Man Siti. Manchester City

VIDEO | Aguero fiton një trofe dhe gjen nuse më “mblesëri”

Sport Ekspres — Mon, 05 Aug 2019 18:22:53 +0000

Mançester Siti fitoi një tjetër trofe ditën e djeshme, por duket se më i fituari ka dalë Kun Aguero. Pas ndeshjes lojtarët e Sitit po futeshin në dhomat e ndeshjes dhe reporterët e pranishëm ishin të shumtë.

Një prej tyre, në momentin kur po kalonte argjentinasi, ka dashur t’i tregojë diçka të rëndësishme. Reporterja i ka thënë sulmuesit se motra e saj e dashuron yllin e Sitit.

Aguero njihet për përgjigjet e tij me nuanca shakaje dhe e ka pranuar admirimin e motrës së reporteres, madje i ka kërkuar të dalin bashkë. Pas kësaj nuk janë ndalur të qeshurat.

Gazetarja: Aguero, motra ime të dashuron.

Aguero: Shkëlqyeshëm! Thuaji të dalim sonte.

“Aguero, my sister loves you”

“Great, tell her to come round tonight”

Probably can’t hear the last line but you’ll hear the two lads in front laughing ? pic.twitter.com/l5LJwsAKmD

— Sam Lee (@SamLee) August 4, 2019

Dëmtohet Sane, ndërlikohet transferimi në Bavari

Sport Ekspres — Mon, 05 Aug 2019 08:25:34 +0000

Mançester Siti arriti ta mundë përsëri Liverpulin dhe të fitojë “Community Shield”. Por triumfi u shoqërua me një dëmtim tepër delikat. Leroi Sane doli me kokën poshtë nga fusha. Gjermani pësoi një lëndim dhe u detyrua të kërkonte zëvendësim. Gabriel Hezus hyri në vend të tij që në minutën e 13-të.

Pas ndeshjes 23-vjeçari është parë të largohet nga stadiumi duke çaluar dhe i fashuar në këmbën e djathtë. Mbetet për t’u parë sa serioz është ky dëmtim. Pas kësaj ngrin edhe kalimi i tij te Bajerni. Gjermanët do detyrohen të presin ekzaminimet për të zbardhur sesa do të mungojë gjermani. Më pas pritet një vendim final rreth kësaj blerje.

Leroy Sane leaving Wembley with some strapping on his right leg. Will he be at City come the end of the month? pic.twitter.com/6x11S8ziyH

— Neil Jones (@neiljonesgoal) August 4, 2019

E kryer | Kanselo është i Sitit, Danilo vishet bardhezi

Sport Ekspres — Mon, 05 Aug 2019 08:10:07 +0000

Mediet italiane e bëjnë të kryer. Zhoao Kanselo do të jetë lojtari më i ri i Mançester Sitit. Portugezi është i parapëlqyeri i Guardiolës dhe më në fund spanjollit i plotësohet dëshira. Në këtë marrëveshje do të përfshihet edhe Danilo.
Mbrojtësi do të transferohet te Juventusi. Anglezët do të japin edhe 30 milionë euro në mënyrë direkte. Kësaj shifre do i shtohen edhe 5 milionë të tjerë në formë bonusesh. Akordi është arritur me të gjitha palët dhe të dy lojtarët janë dakort me kontratat e reja.

Nga ky operacion bëhen të gjithë të lumtur. Danilo ndryshon ambient dhe ka mundësinë e fillimit të ri. Kanselo do të ketë më shumë detyra sulmuese te Siti dhe do shkojë në një skuadër, që i përshtatet stilit të tij. Ndërkohë Siti largon një lojtar të padëshiruar dhe Juventusi arketon një dorë të mirë parash.

Historike! Pep Guardiola bëhet trajneri i parë që ndëshkohet në Community Shield

Sport Ekspres — Sun, 04 Aug 2019 15:59:46 +0000

Mançester Siti dhe Liverpul po diskutojnë titullin e “Community Shield”. Gjatë ndeshjes ka ndodhur një episod mjaft i veçantë për historinë e rregullave të reja të vendosura nga FIFA dhe UEFA.

Pep Guardiola pas kontestimeve të shumta ndaj vendimeve të gjyqtarit është ndëshkuar me karton të verdhë. Kjo është hera e parë që një arbitër i Premier Ligës merr një ndëshkim të tillë.

Dy qeveritë më të mëdha të futbollit kanë vendosur të fusin disa rregulla të reja në kuadrin e përmirësimit sa më të madh të disiplinës dhe garës sportive. Një prej tyre është edhe ndëshkimi me karton i trajnerit. Nëse plotësohen 3 të tillë, trajneri do duhet të shohë një ndeshje nga tribuna.

