm nuk i ka pëlqyer aspak ish-lojtarit të përfaqësueses franceze, i cili me anë të një postimi në rrjetet sociale e ka kthyer në personale çështjen, duke i kërkuar presidentit të PSG-së, Naser Al-Kelaifi, emrin dhe pushimin nga puna të personin që ka bërë ankesën ndaj tij.

“Le t’i japim fund këtyre broçkullave. Naser (Al Kelaifi) ke një president i madh që e pëlqen PSG-në. Është koha të përdorësh “gijotinën”. Pushoja personin që bëri ankesën për mua, kjo është qesharake”, shkruan Evra.

Ishte mesfushori me origjinë shqiptare, Granit Xhaka ai që shnoi, duke lëshuar një të majtë të hidhur nga një distancë rreth 30 metra. De Gea shkoi drejt shtyllës tjetër të portës dhe u ndëshkua, një gabim i rrallë për të.

Pjesa e dytë filloi më mirë për Junajtid, por do të ishin sërish “Topçinjtë” e Londrës që do të shënonin. Lakazet bën gjithçka mirë dhe futet brenda zonë, pengohet nga Fred dhe penallti. Obamejang merr përsipër ekzekutimin e saj dhe shënon, duke vendosur rezultatin final të sfidës, 2-0.

Premier League

Arsenal – Man. Junajtid  2-0
Xhaka 12’, Obamejang 69’

Emri më i përfolur është ai i Zherom Boateng, por Bajerni nuk ka ndërmend të heqë dorë nga shërbimet e gjermanit. Për më tepër, Boateng kushton më shumë se 100 milionë euro. Një alternativë më e lirë po studiohet nga Junajtid.

Bëhet fjalë për Xhonatan Tah, mbrojtësin e Leverkuzenit që për shumë sezone është në radarin e shumë skuadrave. Me vlerën e tij rreth 50-70 milionë euro, Junajtid duket gati për të paguar. Mësohet nga mediat gjermane se një ofertë prej 40 milionë eurosh ka mbërritur në zyrat e Leverkuzenit për Tah, por është refuzuar. Një ofertë e përmirësuar nga Junajtid mund t’i bindë drejtuesit gjerman që të shesin kartonin e mbrojtësit shumë të talentuar.

Numri 9 i “Djajve të Kuq” ka shënuar dy gola kundër Kristal Palas, dy gola kundër Sauthempton dhe dy gola kundër PSG-së, një rekord fantastik. Gjashtë gola në tre ndeshje radhazi: Kush është sekreti i bomberit belg?

Veza e skuqur… po, veza. Gjatë botërorit në Rusi, Lukaku kishte shtuar peshë në muskuj dhe shpejtësia e tij ra ndjeshëm. Kjo gjë i pëlqeu Murinjos, pasi portugezi do lojtarë të fortë, por jo Solskjaer. Si pasojë, Lukaku ka hequr dorë nga pastat dhe konsumon vezë të skuqura.

Kur i dorëzuan faqen e parë të gazetës britanike, “Evening Standard”, Solskjaer nuk u fokusua te shkrimi kryesor, ku i thureshin elozhe, por te një reklamë në fund të faqes së gazetës. Aty ishte një foto e tij, si imazh i një kompanie bastesh.

Kjo gjë nuk i ka pëlqyer aspak Solskjaerit, që drejtpërdrejt në televizion tha se ajo kompani do të ketë probleme të mëdha me të. Avokati i Solskjaer pranoi se kjo gjë është e paligjshme si në Angli, ashtu dhe në Norvegji dhe do të punohet në sqarimin e këtij problemi.

Lojtarët, tifozët, stafi dhe klubi i PSG-së nuk ishin aspak dakord me vendimin e gjyqtarit për të akorduar atë penallti, pasi ishin të bindur se dora e Kimpembe ishte e pavullnetshme dhe devijimi i topit nuk ishte aq vendimtar sa për të dhënë 11-metërsh.

Rrjetet sociale u pushtuan nga postime të tifozëve francezë, që e quanin UEFA-n të korruptuar dhe arbitrat të padenjë për të drejtuar një ndeshje të Ligës së Kampionëve. Vetëm Qeveria e Futbollit ka reaguar për penalltinë në ndeshjen mes PSG-së dhe Mançester Junajtid, ku ka mbrojtur arbitrin e tyre.

Kimpembe ishte shumë larg topit dhe hapja e duarve të tij ka zënë më shumë hapësira para topit të goditur dhe sipas rregullave të reja, është penallti e padiskutueshme.

Rekorde, fitore të shumta, lojë e bukur dhe gola spektakolarë: Ky është Mançester Junajtid i Ole Gunar Solskjaer, të cilit me shumë gjasa do t’i besohet stoli me kohë të plotë. Kualifikimi përballë PSG-së ishte qershia mbi tortë për të besuarit e Solskjaer, që duken të rilindur në vitin 2019.

Për të siguruar firmën e Solskjaer, Junajtid tashmë nuk duhet të paguajë asgjë, pasi trajneri norvegjez është pa kontratë. Me shumë gjasa, Solskjaer do të jetë trajner i “Djajve të Kuq” edhe sezonin e ardhshëm.

Në fjalën e tij, trajneri norvegjez tha: “Në takimin e parë, PSG-ja na ndëshkoi nga një goditje standarte dhe në vetëm 10 minuta, u duk se do të shënonin katër ose pesë gola. Ishte një ndeshje shumë e luftuar, por ata kanë kualitet të jashtëzakonshëm.

Mbape është një lojtar i madh, shumë cilësor dhe i shpejtë. Një rrezik për ne, por nuk do të jetë vetëm ai. Duhet të mbrohemi mirë dhe të shënojmë, pasi golat e ndryshojnë ndeshjen. Nuk kam asnjë presion nga klubi nëse eliminohemi. Shpresoj që të paktën të bëj një formacion të plotë, me lojtarët që janë në formë të mirë. Gjithsesi, do të presim deri nesër për të parë sesi Junajtid do të jetë”,- tha trajneri i “Djajve të Kuq”.

Për dy vite e gjysmë, trajneri i Mançester Junajtid ka jetuar në suitën luksoze të një hoteli shumë pranë qendrës së qytetit të Mançesterit. Suita ku jetoi portugezi ishte me sipërfaqe 90 metra katrorë dhe e kompletuar në çdo aspekt.

Së fundmi media britanike “The Daily Mirror” ka zbuluar se fatura totale e portugezit në hotelin luksoz i kalont 800 mijë paundë. Shumë e çmendur, por s’duhet të harrojmë se Murinjo paguhej 12 milionë euro në sezon nga “djajtë e kuq”.

Edhe pse u rikthye në stërvitje gjatë ditës së sotme, Marsial nuk arriti ta përfundojë seancën stërvitore dhe Solskjaer u “godit” sërish me realitetin e hidhur, pasi francezi me shumë gjasa do të mungojë përballë PSG-së në ndeshjen e kthimit në “Parc de Prince”.

Vetë trajneri norvegjez pranoi se nuk është aspak i kënaqur me këtë fakt dhe se Marsial është një lojtar shumë i rëndësishëm. “Mendova se do të rikthehej, por sot në stërvitje nuk ia doli. Nuk kam ndërmend të rrezikoj me gjendjen e tij dhe mendoj se do të mungojë kundër PSG-së”.

“Atmosfera në dhomat e zhveshjes është e shkëlqyer. Kam parë në shumë raste ku rezultati nuk është në favorin tonë disa sjellje të lojtarëve, që më duhet të them janë të pabesueshme.

Mënyra si ata mbështesin njëri-tjetrin është inspiruese dhe më kujton Junajtidin e vjetër. Përmbysjet e rezultateve dhe besimi deri në sekondat e fundit është në ADN e këtij klubi të madh. Të përmbsysësh rezultatin ashtu siç ne bëmë përbalël Southempton ishte diçka unike.

Lukaku është një shënues i lindur, është githmonë gati për të sakrifikuar dhe për të ndihmuar skuadrën. Sançez pësoi një dëmtim, por nuk e di gjëndjen e tij.

Jemi vetëm tri pikë pas Totenhamit dhe kjo gjë është emocionuese. Kemi një sfidë të re përpara dhe kur askush nuk mendonte se Junajtid mund të renditej pas Liverpulit e Sitit, ne mund ta bëjmë këtë realitet”, përfundoi trajneri norvegjez.