Guardiola the first coach to be booked.. Cheers Pep!!#MCFC #CommunityShield #LIVMCI pic.twitter.com/KWb1AWHll4

— Update (@alchoolic911) August 4, 2019

“Talenti më i madh që kam parë?” Guardiola habit me përgjigjen e tij

Sport Ekspres — Fri, 26 Jul 2019 18:12:01 +0000

Pep Guardiola është një nga trajnerët më të suksesshëm në botë. Strategu spanjoll ka punuar me skuadra të mëdha dhe me lojtarë të mëdhenj, por sot ka befasuar të gjithë kur i është përgjigjur pyetjes se kush është talenti më i madh me të cilin ka punuar ndonjëherë.

Pa u menduar gjatë, trajneri i Mançester Sitit tha: “Fil Foden. E kam thënë dhe herë të tjera dhe po e përsëris: Ai është lojtari më i talentuar që unë kam parë ndonjëherë. Ai ka vetëm një problem, e dini kush është? Që unë nuk e aktivizoj më shpesh (qesh). Do të jetë një lojtar i madh në të ardhmen, më besoni për këtë gjë”, përfundoi trajneri kampion i Premier Ligës.

Fil Foden

Goditje e zgjuar e Uotford, i “vjedh” një talent Man. Sitit

Sport Ekspres — Wed, 24 Jul 2019 19:00:34 +0000

Uatford ka rrëmbyer një talent mjaft të shquar nga skuadra e Mançester Sitit. Tom Dele-Bashiru ka firmosur deri në vitin 2025 me ekipin e Premier Ligës. 19-vjeçari është aktivizuar me ekipin U-23 të Siti, ku erdhi në vitin 2017.

Ai largohet nga “Etihad Stadium” pas përfundimit të kontratës me “Qytetarët”. Luan në qendër të mesfushës dhe është pjesë e ekipit U-20 të kombëtares së Nigerisë.

Uatford ka njoftuar se i riu do të bashkohet menjëherë më ekipin e parë dhe kjo duhet të ketë qenë arsyeja që e ka bindur afrikanin të lërë Sitin. Kjo do të jetë hera e parë që Bashiru luan në Premier Ligë. Më parë është aktivizuar vetëm në Premier Ligë 2.

LEICESTER, ENGLAND – DECEMBER 19: Tom Dele-Bashiru of Manchester City in action during the Carabao Cup Quarter-Final match between Leicester City and Manchester City at The King Power Stadium on December 19, 2017 in Leicester, England. (Photo by Victoria Haydn/Manchester City FC via Getty Images)

VIDEO | Siti i Guardiolës i pamërshishëm, shkatërron skuadrën aziatike

Sport Ekspres — Wed, 24 Jul 2019 16:15:54 +0000

Mançester Siti nuk e mendon aspak se cilën skuadër ka përpara, por thjesht jep maksimumin në çdo ndeshje. Ulvs arriti ti mundë djemtë e Guardiolës javën e kaluar dhe si duket gjithë inatin e asaj disfate e ka shfryrë ndaj ekipit të Kitchee SC.

Kampionët e Anglisë kanë arritur të fitojnë me rezultatin 6-1, duke i nadrë golat nga tre për çdo pjesë. Guardiola nuk i kishte kursyer aspak yjet që në fillim të ndeshjes, me David Silva, Sane e Stërling që e dërguan topin në rrjetë në pjesën e parë.

Në të dytë Sane plotësoi dopietën e më pas Nabil Touaizi dhe Iker Pozo e çuan në gjashtë numrin e golave të shënuar. Chun Law shënoi golin e flamurin për Kitchee në të 85-tën, kur rezultati ishte 0-5.

Miqësore

Kitchee SC-Mançester Siti 1-6

David Silva ’14, Leroi Sane ’40, ’55, Rahem Stërling ’43, Nabil Touaizi ’80, Iker Pozo ’88\Tsz-Chun Law ‘85

Jo vetëm portier i zoti, Ederson dopietë në miqësore

Sport Ekspres — Tue, 23 Jul 2019 21:00:47 +0000

Në fillimet e Tiki-Takas, Pep Guardiola i pati thënë Viktor Valdesit se aksionindo e niste ai. Mbrojtësit e qendrës do hapeshin në krah dhe portieri do të kishte dy pika pasimi për të nisur sulmin. Kjo ide e spanjollit te Barcelona, do të shënonte fillimin e një epoke të re për potierët.

Tashmë ata nuk duhet të mjaftohen me pritjet. Pasimet dhe saktësia me këmbë është po aq e rëndësishme. Manuel Nojer, Ter Shtegen dhe Ederson janë tre përfaqvsuesit më të mirë të momentit, që i bëjnë mirë të dyja. Do ndalemi pak te Ederson.
Portieri brazilian po shijon pushimet dhe së fundmi ka organizuar një ndeshje bamirësie në vendlindjen e tij. Ndryshe nga ç’e shohim gjithmonë, këtë herë ai nuk ishte mes katërkëndëshit. 25-vjeçari luajti si sulmues.