Zikaltrit duhet të zgjidhin çështjen “Ikardi”, me sulmuesin argjentinas që me shumë gjasa do të largohet në verë. Duke parë një largim të mundshëm të ish-kapitenit të tyre, Lukaku shihet si emri ideal për të përforcuar sulmin. Spaleti nuk e ka mohuar interesimin për Lukakun, por belgu do të jetë një transferim i shtrenjtë.

Megjithatë, duke parë që Lukaku nuk bën pjesë në planet e Solskjaer, bordi drejtues i Mançester Junajtid është i gatshëm të hapë negociatat, në mënyrë që të arrihet të një shifër e kënaqshme për të dyja klubet.

Me atë fitore 1-3 në transfertën londineze, Solskjaer regjistroi fitoren e 8 radhazi jashtë shtëpie, një rekord absolut. Këtë gjë nuk e kishte arritur as trajneri legjendar, Sir Aleks Ferguson, pavarësisht se në krye të Junajtid qëndroi më shumë se dy dekada.

Solskjaer mori drejtimin e “Djajve të kuq” në muajin dhjetor, kur zëvendësoi të shkarkuarin Murinjo. Fillimisht tekniku norvegjez erdhi për të drejtuar Junajtidin deri në fund të sezonit, por me punën shumë të mirë që po bën, pankina mund t’i besohet edhe për sezonin e ardhshëm.

Ndërsa kampionët e Francës janë gjobitur me 41 mijë euro, për shkak se tifozeria e tyre hodhën fishekzjarrë në fushën e lojës, sende të tjera dhe shkaktuan trazira mes dy turmave. Këto gjoba duhen paguar para ndeshjes së kthimit, që do të luhet në “Parc de Prince” në mesjavë.

Ndeshja e parë mes dy skuadrave, u mbyll 0-2 në favor të PSG-së, falë golave të Kimpembe dhe Kilian Mbape, duke hedhur një hap shumë të rëndësishëm sa i takon kualifikimit.

Ritkhimi i Andrea Kontit nga dëmtimi ka bërë që Kalabria të humbasë vendin në formacion dhe 22-vjeçari nuk shihet më si titullar nga Gatuzo. Për “CalcioMercato”, Vitali tha se do t’i studiojë të dyja ofertat gjatë javëve të ardhshme dhe do të vendosin së bashku me Kalabrian pasi të bisedojnë me teknikun Gatuzo dhe bordin drejtues.

“Kemi interesim nga Mançester Junajtid dhe një skuadër tjetër, që për hir të negociatave nuk mund ta bëj publik emrin. Interesimi për Kalabrian ka qenë gjithmonë prezent, pasi është një lojtar i ri dhe me të ardhme. Do të bisedojmë me Gatuzon dhe bordin drejtues, ndërsa më pas do të vendosim nëse bisedimet do të futen në një fazë më të avancuar apo jo”,- përfundoi Vitali.

Kjo pikë e ngjit ekipin e Solskjaer në kuotën e 52 pikëve, ndërsa të kuqtë e Klopit ngjiten në krye me një pikë më shumë se Mançester Siti. E veçanta e takimit ishin dëmtimet dhe zëvendësimet e shumta në pjesën e parë.

Vendasit ishin pa fat, pasi humbën shërbimet e Herrerës, Lingard dhe Aleksis Sançez në pjesën e parë për arsye dëmtimesh. Solskjaer u detyrua t’i harxhonte të tri ndërrimet që në pjesën e parë, ndërsa të njëjtin fat pësoi dhe Roberto Firminjo. Braziliani i Liverpulit nuk ia doli të vazhdonte dhe i la postin Starrixhit.

Pjesa e dytë ishte më e kujdesshme, ndërsa Klop provoi ta fitonte ndeshjen me aktivizimin e Shaqirit dhe Origit, por gjithçka u mbyll në barazim pa gola. Solskjaer vazhdon të qëndrojë i pamposhtur në kampionat që nga koha kur ka marrë drejtimin e Junajtid, ndërsa djemtë e Klop mund të jenë të kënaqur me pikën e marrë në një transfertë tepër të vështirë.

Ndërsa Arsenali ka arritur të marrë një triumf 2-0 në shtëpi përballë Sauthemptonit, falë golave të Lakazet dhe Mikitarian. Sulmuesi francez ndëshkoi “Shenjtorët” me një goditje me thembër, ndërsa Mikitarian konkretizoi me gol një kundërsulm perfekt. Kjo fitore i ngjit “Topçinjtë” në vendin e katërt, duke parakaluar Mançester Junajtid.

Premier League, java e 27-të

Mançester Junajtid – Liverpul   0-0

Arsenal – Sauthempton  2-0
Lakazet 6’, Mikitarian 17’

Forma e mirë e Rashford ka bërë që Barcelona të përgatisë një ofertë konkrete, që sipas mediave spanjolle, kap vlerën e 100 milionë eurove. Klubi i Mançester Junajtid e ka bërë të qartë se nuk ka ndërmend të privohet nga shërbimet e zbulimit të tyre, por kjo ofertë vështirë se mund të refuzohet.

Mbetet ende për t’u parë nëse Rashford do të transferohet në Katalonjë gjatë merkatos së verës, por një gjë e sigurt: Ylli i “Djajve të Kuq” do të jetë një nga lojtarët më të kërkuar në treg.

“U futa në fushë i dëmtuar. Kur po bëj nxehjen gjatë pjesës së parë, arbitri anësor më goditi në këmbë. Po shikoja ndeshjen dhe për një moment nuk isha i vëmendshëm, të njëjtën gjë po bënte dhe arbitri dhe përplasja ishte shumë e fortë.

“Gjatë gjithë pushimit, doktorët u morën me mua dhe Solskjaer më tha që do të luaja në pjesën e dytë. Për një moment harrova dhimbjen, por nuk isha i gatshëm të jepja maksimumin. Ky nuk është justifikim për ndeshjen time, por dua të them se ishte një goditje shumë e fortë”,- u shpreh Sançez.

“Di Maria është shumë kompetitiv. Ashtu si të gjithë lojtarët e tjerë që janë nga Amerika e Jugut. Tifozët e Junajtid u munduan ta ngacmonin që të ndikonin në paraqitjen e tij, por kjo gjë e bëri më të fortë. Në fillim, ishte disi jashtë skemave, gjë normale duke parë pritjen që i bënë, por më pas mori skuadrën para dhe bëri një ndeshje të shkëlqyer.

Nuk e di nëse unë kam ndikuar në paraqitjen e tij, pasi po humbiste disa topa të thjeshtë kur luante në krahun ku ishin pankinat, por loja dhe niveli i tij u rritën ndjeshëm me kalimin e minutave dhe vendosa të mos e zëvendësoj. Bëri një punë të jashtëzakonshme dhe jam shumë i lumtur për këtë”,- përfundoi Tuhel.

Në rast se 31-vjeçari nuk ia del të rikuperohet në kohë për takimin e ditës së martë ndaj Mançester Junajtid, trajneri i PSG-së Tomas Tuhel s’do të ketë zgjidhje tjetër përveç se t’ia besojë rolin e sulmuesit qendror talentit francez Kilian Mbape.

Në Mungesë të Nejmar dhe Kavani, treshja e sulmit të PSG-së do të plotësohet nga Angel Di Maria dhe gjermani Julian Drakler. Ndërkohë, te “djajtë e kuq” dëmtimet janë shumë të pakta, pasi të vetmit lojtar të padisponueshëm për Ole Gunar Solskjaer do të jenë mbrojtësit Darmian e Valencia.

Skuadra favorite për të nënshkruar një para-kontratë me Marsial ishte Juventusi, që kërkonte të sillte edhe francezin së bashku me mesfushorin Ramsej. Gjithsesi, largimi i Murinjos ka bërë që Marsial të mendohet sërish për rinovimin dhe pasi i janë plotësuar kushtet financiare, ka rinovuar.

23-vjeçari është një nga lojtarët më të mirë në Premier Ligë dhe mendohet se do të ketë një të ardhme të ndritur me “djajtë”, ndërkohë, Juventusi duhet të kënaqet vetëm me shërbimet e Aron Ramsej.