Ashtu siç e ka treguar te klubi i tij, Ederson tregoi një nivel mjaft të mirë me topin në këmbë. Madje rezultoi më i suksesshëm se mendohej, duke shënuar dy gola në fitoren 5-4 të ekipit të tij.

“Kur isha fëmijë luaja si qendërmbrojtës. Kisha problem me shpejtësinë dhe i kërkova trajnerit të ndërroj pozicion. Rashë në dashuri me portën dhe nuk iu ndava”, deklaroi Ederson për mediet braziliane.

Ederson and Jesus played in a little friendly, where Ederson played in midfield throughout the game

This was one of his goals pic.twitter.com/UwA17I9ivi

— 9, (@Gabiszn__) July 22, 2019

Guardiola nuk i ndan sytë nga Barcelona, këtë herë tenton një supertalent

Sport Ekspres — Sun, 21 Jul 2019 15:41:20 +0000

Mançester Sitit së shpejti do i duhet të privohet nga shërbimet e Leroi Sane. Gjermani nuk ka në plan të rinovojë kontratën dhe do të largohet, me Bajernin gati t’i “shtrojë” tapetin e kuq.

Me ikjen e sulmuesit, Siti humbet jo pak fuqi në sulm. Gjithë këtë forcë, sipas “Don Balon”, Guardiola dëshiron ta rifitojë me blerjen e një prej talenteve më të mëdha në “Camp Nou”, Usman Dembele.
Barcelona është në dyshim për ta mbajtur francezin. 22-vjecari pas dy vitesh në “Camp Nou” akoma nuk ka shpërthyer për të justifikuar ato 115 milionë euro të derdhura për të. Barcelona është në një situatë të vështirë financiare.

Nëse nuk shet do të ketë probleme me rregullat e ndershmërisë financiare. Nëse vjen Nejmar, katalanasve do u duhet të rikuperjnë të paktën 200 milionë euro humbje. Kjo është e vetmja arsye që Dembele mund të zbarkojë në “Etihad Stadium”.

U mposht nga Ulvs, Guardiola nuk bezdiset dhe thur elozhe

Sport Ekspres — Sat, 20 Jul 2019 17:24:46 +0000

Mançester Siti humbi mundësinë për të shtuar edhe një trofe në palmaresin e tyre, mjaft të pasuruar vitet e fundit. Skuadra e Guardiolës u mund 3-2 me penallti nga Ulvs në finalen e turneut miqësor, “Premier League Asia Trophy”. E gjithë koha e rregullt përfundoi 0-0, me Stërling që humbi një penallti në minutën e 21-të.
Pas ndeshjes Guardiola nuk duhet aspak i shqetësuar. Ai zgjedh të përqëndrohet te një prej lojtarëve më të mirë të skuadrës, Kevin De Brujn. Mesfushori ka vuajtur shumë nga dëmtimet e njëpasnjëshme sezonin e kaluar, por këtë vit duket se është kthyer më i fortë se kurrë. Aq mirë sa fitoi elozhet e Guardiolës pas ndeshjes.

“Kevin ishte super. Sezonin e kaluar nuk e patëm për shumë kohë. Ne bëmë mirë edhe pa të, por jemi akoma më të fortë me të. Vitin e kaluar ai nuk pati pushime. Kam bindjen se do arrijë nivelin e tij më të lartë. Ai mendon shumë pozitivisht. Bëri një pjesë të parë të pabesueshme, shumë të mirë. Kevin është një djalë që pëlqen të luajë futboll, një konkurrues i madh. Të rritej fizikisht dhe të mos dëmtohej, kjo ishte gjëja më e rëndësishme për të sonte”, u shpreh tekniku spanjoll.

Dueli Liverpul-Siti vazhdon në merkato, këtë herë për një ballkanas

Sport Ekspres — Fri, 19 Jul 2019 19:35:19 +0000

Liverpul, Mançester Siti dhe Bazel janë në garë për të nënshkruar me një nga portierët më të taletuar të momentit. Berke Ëzer është djaloshi që kërkohet me ngulm nga këto tre klube. 19-vjeçari aktivizohet me Fenerbahçen në kampionatin turk.
Ai ka deutiar që në moshën 17-vjeçare me kombëtaren dhe është një nga më të mirët e vendit të tij. Me klubin turk është aktivizuar vetëm në ndeshjet e kupës që kur erdhi verën e kaluar për 2.5 milionë euro.

Siti, Liverpul dhe Bazel janë gati t’i ofrojnë një vend si portier i dytë. Në Liverpul, Minjolet ka kërkuar largimin. E ngatërruar duket situata te ekipi i Guardiolës, që duket se ka ndërmend t’i vërë talentet e portës rresht.

Muriç ka vite që luan në Mançester dhe premton shumë. Zak Stefen është blerë pak kohë më parë dhe ashtu si Muriç është në huazim. Gjithashtu Daniel Grimshau është pjesë e “Qytetarëve”. Edhe Ëzer nëse vjen me shumë mundësi do të huazohet. Bazeli duketi si klubi që mund t’i dhurojë më shumë minuta.

Të çmendur pas “FaceApp”, te Man. Siti janë tjetër nivel

Sport Ekspres — Thu, 18 Jul 2019 19:39:37 +0000

“FaceApp” është aplikacioni, që po çmend gjithë planetin. Ai nëpërmjet zgjuarsisë teknologjike arrin të krijojë një ide sesi do të dukesh pas shumë vitesh, në kohën e plakjes. Të gjitha rrjetet sociale janë pushtuar nga foto të tilla, duke përfshirë edhe klube prestigjoze të futbollit, që nuk i kanë rezistuar trendit.

Këtë herë ka qenë Skuadra e Mançester Sitit që ka bërë një shaka me yjet e saj. Në faqet zyrtare të skuadrës në rrjetet sociale janë postuar foto të lojtarëve kryesorë të ekipit nën e esfektin e aplikacionit “FaceApp”. Imazhe që janë të gjitha për t’u shijuar.

Kapiteni i ri i Sitit, ja zgjidhja e Guardiolës

Sport Ekspres — Wed, 17 Jul 2019 20:56:54 +0000

Pas ikjes së Vinsent Kompani ka mbetur pa pronar shiriti i kapitenit të kampionëve të Anglisë. Ka shumë raste që e vendos klubi se kush do të mbajë këtë rol në fushë, por te Siti nuk vlen aspak kjo mënyrë e të zgjedhurit.
Pep Guardiola do e lërë në dorë të lojtarëve për të vendosur kapitenin e ri të “Qytetarëve”. “Kapitenin do e zgjedhim të gjithë së bashku. Kur të kthehen të gjithë do mblidhemi dhe do vendosim se kush do e mbajë shiritin”, u shpreh trajneri.

Pas largimit të Kompani, ka qenë David Silva që e ka mbajtur shiritin e kapitenit. Megjithatë, nuk do të jetë ai kandidati i vetëm. Edhe De Bryjne është dakort ta marrë shiritn nëse e zgjedhin shokët e ekipit.

“Nuk janë shifra normale, i ka të gjitha”, një portugez mahnit Murinjon!

Sport Ekspres — Sun, 02 Jun 2019 08:49:38 +0000

Bruno Fernandez ka mrekulluar gjithë Europën me paraqitjet e tij këtë sezon. 24-vjeçari, edhe pse një mesfushor, ka arritur ta dërgojë plot 20 herë topin në rrjetë me Sportingun e Lisbonës. Kjo formë e jashtëzakonshme e tij ka bërë që tre klube të mëdha angleze të përplasin brirët për të.

Mançester Siti, Liverpul dhe Junajtid janë gati të boshatisin kasafortën për të bërë të tyrin portugezin. Edhe Zhoze Murinjo është i befasuar nga aftësitë dhe forma e bashkëkombasit të tij. “Special One” shprehet se mesfushori ka aftësi të një lojtari të madh.

“Jam i habitur nga sezoni i Bruno Fernandez. Mund të parashikohej cilësia e tij sepse ai është një lojtar shumë i mirë, por shënoi një numër të madh golash. Aq rrjeta për një mesfushor nuk janë shifra normale. Që ta bësh këtë duhet të kesh instikt dhe shumë cilësi. Ai i ka të gjitha. Godet mirë, ecën mirë me topin dhe ka saktësi në finalizim. E gjen gjithmonë një hapësirë kur është ballë për ballë me portierin”, u shpreh Murinjo.

Mendi e mbush kupën, gjykata angleze i shton një tjetër hall

Sport Ekspres — Sat, 22 Sep 2018 07:22:26 +0000

Mbrojtësi i majtë i Mançester Sitit, Benzhamin Mendi, nuk po kalon një javë të qetë. Francezi është dëmtuar sërish dhe pritet të qëndrojë të paktën dy muaj jashtë jashtë fushave. Por, një tjetër problem i ka ardhur nga gjykata e rrethit të Mançesterit.

Ditën e djeshje, gjykata vendosi pezullimin e patentës së futbollistit për një periudhë 1-vjeçare, pasi automjeti në pronësi të Mendit është kapur nga kamerat duke kaluar kufirin e shpejtësisë në katër raste të ndryshme, të gjitha këto brenda një muaji.

Mendit nuk i mbetet gjë tjetër përveç se të punësojë një shofer dhe të jetë i durueshëm derisa t’i kthehet përsëri patenta.